News

POST TYPE

CRIME & ACCIDENT

မူးယစ်ဆေးဝါး ရောင်းချနေသည့် ရဲတပ်သားကို ဖမ်းမိ
12-Aug-2019



ရန်ကုန်၊ သြဂုတ် ၁၂

ကျောက်ပန်းတောင်းမြို့နယ်၊ သာယာအေးရပ်ကွက်ရှိ တည်းခိုခန်းတစ်ခုတွင် မူးယစ်ဆေးဝါးများ ရောင်းချနေသော ရဲတပ်သားတစ်ဦးကို ဖမ်းဆီးရမိခဲ့ကြောင်း ရဲတပ်ဖွဲ့ထံမှ သိရသည်။

ဖမ်းမိသူ ရဲတပ်သား ပြည့်ဖြိုးမောင် (၃၂) နှစ်မှာ ပြင်ဦးလွင်မြို့နယ်၊ ဇီးပင်ကြီးရှိ စီမံဌာနမှဖြစ်ပြီး သာယာအေး ရပ်ကွက်ရှိ တည်းခိုးခန်းတစ်ခုတွင် ရောက်ရှိနေကြောင်း သတင်းရရှိမှုကြောင့် ရဲတပ်ဖွဲ့က ၎င်းတည်းခိုနေသည့် အခန်းထဲ ဝင်ရောက်စစ်ဆေးခဲ့ရာ WY စာတမ်းပါ စိတ်ကြွရူးသွပ်ဆေးပြား ၅၇၀ ပြားနှင့် မူးယစ်ဆေးဝါး ရောင်းချရာမှ ရရှိထားသည့် ကျပ်သုံးသောင်းကို သိမ်းဆည်းရမိခဲ့သည်။

WY ဆေးပြားများနှင့်အတူ ဖမ်းမိသူ ရဲတပ်သားကို ကျောက်ပန်းတောင်းမြို့မ ရဲစခန်းမှ မူး/စိတ်ပုဒ်မ ၁၉ (က)/၂၀ (က) ဖြင့် အမှုဖွင့်အရေးယူ၍ အမှုကွင်းဆက်တရားခံများကို ဖော်ထုတ်ဖမ်းဆီး အရေးယူနိုင်ရန် စစ်ဆေးဆောင်ရွက်လျက်ရှိကြောင်း ရဲတပ်ဖွဲ့ထံမှ သိရသည်။

S-03