News

POST TYPE

FEATURE

အရှိန်ရလာသည့် စပျစ်စိုက်ပျိုးထုတ်လုပ်မှု
06-Jun-2018



ကတ်ကြေးကိုင် ခြံလုပ်သားတို့က စပျစ်ကို အခိုင်လိုက်ညှပ်ကာ ခြင်းထဲထည့်နေကြသည်။ ကား၊ မော်တော်ဆိုင်ကယ်များကလည်း စပျစ်သေတ္တာအပြည့် တင်ဆောင်ကာ စိုက်ခင်းဘေးမှ မောင်းထွက်သွားကြသည်။

မန္တလေးတိုင်းဒေသကြီး၊ ရမည်းသင်းမြို့နယ်ရှိ ဤခြံများမှ စပျစ်နှစ်မျိုးထွက်ရှိရာ အသီးစားစပျစ်သည် ပွဲရုံလက်ကားဒိုင်တို့မှတစ်ဆင့် အနယ်နယ်အရပ်ရပ်ရှိ သစ်သီးဝလံရောင်းသည့်ဆိုင်များသို့ သွားမည်ဖြစ်သည်။ ကျန်စပျစ်တို့က ဝိုင်အရက်ချက်လုပ်သည့် စက်ရုံများသို့ သွားမည်ဖြစ်သည်။

အလယ်ကုန်းကျေးရွာမှ တောင်သူဦးစန်းအောင်က ဝိုင်စပျစ်စိုက်ပျိုးခြင်းသည် ကုမ္ပဏီကားက စိုက်ခင်းအထိ လာရောက်သယ်ယူသဖြင့် သယ်ယူပို့ဆောင်စရိတ်နှင့် လုပ်အားခသက်သာခြင်းစသည့် အားသာချက်များရှိနေသည်ဟု ပြောသည်။

“အဆင်ပြေသွားရင် ဝိုင်ပဲ ထပ်စိုက်သွားမယ်။ ပထမသီးနှံစိုက်လို့ အဆင်ပြေရင် နောက်သီးနှံစိုက်ဖို့ မခဲယဉ်းတော့ဘူးလေ။ အဲဒီလို အဆင်ပြေရင်တော့ တခြားသီးနှံ ဘယ်လုပ်တော့မတုံး” ဟု ဦးစန်းအောင် က အားတက်သရော ပြောပြသည်။ 

ယမကာစက်ရုံတို့က ဝယ်လိုအားကောင်းလာသဖြင့် ဝိုင်စပျစ်ကို ယခင်ကထက် ပိုမိုစိုက်ပျိုးလာကြသည်ဟု ရမည်းသင်း စပျစ်တောင်သူတို့က ပြောကြသည်။

စိုက်ခင်းမှ ဝိုင်စက်ရုံသို့

ပင်မတိုင်တို့ကို အင်္ဂလိပ်အက္ခရာ့ပုံစံထောင်ပြီး ထိုတိုင်များကြားတွင် စပျစ်ကို အတန်းလိုက်စိုက်ထားကြသည်။ ဤသို့စိုက်ခြင်းဖြင့် ဝိုင်ထုတ်လုပ်ရေးအတွက် သင့်တော်သည့် အရည်အသွေးရရှိရန် အထောက်အကူဖြစ်စေသည်။ 

မြန်မာနိုင်ငံအနှံ့ ယမကာမှီဝဲသူ အများအပြားမှာ ဘီယာနှင့် အရက်ပြင်းများကို ရွေးချယ်ကြသည်။ သို့သော်လည်း ဝိုင်သောက်သုံးသူ အရေအတွက် တိုးပွားလာမည်ဟု ထုတ်လုပ်သူတချို့က မျှော်လင့်ထားသည်။

မြို့ကြီးအချို့ရှိ ကုန်တိုက်များတွင် ပြည်တွင်းဖြစ် ဝိုင်ပုလင်းမျိုးစုံ ခင်းကျင်းထားသည်ကို တွေ့နိုင်သည်။

နိုင်ငံတကာခရီးသွားတို့လည်း အဆက်မပြတ် ဝင်ရောက်နေရာ ၎င်းတို့ထဲတွင်လည်း ဒေသထွက်ဝိုင် အရက်ကို မြည်းစမ်းလိုသူအများအပြား ပါဝင်သည်။

၂၀၀၀ ပြည့်နှစ်ဝန်းကျင်တွင် Myanmar Vineyard ကုမ္ပဏီသည် ဝိုင်စပျစ်စိုက်ပျိုးထုတ်လုပ်မှုကို ရှမ်းပြည်နယ်၊ တောင်ကြီးမြို့တွင် စတင်ခဲ့ပြီး ၆ နှစ် အကြာတွင် ဈေးကွက်အတွင်းသို့ ၎င်းတို့၏ ဝိုင်ပုလင်းများ ရောက်ရှိသွားသည်။ 

