News

POST SECTION

CRIME-AND-ACCIDENT

17-Feb-2018
မြောက်ပိုင်းခရိုင်တရားရုံးတွင် ရှေ့နေဦးကိုနီ လုပ်ကြံခံရမှုမှ ဖမ်းဆီးထားသူများကို ရုံးထုတ်စစ်ဆေးစဉ် “မင်းတို့ထမင်း ဝအောင်စားထား”စာတန်းပါ တီရှပ်အင်္ကျီများ ဝတ်ဆင်ထားသည့် အမျိုးသားလေးဦးကို တရားခံပြေးအဖြစ် မကြေညာပေးဘဲ ဒုတိယအကြိမ်မြောက် ဖမ်းဝရမ်း ထပ်ထုတ်ထားကြောင်း အင်းစိန်မြို့နယ် တရားသူကြီး ဦးညီညီထွန်းထံမှ သိရသည်။
17-Feb-2018
ရှမ်းပြည်နယ် (အရှေ့ပိုင်း) ကျိုင်းလပ်မြို့ ပန်ပဲ(အောက်)ကျေးရွာတွင် နေထိုင်သော အမျိုးသမီးကို တရုတ်မယားအဖြစ် ရောင်းစားခဲ့သော အမျိုးသမီးကို ဖေဖော်ဝါရီလ ၁၅ ရက် ညပိုင်းက ဖမ်းမိခဲ့ကြောင်း မိုင်းပါလျှိုးနယ်မြေရဲစခန်းထံမှ သိရသည်။
17-Feb-2018
ကျောက်တံတားမြို့နယ်၊ လမ်း ၄၀ (အထက်ဘလောက်) ရှိ တိုက်ခန်းပြုပြင်နေသော လေးလွှာတိုက်ခန်းတစ်ခုမှာ ဝရန်တာအင်္ဂတေမှာ ကွာကျပြီး ပလက်ဖောင်းပေါ်ရှိ အမျိုးသားတစ်ဦး၏ ခေါင်းပေါ်ပြုတ်ကျခဲ့ကြောင်း ရဲတပ်ဖွဲ့ထံမှ သိရသည်။
16-Feb-2018
ပဲခူးတိုင်းဒေသကြီး တောင်ငူမြို့နယ်တွင် ဖေဖော်ဝါရီလ ၁၄ ရက်နေ့ ညနေက ကုန်တင်ယာဉ်ကို ကျော်တက်သည့် ဆိုင်ကယ်တိမ်းမှောက်ရာမှ ကားဖြင့် ကြိတ်မိပြီး ဆိုင်ကယ်မောင်းနှင်သည့် အမျိုးသား သေဆုံးကာ နောက်မှ လိုက်ပါလာသူတစ်ဦး ထိခိုက်ဒဏ်ရာများ ရရှိခဲ့ကြောင်း ကျွန်းကုန်းနယ်မြေရဲစခန်းမှ စုံစမ်းသိရှိရသည်။
15-Feb-2018
မြန်မာနိုင်ငံတွင် ၂၀၁၆ နှင့် ၂၀၁၇ ခုနှစ် ကာလအတွင်း ဖြစ်ပွားခဲ့သော မုဒိမ်းမှုပေါင်း ၂၅၀၀ ကျော်တွင် အရွယ်မရောက်သေးသည့် အသက် ၁၆ နှစ်အောက် ကလေးငယ်များ မုဒိမ်းကျင့်ခံရမှုမှာ ၁၅၀၀ ကျော်အထိ စံချိန်တင် ဖြစ်ပွားခဲ့ကြောင်း ပြည်ထဲရေးဝန်ကြီးဌာန၏ ထုတ်ပြန်ချက်အရ သိရသည်။
15-Feb-2018
