ပဲခူးတိုင်းအတွင်း ယခုနှစ်ဖေဖော်ဝါရီလမှ အောက်တိုဘာလအထိ ကိုးလအတွင်း ကလေးသူငယ်မှုခင်းစုစုပေါင်း ၅၀ကျော်ဖြစ်ပွားခဲ့ကြောင်း ပဲခူးတိုင်းအစိုးရအဖွဲ့ထံမှ သိရသည်။

ရခိုင်လက်နက်ကိုင် AA အဖွဲ့၏ ဖမ်းဆီးခြင်းခံရသည့် နိုင်ငံ့ဝန်ထမ်းများ အမြန်ဆုံးလွတ်မြောက်ရေးအတွက် နိုင်ငံတော်သမ္မတနှင့် တာဝန်ရှိသူများကကူညီဆောင်ရွက်ပေးရန် တောင်းဆိုကြောင်း ဖမ်းဆီးခံများ၏ မိသားစုဝင်များက ပြောကြားသည်။

နယ်သာလန်နိုင်ငံသည် ဟိဂ်မြို့ ICJ တွင် ဘင်္ဂါလီအရေး တရားစွဲခံထားရမှုကို ဦးဆောင်သွားရောက်ဖြေရှင်းမည့် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ကြိုဆိုကြောင်း ၈၈ အရေး တော်ပုံ ကျောင်းသားခေါင်းဆောင်လည်းဖြစ်၊ ပြည်သူ့ပါတီဥက္ကဋ္ဌလည်းဖြစ်သူ ဦးကိုကိုကြီးက ပြောကြားသည်။

အစိုးရအဖွဲ့က ခေါ်ယူသော တင်ဒါလုပ်ငန်းများမှာ ပွင့်လင်းမြင်သာမှုမရှိ ခြင်း၊ တာဝန်ယူမှု တာဝန်ခံမှု မရှိခြင်းတို့ကြောင့် အစိုးရအနေနှင့် တင်ဒါများအား ပွင့်လင်းမြင်သာစွာဖြင့် ထုတ်ပြန်ပေးရန်အဆိုကို နိုဝင်ဘာလ ၂၅ ရက်က ကျင်းပသည့် ပြည်သူ့လွှတ်တော်တွင် နမ္မတူ မဲဆန္ဒနယ်မှ ဒေါ်နန်းခမ်းအေးက တင်သွင်းလိုက်သည်။

မြန်မာနိုင်ငံတွင် ဆေးခြောက်ကို တရားဝင်အသုံးပြုခွင့်ရရှိသည့်အထိ ဆက်လက်လုပ်ဆောင်သွားမည်ဖြစ်ကြောင်း ဆေးခြောက်အသုံးပြုခွင့်ရရေးလှုပ်ရှားမှုဖြင့် တရားစွဲဆိုခံရသူ ကိုစိန်လှမောင်က ပြောဆိုလိုက်သည်။

မန္တလေးတိုင်းဒေသကြီး၊ မိတ္ထီလာမြို့၊ ကျွဲတလင်းအုပ်စု၊ ကန်စွယ်ရွာတွင် အမျိုးသားတစ်ဦးသည် နိုဝင်ဘာလ ၂၄ ရက် ညနေပိုင်းက မိမိလည်ပင်းကို မိမိဘာသာ ဓားဖြင့်လှီးသဖြင့် ဆေးရုံသို့ပို့ဆောင်လာစဉ် သေဆုံးသွားကြောင်း မိတ္ထီလာအထွေထွေရောဂါကုဆေးရုံကြီး ပြင်ပလူနာဌာနထံမှ စုံစမ်းသိရှိရသည်။

အဂတိတိုက်ဖျက်ရေးနှင့်ပတ်သက်ပြီး ဖြောင့်မတ်တည်ကြည်မှုမြှင့်တင်ရေး ပညာပေးအစီအစဉ်များကို ကျောင်းသုံးဖတ်စာအုပ်များ၌ အချိန်မီထည့်သွင်းဖော်ပြနိုင်ရန် စီစဉ်ဆောင်ရွက်နေကြောင်း ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက ပြောကြားသည်။

ဖောင်းပြင်မြို့နယ်၊ ကုန်းကြီးရွာနေ အသက် ၆နှစ်အရွယ် မိန်းကလေးငယ်တစ်ဦးကို ပျောက်ဆုံးအပြီး ၇ ရက်အကြာတွင် သေဆုံးလျက်ပြန်တွေ့ခဲ့ကြောင်း ကုန်းကြီးရွာမီးသတ်တပ်ဖွဲ့ခေါင်းဆောင် ဦးစန်းဝင်းက ပြောကြားသည်။

