News

POST TYPE

FOREIGN AFFAIRS

ထိုင်းဘုရင် မဟာဝိဇယလောင်ကွန်း နန်းတက် ဂုဏ်ပြုမှုခံယူ၊ ပြည်သူများ ညီညွတ်ကြရန် တိုက်တွန်း
08-May-2019



ဘန်ကောက်၊ မေ ၇

ထိုင်းဘုရင် မဟာဝိဇယလောင်ကွန်းသည် နန်းတက်အခမ်းအနား နောက်ဆုံးရက်များတွင် နန်းတော်လေသာဆောင်သို့ ထွက်၍ ပြည်သူတို့၏ ဂုဏ်ပြုမှုကိုခံယူခဲ့သည်ဟု ABC သတင်းတွင် ဖော်ပြထားသည်။

ဘုရင်နှင့်မိဖုရားသစ် စုသီတာတို့ကို နိုင်ငံတော်သီချင်းတီးမှုတ်ကာ အမြောက် ၂၁ ချက် ပစ်ဖောက်ဂုဏ်ပြုခဲ့သည်။ ဘုရင်နှင့်မိဖုရားတို့က အဝါရောင်ဝတ်ပြည်သူ အုပ်စုကြီးကို လက်ဝှေ့ယမ်းနှုတ်ဆက်ခဲ့သည်။

“ကျွန်ုပ်ရဲ့နန်းတက်ပွဲကိုလာရောက် ဂုဏ်ပြုခဲ့ကြတဲ့ ပြည်သူအားလုံးကိုမြင်တွေ့ရတာ ကျွန်ုပ်နဲ့မိဖုရားကြီးက အလွန်ဝမ်းမြောက်ပါတယ်။ အခုလိုစိတ်ရင်းစေတနာကို ညီညီညွတ်ညွတ် ဖော်ပြခဲ့ကြတာဟာ တိုင်းပြည်နဲ့ပြည်သူတွေရဲ့ တာထွက်မှုအတွက် ကောင်းတဲ့လက္ခဏာတစ်ခုဖြစ်ပါတယ်”ဟု ဘုရင်သစ်က ပြောကြားသည်။

ပြည်သူများသည် ရာဇပလ္လင်ခန်းမဆောင်မှ ထွက်ပေါ်လာမည့်ဘုရင်ကိုမြင်တွေ့ နိုင်ရန် တနင်္လာနေ့ကပင် တန်းစီခဲ့ကြပြီး လုံခြုံရေးစစ်ဆေးမှုများကို ခံယူဖြတ်သန်းခဲ့ရခြင်းဖြစ်သည်။ ရှေ့ဆုံးသို့ မရောက်နိုင်သူများအတွက်လည်း ကြီးမားသော ရုပ်သံမျက်နှာပြင်များကို တပ်ဆင်ပေးထားသည်။

ဘုရင်နှင့်မိဖုရားကို ကြည်း၊ရေ၊လေ တပ်ဖွဲ့များက ချီတက်အလေးပြုခဲ့ကြပြီးနောက် ဝန်ကြီးချုပ်ဦးဆောင်သော လူအုပ်ကြီးက ဘုရင်ကြီးအသက်ရာကျော် ရှည်ပါစေဟု ကောင်းချီးပေးခဲ့ကြသည်။

မဟာဝိဇယလောင်ကွန်းသည် လွန်ခဲ့သော ၁၈ လက ထီးနန်းဆက်ခံပြီး ကတည်းက အာဏာသိမ်းစစ်အစိုးရ၏ အကူအညီဖြင့် တော်ဝင်မိသားစု၏ပိုင်ဆိုင်မှု ဥစ္စာများကို တိုက်ရိုက်ထိန်းချုပ်ခြင်းအပါအဝင် ဘုရင့်အခွင့်အာဏာကို စုစည်းရန် လှုပ်ရှားခဲ့သည်။

ထိုင်းနိုင်ငံသည် ၁၉၃၂ ခုနှစ် ကတည်းက စည်းမျဉ်းခံဘုရင်စနစ်ကို ကျင့်သုံးခဲ့သော်လည်း တော်ဝင်မိသားစုသည် အကြီးမြတ်ဆုံးဟု သတ်မှတ်ခြင်း ခံထားရပြီး ရွေးကောက်ခံအစိုးရတစ်လှည့်၊ စစ်အစိုးရတစ်လှည့် သံသရာလည်နေသော ထိုင်းနိုင်ငံရေးတွင် စည်းလုံးညီညွတ်ရေးကို စေ့စပ်ပေးသူအဖြစ် ရပ်တည်လျက်ရှိသည်။

ထိုင်းဘုရင်နှင့် တော်ဝင်မိသားစုကို ကမ္ဘာ့အတင်းကျပ်ဆုံးဥပဒေများဖြင့် အကာအကွယ်ပေးထားပြီး ပြစ်တင်ဝေဖန်သူများကို ထောင်ဒဏ် ၁၅ နှစ်အထိ ချနိုင်သော စည်းကမ်းချက်များချမှတ်ထားသည်။

ထိုင်းပြည်သူများသည် ပြင်းထန်သော အပူပိုင်းဇုန်ရာသီဥတု အပူဒဏ်ကို အန်တုကာ တနင်္လာနေ့က ထိုင်းဘုရင်ကို ကောင်းချီးပေးခဲ့ကြသည်။

အာရှပစ္စဖိတ်ဒေသသည် ကမ္ဘာ့လက် ကျန်ထီးနန်း ၂၉ ခုအနက်လေးပုံတစ်ပုံ တည်ရှိရာဒေသဖြစ်ပြီး ဩဇာအကြီးဆုံး ထီးနန်းများထဲတွင် ပါဝင်ကြသည်။

ထိုင်းဘုရင်သစ်၏တရားဝင် နန်းတက်ပွဲကို စနေနေ့က စတင်ခဲ့ခြင်းဖြစ်ပြီး ဘုရင်မဟာဝိဇယလောင်ကွန်းက ရွှေသရဖူကိုဆောင်းကာ ထီးနန်းကိုလက်ခံခဲ့သည်။

မဟာဝိဇယလောင်ကွန်းသည် တနင်္ဂနွေနေ့တွင် ရွှေဝေါယာဉ်ပေါ်တွင်စီးနင်း လိုက်ပါကာ လှည့်လည်ခဲ့ပြီး မိဖုရားကြီး စုသီတာနှင့် သမီးတော်ကြီး ဘာချရာကီတီယာတို့က ဘေးမှ အတူလိုက်ပါခဲ့ကြသည်။ နန်းတက်ပွဲအခမ်းအနားကို ရုပ်သံလိုင်းများက တိုက်ရိုက်ထုတ်လွှင့်ပေးခဲ့ကြသည်။  

F-04