အသက် ၂၅ နှစ်အရွယ်ခန့်ရှိ အမျိုးသမီးနှစ်ဦးကို မူဆယ်မြို့တွင် အိမ်ဖော်လုပ်ငန်းလုပ်ကိုင်ပါက တစ်ဦးကို တစ်လလျှင် ငွေကျပ် သိန်း ၂၀ စီရမည်ဟု ပြောဆိုစည်းရုံးခေါ်ဆောင်သွားပြီး တရုတ်နိုင်ငံတွင် ယွမ်ငွေ တစ်သောင်းစီဖြင့် ရောင်းစားခဲ့သူ ၁၀ ဦးကို ဖေဖော်ဝါရီလ ၉ ရက် မွန်းလွဲပိုင်းက အရှေ့ပိုင်းခရိုင်တရားရုံးတွင် တရားစွဲဆိုထားကြောင်း ယင်းတရားရုံးထံမှ စုံစမ်းသိရသည်။
15-Feb-2018
ဗိုလ်တထောင်မြို့နယ်၊ အမှတ် (၇) ရပ်ကွက်၊ ၄၂ လမ်းရှိ ဆောက်လက်စ တိုက်ခန်းတစ်ခု ပထမထပ်တွင် ဖေဖော်ဝါရီလ ၁၃ ရက် မွန်းလွဲ ၂ နာရီခွဲခန့်က ထောင်ကထွက်လာသည်ဟု ခြိမ်းခြောက်ကာ ငွေနှင့်ရွှေများကို လုယက်ယူဆောင်ပြီး သားမယားပြုကျင့်ခဲ့သူ အမျိုးသားကို ဖမ်းမိထားကြောင်း ရန်ကုန်တိုင်းဒေသကြီး ရဲတပ်ဖွဲ့ထံမှ စုံစမ်းသိရသည်။
15-Feb-2018
မင်္ဂလာဒုံမြို့နယ်၊ ပေါက်ကုန်းရပ်ကွက်တွင် နေအိမ်မှ ငွေ ၅၀ ကျပ်ကို အသိမပေးယူသုံးသည့် အသက် ၁၁ နှစ်အရွယ် သားအရင်းကို ၎င်း၏မိခင်က မီးပူဖြင့် ထိုးကပ်ခဲ့သောကြောင့် ခန္ဓာကိုယ်အနှံ့ အရေပြားများ လောင်ကျွမ်းသည့် ဒဏ်ရာရခဲ့ကြောင်း ပုလဲမြို့သစ် အရန်မီးသတ်တပ်ဖွဲ့ထံမှ သိရသည်။
14-Feb-2018
လှိုင်သာယာမြို့နယ်၊ စက်မှုဇုန် (၁)၊ ဒေါ်ဖွားရှင်လမ်းပေါ်ရှိ One of Front အထည်ချုပ်စက်ရုံရှေ့တွင် ဖေဖော်ဝါရီလ ၁၂ ရက် နံနက် ၁၁ နာရီခွဲခန့်က ဆန္ဒထုတ်ဖော်နေသည့် အလုပ်သမားများကို ငှက်ကြီးတောင်ဓား ယူဆောင်လာကာ ဆဲဆိုခြိမ်းခြောက်သူ အမျိုးသားသုံးဦးကို ဖမ်းဆီးအရေးယူထားကြောင်း ရန်ကုန်တိုင်းဒေသကြီး ရဲတပ်ဖွဲ့ထံမှစုံစမ်းသိရသည်။
13-Feb-2018
ဆက်သွယ်ရေး ဥပဒေပုဒ်မ ၆၆ ဖြင့် တရားစွဲဆိုခံထားရသည့် မြန်မာနောင်း သတင်းဌာနမှ အယ်ဒီတာချုပ် ကိုဆွေဝင်းအနေနှင့် ဆရာတော် ဦးဝီရသူကို ခြေဖမိုးဦးခိုက်ကာ ရှိခိုးတောင်းပန်ပါက စွဲဆိုထားသည့်အမှုကို ပိတ်သိမ်းပေးသွားမည်ဖြစ်ကြောင်း တရားလိုဖြစ်သူ ဦးကျော်မျိုးရွှေက ပြောကြားသည်။
