ရန်ကုန်-မန္တလေး အမြန်လမ်း မိုင်တိုင် ၄၀ အနီး ယနေ့ (နိုဝင်ဘာ ၁၅ ရက်) နံနက် ၅ နာရီခွဲခန့်က ရပ်နားသည့် ESE ယာဉ်လိုင်းပိုင် ခရီးသည်တင်ယာဉ်ကို မီနီဘတ်စ်ယာဉ်က နောက်မှ ဝင်တိုက်မိခဲ့ရာ မီနီဘတ်ပေါ်မှ ခရီးသည် အမျိုးသမီးတစ်ဦး သေဆုံးပြီး ကျား၊ မ စုစုပေါင်း ကိုးဦး ဒဏ်ရာရှိခဲ့ကြောင်း အမြန်လမ်း ရဲတပ်ဖွဲ့စခန်း နေပြည်တော်မှ စုံစမ်းသိရှိရသည်။

လှိုင်သာယာမြို့နယ် ရွှေလင်ပန်း စက်မှုဇုန်တွင် နိုဝင်ဘာလ ၁၅ ရက် (ယနေ့) နံနက် ၇ နာရီက ယောင်္ကျားလျာ ဖြစ်သူက ချစ်သူ မိန်းကလေးကို ဓားဖြင့် ထိုးသတ်ပြီး မိမိကိုယ်ကိုယ် ဓားဖြင့်ထိုး အဆုံးစီရင်ခဲ့ကြောင်း ယင်းမြို့နယ်ရဲတပ်ဖွဲ့ထံမှ သိရသည်။

ကရင်ပြည်နယ် မြဝတီမြို့၌ ထိုင်းနိုင်ငံသုံး ဘတ်ငွေစက္ကူ အတုပြုလုပ်သည်ဟု ဆိုသူများကို မြဝတီမြို့၌ နိုဝင်ဘာ ၁၄ ရက် နံနက်ပိုင်းက ဖမ်းဆီးရမိခဲ့ကြောင်း မြဝတီ မြို့မရဲစခန်းထံမှ သိရသည်။

တန်ဆောင်မုန်းလပြည့်နေ့ ရွှေတိဂုံ စေတီတော် အနီး ပတ်ဝန်းကျင်တွင် ဘုရားဖူးလာသည့် အများပြည်သူများထံမှ ခါးပိုက်နှိုက် ကျူးလွန်သူများကို ဝိုင်းဝန်း ပိတ်ဆို့ ဖမ်းဆီးခဲ့ကြောင်း ရန်ကုန်တိုင်း ဒေသကြီး ရဲတပ်ဖွဲ့မှူးရုံးထံမှ သိရှိရသည်။

ဒဂုံမြို့သစ် (မြောက်ပိုင်း) မြို့နယ်၊ (၄၇) ရပ်ကွက်၊ ဘုရင့်နောင်လမ်းရှိ G & G စတိုးဆိုင်တစ်ခုတွင် နိုဝင်ဘာလ ၁၂ ရက် နံနက် ၁ နာရီ၌ အမည်မသိ လူငယ်ငါးဦးက အရောင်းဝန်ထမ်း အမျိုးသားကို ဓားပြခြိမ်းခြောက်ပြီး ဆိုင်အတွင်းရှိ ငွေနှင့် ဖုန်းငွေဖြည့်ကတ်များကို လုယက်ခဲ့ကြောင်း ယင်းမြို့နယ် ရဲတပ်ဖွဲ့ထံမှ သိရှိရသည်။

အင်းစိန်မြို့နယ် ပြည်သူ့ဆေးရုံမှ ထွက်ပြေးလွတ်မြောက်ခဲ့သော မူးယစ်အမှုဖြင့် ထောင်ဒဏ် အနှစ် ၄၀ ကျခံနေရသည့် အကျဉ်းသားကို နိုဝင်ဘာ ၁၃ ရက် ညနေပိုင်းက သာစည်မြို့နယ်ရှိ တည်းခိုခန်းတစ်ခုတွင် ဖမ်းမိခဲ့ကြောင်း မြောက်ပိုင်းခရိုင် ရဲတပ်ဖွဲ့မှူး ဒုရဲမှူးကြီး ယုနိုင်က ပြောကြားသည်။

ဒဂုံဆိပ်ကမ်းမြို့နယ် (၆၈) ရပ်ကွက်ရှိ ပတ္တမြား (၃) လမ်းတွင် နိုဝင်ဘာ ၁၂ ရက် မွန်းလွဲပိုင်းက အနှေးယာဉ် နင်းသည့် အသက် ၃၄ နှစ် အရွယ်ရှိ အမျိုးသား တစ်ဦးမှာ ဇနီးဖြစ်သူကို နေ့တွက်စရိတ် မပေးနိုင်ခြင်းကြောင့် ကြိုးဆွဲချ သေဆုံးခဲ့ကြောင်း ယင်းမြို့နယ် ရဲတပ်ဖွဲ့ထံမှ သိရှိရသည်။

ပဲခူးတိုင်းဒေသကြီး ပြည်မြို့နယ် ကျောင်းကြီးအိုးတန်းရပ် ဆိပ်ခံဘောတံတားအနီး ယနေ့ (နိုဝင်ဘာ ၁၃ ရက်) မွန်းတည့် ၁၂ နာရီခန့်က အသက် လေးနှစ်ခန့်အရွယ် ကလေးငယ် တစ်ဦး ဧရာဝတီမြစ်ထဲ မျောပါ ပျောက်ဆုံးနေကြောင်း ပြည်မြို့ အမှတ်(၁) နယ်မြေ ရဲစခန်းမှ တာဝန်ရှိသူ တစ်ဦးက ပြောကြားသည်။

