News

POST TYPE

EDITORIAL

မူဝါဒရေးရာ တွေ့ဆုံဆွေးနွေးပွဲများ အထူးအရေးကြီး (Daily, Vol-6/No-119)
27-Aug-2018 tagged as

ဒေါ်အောင်ဆန်းစုကြည်နှင့် မြန်မာနိုင်ငံသား စီးပွားရေးလုပ်ငန်းရှင်များ ယနေ့တွေ့ဆုံပွဲသည် မျက်မှောက်မြန်မာ့စီးပွားရေးအခြေအနေ သို့မဟုတ် ပြဿနာ၊ အခက်အခဲများကို တရားဝင်မီးမောင်းထိုးပြလိုက်သည့်အပြင် ရှေ့တွင် မည်သို့ ရင်ဆိုင်၊ ဖြေရှင်းသွားရမည့် နည်းလမ်းအချို့ကို အကြမ်းဖျင်း ထုတ်ဖော်နိုင်ခဲ့ သည်ဟု ဆိုနိုင်သည်။

အထူးသဖြင့် လက်ရှိအစိုးရအဖွဲ့ စတင်တာဝန်ယူပြီးချိန်မှ စတင်ကာ ပြည်တွင်းတွင် နိုင်ငံတော်အတိုင်ပင်ခံ ပြောဆိုသော မိန့်ခွန်းများအနက် နိုင်ငံ၏ ပကတိအခြေအနေနှင့် အနီးစပ်ဆုံး၊ လက်တွေ့အကျဆုံး၊ ကျိုးကြောင်းဆက်စပ်မှု အရှိဆုံး၊ ဘက်မျှမှုအရှိဆုံး၊ သက်ဆိုင်ရာနယ်ပယ်အတွက် အံဝင်ခွင်ကျ အဖြစ်ဆုံး မိန့်ခွန်းဟု သုံးသပ်နိုင်သည်။

ဝန်ကြီးဌာနများအကြား ပူးပေါင်း၊ ချိတ်ဆက်ဆောင်ရွက်မှုအားနည်းချက်၊ အကျင့်ပျက်ခြစားမှုပြဿနာများ၊ တာဝန်သိသော စီးပွားရေးလုပ်ငန်း လိုအပ်ချက်၊ အစိုးရနှင့် ပုဂ္ဂလိကစီးပွားရေးလုပ်ငန်းရှင်များအကြား နားလည်မှု၊ ယုံကြည်မှု၊ ပူးပေါင်းဆောင်ရွက်မှု လိုအပ်ချက်များအပါအဝင် မျက်မှောက် မြန်မာ့စီးပွားရေးအခြေအနေမှန်အချို့ကို စတင်သိရှိပြီး ပြောဆိုသော မိန့်ခွန်းလည်းဖြစ်သည်။

အခွန်နှင့်ပတ်သက်သော အစိုးရ၏ မူဝါဒနှင့် ပြည်တွင်း စီးပွားရေးလုပ်ငန်း များ၏ အခက်အခဲနှင့် ပြဿနာများနှင့်ပတ်သက်၍မူ အခြေခံကျကျ သိရှိထား ခြင်းထက် ယေဘုယျသဘောမျိုးသာ သိရှိထားခြင်းကြောင့် ရှင်းလင်းပြတ်သား စွာ ဖြေဆိုနိုင်ခြင်းမရှိသည်မှတစ်ပါး မိန့်ခွန်းတစ်ရပ်လုံး ခြုံကြည့်လျှင် ကျေနပ် အားရဖွယ်ကောင်းသည်။

