တရုတ်နိုင်ငံက မြန်မာ့ဆန်ကို ပမာဏအများဆုံးဝယ်ယူနေသည့်အတွက် မြန်မာနိုင်ငံရှိ ဆန်စက်များကို တရုတ်ကုန်ပစ္စည်း အရည်အသွေးစစ်ဆေးရေး (AQSIQ) အဖွဲ့ လာရောက်စစ်ဆေးပေးရန် မြန်မာနိုင်ငံ ဆန်စက်လုပ်ငန်းရှင်များအသင်းက ဖိတ်ကြားထားကြောင်း ယင်းအသင်းထံမှသိရသည်။

အီရန်နိုင်ငံအပေါ် ငွေကြေးဆိုင်ရာ ဖိအားပေးမှုနှင့် ရေနံစိမ်းရောင်းချမှုမှတစ်ဆင့် ဝင်ငွေလုံးဝမရှိစေရန် နိုဝင်ဘာလ ၄ ရက်နေ့မှစတင်၍ မြန်မာလုပ်ငန်းရှင်များ အီရန်နိုင်ငံထံမှ ရေနံဝယ်ယူခြင်းမပြုတော့ရန် မေတ္တာရပ်ခံကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက အသိပေးစာထုတ်ပြန်သည်။

မြန်မာနိုင်ငံ၏ မူပိုင် MMQR Code စနစ်ဖြင့် မိုဘိုင်းလ်ဖုန်းငွေပေးချေမှုများကို လာမည့် ၂၀၁၉ ခုနှစ် နှစ်စပိုင်းခန့်တွင် စတင်ဆောင်ရွက်နိုင်မည်ဖြစ်ကြောင်း Myanmar Payment Union (MPU) အမှုဆောင်အရာရှိချုပ် ဦးဇော်လင်းထွဋ်က ပြောကြားသည်။

ကမ္ဘာ့ရွှေဈေးမြင့်တက်လာသောကြောင့် ပြည်တွင်းရွှေဈေးများလည်း ပြန်လည်မြင့်တက်လာခြင်းဖြစ်ကြောင်း မန္တလေးတိုင်းရွှေလုပ်ငန်းရှင်များအသင်း ဥက္ကဋ္ဌ ဦးတင်ထွန်းက ပြောကြားသည်။

ဂျပန်အခြေစိုက် MyCare Uni-charm နှင့် ထိုင်းအခြေစိုက် Pacific Andaman (SEA) ကုမ္ပဏီတို့ကို ပြည်တွင်း၌ လက်လီလက်ကားလုပ်ငန်း လုပ်ကိုင်ရန်အတွက် စတင်ခွင့်ပြုလိုက်ပြီဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ အကြီးတန်းအရာရှိတစ်ဦးက ပြောကြားသည်။

တရုတ်နိုင်ငံသို့ တရားဝင်တင်ပို့ရသည့် ဆန်နှင့်ပြောင်း ဝေစုပမာဏ (Quota) ကို တိုးမြှင့်တင်ပို့ခွင့်ရရှိရန် တရုတ်အစိုးရနှင့် ညှိနှိုင်းနေကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန အမြဲတမ်းအတွင်းဝန် ဦးရန်နိုင်ထွန်းက ပြောကြားသည်။

ဆန်ဝယ်ယူပြီး ငွေကြေးအကျေအလည်မပေးသူ ၁၂ ဦးကို မြန်မာနိုင်ငံဆန်စပါးကုန်သည်များအသင်း၊ အသင်းဝင်အဖြစ်မှ ထုတ်ပယ်လိုက်ကြောင်း ဆန်စပါးကုန်စည်ဒိုင် (ဘုရင့်နောင်) ထံမှ သိရသည်။

ဒေါ်လာဈေးကစားနေသူများကို စိစစ်ဖော်ထုတ် အရေးယူနေသည့် အထူးစုံစမ်းစစ်ဆေးရေး ဦးစီးဌာန (စသုံးလုံး)က အောက်တိုဘာလ ၁၆ ရက်နေ့တွင် ရန်ကုန်တိုင်း ရွှေလုပ်ငန်းရှင်များအသင်းရဲ့ တွဲဘက်စာရင်းစစ် ဦးညီညီဦး (ခ) လှလေးစိန်ကိုဖမ်းဆီး၍ ပန်းဘဲတန်း မြို့မရဲစခန်း၌ အမှုဖွင့် အရေးယူခဲ့သည်။

