News

POST TYPE

LATEST NEWS POST

TNLA က ၂လ နီးပါးဖမ်းထားသည့် နန်းမိုဟွမ်အိမ်ပြန်ရောက်ပြီ
18-Oct-2018


ရန်ကုန်၊ အောက်တိုဘာ ၁၈

တအာင်း (ပလောင်) လက်နက်ကိုင်အဖွဲ့ TNLA က နှစ်လနီးပါးကြာ ဖမ်းဆီးထားသည့် နန်းမိုဟွမ်သည် ရှမ်းပြည်နယ်မြောက်ပိုင်း နမ့်ခမ်းမြို့ ရှိ သူ၏နေအိမ်သို့ ယနေ့တွင် ပြန်ရောက်ခဲ့သည်။

အသက် ၃၇ နှစ်အရွယ် ကလေးသုံးယောက်မိခင် နန်းမိုဟွမ်သည် TNLA က“အခွန်” ဟု သတ်မှတ်သည့် ဆက်ကြေးကောက်ခံမှုကို အစိုးရထံတိုင်ကြားခဲ့ကြောင်း စွပ်စွဲပြီး ဩဂုတ်လ ၁၇ ရက်တွင် နေအိမ်အတွင်း ဝင်ရောက်ဖမ်းဆီးခံခဲ့ရခြင်းဖြစ်သည်။

TNLA က သူ့အား နေရာမသိရသည့် စခန်းတစ်ခုတွင် နှစ်လနီးပါးကြား ဖမ်းဆီးခံခဲ့ပြီး TNLA ၏ ရာဇသတ်ကြီး ဥပဒေပုဒ်မ ၃၃၃ အရဟုဆိုကာ ထောင်သုံးနှစ်ချခဲ့ပြီး နောက်ပိုင်းတွင် ပြန်လွှတ်ပေးရန်ဆုံးဖြစ်ခဲ့သည်။

နန်းမိုဟွမ်လွတ်မြောက်မှုကို သူ၏အမက အတည်ပြုပြီး ပြန်လည်လွတ်မြောက်ရေး ကူညီသူအားလုံးကို ကျေးဇူးတင်စကား ပြောခဲ့သည်။

“လွတ်မြောက်ပေးဖို့ ကြိုးစားပေးခဲ့သူတွေအားလုံးကို အထူးကျေးဇူးတင်တယ်လို့ ပြောပေးပါ။ ကျွန်မပျော်တာထက် ခုသူ့သားသမီးတွေ ပိုပျော်နေတယ်”ဟု နန်းမိုခမ်းကပြောသည်။

ထိုက်နန္ဒာဝင်း/Myanmar Now