13-Feb-2018
နေပြည်တော်၊ ဥတ္တရသီရိမြို့နယ်၊ သရက်တောကျေးရွာအုပ်စု၊ စည်ပင်သာကျေးရွာတွင် ဖေဖော်ဝါရီလ ၁၃ ရက် နံနက် ၈ နာရီ၌ ၁၀ နှစ်အရွယ် ယောက်ျားလေးငယ်တစ်ဦးက ဗုံးသီးဟောင်းတစ်လုံးကို မီးပုံထဲပစ်ထည့်ရာမှ ပေါက်ကွဲမှုဖြစ်ကာ ကလေးငယ်နှစ်ဦးနှင့် ကျွဲနှစ်ကောင်တို့ကို ဗုံးစများ ထိမှန်ခဲ့ကြောင်း ရဲတပ်ဖွဲ့ထံမှ သိရသည်။
13-Feb-2018
သာကေတမြို့နယ်၊ အမှတ် (၁) ဈေးအတွင်းတွင် ဖေဖော်ဝါရီလ ၁၂ ရက် နံနက် ၉ နာရီခွဲခန့်က အသက် ၇ လအရွယ် မိန်းကလေးတစ်ဦး၏ လက်ကောက်ကို လုယက်သူ အသက် ၅၃ နှစ်အရွယ် အမျိုးသမီးတစ်ဦးကို ဖမ်းဆီးအရေးယူထားကြောင်း ရန်ကုန်တိုင်းဒေသကြီး ရဲတပ်ဖွဲ့ထံမှ စုံစမ်းသိရသည်။
13-Feb-2018
နေပြည်တော် တပ်ကုန်းမြို့နယ် ရန်ကုန် - မန္တလေး ကားလမ်း (လမ်းဟောင်း) ဘေးရှိ လူမနေသည့် တဲတစ်လုံးတွင် ဖေဖော်ဝါရီလ ၁၂ ရက် မွန်းလွဲ ၂ နာရီခွဲက လည်ပင်းညှစ်သတ်ထားသည့် ကိုးနှစ်အရွယ် မိန်းကလေးတစ်ဦး၏ ရုပ်အလောင်းကို တွေ့ရှိခဲ့ကြောင်း ယင်းမြို့နယ် ရဲတပ်ဖွဲ့ထံမှ သိရသည်။
13-Feb-2018
ပန်းဘဲတန်းမြို့နယ်၊ ရွှေဘုံသာလမ်းတွင် အငှားယာဉ်ပေါ်မှ ဆင်းသွားသည့် ခရီးသည်အမျိုးသမီးတစ်ဦး ယာဉ်ပေါ်မေ့ကျန်ခဲ့သော လက်ဝတ်ရွှေထည်နှင့် ငွေကျပ် သိန်း ၃၀ ပါရှိသည့် အိတ်တစ်လုံးကို အငှားယာဉ်မောင်း အမျိုးသားက အင်းစိန်မြို့မရဲစခန်းထံ လာရောက်အပ်နှံခဲ့ကြောင်း ရဲတပ်ဖွဲ့ထံမှ သိရသည်။
13-Feb-2018
လှိုင်သာယာမြို့နယ်၊ အမှတ် (၂) ရပ်ကွက်၊ စက်မှုဇုန် (၇)၊ ဆိပ်ကမ်းသာလမ်းရှိ သင်္ဘောကျင်းဝင်းအတွင်းတွင် ဖေဖော်ဝါရီလ ၁၂ ရက် နံနက် ၈ နာရီ ၁၅ မိနစ်ခန့်က ပြုပြင်နေသော Family Win ကုမ္ပဏီပိုင် ကုန်တင်သင်္ဘောတစ်စင်း ပေါက်ကွဲမှုဖြစ်ခဲ့ရာ အလုပ်သမားတစ်ဦး သေဆုံးပြီး ၅ ဦး ထိခိုက်ဒဏ်ရာ ရရှိခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့ထံမှ စုံစမ်းသိရသည်။