News

POST TYPE

FOREIGN AFFAIRS

သက်ကြီးရွယ်အိုလူဦးရေ မြင့်တက်မှုကတရုတ်၊ အိန္ဒိယ၊ အီရန်နှင့်ဂျပန်တို့ကို စိန်ခေါ်
31-Aug-2018



ဘေဂျင်း ဩဂုတ် ၃၀

အိန္ဒိယ၊ တရုတ်၊ ဂျပန်နှင့် အီရန်အပါအဝင် အာရှနိုင်ငံအများစုတွင် လူဦးရေလျော့နည်းလာသည့်ကိစ္စသည် ကမ္ဘာ့လူဦးရေ အဆမတန်များပြားမှုနှင့် ပတ်သက်၍ စိုးရိမ်နေသည့်အရေးကိစ္စများထက်ပင် ပို၍စိုးရိမ်စရာကောင်းကြောင်း DW သတင်းဌာနက ရေးသားဖော်ပြသည်။ 

ကမ္ဘာတွင် မွေးဖွားနှုန်းက အမီမလိုက်နိုင်သောအရှိန်ဖြင့် လူဦးရေကျဆင်းနေမှုသည် အနာဂတ် လူမှုဆိုင်ရာလုံခြုံမှုစနစ်ကို အဓိကစိန်ခေါ်လျက်ရှိသည်။

အိန္ဒိယနိုင်ငံမှအမျိုးသမီးများကလွဲ၍ ကျန်စက်မှုထွန်းကားသော၊ ဖွံ့ဖြိုးတိုးတက်နေသောနိုင်ငံများမှ အမျိုးသမီး မိခင်များတွင် ကမ္ဘာ့လူဦးရေထိန်းသိမ်းရန်အတွက် လိုအပ်သောအချိုးဖြစ်သည့် ကလေး ၂ ဒသမ ၁ ဦးနှုန်းထက် လျော့နည်းနေသည်။ အစိုးရများက လူဦးရေတိုးပွားလာရေးကို နည်းလမ်းမျိုးစုံဖြင့် အားပေးရန် ကြိုးစားနေကြသည်။

တရုတ်နိုင်ငံတွင် မော်စီတုန်းအလွန် တိန်ရှောက်ဖိန်လက်ထက်တွင် စားဝတ်နေရေးလောက်ငစေရန်အတွက် တစ်အိမ်ထောင်လျှင် ကလေးတစ်ယောက် မူဝါဒ (လက်တွေ့တွင် ၁ ဒသမ ၅ ယောက်နှုန်းရှိခဲ့) ကို ချမှတ်ခဲ့ရာမှ နောက်ပိုင်းတွင် လူမှုဆိုင်ရာပြဿနာမျိုးစုံကို ဖြစ်ပေါ်စေခဲ့သည့်အတွက် ကလေးနှစ်ဦးအထိ ပြန်လည်ခွင့်ပြုခဲ့ရာမှ ယခုအခါ ၂၀၂၀ တွင် ကလေးအရေအတွက် ကန့်သတ်ချက်ကိုပယ်ဖျက်ရန် တရုတ်အာဏာပိုင်များက စီစဉ်နေကြသည်။

မိခင်များကို ကလေးပိုယူအောင် အားပေးရာတွင် ၎င်းတို့၏ အလုပ်နှင့်မိသားစုဘဝ ဟန်ချက်ထိန်းမှု လွယ်ကူအောင် တရုတ်အစိုးရက ကူညီပေးရန် လိုအပ်နေသည်။ 

ကလေးများများမွေး မူဝါဒသစ်ကြောင့် စိုးရိမ်မကင်းဖြစ်နေသော ကုမ္ပဏီများက စရိတ်ချွေတာရန်အတွက် ကလေးမွေးဖွား၊ ပြုစုသည့်အရွယ် အမျိုးသမီးများကို အလုပ်မခန့်မိစေရန် ကြိုးစားရှောင်ရှားနေကြသည်။

တရုတ်တွင် ကလေးတစ်ယောက် မူဝါဒကို ဖြေလျှော့ပေးပြီးနောက် တစ်နှစ်အကြာတွင် မျှော်မှန်းထားသည့် ကလေး သုံးသန်းအစား ၁ ဒသမ ၃ သန်းသာ မွေးဖွားခဲ့သည်။

