News

POST TYPE

EDITORIAL

နိုင်ငံရေးမဟုတ်သည့် စည်ပင်သာယာရေး (Daily, Vol-6/No-265)
14-Feb-2019

ရန်ကုန်မြို့စည်ပင်သာယာရေးကော်မတီ ရွေးကောက်ပွဲတွင် အလှမယ်တစ်ဦး ဝင်ရောက်ယှဉ်ပြိုင်မည့် သတင်းကို ပြီးခဲ့သည့်ရက်ပိုင်းက သတင်းမီဒီယာများက ၎င်းနှင့် တွေ့ဆုံမေးမြန်းခန်းများ ဖော်ပြခဲ့ကြသည်ကို တွေ့ရပါသည်။ အလှမယ်တစ်ဦးဆိုခြင်းထက် ငယ်ရွယ်သောအမျိုးသမီးတစ်ဦးက ရန်ကုန်မြို့ ခေတ်မီဖွံ့ဖြိုးတိုးတက်ရေးအတွက် လုပ်ကိုင်ရာတွင် ဒုတိယမြို့တော်ဝန်အလုပ် တာဝန်ပိုင်းအထိ လုပ်ကိုင်နိုင်လိမ့်မည်ဟူသော မျှော်လင့်ချက်ဖြင့် ဝင်ရောက်ယှဉ်ပြိုင်ရန် စီစဉ်နေခြင်းမှာ ထူးခြားလှပေသည်။ 

အဆိုပါ စည်ပင်ရွေးကောက်ပွဲ အနေအထားကို ကြည့်မည်ဆိုလျှင် အာဏာရပါတီအပါအဝင် နိုင်ငံရေးပါတီများ ဝင်ရောက်ယှဉ်ပြိုင်မည်ဖြစ်ရာ ဖော်ပြပါ အလှမယ်ကဲ့သို့ နိုင်ငံရေးပါတီလောင်းရိပ်ကင်းသည့် တစ်သီးပုဂ္ဂလသမားများအနေနှင့်မူ စိန်ခေါ်မှုကြီးမားပြီး အနိုင်ရရှိရန် ခက်ခဲလှသည့်ပြိုင်ပွဲတစ်ခုကို ဝင်ပြိုင်ရသလို ဖြစ်နေမှာသေချာပါသည်။ သို့သော်လည်း စည်ပင်သာယာရေးကော်မတီဟူသည့် သဘောတရားကိုယ်၌က အစိုးရလောင်းရိပ်၊ ပါတီလောင်းရိပ်၊ နိုင်ငံရေး လောင်းရိပ်ကင်းသော အဖွဲ့တစ်ခုဖြစ်သည်ကို နားလည်သဘောပေါက်သူ မဲဆန္ဒရှင် ဦးရေများလေ နိုင်ငံရေးပါတီဝင်မဟုတ်သော ပုဂ္ဂိုလ်များအတွက် မြို့တော်ဟောင်း ရန်ကုန်ကို လှပအောင်ဖန်တီးခွင့်ရရန် အခွင့်အရေးများလေပင်ဖြစ်ပေလိမ့်မည်။ 

ဆိုလိုသည်မှာ စည်ပင်သာယာရွေးကောက်ပွဲတွင် နိုင်ငံရေးပါတီများ ဝင်ရောက်ယှဉ်ပြိုင်ခွင့်ရှိသော်လည်း လုပ်ရမည့်အလုပ်မှာ နိုင်ငံရေးအလုပ်မဟုတ်ဘဲ ရန်ကုန်မြို့ သာယာလှပရေး၊ တစ်နည်းအားဖြင့် ရန်ကုန်သူ၊ ရန်ကုန်သားတို့ အဆင်ပြေချောမွေ့စွာ သွားလာနေထိုင်ရေးအတွက် ဝန်ဆောင်မှုကောင်းတစ်ရပ်ပေးရေးနှင့် သက်ဆိုင်သောအလုပ်ပင် ဖြစ်ပါသည်။ ယခင်က စစ်အစိုးရလက်ထက်ဖြစ်၍ မြို့တော်ဝန်သာမက စည်ပင်သာယာရေးဌာနမှ အဆင့်မြင့်ရာထူး အတော်များများမှာ စစ်ဘက်ယူနီဖောင်းချွတ်ပုဂ္ဂိုလ်များသာ ထမ်းဆောင်ခွင့်ရှိခဲ့ပေသည်။ သို့အတွက်ကြောင့်လည်း သာမန်ပြည်သူအများစုက စည်ပင်နှင့် အစိုးရဟူသည် တစ်ဖွဲ့တည်းသာဖြစ်သည်ဟု လူပြိန်းအမြင်ဖြင့်သာ ရှုမြင်ခဲ့ကြပေသည်။ 

အမှန်တကယ်တွင် စည်ပင်သာယာရေးအဖွဲ့ဟူသည် မိမိနေထိုင်ရာ မြို့ရွာကို အခြားမြို့ ရွာများထက် သာယာလှပစေလို၊ ဖွံ့ဖြိုးတိုးတက်စေလိုသူများ သူ့ထက်ငါ ဝင်ရောက်ယှဉ်ပြိုင်ပြီး ဦးဆောင်လုပ်ကိုင်ခွင့်ရသူ ရွေးချယ်ရသည့် ကော်မတီတစ်ရပ်ဖြစ်ပေသည်။ မြို့ရွာသာယာလှပရေးအတွက် မြို့သူမြို့သားများ ပူးပေါင်း ပါဝင်လာအောင် စည်းရုံးနိုင်သူ၊ ပြည်သူ့ရေးရာဝန်ဆောင်မှုနှင့် ပြည်သူ့ရေးရာ မူဝါဒကောင်းများ ဖော်ထုတ်နိုင်သူတို့ကို မြို့သူမြို့သားများက စိတ်ကြိုက်ရွေးချယ်ထားသည့် အဖွဲ့ဖြစ်ရာ ပါတီနိုင်ငံရေးကိစ္စနှင့် သက်ဆိုင်ခြင်း မရှိပေ။ စီးပွားရေးအရာ လွန်စွာအချက်အချာကျပြီး အနယ်နယ်အရပ်ရပ်မှ ပြည်သူများ လာရောက် အခြေချနေထိုင်မှု တစ်နေ့ထက်တစ်နေ့ တိုးပွားလာသော ရန်ကုန်မြို့တွင် ရပ်ကွက်တွင်း ရေနုတ်မြောင်းကိစ္စကအစ အခြားပြဿနာကြီးများ ဒုနဲ့ဒေးရှိထားရာ တာဝန်ထမ်းဆောင်ရမည့် ကာလအပိုင်းအခြားတစ်ခုအတွင်း ထိရောက်သည့် အပြောင်းအလဲကောင်းများကို ဆောင်ကြဉ်းပေးနိုင်မည်ဟု ယုံကြည်စိတ်ချရသူများကို နိုင်ငံရေးလောင်းရိပ်ကင်းသည့် အမြင်ဖြင့် ရွေးချယ်တင်မြှောက်ကြရန် ရန်ကုန်မြို့သူမြို့သားများကို အကြံပြုတိုက်တွန်းလိုရင်းဖြစ်ပေသည်။ 

အယ်ဒီတာ (၁၃-၂-၂၀၁၉)