News

POST TYPE

EDUCATION

ဗီယက်နမ် ပညာရေးစနစ်သစ် ဖင်လန်နိုင်ငံမှ နည်းယူမည်

ဖင်လန်နိုင်ငံ ပညာရေးစနစ် အောင်မြင်တိုးတက်နေရခြင်းမှာ သူ့နိုင်ငံ သူ့လူမျိုး သူ့အခြေအနေများကြောင့်ဟု အကြောင်း အမျိုးမျိုးဖြင့် ဝေဖန်သုံးသပ်နေကြသော်လည်း ကွန်မြူနစ် ဗီယက်နမ်နိုင်ငံသည် မိမိတို့နိုင်ငံ၏ ပညာရေးစနစ် လမ်းကြောင်းကို ဖင်လန်နိုင်ငံ ပညာရေးပုံစံအတိုင်း အတုယူကာ လုပ်ဆောင်သွားရန် ဆုံးဖြတ် ပြင်ဆင်နေကြသည်။ 

ဖင်လန်၊ ဆွီဒင်၊ ဒိန်းမတ်နိုင်ငံများ၏ ပညာရေးစနစ် အောင်မြင်မှုများမှာ ပညာရေးကို လွတ်လပ်ခွင့် ပေးထားခြင်းနှင့် ချုပ်ကိုင် မထားခြင်းအပြင်၊ အတွေးအခေါ် မြင့်မားစေရေး၊ ကိုယ်ပိုင် ပိုင်းဖြတ်သင်ယူနိုင်စွမ်းရှိရေးတို့ကို ဦးတည်ထားသောကြောင့် အာဏာရှင်စနစ်ဖြင့် ဗဟိုဦးစီးချုပ်ကိုင်မှုအောက်တွင် အသားကျနေသော နိုင်ငံတစ်နိုင်ငံက မည်သို့ အသွင်ပြောင်းမည် ဆိုခြင်းမှာ စိတ်ဝင်စားစရာလည်းဖြစ်သည်။ 

အရှေ့တောင်အာရှနိုင်ငံများ၏ ပညာရေးဝန်ကြီး ဖန်ရှောင်နူးသည် စက်တင်ဘာလတွင် ဖင်လန်၊ ဆွီဒင်၊ ဒိန်းမတ်နိုင်ငံများ ပညာရေးစနစ်ကို လှည့်လည်လေ့လာနေခြင်း ခရီးစဉ် ပြီးဆုံးပြီဖြစ်သည်။ သူက ခရီးစဉ်အတွင်း ဗီယက်နမ်နိုင်ငံတွင် မည်သည့်လမ်းကြောင်းအတိုင်း ပညာရေးကို သွားရမည်ဖြစ်ကြောင်း ချဉ်းကပ်ပြီး ဖြစ်ပေလိမ့်မည်။ အထူးသဖြင့် မူလတန်းမှသည် အထက်တန်းအဆင့်အထိ ပြုပြင်ပြောင်းလဲမှုများကို လုပ်ဆောင်မည်ဟုလည်း ယူဆနေကြသည်။

ဗီယက်နမ်နိုင်ငံ ပညာရေးနှင့် လေ့ကျင့်ရေးဝန်ကြီးဌာနမှ တာဝန်ရှိသူများကလည်း ထိုသုံးနိုင်ငံ၏ ပညာရေးစနစ်ကို ဗီယက်နမ်နိုင်ငံတွင် (ပညာရေး ဒဿန) တစ်ခုအနေနှင့် လက်ခံ ကျင့်သုံးပြီး အကောင်အထည် ဖော်သွားမည်ဖြစ်ကြောင်း Tuoi Tre News တွင်လည်း ရေးသားထားသည်။

ဖင်လန်နိုင်ငံကျောင်းသားများ၏ တုံ့ပြန်လုပ်ဆောင်နိုင်စွမ်းသည် OECD နိုင်ငံများအတွင်း အမြင့်ဆုံးဖြစ်သည်။ အထူးသဖြင့် ဥရောပနိုင်ငံများအတွင်း Programme for International Student Assessment (PISA) စာမေးပွဲစနစ်နှင့်သာ ပိုင်းဖြတ်ကြရာတွင် ဖင်လန်ကျောင်းသားတွေက အားလုံး၏ထိပ်တွင် နေရာယူနေခြင်းမှာ ထိုနိုင်ငံပညာရေးစနစ်၏ အောင်မြင်မှု တစ်ခုအဖြစ်သာ မှတ်ယူရမည်ဖြစ်သည်။ 

