တောင်ငူ၊ စက်တင်ဘာ ၁၇

ပဲခူးတိုင်းဒေသကြီး တောင်ငူမြို့နယ်တွင် အမျိုးသားတစ်ဦး ပန်ကာဖွင့်ပြီး ပက်လက်ကုလားထိုင် ပေါ်အိပ်ပျော်နေစဉ် ရုတ်တရက်သေဆုံးခဲ့ကြောင်း တောင်ငူမြို့နယ်အမှတ် ၂ နယ်‌မြေရဲစခန်းမှ သိရသည်။

“အသက်ကြီးတာလည်း ပါမယ်ထင်တယ်။ အတိကျကတော့ ဆေးစစ်ချက်ထွက်မှပဲ ပြောလို့ရမယ်”ဟု တောင်ငူအမှတ် ၂ နယ်မြေရဲစခန်းမှ ရဲအရာရှိတစ်ဦးက ပြောကြားသည်။

တောင်ငူမြို့နယ် အမှတ် ၅ ရပ်ကွက် ဗိုလ်မှူးဖိုးကွန်းလမ်းနေအိမ်တစ်အိမ်တွင် အသက် ၆၅ နှစ်အရွယ်ဦးသိန်းတန်ဆိုသူသည် ပန်ကာဖွင့်ပြီး ပက်လက်ကုလားထိုင်ပေါ်‌ အိပ်ပျော်နေစဉ် ရုတ်တရက်သေဆုံးခဲ့ခြင်းဖြစ်သည်။

အမှုနှင့်ပတ်သက်ပြီး တောင်ငူမြို့နယ် အမှတ် ၂ နယ်မြေရဲစခန်းမှ သေမှုသေခင်းအမှတ်စဉ် ၁၃/၂၀၁၉ ဖြင့် အမှုဖွင့်လှစ်စစ်ဆေး ဆောင်ရွက်လျက်ရှိသည်။