မေးခွန်းမေးမြန်းခွင့်ပြုသည့်အချိန်ကို UMFCCI ဥက္ကဋ္ဌ ဦးဇော်မင်းဝင်း တစ်ဦးသာ မြန်မာ့စီးပွားရေးနယ်ပယ်တစ်ခုလုံး သို့မဟုတ် ငါးဆယ့်ငါးသန်း သော စားသုံးသူ ဈေးကွက်ကြီးတစ်ခုလုံးကိုယ်စား မေးမြန်းအကြံပြုသွားနိုင်သည်ကိုတွေ့ရပြီး ကျန်နှစ်ဦးမှာမူ စီးပွားရေးနယ်ပယ်၏ ရာခိုင်နှုန်း အနည်းငယ် ခန့်ကို ကိုယ်စားပြုသည့် ဈေးကွက်တစ်ခုကိုသာ ဦးတည်သွားသည့်အတွက် နောက်ထပ် မေးခွန်းမေးမြန်းလိုသူအချို့အတွက် အချိန်ဆုံးရှုံးသွားသည်ဟု ဆိုနိုင်သည်။

မေးခွန်းဖြေဆိုမှုများတွင်လည်း မလိုအပ်သော၊ မဖြစ်နိုင်သော၊ စိတ်ကူး ယဉ်ဆန်သော ကတိကဝတ်များ ပေးခြင်း၊ ယေဘုယျဆန်လွန်းသော၊ အများ စုပေါင်းအားကို ရည်ညွှန်းလွန်းသော၊ မူဝါဒပြတ်သားမှုမရှိသော အဖြေမျိုးထက် အစိုးရ၏ အခန်းကဏ္ဍကို သိမြင်လာသော လက်တွေ့ကျသည့် အဖြေမျိုးများ ဖြစ်သည်ဟု ကောက်ချက်ချနိုင်သည်။

မည်သို့ပင်ဖြစ်စေ ယနေ့ မြန်မာ့စီးပွားရေးအကျပ်အတည်း သို့မဟုတ် မြန်မာ့စီးပွားရေး တုံ့နှေးနေခြင်းကို နိုင်ငံတော်အတိုင်ပင်ခံကိုယ်တိုင်နှင့် အစိုးရ အဖွဲ့မှ ဆက်စပ်ဝန်ကြီးဌာနမှ အဓိက တာဝန်ရှိသူများကို စီးပွားရေးလုပ်ငန်းရှင် များက တရားဝင်အသိပေးခြင်းသာမက လက်တွေ့ကျ၍ ဖြစ်နိုင်ခြေရှိသော အကြံပြုချက်များ၊ တုံ့ပြန်မှုများ ရရှိလိုက်သော တွေ့ဆုံပွဲတစ်ရပ်ဖြစ်သည့်အတွက် အထူးပင်ကြိုဆိုအပ်သည်။

အထူးအားဖြင့် ဦးဇော်မင်းဝင်း ထောက်ပြ အကြံပြုချက်များတွင် လက်ရှိ ရင်ဆိုင်နေရသော ဈေးကွက်အကျပ်အတည်းနှင့် စီးပွားရေးနှေးကွေးမှု ကို ဖြေရှင်းနိုင်ရန်အတွက် လက်တွေ့အကျဆုံးနှင့် အချိန်မဆိုင်း အကောင်အထည် အဖော်သင့်ဆုံးမှာ စီးပွားရေးလုပ်ငန်းရှင်များနှင့် အစိုးရတာဝန်ရှိသူများအကြား မူဝါဒရေးရာ တွေ့ဆုံဆွေးနွေးမှုပင်ဖြစ်သည်။

မြေပြင်တွင် အခက်အခဲများနှင့် လက်တွေ့ရင်ဆိုင်နေရသော လုပ်ငန်းရှင် များနှင့် မူဝါဒချမှတ်သူများ တွေ့ဆုံဆွေးနွေးခြင်းသည် ပြဿနာများ ဖြေရှင်းရေးအတွက် ကနဦး လုပ်ငန်းစဉ်တစ်ရပ်ဖြစ်ပြီး စီးပွားရေးနယ်ပယ် တွင်သာမက မည်သည့်နယ်ပယ်တွင်မဆို အခြေခံကျကျ အရေးကြီးလှကြောင်း အထူးဦးစားပေး မီးမောင်းထိုး ဖော်ပြလိုရင်းဖြစ်သည်။

အယ်ဒီတာ (၂၇-၈-၂၀၁၈)

  • TAGS