ဗီယက်နမ်နိုင်ငံ၏ လက်ရှိအနေအထား PISA စာမေးပွဲရလဒ်များတွင် သိပ်ပြီးနိမ့်ကျသည်ဟု မဆိုနိုင်ပေ။ မည်သို့ဆိုစေ ကမ္ဘာ့အဆင့်ကိုမီရန်ဆိုသည်မှာ အစိုးရအနေနှင့် ကမ္ဘာ့အောင်မြင်နေသော စနစ်အတိုင်း လိုက်ရန်ကလွဲပြီး အခြားအကြောင်း မရှိပေ။

၂၀၁၅ ခုနှစ်က ဗီယက်နမ် ကျောင်းသားများ၏ PISA အဆင့် တိုင်းတာမှုတွင် သင်္ချာနှင့် သိပ္ပံဘာသာရပ်များ၌ အဆင့် ၁၂ ရှိနေသည်။ ဖင်လန်နိုင်ငံက ထိုအခြေအနေတွင် နံပါတ် ၆ နေရာ၌ ရှိနေသောကြောင့် နှိုင်းယှဉ်ကြည့်လျှင် အဆိုးကြီးနေရာ မဟုတ်ဟု ဆိုရမည်။ 

ဖင်လန်နိုင်ငံနှင့် ဗီယက်နမ်နိုင်ငံတို့သည် ပညာရေး ပြုပြင်ပြောင်းလဲမှုများအတွက် သဘောတူညီမှု စာချုပ်များ လက်မှတ် ရေးထိုးနေပြီ ဖြစ်သောကြောင့် မကြာမီ ဖင်လန်နိုင်ငံ စနစ်များကို နိုင်ငံအတွင်း အကောင်အထည် ဖော်တော့မည်ဟု ယူဆရသည်။ အထူးသဖြင့် ပညာရေးဝန်ကြီးဌာန အနေနှင့် ဆရာအတတ်သင် ပညာရေးနှင့် အွန်လိုင်း ပညာရေးများကို ဆောင်ရွက်ရန် စာချုပ်ပေါင်း ၁၈ ခု လက်မှတ် ရေးထိုးထားပြီးဖြစ်သည်။ ဒိန်းမတ်နှင့် ဗီယက်နမ်တို့ကလည်း ဆေးပညာ၊ ဘူမိဗေဒဆိုင်ရာ သုတေသန လုပ်ငန်းများကို ပူးပေါင်း လုပ်ဆောင်ရန် စာချုပ်ပေါင်း ၁၇ ခုကို လက်မှတ်ရေး ထိုးထားပြီးဖြစ်သည်။ 

Tuoi Tre News တွင် ရေးသားထားသည်က ဗီယက်နမ် ပညာရေး ပြုပြင်ပြောင်းလဲမှုကို ၂၀၁၉ ခုနှစ်တွင် စတင်မည်ဟု ဆိုထားသည်။ ဆရာများကို ထူးချွန်ထက်မြက်လာစေရန် လေ့ကျင့်ပေးမည်။ ကျောင်းသားများကို လွတ်လပ်ပြီး ကိုယ်ပိုင် ဆုံးဖြတ်ချက်ဖြင့် လေ့လာချင်သည့် ဘာသာရပ်ကို လေ့လာခွင့်ရစေရမည်။ လက်တွေ့ လုပ်ငန်းများများ လုပ်ဆောင်စေပြီး၊ ပူးပေါင်းလှုပ်ရှားသည့် လုပ်ငန်းများကို လုပ်ဆောင်ခွင့်ရမည်ဟု ဆိုထားသည်။ 

ပညာရေးဝန်ကြီး ဖန်ကလည်း ဖင်လန်နိုင်ငံမှ သင်ရိုးများအတိုင်း ဘာသာရပ်များကို သင်ယူခွင့်ရစေရမည်ဟု ကတိပေးထားသည်။ Vietnam Express သတင်းထုတ်ပြန်ချက်အရ ဖင်လန်နိုင်ငံမှ နာမည်ကြီး အထက်တန်းကျောင်းခွဲများကို ဟနွိုင်းနှင့် ဟိုချီမင်း မြို့များတွင် လာရောက်ဖွင့်လှစ်ခွင့်ပြုမည်ဟုလည်း သိရသည်။ 

ယခုနှစ် အစောပိုင်းတွင် ဗီယက်နမ်ပညာရေး ဝန်ကြီးက အင်္ဂလိပ်စာကို Grade 3 က စတင်ပြီး မသင်မနေရ ဘာသာရပ်အဖြစ် သင်ရမည်ဟု သတ်မှတ် ပြဋ္ဌာန်းခဲ့သည်။ မသင်မနေရအဖြစ် နောက်စာသင်နှစ် ၂၀၁၈ ခုနှစ်တွင် အင်္ဂလိပ် စာသင်ကြားရေးကို လုပ်ဆောင်ကြတော့မည်ဖြစ်သည်။ ဗီယက်နမ်ခြေလှမ်းများကို ပညာရေးတွင်ပါ စောင့်ကြည့်ရမည်ဖြစ်သည်။ 

E-01