News

POST TYPE

FEATURE

ကမ္ဘာကျော် သမီးတော်များ (အလီနာ ဖာနန်ဒတ် ရီဗျူးတာ)
26-Jan-2017 tagged as ကျူးဘား

ကိုယ့်ဖခင်က အာဏာရှင်တစ်ဦး ဖြစ်ခဲ့ပြီး လူပေါင်းများစွာ သတ်ခဲ့သူ ဖြစ်နေသည်။ ခေတ်တွေစနစ်တွေ ပြောင်းသွားသည်။ အာဏာရှင်ဟု သတ်မှတ်ခြင်း ခံရသူများ၏ သားသမီးများ ဘဝသည် အလွန်မျက်နှာငယ်စွာ စိတ်ဆင်းရဲစွာဖြင့် နေထိုင်ကြရသည်။ အာဏာရှင် သားသမီးများထဲတွင် ကောင်းသူလည်း ပါမည်။ ဆိုးသူလည်း ရှိနိုင်သည်။ သို့သော် သူတို့အပေါ်တွင် အရိပ်မည်းကြီးများက လွှမ်းမိုး ဖုံးအုပ်ထားတတ်သည်။ 

အလီနာ ဖာနန်ဒတ် ရီဗျူးတာ (Alina Fernández Revuelta) သည် ကျူးဘားနိုင်ငံမှ ခေါင်းဆောင်ကြီး ဖီဒယ်ကာ့စ်ထရို၏ သမီးတော် ဖြစ်သည်။ ကျူးဘားတွင် နေထိုင်ခဲ့ရစဉ်က မော်ဒယ်အဖြစ် လည်းကောင်း၊ ကျူးဘား ဖက်ရှင်ကုမ္ပဏီ တစ်ခုတွင် ပြည်သူ့ဆက်ဆံရေး ဒါရိုက်တာအဖြစ် လည်းကောင်း တာဝန်ထမ်းဆောင်ခဲ့သည်။ 

ရီဗျူးတာသည် ၁၉၉၃ ခုနှစ် အသက် ၃၇ နှစ် အရွယ်တွင် ကျူးဘားနိုင်ငံမှ စပိန်နိုင်ငံသို့ ဆံပင်တုစွပ် ပုံဖျက်၊ အထောက်အထားတုများပြကာ ထွက်ပြေးသွားခဲ့သည်။ ကျူးဘားနိုင်ငံမှ ထွက်ပြေးနိုင်ရန် အတွက် လူဝင်မှုကြီးကြပ်ရေးဌာနမှ ရင်းနှီးသူတစ်ဦးက အကူအညီ ပေးလိုက်သည်ဟု ဆိုသည်။ ရီဗျူးတာသည် ကိုလမ်ဘတ်စ်၊ ဂျော်ဂျီယာတို့တွင် နှစ်ပေါင်းများစွာ နေထိုင်ခဲ့သည်။

၂၀၀၈ ခုနှစ်က သူနှင့် Foreign Policy မဂ္ဂဇင်းတို့၏ အင်တာဗျူးတွင် ဖခင်ဖြစ်သူ ကာ့စ်ထရိုထက် ဖခင်နေရာတွင် အရိုက်အရာကို ဆက်ခံသော ဦးလေးရောလ် ကာ့စ်ထရိုတို့နှင့်သာ အဆက်အသွယ် ရှိတော့ကြောင်း ပြောကြားခဲ့သည်။ သူက ဦးလေးထံ တစ်ကြိမ်၊ နှစ်ကြိမ်လောက် အကူအညီတောင်းဖူးကြောင်း၊ ဦးလေးက အကူအညီပေးဖူးကြောင်း ပြောကြားခဲ့သည်။ ဖခင်ဖြစ်သူကမူ ကွယ်လွန်သွားသည်အထိ သူ့ကို ဘာမျှ အကူအညီ မပေးသွားဟု ဆိုသည်။ သူ့ကို ကျူးဘားနိုင်ငံသို့ မပြန်တော့ဘူးလားဟု မေးသည့်အခါတွင် -

