News

POST TYPE

ENTERTAINMENT

အလင်းရောင်နဲ့ တွေ့ဆုံခြင်း
19-Mar-2018 tagged as အနုပညာ

“အနုပညာလမ်းကြောင်းအပေါ်မှာ နည်းနည်းလေး နေရာရလာလေ ပိုပြီးတော့ အတိုက်အခိုက်၊ အပြောအဆို၊ ဝေဖန်တာတွေ အရမ်းများလာတယ်လို့တော့ ခံစားရတယ်”

ကိုသီဟလွင်နဲ့ တေးသံရှင် စန္ဒီမြင့်လွင်တို့ရဲ့ မင်္ဂလာညစာစားပွဲမှာ သတို့သားအရံလုပ်ခဲ့တဲ့ သရုပ်ဆောင် အလင်းရောင်နဲ့ တွေ့ဆုံပြီး လတ်တလော အချစ်ရေးအကြောင်း၊ နေရာရလာတာနဲ့အမျှ အတိုက်အခိုက်တွေ များလာတဲ့အကြောင်းနဲ့အတူ စပ်မိစပ်ရာအကြောင်း တစေ့တစောင်းကို The Voice က မေးမြန်းဖော်ပြလိုက်ပါတယ်။ 

Voice : စန္ဒီမြင့်လွင်ရဲ့ မင်္ဂလာညစာစားပွဲမှာ သတို့သားအရံလုပ်တာတွေ့ရတော့ ကိုယ့်အလှည့်က နီးနေပြီလား၊ အချစ်ရေးကတော့ ငြိမ်သက်နေတယ်နော်။ 
ALY : ကျွန်တော့်အလှည့်ကတော့ အဝေးကြီးလိုပါသေးတယ်။ ဘာဖြစ်လို့လဲဆိုတော့ ကျွန်တော်က လက်ရှိအချိန်မှာမှ အနုပညာလမ်းကြောင်းပေါ်ကိုရောက်ဖို့ ကြိုးစားနေတဲ့လူတစ်ယောက်လေ။ နောက်တစ်ခုက ကျွန်တော့်ရဲ့ အချစ်ရေးကို နောက်ပိုင်းမှာ ပရိသတ်တွေ မကြားရတာက မရှိလို့ပေါ့နော်၊ ပရိသတ်ကို တမင်တကာ မချပြတာလည်း မဟုတ်ပါဘူး။ ကျွန်တော်က ရည်းစားမထားချင်သေးဘူး၊ အဓိက သူရဲ့ နောက်ဆက်တွဲဖြစ်လာမယ့်အရာတွေက အများကြီးပါပဲ။ ကိုယ်က အလုပ်အပေါ်မှာ အာရုံမစိုက်နိုင်မှာကတစ်ကြောင်း၊ ကျွန်တော်ကိုယ်တိုင်က အနုပညာလမ်းကြောင်းအပေါ်မှာ အရှိန်ပြင်းပြင်းနဲ့ ပြန်ပြေးနိုင်အောင် ကြိုးစားနေတဲ့အချိန်ဖြစ်တဲ့အတွက် အချစ်ရေးကို ခေါင်းထဲမထည့်သေးတာပါ။ 

Voice : လူမှန်လို့ရှိရင် ချစ်ဖူးမှ၊ အသည်းကွဲဖူးမှ လူပီသတယ်လို့ ပြောကြတယ်၊ ကိုယ်က လူပီသတဲ့လူတွေထဲပါလား။
ALY : ကျွန်တော်က ချစ်ဖူးပါတယ်၊ အသည်းလည်းကွဲဖူးတယ်၊ လူပီသတယ်ပေါ့နော်။ နောက်တစ်ခုက Relationship တစ်ခု တည်ဆောက်ဖို့ကျတော့ ကျွန်တော့်အမြင်ပြောရရင် တစ်ယောက်နဲ့ တစ်ယောက် နားလည်မှုရှိဖို့ အများကြီးလိုတယ်။ အဲ့ဒီနားလည်မှုရှိဖို့ကလည်း အချိန်အများကြီးပြန်ပေးဖို့လိုတယ်။ ကျွန်တော်ကတော့ Relationship တစ်ခုကို ပြန်တည်ဆောက်ချင်တယ်ဆိုရင် အချိန်တွေပေးရမှာကို ကျွန်တော်က အရမ်းနှမြောပြီး ကြောက်လာတာပါ။ အဲ့ဒါကြောင့် မတည်ဆောက်ဖြစ်တာပေါ့နော်။ 

Voice : တစ်ခါတလေကျရင် ကိုယ်တစ်ယောက်တည်း နေနေရတဲ့ဘဝက အထီးကျန်ဆန်တယ်လို့ မခံစားမိဘူးလား။ 
ALY : ကျွန်တော့်မှာ အထီးကျန်တာမျိုးတော့မရှိဘူး။ အရင်တုန်းကလည်း အသည်းကွဲဖူးပါတယ်။ အသည်းကွဲတဲ့အချိန်တိုင်းမှာ သူငယ်ချင်းတွေက ဘေးမှာရှိနေပေးတော့ သူငယ်ချင်းတွေနဲ့နေတယ်၊ သူတို့ကို ရင်ဖွင့်ဖြစ်တယ်။ ကျွန်တော့်ဘေးမှာ လက်ရှိ ရှိနေတဲ့သူငယ်ချင်းတွေက မိတ်ဆွေအစစ်တွေလို့ယုံကြည်ပါတယ်။ လူတစ်ယောက်က အောင်မြင်လာတာနဲ့အမျှ တခြားနောက်ပိုင်းပေါင်းတဲ့သူငယ်ချင်းတွေက စစ်တာ၊ မစစ်တာတွေကတော့ ရှိမှာပေါ့နော်။ ဒါပေမဲ့ လက်ရှိအချိန်မှာ အချစ်က ကျွန်တော့်အတွက် မလိုသေးဘူးပြောရမှာပေါ့နော်။ 

