မိမိကိုယ်ကိုယ်သေကြောင်း ကြံစည်မှုမှ ကာကွယ်ခြင်းဆိုင်ရာ မဟာဗျူဟာ (Suicide Strategy) ကို လာမည့်နှစ်အတွင်း စတင်ရေးဆွဲရန်ဆောင်ရွက်လျက်ရှိကြောင်း စိတ်ကျန်းမာရေးဆေးရုံကြီးမှ ပါမောက္ခ၊ ဌာနမှူး ဒေါက်တာတင်ဦးက ပြောကြားသည်။

အသက်ငါးနှစ်မှ ခုနစ်နှစ်အရွယ် အသည်းရောင် အသားဝါဘီပိုး ကာကွယ်ဆေးမထိုးရသေးသည့် ကလေးများကို ကာကွယ်ဆေး ထိုးနှံပေးမည်ဖြစ်ကြောင်း ပြည်သူ့ကျန်းမာရေး ဦးစီးဌာန၊ ဒုတိယညွှန်ကြားရေးမှူး၊ တိုးချဲ့ကာကွယ်ဆေးထိုးလုပ်ငန်း စီမံချက်မန်နေဂျာ ဒေါက်တာထားထားလင်းက ပြောကြားသည်။

ရန်ကုန်ဆေးရုံကြီးသို့ အရေးပေါ် လူနာမှလွဲ၍ သာမန် ဆေးကုသမှု ခံယူမည့်လူနာများကို သက်ဆိုင်ရာ မြို့နယ်အဆင့် ဒေသန္တရ ဆေးခန်း၏ လွှဲစာပါရှိမှသာ လက်ခံကုသပေးရန် မကြာခင်စီစဉ်မည်ဖြစ်ကြောင်း ဆေးရုံကြီး အုပ်ချုပ်ရေးအဖွဲ့မှ တာဝန်ရှိသူတစ်ဦးက ပြောကြားသည်။

ဂျပန်ဦးနှောက်ရောင် ကာကွယ်ဆေးထိုးရန် ကျန်ရှိနေသေးသည့် ကလေးတစ်သန်းကို ယခုနှစ် ဧပြီလမှ ဇူလိုင်လအတွင်း ကာကွယ်ဆေး ထိုးနှံပေးသွားမည်ဖြစ်ကြောင်း ပြည်သူ့ကျန်းမာရေး ဦးစီးဌာန၊ ဒုတိယညွှန်ကြားရေးမှူး၊ တိုးချဲ့ကာကွယ်ဆေးထိုးလုပ်ငန်း စီမံချက်မန်နေဂျာ ဒေါက်တာထားထားလင်းက ပြောကြားသည်။

မုန့်ဖတ်များ တာရှည်ခံစေရေးအတွက် အသုံးပြုနေသည့် ဖော်မလင်အစားထိုး ဖော်မြူလာများကို အစားအသောက်နှင့် ဆေးဝါးကွပ်ကဲရေးဦးစီးဌာန (FDA) က စမ်းသပ်ထုတ်ဖော် လမ်းညွှန်ပေးခဲ့ကြောင်း ယင်းဌာန ညွှန်ကြားရေးမှူးချုပ် ဒေါက်တာသန်းထွဋ်က ပြောကြားသည်။

ရန်ကုန်မြို့၌ တရားမဝင် ပုဂ္ဂလိက ဆေးခန်းများ စိစစ်မှုအရှိန်မြှင့်ရန် စာရင်း ရရှိထားသော မြို့နယ်အချို့ရှိ ဆေးခန်းများကို ယခုရက်ပိုင်းအတွင်း ရှောင်တခင် ဝင်ရောက်စစ်ဆေးသွားမည်ဖြစ်ကြောင်း ရန်ကုန်တိုင်း အစိုးရအဖွဲ့မှ အကြီးတန်း တာဝန်ရှိသူတစ်ဦးက ပြောကြားသည်။

ကမ္ဘာပေါ်တွင် မိခင်နို့တိုက်ကျွေးမှု နှုန်းတိုးလာပါက နှစ်စဉ် ကလေးသေဆုံးမှု ရှစ်သိန်းနှစ်သောင်းသုံးထောင်ကျော်ကို ကာကွယ်နိုင်မည်ဖြစ်ကြောင်း Save the Children ၏ DON’T PUSH IT အစီရင်ခံစာတွင် ဖော်ပြထားသည်။