“မသိသေးဘူး။ ကျွန်မ အပြင်ရောက်နေတာ ကြာပြီ။ သစ်ပင်တစ်ပင်လိုပဲ။ အပင်က ကြီးလာပေမယ့် အမြစ်တွေ မရှိသလို ဖြစ်လာနေတယ်” ဟု သူ့ခံစားချက်ကို ထုတ်ဖော်ပြောကြားခဲ့သည်။

ဖခင်ဖြစ်သူ နိုင်ငံခေါင်းဆောင်ကြီးတစ်ဦး ဖြစ်နေချိန်တွင် ဖခင်လက်အောင်မှ ထွက်ပြေးလာခဲ့ သည့် သမီးတစ်ဦး၏ ဘဝမှာ ထူးခြားသည်ဟု ဆိုရမည်။ သူထွက်ပြေးလာရသည်ကလည်း လျှို့ဝှက်သည်းဖို ဇာတ်လမ်းများထဲကအတိုင်း ဖြစ်နေသည်။ နိုင်ငံခြားသို့ ရောက်လာသည်နှင့် သတင်းစာရှင်းလင်းပွဲ တစ်ခု လုပ်ခဲ့သည်။ ၁၉၉၃ ခုနှစ် ဒီဇင်ဘာလတွင် ပြုလုပ်ခဲ့သော သတင်းစာရှင်းလင်းပွဲတွင် စပိန်နိုင်ငံကူးလက်မှတ် ရယူခဲ့ပုံ၊ ဝိတ်ချပြီး ဆံပင်တုစွပ်ကာ နိုင်ငံကူးလက်မှတ်ထဲကပုံနှင့် တူစေရန် မိတ်ကပ်များ ပြင်ခဲ့ရပုံများကို ပြောပြခဲ့သည်။ ကံကောင်းထောက်မစွာဖြင့် လေယာဉ်နှင့် စပိန်နိုင်ငံ၊ မက်ဒရစ်ကို ထွက်ခွာခွင့်ရခဲ့ပြီး မက်ဒရစ်မှ အမေရိကန်ပြည်ထောင်စုသို့ ထပ်မံထွက်ခွာခဲ့ကာ နိုင်ငံရေးခိုလှုံခွင့် တောင်းခဲ့ပြီး ချက်ချင်းပင် အမေရိကန်ပြည်ထောင်စုက လက်ခံခြင်း ခံလိုက်ရသည်။

သူမအနေနှင့် အရဲစွန့်ကာ ခိုးထွက်လာချိန်တွင် အသက် ၁၆ နှစ်အရွယ် သမီး အယ်လီနာကို ထားခဲ့ရသည်။ သူက မြေးဖြစ်သူအား သူ့ထံလွှတ်ပေးပါရန် ဖခင်ထံ တောင်းပန်စကား ဆိုခဲ့သည်။ သို့သော် သတင်းသမားများအား မိမိအနေနှင့် သမီးဖြစ်သူနှင့် ပြန်တွေ့ရန် မမျှော်လင့်နိုင်တော့ကြောင်းလည်း ပြောခဲ့ သေးသည်။ 

ကျူးဘားခေါင်းဆောင်ကြီး ကာ့စ်ထရိုသည် သမီးဖြစ်သူ ရီဗျူးတာကို အသိအမှတ်ပြုပြီး ထုတ်ဖော်ပြောကြားခြင်း မည်သည့်အခါကမှ မပြုလုပ်ခဲ့ပေ။ သို့သော် သူ့အနေနှင့် ဖခင်ထံသို့ မွေးနေ့ရောက်တိုင်း ဆုတောင်းစကားလေးတွေ ပို့ပေးတတ်ကြောင်းကိုတော့ ကျူးဘားရေပေါ်ဆီ အသိုင်းအဝိုင်းကလူများ အားလုံး သိနေကြသည်သာ ဖြစ်သည်။ သူမအနေနှင့်လည်း ဖခင်ဖြစ်သူ ကာ့စ်ထရို၏ သမီးတစ်ဦး ဖြစ်ကြောင်း မည်သည့်အခါမှ ထုတ်ဖော်ပြောကြားခြင်းလည်း မရှိတော့ပေ။ 