၂၀၀၉ ခုနှစ်တွင် ထိုစက်ရုံမှဝိုင် ပြည်ပတင်ပို့နိုင်ခဲ့သည်ဟု စီမံကိန်းနှင့် ဘဏ္ဍာရေးဝန်ကြီးဌာနက ပြီးခဲ့သည့်နှစ်တွင် ထုတ်ဝေသည့် ရှမ်းပြည်နယ် ရင်းနှီးမြှုပ်နှံမှု အခွင့်အလမ်းလေ့လာမှု အစီရင်ခံစာက ဆိုသည်။ 

ကုမ္ပဏီက အနောက်တိုင်းမှ စပျစ်မျိုးကွဲပေါင်း ၁၄ မျိုးခန့် စမ်းသပ်စိုက်ပျိုးပြီး မြန်မာနိုင်ငံနှင့် ကိုက်ညီမည့် အမျိုးအစားတို့ကို တွင်တွင်ကျယ်ကျယ် စိုက်ပျိုးနေသည်။ 

ဝိုင်ရောင်းအား ပိုမိုမြင့်မားလာသည့်အတွက် လိုအပ်သည့် ဝိုင်စပျစ် ပိုမိုထုတ်လုပ်နိုင်ရန်ရမည်းသင်း၊ မိတ္ထီလာ၊ မန္တလေး၊ ဟိုပုံးမြို့နယ်တို့မှ စပျစ်စိုက်တောင်သူများနှင့် လက်တွဲလုပ်ဆောင်လာသည်။

ရမည်းသင်းတွင် တောင်သူ ၁၇ ဦးနှင့် ချိတ်ဆက်ကာ ဧက ၂၀ ခန့်လုပ်ဆောင်နေပြီး အဆိုပါတောင်သူတို့နှင့် ထပ်ဆင့်ချိတ်ဆက်လုပ်ကိုင်နေသည့် ဆင့်ပွားတောင်သူများလည်း ရှိနေသည်။ ဒေသခံတို့၏အဆိုအရ စပျစ်စိုက်တောင်သူ ၃၀ ကျော်ရှိလာပြီး ပူးပေါင်းလိုသည့် တောင်သူအရေအတွက်လည်း အများအပြားရှိနေသည်ဟု ကုမ္ပဏီ၏ Deputy Product Director ကိုမင်းဇော်သန့်က ပြောသည်။

“နောက်နှစ်အနည်းငယ်အထိတော့ အသစ်စိုက်ပျိုးချင်တဲ့တောင်သူတွေကို ဆွဲခေါ်နိုင်တယ်။ နောက်ပိုင်း နှစ်တွေကျရင်တော့ လက်တွဲလုပ်လက်စ တောင်သူတွေနဲ့ပဲ ဆက်လက်လုပ်ဆောင်သွားမယ်” ဟု ကိုမင်း ဇော်သန့်က ပြောသည်။

ရမည်းသင်းမှ တောင်သူတစ်ဦးဖြစ်သည့် ဦးညိုကြီးကုမ္ပဏီနှင့် ပူးပေါင်းလုပ်ကိုင်နေသည်မှာ ၈ နှစ် ကြာပြီ။ သူက ဝိုင်စပျစ်စိုက်လိုသည့် တောင်သူတချို့ကိုလည်း ကုမ္ပဏီနှင့်ဆက်သွယ်ပေးသည်။ ၄ ဧကခွဲခန့်ရှိသော သူ၏စပျစ်ခင်းမှ ထွက်ကုန် သုံးပုံတစ်ပုံသည် အရက်ချက်စက်ရုံသို့ သွားလျက်ရှိသည်။ သူကလည်း ဝိုင်စပျစ် ပိုစိုက်ရန် ကြိုးစားနေသည်။

ဈေးနှုန်းနှင့် ဈေးကွက် တည်ငြိမ်သည့် ဝိုင်စပျစ်ကို နှစ်သက်လာကြသည်ဟု ၎င်းက ပြောသည်။

“ဝိုင်စိုက်ချင်လို့ မေးလာတဲ့သူ၊ ဝိုင်စိုက်မယ်ဆိုတဲ့သူတွေက အရေအတွက် များလာတယ်” ဟု ဦးညိုကြီးက ပြောသည်။