အခြေခံလူတန်းစား၊ လူလတ်တန်းစား၊ ဝင်ငွေမြင့်လူတန်းစားနှင့် သက်ကြီးရွယ်အိုများဟူ၍ လေးမျိုးခွဲခြားထားသည့် ကျန်းမာရေးအာမခံ အမျိုးအစားအသစ်၏ ပရီမီယံကြေးများကို ယခုလကုန်တွင် ကြေညာမည်ဖြစ်ကြောင်း ပုဂ္ဂလိကအာမခံ ကုမ္ပဏီများထံမှ သိရသည်။

ရန်ကုန်တိုင်းဒေသကြီးအတွင်းရှိ အစိုးရဆေးရုံများမှလူနာများ သွေးရရှိနိုင်ရန်အတွက် စေတနာသွေးလှူရှင်များ၏ သွေးများလိုအပ်လျက်ရှိကြောင်း အမျိုးသားသွေးဌာန၏ တာဝန်ခံ ဒေါက်တာ သီတာအောင်က ပြောကြားသည်။

အိတ်ချ်အိုင်ဗီကူးစက်မှုနှုန်း မြင့်မားသည့်ဒေသများအတွက် USAID က အမေရိကန်ဒေါ်လာ ၁၀ သန်းတန်ဖိုးရှိ ၂ နှစ်တာကာလ စီမံချက်ကို စတင်မည်ဖြစ်ကြောင်း USAID ထံမှ သိရသည်။

တီဘီရောဂါ ရှိ မရှိ စစ်ဆေးခြင်းကို ယင်းရောဂါရှာဖွေစက် (Gene Xpert) များဖြင့် ရန်ကုန်မြို့တွင်း ၁၀ နေရာတွင် အခမဲ့ စစ်ဆေးနိုင်ကြောင်း အမျိုးသား တီဘီရောဂါ တိုက်ဖျက်ရေး စီမံကိန်းအရ သိရသည်။

ပြည်သူလူထုအခြေပြု လုပ်ငန်းများ တိုးမြှင့်ဆောင်ရွက်ရန်နှင့် ကုသမှုလုပ်ငန်းများ တွင်ကျယ်စွာ ဆောင်ရွက်နိုင်ရေးအတွက် စိတ်ကျန်းမာရေး စောင့်ရှောက်မှုဆိုင်ရာ ဥပဒေအသစ်ကို မတ်လအတွင်း ထပ်တိုးရေးဆွဲသွားမည်ဖြစ်ကြောင်း စိတ်ကျန်းမာရေး ဆေးရုံကြီး (ရန်ကုန်) မှ ပါမောက္ခ ဌာနမှူး ဒေါက်တာတင်ဦးက ပြောကြားသည်။

မြန်မာနိုင်ငံတွင် ပထမဆုံးအကြိမ်အဖြစ် မန္တလေးအထွေထွေရောဂါကု ဆေးရုံကြီးမှ လူနာလေးဦးကို နှလုံးအဆို့ရှင် အစားထိုးကုထုံးသစ်ဖြင့် ကုသပေးခဲ့ရာတွင် အောင်မြင်မှုရခဲ့ကြောင်း ယင်းဆေးရုံကြီး နှလုံးရောဂါကုသဌာနထံမှ သိရသည်။

စက်မှုဝန်ကြီးဌာန၊ မြန်မာ့ဆေးဝါးလုပ်ငန်းက လာအိုနှင့်ကမ္ဘောဒီးယားသို့ ဖေဖော်ဝါရီလအတွင်း မြွေဆိပ်ဖြေဆေး အလုံးရေတစ်သောင်း တင်ပို့မည်ဖြစ်ကြောင်း ယင်းလုပ်ငန်း၏ ဦးဆောင်ညွှန်ကြားရေးမှူး ဦးကိုကိုအောင်က ပြောကြားသည်။

အခြေခံပညာကျောင်းများရှိ ကျောင်းမုန့်ဈေးတန်းများတွင် အသင့်စားမုန့်များ ကင်းစင်ရေး (Junk Food Free) အဖြစ် ဆောင်ရွက်ရန် ကြိုးစားလျက်ရှိကြောင်း ရန်ကုန်မြို့တော် စည်ပင်သာယာရေးကော်မတီ၊ ကျန်းမာရေးဌာနမှ ခေတ္တဌာနမှူး ဒေါက်တာသန်းသန်းလွင်က ပြောကြားသည်။