သူ့အနေနှင့် ကျူးဘားတွင် ကျန်ခဲ့သော သမီးလေး အယ်လီနာကို မိသားစု ပြန်လည်ပေါင်းစည်းခွင့်ရရေး အတွက် လွှတ်ပေးရန် ဖခင်ထံသို့ အကြိမ်ကြိမ် တောင်းဆိုမှုများ ပြုလုပ်ခဲ့သည်။ သို့သော် အောင်မြင်ခြင်း မရှိခဲ့ပေ။ အမေရိကန်အစိုးရနှင့် ဦးလေးဖြစ်သူ ရောလ်တို့၏ နားချကောင်းမှုကြောင့်ထင်သည် ၁၉၉၄ ခုနှစ် တွင် အယ်လီနာကို ကျူးဘားကတစ်ဆင့် အမေရိကသို့ လွှတ်ပေးလိုက်ပြီးနောက် သားအမိနှစ်ဦး အတ္တလန္တာတွင် ပြန်လည်ပေါင်းစည်းခွင့် ရရှိသွားခဲ့သည်။ 

အမေရိကန်ပြည်ထောင်စုသို့ ရောက်ရှိလာသည့် ရီဗျူးတာကို သတင်းမီဒီယာပေါင်း များစွာက တွေ့ဆုံခွင့်ရရန် ကြိုးပမ်းခဲ့ကြပြီး သတင်းနှင့် အင်တာဗျူးများကို ဖော်ပြခဲ့ကြသည်။ သူမအနေနှင့် ဖခင်ကို ‘အာဏာရှင်’ ဟု ပြောင်ပြောင်တင်းတင်းပင် စွပ်စွဲဝေဖန်ပြောဆိုခဲ့သည်။ ကိုလမ်ဘတ်စ်တွင် ၁၉၉၃ ခုနှစ်က ကျင်းပခဲ့သည့် သတင်းစာရှင်းလင်းပွဲတွင် ကျူးဘားနိုင်ငံ၏ မျက်မှောက်အနေအထားမှာ လွတ်လပ်မှုများ ကင်းမဲ့လျက် ရှိနေသည့်အပြင် မျှော်လင့်ချက် ကင်းမဲ့နေသည့် နိုင်ငံတစ်နိုင်ငံ ဖြစ်နေကြောင်း ထုတ်ဖော်ပြောကြားခဲ့သည်။ သူ့အနေနှင့် ကျူးဘားနိုင်ငံတွင် နေထိုင်စဉ် ကတည်းက လွတ်လပ်ခွင့် မရှိခဲ့ခြင်းများအပေါ် အမြဲထောက်ပြ ဝေဖန်နေခဲ့သူ ဖြစ်သည်။ 

ကာ့စ်ထရိုသည် အလွန်လျှို့ဝှက်သူ ဖြစ်သည်။ ထို့ကြောင့် သူ့နောက်ကြောင်းများကို တိပစွာ သိရှိသူ အလွန်နည်းသည်။ သူ့တွင် သားသမီး မည်မျှရှိခဲ့ကြောင်းလည်း ထုတ်ဖော်ပြောကြားခြင်း မရှိခဲ့။ ဇနီးသုံးဦးနှင့် သားသမီး ၇ ဦး ရှိခဲ့သည်ဟုလည်း ပြောကြသည်။ သို့သော် ၁၉၄၀ ခန့်က ပေါင်းသင်းခဲ့သည့် ဇနီးဖြစ်သူ မီယာတာနှင့် ရခဲ့သည့် ဖီဒယ်လီတို ဆိုသူကိုသာ အသိအမှတ်ပြုခဲ့သည်။ ကျူးဘားတွင် ရှိစဉ်က ရီဗျူးတာကို အသိအမှတ်ပြုသေးသော်လည်း အမေရိကသို့ ထွက်သွားချိန်က စတင်ပြီး လုံးဝပြောဆိုခြင်းပင် မပြုတော့ကြောင်း တွေ့ရသည်။

