News

POST TYPE

LATEST NEWS POST

ပြည်ဆေးရုံတွင် သွေးလွန်တုပ်ကွေးကြောင့် လေးဦး​သေဆုံး၊ ဆေးရုံတက်​ကုသသူ ၆၀၀ ​ကျော်​ရှိ
02-Sep-2018

ပြည်​၊ စက်​တင်​ဘာ ၁

ပဲခူးတိုင်း အ​နောက်​ပိုင်း ပြည်​​ဆေးရုံကြီးသို့​ သွေးလွန်​တုပ်​​ကွေးရောဂါဖြစ်​ပွား၍ ​ဆေးရုံတက်​ကုသရသူဦးရေ ၆၀၀ ​ကျော်​ရှိလာပြီး​ လေးဦး​​သေဆုံး​ကြောင်း ပြည်​​ဆေးရုံအုပ်​ကြီး​ ဒေါက်​တာ​ဒေါ်ခင်​​မေသွင်​က​ ပြောကြားသည်​။

ပြည်မြို့သည် တိုင်းဒေသကြီးသုံးခုနှင့် ပြည်နယ်တစ်ခုတို့၏ လမ်းဆုံနေရာ တွင်တည်ရှိပြီး ပြည်မြို့ အထွေထွေရောဂါ ကုဆေးရုံကြီးသို့ ပြည်ခရိုင်အတွင်းမှ လူနာများအပြင် သာယာဝတီခရိုင်၊ မကွေးတိုင်း၊ ဧရာဝတီတိုင်းအထက်ပိုင်းနှင့် ရခိုင်ပြည်နယ်တို့မှ လူနာများတက်ရောက် ကုသမှုရှိသောကြောင့် တက်ရောက်သူ လူနာများပြားခြင်းဖြစ်ကြောင်း​ အဆိုပါ​ဆေးရုံအုပ်​ကြီးထံမှ စုံစမ်းသိရှိရသည်​။

“သွေးလွန်တုပ်ကွေးကတော့ တစ်နှစ်ထက်တစ်နှစ်ကတော့ များလာတယ်။ အရင်ကဆိုရင်တော့ သွေးလွန်တုပ်ကွေး လူနာတက်ရောက်မှုမရှိတဲ့ လတွေရှိတယ်ပေါ့နော်။ အခုဆိုရင်တော့ သွေးလွန်တုပ်ကွေးလူနာ လတိုင်းနီးပါးရှိပါတယ်။ တစ်နှစ်ပတ်လုံးပေါ့”ဟု ပြည်မြို့အထွေထွေရောဂါကုဆေးရုံ ဆေးရုံအုပ်ကြီး ဒေါ်ခင်မေသွင်က ပြောဆိုသည်။

သွေးလွန်တုပ်ကွေးဖြစ်ပွာမှုနှုန်း မြင့်တက်လာနေပြီး ရာသီနှင့်ဖြစ်ပွားခြင်း မဟုတ်တော့ဘဲ တစ်နှစ်ပတ်လုံး သွေးလွန်တုပ်ကွေး ဖြစ်ပွားလာနေခြင်းကြောင့် သတိထားရတော့မည့် အခြေအနေဖြစ်နေ​ကြောင်း ၎င်းက ဆက်​​လက်ပြောကြားသည်​။

ပြီးခဲ့သည့် ၂၀၁၇ အတွင်း သွေးလွန်တုပ်ကွေးဖြစ်ပွားသူ ၆၆၉ ဦးရှိပြီး၊ ၅ ဦး သေဆုံးခဲ့ပြီး ယခုနှစ်တွင် ဩဂုတ်လအထိ သွေးလွန်တုပ်ကွေးဖြစ်ပွားသူ ၆၂၆ ဦးရှိပြီး သေဆုံးသူ လေးဦးအထိရှိနေပြီဖြစ်​​ကြောင်း အဆိုပါ​ဆေးရုံမှ သိရသည်။ 

သွေးလွန်တုပ်ကွေးရောဂါ ဖြစ်ပွားမှုနှုန်းများလာခြင်းမှာ သဘာဝပတ်ဝန်းကျင် ပျက်စီးကာ သစ်ပင်များနည်းပါးလာခြင်း၊ မြို့တွင် ကူးသန်းသွားလာမှုများပြားလာခြင်းကြောင့် ကူးစက်ရောဂါထိန်းချုပ်မှု အားနည်းလာခြင်းတို့မှာလည်း အဓိကအကြောင်းအရင်း တစ်ရပ်အနေနှင့် ပါဝင်လာကြောင်း ကျန်းမာရေးဝန်ထမ်းများက သုံးသပ်ပြောဆိုသည်။ 

မြန်မာနိုင်ငံတွင် သွေးလွန်တုပ်ကွေးမှာ ၁၉၆၅ ခုနှစ် ရန်ကုန်မြို့တွင် စတင်ဖြစ်ပွားခဲ့ခြင်းဖြစ်ပြီး ၁၉၇၀ ခုနှစ်အရောက်တွင် ရန်ကုန်မြို့၌ ကပ်ရောဂါအသွင် ဖြစ်ပွားခဲ့ပြီး အဆိုပါစတင်ဖြစ်ချိန်မှဖြစ်၍ ယခုချိန်အထိ နှစ်ပေါင်း ၄၀ ကျော်ကာလအတွင်း ရောဂါဖြစ်ပွားမှုနှုန်းမှာ ပိုမိုများပြားလာခဲ့ကြောင်း ကျန်းမာရေးဦးစီးဌာနထံမှ သိရသည်။

M-06