POST TYPE

FEATURE

မြန်မာ့အာဂမိခင်
19-Nov-2016 tagged as

စားဝတ်နေရေး ကျပ်တည်းလာခြင်း၊ စီးပွားရှာရ ခက်ခဲလာခြင်းများအပြင် ကျန်းမာရေးဆိုင်ရာ အသိပညာများ တိုးပွားလာခြင်း၊ မျိုးဆက်ပွား ကျန်းမာရေးဆိုင်ရာ အထောက်အကူပြု နည်းပညာနှင့် ဆေးဝါးပစ္စည်းများ ခေတ်မီတိုးတက်လာခြင်းတို့ကြောင့် မိဘတိုင်း သားသမီး ရယူသည့်အရေအတွက် လျော့ကျလျက်ရှိသည်။

သို့သော်လည်း မြန်မာနိုင်ငံတွင်မူ အာဂမိခင်တစ်ဦး ရှိနေပြီး သူသည် သားသမီး ၂၆ ဦးကို မွေးဖွားခဲ့သော မြန်မာအမျိုးသမီးကြီး ဖြစ်သည်။ ၎င်းမှာ ပုဇွန်တောင်ဈေးအနီးတွင် နေထိုင်ပြီး အကျိုးဆောင်(ပွဲစား) ဟု လူသိများခဲ့သူ အသက် ၅၀ ကျော်အရွယ် ဒေါ်ခင်သူဇာပင် ဖြစ်သည်။

သူ့ဖခင် ဦးခင်မောင်ဇော်သည် အငြိမ်းစား ဝန်ထမ်းတစ်ဦး ဖြစ်ပြီး မိခင် ဒေါ်တိုင်းရီနှင့် အိမ်ထောင်ကျကာ ဒေါ်ခင်သူဇာ တစ်ဦးတည်းကိုသာ မွေးဖွားခဲ့ခြင်း ဖြစ်သည်။  သူမ ရှစ်နှစ်သမီးအရွယ် ရောက်သောအခါ မိခင်ဖြစ်သူ ဒေါ်တိုင်းရီမှာ ဆုံးပါးသွားခဲ့သောကြောင့် ဦးခင်မောင်ဇော်သည် နောက်အိမ်ထောင်ပြု၍ သားသမီးများ ထပ်မံရရှိခဲ့ကာ ၎င်းတို့နှင့် အတူနေထိုင်၍ ဘဝကို ဖြတ်သန်းခဲ့သည်။

တစ်ဦးတည်းသော သမီးဖြစ်သော ဒေါ်ခင်သူဇာသည် တစ်ယောက်တည်း နေထိုင်ရမည်ကို စိုးရိမ်သောကြောင့် မိမိချစ်ခင်နှစ်သက်သည့် အမျိုးသား ရှိလာပါက အိမ်ထောင်ပြုပြီးလျှင် တစ်နှစ်လျှင် တစ်ဦးနှုန်းဖြင့် ကလေးမွေးဖွားရန် ငယ်စဉ်ကတည်းက စိတ်ကူးရှိခဲ့သူလည်း ဖြစ်သည်။ 

ဒေါ်ခင်သူဇာ၏ ခင်ပွန်းဖြစ်သူ ဦးမြင့်ဝေမှာ ပို့ဆောင်ရေး ဝန်ကြီးဌာနမှ အငြိမ်းစား ဝန်ထမ်းတစ်ဦး ဖြစ်ပြီး သူနှင့် ဖူးစာဆုံခဲ့ပုံကို ယခုကဲ့သို့ ပြောဆိုသည်။
“၁၈ နှစ်သမီး အရွယ်ရောက်တော့ လယ်ယာနှင့် သစ်တောဝန်ကြီးဌာနမှာ ခုနစ်လလောက် အလုပ်လုပ်ခဲ့တယ်။ အဲဒီအလုပ်ကို သွားလာရင်း အန်တီ့ထက် ခြောက်နှစ်ကြီးတဲ့ ကိုမြင့်ဝေနှင့် ဆုံတွေ့ခဲ့တယ်။ နောက်တော့ ချစ်ကြိုက်ပြီး သူနဲ့ အိမ်ထောင်ပြုခဲ့တယ်”။

ဒေါ်ခင်သူဇာသည် အိမ်ထောင်ပြုပြီးသည့်အခါ ထိုစိတ်ကူးကို လက်တွေ့အကောင်အထည် ဖော်ခဲ့လေသည်။ 

“သားသမီးဆိုတာ ထိုက်မှ ရတာလေ” ဟု ခင်ပွန်းဖြစ်သူ ဦးမြင့်ဝေက ဆိုသည်။ ဦးမြင့်ဝေနှင့်  အိမ်ထောင်ကျပြီး ၃၁ နှစ်အတွင်း ၂၄ ကြိမ် ဒေါ်ခင်သူဇာ ကိုယ်ဝန်ဆောင်ခဲ့ပြီး သားသမီး ၂၆ ဦးကို မွေးဖွားခဲ့ခြင်း ဖြစ်သည်။