အီရန်နိုင်ငံတွင် ၂၀ ရာစု အလယ်ကာလ ရှားဘုရင်လက်ထက်တွင် ကလေးမွေးဖွားနှုန်း မြန်ဆန်စွာကျဆင်းသွားခဲ့ရာမှ ၁၉၇၉ တော်လှန်ရေးအပြီး ၁၉၈၀ ခုနှစ်များအတွင်း အီရတ်နှင့် စစ်ဖြစ်သော အချိန်တွင် ဘာသာရေးခေါင်းဆောင် ခါမေနီ၏လှုံ့ဆော်မှုကြောင့် တစ်အိမ်ထောင်လျှင် ကလေးခြောက်ဦးခန့်အထိ တိုးပွားလာကာ တပ်ဖွဲ့ဝင် သန်းနှစ်ဆယ်ရှိသည့် စစ်တပ်ကိုတည်ဆောက်နိုင်ခဲ့သည်။ သို့ရာတွင် စစ်အပြီး စီးပွားရေးလက်ပမ်းကျမှုနှင့် လူငယ်ထုများပြားလာမှုတို့ကြောင့် ပြုပြင်ပြောင်းလဲရေးဝါဒီ သမ္မတများဖြစ်သည့် ရပ်ဖ်ဆန်ဂျာနီနှင့် ခါတာမီတို့ လက်ထက်တွင် မူဝါဒပြောင်းကာ ကလေးနှစ်ဦး အစီအစဉ်ကို ကျင့်သုံးခဲ့သည်။

ထို့နောက် ဘာသာရေးခေါင်းဆောင်သစ် ခါမေနီနှင့် သမ္မတအာမက်ဒီနီဂျက်တို့၏ လက်ထက်တွင် တစ်ဖန် မူပြောင်းကာ ကလေးများများမွေးရန် အားပေးခဲ့ပြန်သည်။ အတက်အကျများလွန်းသော အီရန်၌ ယခုအခါ အမျိုးသမီးမိခင်များတွင် ပျှမ်းမျှကလေးနှစ်ဦးနှုန်း ရှိကြသည်။

အိန္ဒိယနိုင်ငံမှာမူ လူငယ်အရေအတွက် ကြီးမားသော်လည်း စီးပွားရေး ဖွံ့ဖြိုးမှုကျဆင်းလာခြင်းကြောင့် စက်ကိရိယာအစားထိုးမှုများလာခြင်း၊ လယ်ယာကဏ္ဍ အလုပ်အကိုင်နည်းပါးလာခြင်းတို့ကို အစိုးရက ကိုင်တွယ်စီမံနိုင်ခြင်း မရှိပေ။ အိန္ဒိယသည် တရုတ်၊ ဂျပန်၊ အီရန်တို့ကဲ့သို့ မဟုတ်ဘဲ လူဦးရေတိုးပွားမှုကို ကန့်သတ်ခြင်းမပြုသောကြောင့် ၁၉၆၅ နောက်ပိုင်း တဖြည်းဖြည်း လျော့ကျလာသည့်တိုင်အောင် ၂၀၄၀ အလွန်အထိ ကလေး ၂ ဒသမ ၁ ယောက်နှုန်းထက် ကျဆင်းသွားဖွယ်မရှိဟု ခန့်မှန်းရသည်။

သက်ကြီးလူဦးရေများသော ဂျပန်နိုင်ငံတွင် လူလေးဦးလျှင် တစ်ဦးမှာ ၆၅ နှစ်ကျော်အရွယ်ဖြစ်ပြီး ထိုအချိုးမှာ မြင့်တက်လျက်ရှိသည်။ ဂျပန်၏ လက်ရှိလူဦးရေ ၁၂၈ သန်းသည် ၂၀၄၅ တွင် ၁၁၂ သန်းသို့ မြန်ဆန်စွာလျော့ကျသွားမည်ဟု မျှော်လင့်ရသည်။ ဂျပန်သည် ၂၀၀၅ တွင် ကလေးမွေးနှုန်း မြှင့်တင်ရေးအစိုးရ ဌာနတစ်ခုကို ဖွဲ့စည်းခဲ့ပြီး လူငယ်များ အိမ်ထောင်မပြုဖြစ်အောင် တားဆီးနေသောအရာများကို ဖယ်ရှားခြင်း၊ ငွေကြေးမက်လုံးပေးခြင်းတို့ကို ပြုလုပ်ခဲ့သော်လည်း အရာမထင်ခဲ့ပေ။

သို့ရာတွင် ဂျပန်သည် အိန္ဒိယ၊ အီရန်တို့ကဲ့သို့ မဟုတ်ဘဲ အလုပ်ရှာဖွေသူထက် အလုပ်အကိုင်က ပိုများနေသည်။ ကုမ္ပဏီများကလည်း ဝန်ထမ်းများအား လက်ထပ်နိုင်ရန်နှင့် မီးဖွားနိုင်ရန်အတွက် အားလပ်ရက်ပေးခြင်း၊ အပိုဆုကြေးပေးခြင်းတို့ဖြင့် ဆွဲဆောင်ပေးနေသော်လည်း သိသိသာသာ ပြောင်းလဲမှုမရှိပေ။ သို့တိုင်အောင် ဂျပန်နိုင်ငံသည် အနာဂတ်တွင် ၂၄ နာရီ လုပ်ငန်းလည်ပတ်ရေးအတွက် အလိုအလျှောက်စနစ်များ အစားထိုးရန်နှင့် လူနာပြုစုစောင့်ရှောက်မှုကဏ္ဍတွင် ရိုဘော့နှင့် ဉာဏ်ရည်တု နည်းပညာများ အစားထိုးရန် စီစဉ်လျက်ရှိသည်။  

F-04