ရီဗျူးတာ၏ မိခင်မှာ နာတာလီယာ ရီဗျူးတာ ကလူးစ် ဖြစ်သည်။ ၁၉၅၂ ခုနှစ်တွင် ကာ့စ်ထရို တော်လှန်ရေး လုပ်နေစဉ်က တွေ့ဆုံခဲ့ကြပြီး တော်လှန်ရေးကို သူမပိုင်သည့် လက်ဝတ်ရတနာများ ရောင်းချ၍ ထောက်ပံ့ပေးခဲ့ရာက ကာ့စ်ထရိုသည် သဘောကျကာ သူတို့ ပေါင်းသင်းနေထိုင်ခဲ့ကြသည်။ သူတို့တွင် ရီဗျူးတာဆိုသည့် သမီးလေးတစ်ဦး ရသည်။ နာတာလီယာက နောက်ထပ် အိမ်ထောင်ပြုသည်။ သူ့ထက် အသက်များစွာကြီးသည့် ထင်ရှားသော နှလုံးအထူးကု ဆရာဝန်ကြီးတစ်ဦးနှင့် ဖြစ်သည်။ ကာ့စ်ထရိုကလည်း တော်လှန်ရေးကာလ အတွင်း မီယာတာ ဒိုင်းရာ့ဇ် ဘားလတ် ဆိုသူနှင့် နောက်ထပ် အိမ်ထောင်ပြုခဲ့သည်။ သူ ဟာဗားနား တက္ကသိုလ်တွင် ဥပဒေကျောင်းတက်စဉ်က တွေ့ဆုံခဲ့သူ ဖြစ်သည်။

၂၀၁၄ ခုနှစ်တွင် ရီဗျူးတာသည် ကျူးဘားနိုင်ငံသို့ ခေတ္တပြန်လာခွင့် ရခဲ့သည်။ ကျန်းမာရေး မကောင်းသည့် မိခင်ကြီးကို ပထမဆုံး ပြန်လည်တွေ့ဆုံခွင့် ရခဲ့ခြင်း ဖြစ်သည်။ ဖခင်ဖြစ်သူ ကာ့စ်ထရိုနှင့် တွေ့ဆုံခဲ့ခြင်းရှိ၊ မရှိကို ကောင်းစွာ မသိကြရသော်လည်း သူသည် သံရုံးများက ကျင်းပသည့် ပါတီပွဲများ ကိုတက်ပြီး စတိုင်ကျကျနှင့် ချမ်းသာသော မိန်းမကြီးတစ်ဦးအသွင် စီးကရက် လက်ကြားညှပ်ကာ နေထိုင်သည့် အသွင်များကို တွေ့မြင်ကြရသည်။ 

၂၀၁၆ ခုနှစ် ဖေဖော်ဝါရီလတွင် Titan Student Union Pavilion B&C တွင် ဟောပြောပွဲတစ်ခု ပြုလုပ်ခဲ့သည်။ ထိုဟောပြောပွဲတွင် ကာ့စ်ထရို၏ သမီး ရီးဗျူးတာကိုယ်တိုင် တက်ရောက်ပြီး ဆွေးနွေးဟောပြောမှုများကို ပြုလုပ်ခဲ့သည်။ AICA အဖွဲ့ကြီးက သူမကို ဂုဏ်ပြုပြီး ဟောပြောပွဲကျင်းပပေးခြင်း ဖြစ်သည်။ မိတ်ဆက်စကား ပြောပေးရာတွင် ဥက္ကဋ္ဌ ခရစ်အက်ဖ်ဂါနီက -

“သူမဟာ တကယ့်ကို ထူးခြားတဲ့ အမြင်ရှိသူတစ်ဦး ဖြစ်ပါတယ်။ သူ့ဖခင်အပေါ် အမြင်တွေအပြင်၊ ကျူးဘား နိုင်ငံတော်လှန်ရေး အကြောင်းတွေကိုပါ ကောင်းကောင်းနားလည်ခဲ့သူ ဖြစ်ပါတယ်။ ကျူးဘားနိုင်ငံရဲ့ ပြောင်းလဲနေတဲ့ နိုင်ငံရေး အခြေအနေတွေကို သူတင်ပြပါလိမ့်မယ်” ဟု မိတ်ဆက်ပေးခဲ့သည်။

