News

POST TYPE

FOREIGN AFFAIRS

ကက်သလစ်ကျောင်းတော်၏ လိင်ကိစ္စ အရှုပ်တော်ပုံများကြောင့် ပုပ်ရဟန်းမင်းကြီးဖရန်စစ် နုတ်ထွက်ပေးသင့်ဟု ယခင်ခရစ်ယာန်ဂိုဏ်းချုပ်ဟောင်း ဝေဖန်တိုက်ခိုက်
27-Aug-2018


ဗာတီကန်-ဒတ်ဗ်လင်၊ ဩဂုတ် ၂၇

ကက်သလစ်ကျောင်းတော်အတွင်း ခရစ်ယာန် ဘုန်းတော်ကြီးအချို့၏ လိင်ပိုင်းဆိုင်ရာ အနိုင်ကျင့်မှုနှင့် ဇာတ်ရှုပ်များကိစ္စကို ပုပ်ရဟန်းမင်းကြီးသည် နှစ်များစွာကတည်းက သိနှင့်ထားခဲ့ပြီဖြစ်ရာ ၎င်းအနေနှင့် ပုပ်ဖရန်စစ်အနေနှင့် ပုပ်ရဟန်းမင်းကြီး နေရာမှ နုတ်ထွက်ပေးသင့်သည်ဟု ဗာတီကန်တွင် ခရစ်ယာန်ဂိုဏ်းချုပ်ဖြစ်ခဲ့ဖူးသူ ကာလိုဗန်ဂါနိုက ထိုးနှက်တိုက်ခိုက်လိုက်ကြောင်း DW သတင်းဌာနက ရေးသားဖော်ပြသည်။

သို့သော် ပုပ်ရဟန်းမင်းကြီးက ခရစ်ယာန်ဂိုဏ်းချုပ်ဟောင်း ကာလိုဗန်ဂါနို၏ စွပ်စွဲတိုက်ခိုက်မှုများအပေါ် တစ်စုံတစ်ရာ တုံ့ပြန်သွားမည်မဟုတ်ဟု တနင်္ဂနွေနေ့တွင် ထုတ်ဖော်ပြောကြားသည်။

အဆိုပါစွပ်စွဲချက်သည် ပုပ်ရဟန်း မင်းကြီးဖရန်စစ်၏ အိုင်ယာလန်နိုင်ငံ ခရီးစဉ် ပြီးဆုံးသည့်နေ့တွင် ထွက်ပေါ်လာခြင်းဖြစ်သည်။

ပုပ်ရဟန်းမင်းကြီးသည် ကလေးသူငယ် လိင်အနိုင်ကျင့်မှု အရှုပ်အထွေးများကို ကက်သလစ်ကျောင်းတော်က ဖုံးဖိပေးခဲ့မှုနှင့်ပတ်သက်၍ အရေးယူ ဆောင်ရွက်သွားမည်ဟု အိုင်ယာလန်ခရီးစဉ်တွင် ကတိပြုပြောဆိုခဲ့သည်။

လိင်အနိုင်ကျင့်ခံရမှုမှ ရှင်သန်နိုင်ခဲ့သူအချို့ တက်ရောက်သည့် အခမ်းအနား၌ မိန့်ခွန်းပြောကြားသော ပုပ်ဖရန်စစ်က ကလေးများကို လိင်အနိုင်ကျင့်မှု၊ မုဒိမ်းမှု ကျူးလွန်ခဲ့သည့် ခရစ်ယာန်ဘုန်းကြီးများကို အရေးယူရန် ကက်သိုလစ်ကျောင်းတော်မှ ခေါင်းဆောင်များအနေနှင့် ပျက်ကွက်ခဲ့သည်ဟု ဝန်ခံပြောဆိုသွားသည်။

ကက်သလစ်ကျောင်းတော်အတွင်း ယင်းသို့ အပုပ်နံ့ထွက်သည့် ပြဿနာကြီးမျိုးကို ပုပ်ရဟန်းမင်းကြီးသည် နှစ်နှင့်ချီ၍ သိထားခဲ့သော်လည်း အရေးယူနိုင်ခြင်းမရှိခဲ့ကြောင်း၊ သို့အတွက်ကြောင့် ပုပ်ဖရန်စစ်အနေနှင့် ပုပ်ရဟန်းမင်းကြီးနေရာမှ နုတ်ထွက်ပေးသင့်သည်ဟု ခရစ်ယာန်ဂိုဏ်းချုပ်ဟောင်းဖြစ်သူ ကာလိုဗန်ဂါနို စွပ်စွဲတိုက်ခိုက်ခဲ့ခြင်းဖြစ်သည်။