ရိုးမဘဏ်နှင့် အသေးစားငွေရေးကြေးရေးကုမ္ပဏီ MC Easy Micro-finance တို့ ပူးပေါင်းပြီး အသေးစားလုပ်ငန်းများနှင့် စွန့်ဦးတီထွင်သူများကို ကျပ် ၈ ဘီလီယံ ချေးငွေထုတ်ချေးမည်ဖြစ်ကြောင်း ရိုးမဘဏ်ထံမှ သိရသည်။

ပြည်တွင်းရှိ အသေးစားနှင့် အလတ်စား (SME) လုပ်ငန်းများ ဖွံ့ဖြိုးတိုးတက်စေရန်အတွက် ဂျပန်နိုင်ငံမှ ပညာရှင်များက အခမဲ့နည်းပညာဝန်ဆောင်မှုပေးရန် ကုမ္ပဏီများကို လျှောက်လွှာခေါ်ယူထားကြောင်း စက်မှုကြီးကြပ်ရေးနှင့် စစ်ဆေးရေးဦးစီးဌာနထံမှ သိရသည်။

ကမ္ဘာ့ဆန်ညီလာခံ The Rice Trader 12th WORLD RICE CONFERENCE ကို ၂၀၂၀ ပြည့်နှစ်တွင် ရန်ကုန်မြို့၌ ပထမဆုံးအကြိမ် စတင်ကျင်းပမည်ဖြစ်ကြောင်း မြန်မာနိုင်ငံ ဆန်စပါးအသင်းချုပ်ထံမှ သိရသည်။

မြန်မာ-ဂျပန် နှစ်နိုင်ငံအကြား စီးပွားရေးလုပ်ငန်းများ ပူးပေါင်းဆောင်ရွက်ရေးနှင့် သယ်ယူပို့ဆောင်ရေးကဏ္ဍ ပူးပေါင်းဆောင်ရွက်မှုတိုးမြှင့်နိုင်ရေးတို့အတွက် နှစ်နိုင်ငံလုပ်ငန်းရှင်များ ညှိနှိုင်းဆွေးနွေးခဲ့ကြကြောင်း ကုန်သည်စက်မှုအသင်းချုပ်ထံမှ သိရသည်။

ကျွဲ၊ နွား တရားဝင်တင်ပို့ခြင်းလုပ်ငန်းများကို အထောက်အကူပြုစေမည့် အချက်အလက်များ စစ်တမ်းကောက်ယူမည်ဖြစ်ကြောင်း မွေးမြူရေးနှင့် ကုသရေးဦးစီးဌာနထံမှ သိရသည်။

တရုတ်-မြန်မာ အဓိက ကုန်သွယ်ရေးဂိတ်ဖြစ်သော မူဆယ် ၁၀၅ မိုင် ကုန်သွယ်ရေးဇုန်မှတစ်ဆင့် တင်ပို့နေသည့် ကုန်စည်များ ဖမ်းဆီးမှုကို တရုတ်ဘက်က နှစ်လခန့်ကြာသည်အထိ ဖမ်းဆီးမည်ဟု တရုတ်နိုင်ငံဘက်က လာသည့်သတင်းများကို ကိုးကား၍ မူဆယ်ရှိ ကုန်သည်များက ပြောကြားသည်။

တရုတ်နိုင်ငံတွင် လုံခြုံရေးတင်းကျပ်ပြီး အဖမ်းအဆီးများ ပြုလုပ်နေသောကြောင့် မူဆယ် ၁၀၅ မိုင် ကုန်သွယ်ရေးဇုန်မှ ဆန်၊ သကြား၊ ပြောင်းဖူးစေ့တင်ပို့မှုများကို ရပ်တန့်ထားကြောင်း မူဆယ်ရှိ ကုန်သည်များထံမှ သိရသည်။