ရီဗျူးတာက သူမကိုယ် သူမ မိတ်ဆက်ရာတွင် ရီဗျူးတာ ဆိုသည်မှာ Revolted ဆိုသည့် စကားက လာပြီး တော်လှန်သည့် စကားလုံး ဖြစ်နေသောကြောင့် သူ့တွင် တော်လှန်သောစိတ် အမြဲရှိနေကြောင်း၊ ဖာနန်ဒတ် ဆိုသည်ကပင် သူ့ဖခင် ဖီဒယ် ကာ့စ်ထရိုနှင့် အနီးစပ်ဆုံး တူညီသည့်အမည် ဖြစ်ကြောင်း ပြောဆိုမိတ်ဆက်ခဲ့သည်။ သူမက -

“ကျွန်မအမေက နာတာလီယာ ရီဗျူးတာကလူးပါ။ ကာ့စ်ထရိုနဲ့ မြင်မြင်ချင်း ချစ်ခဲ့ကြသူတွေပေါ့။ အဖေ ဘာတစ္စတာ အစိုးရကို တော်လှန်ရေး လုပ်နေကတည်းက သူတို့ ဆုံတွေ့ခဲ့ကြတာ။ ကာ့စ်ထရို ထောင်ကျသွားတော့ အမေက ဗိုက်တစ်လုံးနဲ့ ကျန်ခဲ့ပြီး ကျွန်မကို မွေးခဲ့ပါတယ်။ အဖေနဲ့အမေ စာချင်းပဲ အဆက်အသွယ် ရှိတယ်။ ကျွန်မ အသက် ၁၀ နှစ်လောက်အထိ ကျွန်မပထွေးကိုပဲ အဖေလို့ ထင်ခဲ့တာ” ဟုပြောဆိုခဲ့သည်။

ကာ့စ်ထရို ထောင်ကျနေချိန်တွင် ဘာတစ္စတာ အစိုးရသည် လူဖမ်းပွဲကြီး လုပ်နေသည်။ ကာ့စ်ထရိုနဲ့ အဆက်အသွယ်ရှိခဲ့သူများကို လိုက်ဖမ်းနေချိန်၌ ဆရာဝန်ကြီးက သူ့ကိုခေါ်ထုတ်ပြီး ထွက်ပြေးကာ ကိုယ်ဝန်ရှိနေသည့် သူမကို လက်ထပ်ယူလိုက်ပြီး ရီဗျူးတာ၏ ဖခင်ဘဝကို ခံယူလိုက်သည်။

အမေရိကသို့ ရောက်နေသည့် ရီဗျူးတာကို CNN သတင်းဌာနက ငှားရမ်းပြီး ကျူးဘားနှင့် သူ့ဖခင် အကြောင်းများ တင်ဆက်မှုကို ပြုလုပ်ခဲ့သည်။ သူက

“ကျူးဘားနိုင်ငံမှာ အားလုံး ပြတ်တောက်နေတာတွေ ဘယ်သူ့မှာ တာဝန်ရှိသလဲ။ အဝတ်အစားတွေ ဖြတ်တောက်ခံနေရတယ်။ အသားတွေ ဖြတ်တောက်ခံနေရတယ်။ ကျွန်မ အဖေ့ကို ပြောချင်တာကတော့ ကျွန်မတို့ရဲ့ ခရစ္စမတ်ကို ကျွန်မတို့ကို ပြန်ပေးပါလို့” ဟူ၍ ပြောခဲ့သည်။