ဘန်ကောက်မြို့ရှိ အထည်ချုပ်စက်ရုံတစ်ခုတွင် အလုပ်ရမည်ဆိုကာ ကျပ်ခြောက်သိန်းခွဲ လိမ်လည်ရယူသည်ဆိုကာ ပဲခူးတိုင်း၊ တောင်ငူမြို့နယ်နေသူနှစ်ဦးကို အမှုဖွင့်ထားကြောင်း တောင်ငူမြို့နယ်၊ အမှတ် ၃ နယ်မြေရဲစခန်းထံမှ သိရသည်။

ကသာခရိုင် ဗန်းမောက်မြို့နယ် အတွင်းမှ ကျေးရွာအုပ်ချုပ်ရေးမှူး ၇ ဦးကို သစ်မှောင်ခိုသမားများထံမှ ငွေကောက်ယူ သည်ဆိုကာ စုံစမ်းစစ်ဆေးပြီးနောက် တာဝန်မှရပ်ဆိုင်းကြောင်း ကသာခရိုင် အထွေထွေအုပ်ချုပ်ရေးဦးစီးဌာနရုံးထံမှ သိရသည်။

ယမန်နေ့က ပြုလုပ်သော ဟောင်ကောင် ခရိုင်ကောင်စီရွေးကောက်ပွဲများသို့ ဒေသခံပြည်သူ စံချိန်တင် ထွက်မဲပေးခဲ့ပြီး ဒီမိုကရေစီရေးလိုလားသူ ကိုယ်စားလှယ်လောင်းများက အပြတ်အသက် အနိုင်ရရှိသွားကြောင်း သတင်းများက ဆိုသည်။

ကုမ္ပဏီအမည်ပေါက် လုပ်ငန်းသုံးယာဉ်များ နှစ်လဲသက်တမ်းတိုး ပြုလုပ်ရာတွင် ကုမ္ပဏီတာဝန်ခံနှင့် စာရွက်စာတမ်း အပြည့်အစုံတင်ပြနိုင်ပါက အမည်ပေါက်ပြောင်းရန် မလိုဘဲ ဆောင်ရွက်ပေးမည်ဖြစ်ကြောင်း ကုန်းလမ်းပို့ဆောင်ရေး ညွန်ကြားမှုဦးစီးဌာနထံမှ သိရသည်။

တောင်ကိုရီးယားသမ္မတ မစ္စတာမွန်ဂျေအင်း၏ ဖိတ်ကြားချက်အရ အာဆီယံ-ကိုရီးယားဆွေးနွေးဖက် နှစ် ၃၀ ပြည့်ထိပ်သီးအစည်းအဝေးနှင့် ပထမအကြိမ် မဲခေါင် -ကိုရီးယားထိပ်သီးအစည်းအဝေး တက်ရောက်ရန်အတွက် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ယနေ့နံနက် ၁၀ နာရီ ကျော်က နေပြည်တော်မှ ထွက်ခွာခဲ့ရာ ဘူဆန်မြို့သို့ ဒေသစံတော်ချိန် ညနေ ၅ နာရီ ၂၅ မိနစ်တွင် ရောက်ရှိကြသည်။

ရန်ကုန်တိုင်းဒေသကြီးအတွင်းရှိ မြို့နယ်ပေါင်းစုံမှ ကွန်ဒိုများ၊ တိုက်ခန်းများကို အရစ်ကျစနစ်ဖြင့် ဘဏ်များနှင့် ချိတ်ဆက်ဝယ်ယူနိုင်မည့် ဆဌမအကြိမ်မြောက် အိမ်ရာအရောင်းပြပွဲကြီးကို နိုဝင်ဘာ ၂၄ ရက်မှ ၂၅ ရက်ထိ နှစ်ရက်တာ ပြသရောင်းချသွားမည်ဖြစ်ကြောင်း Myanmar Development Association(MDA) မှ သိရသည်။

မင်္ဂလာတောင်ညွန့်မြို့နယ်၊ သိမ်ဖြူခုံးကျော်တံတားအောက် ရထားသံလမ်းဘေးတွင် ရှစ်နှစ်အရွယ် မိန်းကလေးကို သတ်၍ ဆာလာအိတ်ထဲထည့်ကာ အလောင်းစွန့်ပစ်ထားမှုနှင့်ပတ်သက်ပြီး ပြစ်မှုကျူးလွန်သည့် အမျိုးသားနှစ်ဦးကို ဖမ်းဆီးရမိခဲ့ကြောင်း ရဲတပ်ဖွဲ့ထံမှ သိရသည်။