News

POST TYPE

HEALTH

ဒူးနာခြင်းကင်းဝေးရန်အတွက် ဆောင်ရန်၊ ရှောင်ရန်များ
01-Nov-2017 tagged as ကျန်းမာရေး


ဒူးနာခြင်းကြောင့် သွားလာလှုပ်ရှားမှု ခက်ခဲမှုစေပြီး အသက်အရွယ်ကြီးရင့် လာသူများတွင် ယင်းကြောင့် ပိုမိုအခက်တွေ့စေနိုင်ပါသည်။ ဒူးနာခြင်းဖြစ်ပေါ်လာပါက ပေါ့ဆစွာ မနေထိုင်ဘဲ တတ်ကျွမ်းသော ဆရာဝန်များထံတွင် သေချာစွာ ဆေးကုသမှုကို ခံယူသင့်ပါသည်။ ကုသမှု မခံယူခြင်း၊ လေ့ကျင့်ခန်း ပုံမှန်မလုပ်ခြင်းတို့ကြောင့် ကြွက်သားများ အားပျော့ခြင်း၊ ဒူးပုံပျက်ခြင်းတို့ ဖြစ်လာနိုင်သဖြင့် ဒူးနာခြင်းနှင့်ပတ်သက်၍ ဆောင်ရန်၊ ရှောင်ရန်များကို ဖော်ပြအပ်ပါသည်။

ဒူးနာခြင်း - ဒူးဆစ်တွင် အရိုးကျီးပေါင်းနှင့် အရိုးအတက် (အစွယ်) ထွက်ခြင်းသည် အခြားအဆစ်များထက် ပို၍ဖြစ်တတ်ပါသည်။ ယင်းသို့ ဖြစ်ရခြင်းအကြောင်းမှာ ခုံညင်းရိုး၏ အရိုးနု အမာစားသည် ပျော့၍ စောစီးစွာ သိမ်ဖျင်းသည့် ရောဂါမျိုးဖြစ်ပြီး အဆစ်မှာ ကိုယ်အလေးချိန်ကို သယ်ပိုးရသော်လည်း ခိုင်ခံ့မှုနည်းသဖြင့် ဒဏ်ရာများကို လွယ်ကူစွာ ရရှိနိုင်၍ ဖြစ်ပါသည်။

လိုက်နာရန် အချက်များ - အနာခံနိုင်ရုံ လမ်းအနည်းငယ် နေ့စဉ်လျှောက်ပါ။ ဒူးဆစ်ပေါ်တွင် သက်ရောက်သည့် ဖိအားနည်းပါးစေရန် လမ်းလျှောက်ရာတွင် တုတ်ကောက်ကဲ့သို့ အကူပစ္စည်း အသုံးပြုပါ။ 

လှေကား အတက်အဆင်း၊ ကုန်းမြင့် အတက် အဆင်း၊ တောင်တက်၊ တောင်ဆင်းများကို တတ်နိုင်သမျှ မပြုလုပ်ပါနှင့်။ လှေကား အတက် အဆင်း နေ့စဉ် လုပ်ရမည်ဆိုပါက လှေကားတက်လျှင် ခြေထောက် အကောင်းနှင့် တစ်ထစ်ချင်းစီ တက်၍ လှေကားဆင်းလျှင် နာသည့်ခြေထောက်ဖြင့် တစ်ထစ်ချင်း စီဆင်းပါ။

ဆောင့်ကြောင့်ထိုင်ခြင်း၊ ပုဆစ်တုပ်ထိုင်ခြင်းတို့သည် ဒူးနာခြင်းကို ပိုဆိုး စေတတ်သဖြင့် လုံးဝ ရှောင်ကြဉ်ပါ။ ကုလားထိုင် အမြင့်ပေါ်မှ ဒူးတွဲလောင်းချထားသောပုံစံဖြင့်ထိုင်ရပါမည်။ ဆောင့်ကြောင့်ထိုင်ရသော အိမ်သာများနှင့် မသင့်တော်ပါ။ ဘိုထိုင်အိမ်သာကဲ့သို့ အမြင့်ထိုင်ရသည့် အိမ်သာမျိုးကိုသာ သုံးသင့်ပါသည်။

ပုံစံတစ်မျိုးတည်းတွင် နာရီဝက်ထက်ပို၍ ကြာမြင့်စွာ နေခြင်းမျိုးကို ရှောင်ကြဉ်ပါ။ ကိုယ်အလေးချိန် များလွန်း၍ အဝလွန်နေလျှင် ခန္ဓာကိုယ်၏ အလေးချိန်ကို ထိန်းမထားရခြင်းကြောင့် ဒူးဆစ်နာတတ်ပါသည်။ ထို့ကြောင့် သင့်တင့်သော ခန္ဓာကိုယ် အလေးချိန်နှင့် အဝမလွန်စေရန် ထိန်းသိမ်းသင့်ပါသည်။ အကယ်၍ အဝလွန်ခဲ့သော် သင့်တင့်သော ကိုယ်လက် လှုပ်ရှားမှုနှင့် အလေးချိန်ကို လျှော့ချရပါမည်။

လုပ်ဆောင်ရန် လေ့ကျင့်ခန်းများ - ပြင်ညီပေါ်တွင် ပက်လက်လဲ လျှောထိုင်၍သော်လည်းကောင်း၊ ခြေဆန့်ထားပြီး ခြေချင်းဝတ်ကို အပေါ်ဘက်သို့ ထားပါ။ ဒူးကိုအောက်သို့ အားစိုက်ဖိ၍ ၁၀ စက္ကန့် တောင့်ထားပါ။ ခဏနားပြီးလျှင် နောက်တစ်ကြိမ်ပြန်၍ပြုလုပ်ပါ။ တစ်ခါလုပ်လျှင် တစ်ဖက်ကို အကြိမ် ၂၀ ဖြင့် တစ်နေ့ကို နှစ်ခါပြုလုပ်ပါ။

ခုံမြင့်မြင့်တွင်ထိုင်၍ ခြေတစ်ဖက်ကိုပေါင်နှင့် တစ်တန်းတည်းဖြစ်အောင် ဆန့်ထုတ်ပြီး ငါးစက္ကန့်တောင့်ထားပါ။ ပြီးလျှင် တွဲလောင်းပြန်ချပါ။ တစ်ခါလုပ်လျှင် တစ်ဖက်ကို အကြိမ် ၂၀ ဖြင့် တစ်နေ့ကို နှစ်ကြိမ်ပြုလုပ်သင့်ပါသည်။

Source : အကြောအဆစ်နှင့် ကိုယ်အင်္ဂါပြန်လည်သန်စွမ်းရေး ဆေးပညာ ဌာန