သူမသည် ကာ့စ်ထရိုနှင့် သူ၏ မိသားစုအကြောင်းများ ပါဝင်သည့် Castro's Daughter: An Exile's Memoir of Cuba ဆိုသည့် စာအုပ်ကို ရေးသားထုတ်ဝေခဲ့သည်။ ဖီဒယ်ကာ့စ်ထရို၏ ညီမဖြစ်သူက တရားစွဲသည်။ ထုတ်ဝေသည့် ဘာစီလိုးနားရှိ Random House စာအုပ်တိုက်က ရီဗျူးတာ၏ အဒေါ်ဖြစ်သူ၊ ကာ့စ်ထရို၏ ညီမကို ဒေါ်လာ ၄၅၀၀၀ လျော်ကြေးပေးလိုက်ရသည်။ အမှုရှုံးသွားသောကြောင့် ဖြစ်သည်။

ရီဗျူးတာသည် ကွန်မြူနစ် ဆန့်ကျင်သူတစ်ဦး သို့မဟုတ် ဖခင်ဖြစ်သူ အာဏာရှင် ကွန်မြူနစ်ကြီး တစ်ဦးကို ဆန့်ကျင်နေသူတစ်ဦး အနေနှင့် အမေရိကန်ပြည်ထောင်စုတွင် ရောက်ရှိနေထိုင်သော သူရဲကောင်းကြီးတစ်ဦး ဖြစ်နေသည်။ သူမ၏ မိခင်ကိုယ်တိုင်ကလည်း ခေတ်ဆန်ပြီး အနောက်တိုင်း ယဉ်ကျေးမှုကို အထင်ကြီးသည်။ သူကိုယ်တိုင်လည်း မော်ဒယ်လ်ဘဝနှင့် လွတ်လပ်စွာ နေထိုင်ခဲ့သည်။ သို့သော် ကျူးဘားသည် လွတ်လပ်သော နေရာဌာနမဟုတ်။ ကွန်မြူနစ်နှင့် အာဏာရှင်တို့ လွှမ်းမိုးခဲ့သော နိုင်ငံမှ သူတို့ သားအမိနှစ်ဦးစလုံး ထွက်ပြေး လွတ်မြောက်လာခဲ့ကြကာ ဘဝသစ် ထူထောင်ခဲ့ကြသည်။ 

ရီဗျူးတာ စာအုပ်ထွက်စဉ်က သူမ၏ အဒေါ်ဖြစ်သူ ယွန်နီတာ ကာ့စ်ထရိုက သတင်းမီဒီယာကို သူ့အနေနှင့် အဘယ်ကြောင့် တရားစွဲရကြောင်း ပြောဖူးသည့် စကားတစ်ခွန်း ရှိသည်။

“မနေ့တစ်နေ့က ဖီဒယ်ကျွေးတာတွေ စားထားတဲ့ သူတွေက အမေရိက ရောက်လာမှ ငွေလိုချင်တာနဲ့ ဟိုပြောသည်ပြော၊ ဟိုရေးသည်ရေးတွေ လျှောက်ရေးနေကြတယ်။ အဲဒါတွေ အားလုံး တစ်ခုမှ မမှန်ဘူး။ သူတို့ပြောနေရေးတာတွေဟာ ကျူးဘားပြည်သူတွေကို ထိခိုက်တယ်။ ဘယ်သူမှ ဖီဒယ်ရဲ့ မိသားစုကို ထိပါးလို့ မရဘူး” ဟုပြောကာ တရားရုံးတွင် စိန်ခေါ်ပြီး ရီဗျူးတာကို ရင်ဆိုင်ခဲ့သည်။ 

မည်သို့ဆိုစေ ကျူးဘားခေါင်းဆောင် ကာ့စ်ထရို၏ အတိတ်ဘဝ တစေ့တစောင်းကိုတော့ အားလုံး သိခဲ့ရပြီး အလွန်လျှို့ဝှက်လွန်းသည့် အာဏာရှင်တစ်ဦး ဘဝကို ဖွင့်ချပြနိုင်ခဲ့သော ရီဗျူးတာသည် သူတို့ဘက်က ကြည့်တော့ သစ္စာဖောက်၊ ရောက်နေသည့်ဘက်က ကြည့်တော့ သူရဲကောင်းကြီး ဖြစ်နေသည်ကတော့ အမှန်ပင် ဖြစ်သည်။ 

(Ref: The Guardian, Los Angeles Times, The New York Times, Daily Titan)

ကျော်ဗလ