Voice : တစ်လောကလည်း နေရာလေးတစ်ခုရလာတာနဲ့ အတိုက်အခိုက်တွေ များလာတဲ့အကြောင်းကို င်္ခေနဘသသု မှာရေးထားတာ ဖတ်လိုက်ရသေးတယ်။ 
ALY : ကျွန်တော်က ကိုယ့်ကိုယ်ကိုယ် အောင်မြင်နေတယ်လို့ပြောတာမဟုတ်ပါဘူး။ အနုပညာလမ်းကြောင်း အပေါ်မှာ နည်းနည်းလေး နေရာရလာလေ ပိုပြီးတော့ အတိုက်အခိုက်၊ အပြောအဆို၊ ဝေဖန်တာတွေ အရမ်းများလာတယ်လို့တော့ ခံစားရတယ်။ အရင်တုန်းကစိတ်နဲ့ဆိုရင်တော့ ကိုယ့်ကို ဝေဖန်တယ်၊ တိုက်ခိုက်တယ်ဆို အရမ်းဆိုက်ကိုဖြစ်တယ်။ ကျွန်တော်က ဆိုက်ကိုသမား၊ အရမ်းတွေးတောတတ်တယ်။ ဥပမာ- သူတို့ ရေးလိုက်တဲ့စာ တစ်ကြောင်းထက် ကျွန်တော်က ပိုတွေးပြီး ခံစားတတ်တယ်။ ဒါပေမဲ့ နောက်ပိုင်းကျတော့ ရင့်ကျက်သွားတယ်လို့ပဲ ပြောရမှာပေါ့နော်၊ အရမ်းသိပ်ပြီး မခံစားတော့ဘူး။ 

Voice : ဒါရိုက်တာဝိုင်း၊ ဖွေးဖွေး၊ အလင်းရောင်သုံးယောက်တွဲက အစုအဖွဲ့လေးတစ်ခုလိုဖြစ်နေပြီနော်။ တစ်ယောက်နဲ့ တစ်ယောက်ကလည်း လက်တွဲလာတာကြာလာပြီဆိုတော့ ဘယ်လိုနားလည်မှုတွေရှိလာလဲ။ 
ALY : ကျွန်တော်က မဖွေးနဲ့စရိုက်တုန်းကတော့ ရှိန်တယ်၊ ကြောက်တယ်။ ဒါပေမဲ့ နောက်ပိုင်းကျတော့ မောင်နှမတွေလိုဖြစ်လာတယ်။ မဖွေးက ပေါင်းရင်လည်း ပွင့်ပွင့်လင်းလင်းပဲပေါင်းတော့ အရမ်းခင်လာတယ်။ အဲ့ဒါကြောင့် သိပ်ပြီးတော့ ရှိန်တာတွေ၊ ကြောက်တာတွေမရှိတော့ဘူး၊ နည်းနည်းပိုပြီးတော့ လုပ်ရဲလာတယ်။ နောက် ကိုဝိုင်းနဲ့လည်း အဲ့ဒီအတိုင်းပါပဲ၊ ကိုဝိုင်းက အရမ်းနားလည်တယ်။ ကျွန်တော့်မျက်လုံးကို ကြည့်လိုက်တာနဲ့ ကျွန်တော် ဘာဖြစ်နေလဲဆိုတာကအစသိတယ်။ တဖြည်းဖြည်းနဲ့ တစ်ယောက်နဲ့တစ်ယောက်က နားလည်လာတယ်၊ သိလာတယ်ဆိုတော့ လက်တွဲရတာလည်း ပိုပြီးအဆင်ပြေလာတယ်၊ မကြိုက်တာတစ်ခုခုရှိရင်လည်း ညှိယူကြတယ်။ 

Voice : ကိုဝိုင်းက ရုပ်တည်ကြီးနဲ့ခိုင်းတတ်တော့ သူနဲ့ မရင်းနှီးတဲ့လူဆို စစတွေ့ချင်းမှာကို လန့်တယ်၊ ကိုဝိုင်းနဲ့ စစတွေ့ချင်းမှာ ကိုယ်ကိုယ်တိုင်က ဘယ်လိုစိတ်နဲ့ရင်ဆိုင်ခဲ့ရလဲ။ 
ALY : ကျွန်တော်က ကိုဝိုင်းနဲ့ 3 Girls ရုပ်ရှင်ကားမှာ စဆုံတာပါ။ အဲ့ဒီအချိန်မှာဆိုရင် ကိုဝိုင်းရော၊ မဖွေးပါ အကယ်ဒမီရထားကြတယ်၊ နောက်တစ်ခုက သူတို့ရဲ့ အနုပညာဝါရော၊ သမ္ဘာကိုပါ ကျွန်တော်ကရှိန်ရတယ်။ အစကတည်းက ကျွန်တော်က လူလည်းကြောက်တတ်တော့ စကားကိုသိပ်ပြီးတော့မပြောရဲဘူး။ ကျွန်တော်က အရင်ကတည်းက စကားလည်း များများမပြောတတ်ဘူးလေ။ ဒါပေမဲ့ နောက်ပိုင်းကျတော့ ကိုဝိုင်းက ရိုက်ကွင်းမှာလည်း ဟာသတွေပြောတော့ ပေါ့ပေါ့ပါးပါးရှိလာတယ်၊ အဆင်ပြေလာပါတယ်။

ဝင်းထွန်းနိုင်