ဧရာဝတီတိုင်းဒေသကြီး ပုသိမ်မြို့၊ အမှတ် (၈) ရပ်ကွက်ရှိ ဗောဓိမြိုင်လမ်း Y2A ရေသန့်စက်ရုံဝင်းမှ အရက်ထုတ်လုပ်သည့် ကိရိယာ၊ ဆက်စပ်ပစ္စည်းများနှင့် တရားမဝင် အရက်များကို နိုဝင်ဘာလ ၁၁ ရက်နေ့ ညပိုင်းက ဖမ်းမိခဲ့ကြောင်း တိုင်းဒေသကြီး ရဲတပ်ဖွဲ့မှူးရုံးထံမှ စုံစမ်းသိရသည်။

ပဲခူးတိုင်းဒေသကြီး ပြည်ခရိုင် ဝက်ထီးကန်တိုက်နယ် အင်းလျားအရှေ့စု ကျေးရွာနေ အမျိုးသားတစ်ဦးက နိုင်ငံတော်သမ္မတ ဦးထင်ကျော်နှင့် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကို ညစ်ညမ်းစွာ ဆဲဆိုထားသည့် အသံဖိုင်နှင့် ပတ်သက်၍ ရဲတပ်ဖွဲ့က ဖျောက်ဖျက်ခြင်း မရှိကြောင်း ပဲခူးတိုင်းဒေသကြီး ရဲတပ်ဖွဲ့မှူးရုံးမှ ရဲမှူးကြီး ရဲမြင့်က ပြောကြားသည်။

ပဲခူးတိုင်းဒေသကြီး တောင်ငူမြို့နယ် ရန်ကုန်-မန္တလေး အမြန်လမ်း မိုင်တိုင် ၁၄၉ အနီး ယနေ့(နိုဝင်ဘာ ၁၂ ရက်) နံနက် ၁ နာရီခန့်က ခရီးသည် ခြောက်ဦး သေဆုံးခဲ့သော မကွေး-ရန်ကုန် ပြေးဆွဲသည့် မိုးသောက်ရောင်နီ ယာဉ်လိုင်းပိုင် ခရီးသည်တင်ယာဉ် တိမ်းမှောက်မှုတွင် မကွေးတိုင်းဒေသကြီးမှ ဝန်ကြီး တစ်ဦး၏ မိခင် ပါဝင်ကြောင်း ဇီပင်သာ အမြန်လမ်း ရဲစခန်းထံမှ စုံစမ်း သိရှိရသည်။

"ကျောင်းတက်ပြီးလို့ ပင်လောင်းပြန်ကြတဲ့ ကျောင်းသား၊ ကျောင်းသူရှစ်ဦးအပါအဝင် ခရီးသည်အမျိုးသမီးကြီးတစ်ဦးတို့ ဒဏ်ရာရပေမယ့် စိုးရိမ်စရာမရှိပါဘူး။ယာဉ်မောင်းကတော့သေဆုံးသွားတယ်။ဒဏ်ရာရသူအားလုံးကို မိုင်းပျဉ်းဆေးရုံမှာကုသပေးနေတယ်"

"ရွာကိုအဝင်မှာ စစ်ကြောင်း(၂)ကို အကြမ်းဖက်သမားတွေက ချုံခိုပြီး ချောင်းမြောင်းပစ်ခတ်ခဲ့တာဖြစ်တယ်။ တပ်မတော်က ခမရ ၅၅၁က တပ်သားလှစိုးဦး ကျဆုံးပြီး အရာရှိတစ်ယောက်နဲ့ အခြားအဆင့် နှစ်ယောက်ဒဏ်ရာရရှိခဲ့ပါတယ်"

ထိုင်းနိုင်ငံ လိပ်ကျွန်းတွင် ဖြစ်ပွားခဲ့သည့် လူသတ်မှုနှင့် ပတ်သက်၍ အယူခံ တရားရုံးက စစ်ဆေးနေပြီး တရားလို ရှေ့နေထံမှ အယူခံ လျှောက်လဲချက် တင်ရန် ကိုးကြိမ် တောင်းဆိုခဲ့သော်လည်း နောက်ဆုံး သတ်မှတ်ရက်အထိ အယူခံဝင်ခြင်း မရှိကြောင်း ယင်းအမှုတွင် လိုက်ပါ ဆောင်ရွက်နေသူများထံမှ သိရှိရသည်။

သန်လျင်မြို့နယ် နာရီစင် လမ်းဆုံ ပန်းခြံ အလယ်ပေါက်တွင် နိုဝင်ဘာ ၉ ရက် မွန်းလွဲ ၃ နာရီက သတ္တမတန်း ကျောင်းသား နှစ်ဦး ရန်ဖြစ်ရာမှ ဦးခေါင်းကို စတီးချိုင့်ဖြင့် ရိုက်နှက် ခံရသော အသက် ၁၄ နှစ်အရွယ် ကျောင်းသား တစ်ဦး သေဆုံးခဲ့ကြောင်း ယင်းမြို့နယ် ရဲတပ်ဖွဲ့ထံမှ သိရှိရသည်။