“၁၉၇၆ ခုနှစ်ကနေ ၁၉၉၉ ခုနှစ်အထိ အကြိမ် (၂၀) မြောက်ကို ကလေး ၂၀ ဦး မွေးဖွားခဲ့ပါတယ်။  နောက်ထပ် ၂၀၁၃ ခုနှစ်အထိ လေးကြိမ်မှာ နှစ်မြွှာပူးနှစ်ခါ၊ တစ်ဦးချင်း နှစ်ခါ မွေးခဲ့ပါတယ်” ဟု  ဒေါ်ခင်သူဇာက ပြောပြသည်။

သူ့သားသမီးများကို ဆရာဝန်များ၊ ဆေးရုံများ အမျိုးမျိုးပြောင်းပြီး မွေးခဲ့ရသည်။ အဘယ်ကြောင့်  ဆိုသော် သူ့ ပထမကိုယ်ဝန်မှ တတိယကိုယ်ဝန်အထိ သုံးကြိမ်တိုင် မွေးဖွားပေးခဲ့သည့် ဆရာဝန်များက ကလေး ဆက်လက်မမွေးဖွားရန် အိမ်သို့ အသိပေးစာများ ပေးပို့ခဲ့ခြင်းကြောင့်ပင်။ 

“အန်တီတို့ခေတ်က တားဆေးတွေ၊ ဘာတွေ ရှိချင်လည်း ရှိမှာပေါ့။ ရှိလည်း အန်တီမသုံးဘူး။   နောက်ပြီး ကလေး၂၆ ယောက်လုံးကိုလည်း ခွဲပြီးမမွေးဘူး။ သဘာဝအတိုင်းပဲ မွေးဖွားခဲ့တယ်” ဟု ဒေါ်ခင်သူဇာက ပြောပြသည်။

ယင်းအချိန်ကာလက ကလေးတစ်ယောက်၏ စရိတ်သည် အလွန်ပင် ကြီးမားခဲ့သောကြောင့် အိမ်ထောင် ဦးစီးဖြစ်သူ ဦးမြင့်ဝေမှာ နိုင်ငံခြားသင်္ဘောလိုက်ကာ ဝင်ငွေရှာခဲ့ပြီး မိခင်ဖြစ်သူ ဒေါ်ခင်သူဇာမှာ အိမ်၊ ခြံ၊ မြေ၊ ကား စသည့် အကျိုးဆောင်လုပ်ငန်းများကို လုပ်ကိုင်လျက် သားသမီးများကို တစ်ယောက်မကျန် ကျောင်းထားပေးနိုင်ခဲ့သည်။

“အန်တီ့ကလေးတွေကို အလုပ်မလုပ်ခိုင်းချင်ဘူး။ မိဘတို့ ဝတ္တရားရှိတဲ့အတိုင်း ပညာတတ်အောင်   သင်ပေးတယ်။ အခက်အခဲတွေ အများကြီး ကြားကပေါ့” ဟု ဒေါ်ခင်သူဇာက ပြောပြသည်။

ယင်းအချိန်တွင် ကလေးတစ်ဦး၏ ပညာသင်စရိတ်မှာ အတော်ပင် ကြီးမြင့်ခဲ့သည်။ ကျောင်းအပ်ခ၊   စာအုပ်ဖိုးတို့အပြင် ကျောင်းတွင် အလှူငွေကောက်ခံခြင်းများ စသည့် စရိတ်များ ပေးဆောင်ရသည်။

ကျောင်းအပ်ရမည့် ရာသီရောက်လျှင် ဒေါ်ခင်သူဇာ အလွန်ပင် စိတ်သောက ရောက်ခဲ့ရသည်။ သို့သော် သူ့ကလေးများ ကျောင်းအပ်နိုင်ရန်အတွက် အလုပ်ပြင်ပ၌ အသိမိတ်ဆွေများထံမှ ချေးငှားခဲ့ရသည်မျိုးလည်း ရှိခဲ့ သည်။ ကျောင်းတွင် ငွေကြေးကောက်ခံမှုများ ပေါ်လာသောအခါ ချက်ချင်းတစ်ပြိုင်နက် သားသမီးများ အားလုံးကို မပေးနိုင်ဘဲ တစ်ဦးချင်းစီကို တစ်လှည့်စီ  ပေးဆောင်ခဲ့ရသည်။

“အမေက မောင်နှမတွေ အားလုံးကို ဘယ်သူ့ကိုမှ ဘက်မလိုက်ဘဲ တန်းတူဆက်ဆံတယ်။ သမီးတို့ အလုပ်လုပ်ချင်တာတောင် အမေက အလုပ်မလုပ်ခိုင်ဘူး။ အမေ့ကို သနားရင် ပညာကိုပဲ ကြိုးစားဖို့ အမြဲတမ်းပြောတယ်” ဟု ဒေါ်ခင်သူဇာ၏ သမီးတစ်ဦးဖြစ်သူ မဆည်းဆာမြင့်ဝေက ပြောပြသည်။