ပြီးခဲ့သည့် ၂၀၁၁ ခုနှစ်မှ ၂၀၁၆ ခုနှစ်အထိ အမေရိကန်ပြည်ထောင်စုဆိုင်ရာ ဗာတီကန် သံအမတ်ကြီးအဖြစ်လည်း တာဝန်ထမ်းဆောင်ခဲ့ဖူးသူ ကာလိုဗန်ဂါနိုက “မြင့်မြတ်လှသည့် ပုပ်ရဟန်းမင်းကြီးခင်ဗျား၊ ကာဒီနယ်မက်ကာရစ်ကို ဖာသာ သိသလား၊ မသိဘူးလားဆိုတာ ကျွန်တော်မျိုး မသိပါ။ ဒါပေမဲ့ ခရစ်ယာန်ဂိုဏ်းအုပ်များအဖွဲ့ကို ဖာသာအနေနဲ့ မေးမြန်းမည်ဆိုပါက ကာနီနယ်မက်ကာရစ်နဲ့ပတ်သက်တဲ့ တိုင်ကြားစာတွေနဲ့ အမှုတွဲတွေ အမြောက်အမြား ရှိနေတာကို တွေ့ရမှာပါ။ ၎င်းသည် ခရစ်ယာန်ကျမ်းစာသင်တန်းနဲ့ တရားဟောဆရာ သင်တန်းတက်ရောက်တဲ့ မျိုးဆက် အမြောက်အမြားအပေါ် ကောက်ကျစ်ယုတ်မာခဲ့ပါတယ်။ (ယခင်) ပုပ်ရဟန်းမင်းကြီး ဘန်နီဒစ်က ၎င်းကို အာပတ်ဖြေခိုင်းပြီး သိက္ခာချရန် ညွှန်ကြားခဲ့ပါတယ်”ဟု ပုပ်ရဟန်းမင်းကြီး ဖရန်စစ်ထံသို့ ရေးသားပေးပို့သော စာတွင်ဖော်ပြသည်။

သို့သော် ယင်းသို့ သိက္ခာချ အာပတ် ဖြေစေပြီးနောက် မကြာမီလပိုင်းတွင်ပင် ကာဒီနယ်မက်ကာရစ်အနေနှင့် ခရစ်ယာန်အသင်းတော်၏ ကိုယ်စားလှယ်တော်အဖြစ် မစ်ရှင်များထွက်ခဲ့သည်ကို တွေ့ရသည်မှာ လွန်စွာအံ့အားသင့်မိခဲ့သည်ဟု ကာလိုဗန်ဂါနိုက ထောက်ပြခဲ့သည်။

အိုင်ယာလန်ခရီးစဉ်တွင်မူ ပုပ်ရဟန်းမင်းကြီးက လိင်အနိုင်ကျင့်မှု အရှုပ်အထွေးများကို ကိုင်တွယ်ရန် ပျက်ကွက်ခဲ့မှုသည် အမျက်ထွက်မှုများကို ဖြစ်ပေါ်စေခဲ့ပြီး ကက်သလစ်ကျောင်းတော်အတွက် အရှက်ရစရာ၊ နာကျင်စရာ အကြောင်းရင်းတစ်ခုအဖြစ် ကျန်ရှိနေသည်ဟု ပြောကြားခဲ့သည်။

အိုင်ယာလန်ခရီးစဉ်ပြီးဆုံးပြီး ဗာတီကန်သို့ ပြန်အရောက်တွင် ပြုလုပ်သည့် သတင်းစာရှင်းလင်းပွဲတွင်မူ အဆိုပါတိုင်ကြားစာ အမှုတွဲများ၊ စွပ်စွဲပြောဆိုချက်များနှင့်ပတ်သက်၍ တစ်စုံတစ်ရာ ပြောဆိုမည်မဟုတ်၊ ဂျာနယ်လစ်များကိုယ်တိုင် ယင်းစာတွဲများကို ဖတ်ကြည့်ပြီး ဆုံးဖြတ်ကြရမည်ဖြစ်ကြောင်း ပုပ်ရဟန်းမင်းကြီးဖရန်စစ်ကဆိုသည်။

“ဒီကိစ္စအပေါ် စကားတစ်လုံးတလေမျှ မပြောလိုပါ။ ခင်ဗျားတို့မှာ သတင်းစာ အတတ်ပညာရှိတာပဲ ကိုယ့်ဘာသာကိုယ် အဆုံးသတ် အဖြေထုတ်ကြပါ”ဟု ပြောသွားသည်။

ကာလိုဗန်ဂါနိုက အဆိုပါတိုင်ကြားစာတွင် ကာဒီနယ်မက်ကာရစ်နှင့်ပတ်သက်၍ ပုပ်ရဟန်းမင်းကြီး ဖရန်စစ် စတင်ရွေးကောက်တင်မြှောက်ခံခဲ့ရသည့် ၂၀၁၃ ခုနှစ်က အသိပေးပြောဆိုခဲ့ဖူးသည်ဟုလည်း ဆိုထားသည်။

F-01