News

POST TYPE

HEALTH

ဆေးဝါးဘေးထွက်ဆိုးကျိုး FDA စောင့်ကြည့်
18-Jan-2017

ရန်ကုန်၊ ဇန်နဝါရီ ၁၇

ဆေးဝါးများ၏ အန္တရာယ်ကင်းရှင်းရေးအတွက် အများပြည်သူ သုံးစွဲရာတွင် ဖြစ်ပေါ်လာနိုင်သည့် ဆေး၏ဘေးထွက်ဆိုးကျိုး စောင့်ကြပ်ကြည့်ရှုခြင်း စနစ်ကို ဆောင်ရွက်နေပြီဖြစ်ကြောင်း အစားအသောက်နှင့် ဆေးဝါးကွပ်ကဲရေး ဦးစီးဌာန(FDA)မှ တာဝန်ရှိသူ တစ်ဦးက ပြောကြားသည်။

ယင်းစနစ်ကို ADR Reporting Application အဖြစ် Android နှင့် iOS နှစ်မျိုးစလုံးတွင် အသုံးပြုနိုင်ရန် ရည်ရွယ်၍ ယခုနှစ် ဇန်နဝါရီလ ၄ ရက်နေ့မှစတင်ကာ FDA ၏ဝက်ဘ်ဆိုက် www.fdamyanmar.gov.mm တွင် အခမဲ့ ဒေါင်းလုတ်ဆွဲ၍ အသုံးပြုနိုင်ပြီဖြစ်ကြောင်း ကျန်းမာရေးနှင့် အားကစားဝန်ကြီးဌာန၏ အသိပေး ကြေညာချက်များအရ သိရသည်။

“ဒါကို သုံးစွဲခြင်းအားဖြင့် ဆေးဝါးသုံးစွဲတာကနေ ဖြစ်လာနိုင်တဲ့ မလိုလားအပ်တဲ့ဆိုးကျိုးကို FDA အနေနဲ့ သိလာနိုင်တာပေါ့။ Report တွေကို FDA မှာပဲ မထားဘဲ ကုသရေးလုပ်ငန်းမှာ အထောက်အကူပြုဖို့အတွက် ကုသရေး ဦးစီးဌာနကိုလည်း ဒီအချက်အလက်တွေကို မျှဝေသွားဖို့ ရှိတယ်”ဟု FDA ၏ တာဝန်ရှိသူ တစ်ဦးက ရှင်းပြသည်။

အဆိုပါစနစ်ကို ဆရာဝန်၊ သူနာပြု၊ ဆေးဝါးကျွမ်းကျင်၊ ကျန်းမာရေးမှူး အစရှိသည့် ကျန်းမာရေး ဝန်ထမ်းအားလုံးက ပြည်သူများ ဆေးဝါးမှီဝဲ သုံးစွဲရာမှ ဖြစ်ပေါ်လာနိုင်သော မလိုလားအပ်သည့် ဆိုးကျိုးများကို သိရှိရန်နှင့် ကုသရေး လုပ်ငန်းများအတွက် အထောက်အကူ ဖြစ်စေရန် ရည်ရွယ်၍ SMS စနစ်ဖြင့် ADR Reporting ကို အချိန်နှင့်တစ်ပြေးညီ သိရှိဖြေရှင်းနိုင်ရန် ဆောင်ရွက်ခြင်းဖြစ်ကြောင်း ကျန်းမာရေးနှင့် အားကစား ဝန်ကြီးဌာန၏ အသိပေး ကြေညာချက်တွင် ဖော်ပြထားသည်။

ယခုကဲ့သို့ ဆောင်ရွက်ခြင်းကြောင့် FDA အနေနှင့် ဆေးအတုများ၊ မှတ်ပုံမတင်ထားခြင်းများ၊ ဆေးတစ်ခုချင်းစီ၏ ဘေးထွက် ဆိုးကျိုးများကို သိလာနိုင်ပြီး ကုသရေးလုပ်ငန်းများတွင် အထောက်အကူ ဖြစ်လာနိုင်မည်ဖြစ်ကြောင်း အစားအသောက်နှင့် ဆေးဝါးကွပ်ကဲရေး ဦးစီးဌာနထံမှ သိရသည်။

J-12

  • VIA