ယင်းကဲ့သို့ သားသမီးများအပေါ် ဘက်လိုက်မှုမရှိ အခက်အခဲ အတားအဆီးများကို ကျော်ဖြတ်ကာ  တန်းတူဆက်ဆံ၍ ပညာသင်ပေးခဲ့သော်လည်း သားသမီးအချို့ကြောင့် သူ စိတ်အားငယ်ခဲ့ရသည့်  အချိန်ကာလများလည်း ရှိခဲ့သည်။

“ကိုယ့်သားသမီးတွေကို နာမည်တပ်ပြီးတော့ မပြောချင်ပါဘူး။ အန်တီက သားသမီး ၂၆ ယောက် မွေးထားတယ်။ ဆုံးသွားတာနဲ့ဆို အခုသားသမီး ၁၃ ယောက် ကျန်တယ်။ လေးယောက်လောက်ပဲ မိဘအပေါ် သိတတ်နားလည်ကြတယ်” ဟု ဒေါ်ခင်သူဇာက ဆိုသည်။

မိဘနှင့် သားသမီးကြားတွင် ပြောလေ့ရှိသော စကားတစ်ခွန်း ရှိသည်။ ယင်းမှာ စုန်ရေသာ ရှိသည်၊   ဆန်ရေ မရှိဟူ၍။

“ကျွန်မက ကလေးနှစ်ယောက် မွေးထားပါတယ်။ ကလေးမွေးဖွားတဲ့ အချိန်မှာ ဘယ်လောက်ပင်ပန်းသလဲ၊ ကလေးတစ်ယောက် မွေးပြီးရင် ဘယ်လောက်အလုပ်ရှုပ်ရလဲ ဆိုတာ သိတယ်။ ဒါကြောင့် ကလေး ၂၆ ယောက်တောင် မွေးဖွားထားတဲ့ အမေ့ကို အရမ်းသနားတယ်” ဟု မဆည်းဆာမြင့်ဝေက ပြောသည်။ 

ယင်းကြောင့် ဒေါ်ခင်သူဇာတို့ မိသားစုကို ၂၀၀၆ ခုနှစ်မှစ၍ ဆရာတော် ရှင်ဆန္ဒာဓိက (ရွှေပါရမီတောရ) က မိဘကျေးဇူးကို ဂုဏ်ပြုသည့် အနေနှင့် နှစ်အလိုက် အလှူဒါနများ ပြုလုပ်ပေးခြင်း၊ ဆရာတော်၏ ဒါယကာ၊ ဒါယိကာမများက အလှူငွေများ ပေးအပ်ထောက်ပံ့ခြင်းတို့ကို ဆောင်ရွက်ပေးခဲ့သည်။

ယင်းအပြင် ကလေး ၂၆ ဦး မွေးဖွားနိုင်ပြီး ကလေးများ အကြောင်းကို ပိုမိုသိရှိနိုင်စွမ်း ရှိမှုကြောင့် အမျိုးသမီးရေးရာနှင့် မိခင်ကလေး စောင့်ရှောက်ရေး အသင်းကလည်း ယင်းတို့အဖွဲ့တွင် တာဝန်ထမ်းဆောင်ရန် တိုက်တွန်းခဲ့သဖြင့် အမျိုးသမီးရေးရာနှင့် မိခင်နှင့်  ကလေးစောင့်ရှောက်ရေး အသင်းတို့တွင် တာဝန်ထမ်းဆောင်ခဲ့သည်။

၎င်းသည် အကျိုးဆောင်လုပ်ငန်း မရှိသည့် အချိန်များတွင် မြန်မာအမျိုးသမီးများ လူမှောင်ခိုကူးမှု တားဆီးရေး လုပ်ငန်းများကိုလည်း စိတ်ပါဝင်စားသူ တစ်ဦးလည်း ဖြစ်ရာ ယင်းအဖွဲ့တွင်လည်း စိတ်အားလူအားအဖြစ် နှစ်မြှုပ်ကာ လုပ်ကိုင်ခဲ့သည်။

လက်ရှိအချိန်တွင် နေအိမ်၌ သားသမီးများနှင့်အတူ သူ့ဘဝကို ဖြတ်သန်းလျက်ရှိပြီး သူအဖြစ်ချင်ဆုံး ဆန္ဒတစ်ခုမှာ မိသားစု စည်းစည်းလုံးလုံးဖြင့် တစ်ဦးအကူအညီလိုလျှင် တစ်ဦးက ရိုင်းပင်းကူညီ၍  ပျော်ရွှင်စွာ နေထိုင်နိုင်ရေးပင် ဖြစ်ပေတော့သည်။

မျိုးမင်း

  • TAGS