ရမည်းသင်းမြို့နယ် စိုက်ပျိုးရေးဦးစီးဌာန၏ မှတ်တမ်းအရပြီးခဲ့သည့်နှစ်က မြို့နယ်အတွင်း စပျစ်စိုက်ခင်း ၃,၀၈၃ ဧကရှိသည်ဟု သိရသည်။ စပျစ်တောင် သူတချို့ကမူ ကိန်းဂဏန်းအမှန်မှာ ထိုအရေအတွက်ထက် နှစ်ဆကျော်ရှိမည်ဟု ခန့်မှန်းနေသည်။

စပျစ် တစ်ပိဿာဈေးနှုန်းမှာ ၂,၀၀၀ မှ ၃,၀၀၀ ကြား ရှိတတ်သည်။ သီးစားစပျစ် တစ်ပိဿာ ၈၀၀ ဝန်းကျင်အထိ ဈေးကျတတ်သော်လည်း ဝိုင်စပျစ်မှာမူ ဈေးအတက်အကျ မကြမ်းဟု သိရသည်။ 

ပဲတောင်သူ ဦးတင်ဦးသည် စပျစ်ကို ပူးတွဲစိုက်လာသည်မှာ အနှစ် ၃၀ ကြာပြီဖြစ်သည်။ စပျစ်နှစ်မျိုးလုံးကို သူ့ခြံတွင်တွေ့နိုင်သည်။ စိုက်စရိတ်၊ လုပ်အားခတို့ သက်သာစေသည့်ဝိုင်စပျစ်ကို ပိုမိုစိုက်ပျိုးရန် အားသန်သည်ဟု ပြောသည်။

ဈေးကွက် 

ဝိုင်စပျစ် စိုက်ပျိုးခြင်းက တောင်သူတို့အတွက် ကြီးမားသည့် အခက်အခဲမရှိသော်လည်း ကုမ္ပဏီ၏ ဝယ်လိုအားက အကန့်အသတ်ရှိနေသည်။ 

ထွက်ကုန်ရောင်းချရန်အတွက် ကုမ္ပဏီတစ်ခုတည်းအပေါ် မှီခိုနေရခြင်းက တောင်သူဘက်က အားနည်းချက်ဖြစ်လာသည်။

ဖောက်သည်ကုမ္ပဏီ ဝယ်ယူမှုလျှော့ချမည်ကိုလည်း တောင်သူတချို့က စိုးရိမ်နေသည်။ 

စားစပျစ်ကို တစ်နှစ်လျှင် နှစ်သီးစိုက်ပျိုးကြသော်လည်း ဝိုင်စပျစ်ကို တစ်သီးသာ စိုက်နိုင်သည်။ ဤအချက်ကြောင့် ဝိုင်စပျစ် စတင်ကိုင်တွယ်သည့် တောင်သူများ စိုက်စရိတ် အခက်အခဲရှိသည်။ 

အားနည်းချက်တချို့ ရှိနေသည့်အချိန်တွင် သတင်းကောင်းတို့လည်း ရှိလာသည်။ ပြင်ဦးလွင်နှင့် အခြားသောဒေသတို့မှ ဝိုင်လုပ်ငန်းရှင်ငယ်များလည်း လာရောက်ဝယ်ယူနေသည်။ နေပြည်တော်တွင် စမ်းသပ်လည်ပတ်နေသည်ဆိုသော ဝိုင်စက်ရုံတစ်ခုက တောင်သူတို့နှင့် ပူးပေါင်းလုပ်ကိုင်ရန် ကမ်းလှမ်းထားသည်၊ ဝိုင်စက်ရုံသစ်တချို့ ပေါ်ပေါက်လာတော့မည်ဟူသော သတင်းတို့ကလည်း ဒေသခံတောင်သူများထံရောက်နေသည်။

စားစပျစ်သည် အလုံးလှ၊ အလုံးကြီးမှ ဈေးကွက် မျက်နှာပန်းလှမည်ဖြစ်သောကြောင့် တောင်သူက ပုံမှန်ပြုပြင်ထိန်းသိမ်းနေရသည်။ 

စက်ရုံရောက်လျှင် ကြိတ်ခြေမည့် ဝိုင်စပျစ်ကိုမူထိုသို့ထိန်းသိမ်းရန် မလိုအပ်ခြင်းမှာလည်း ကုန်ကျစရိတ်ပိုမိုနည်းပါးရသည့် အကြောင်းရင်းတစ်ခုဖြစ်သည်။ 

ဝိုင်စက်ရုံတချို့က လိုအပ်သည့် စပျစ်အရည်အသွေးရရှိရန် တောင်သူတို့ထံ ပျိုးပင်အခမဲ့ ဖြန့်ဝေနေသည်။ 

ကုမ္ပဏီသည် ဝိုင်စပျစ် စတင်စိုက်ပျိုးလိုသူကို ထွက်ရှိမည့် သီးနှံတန်ဖိုး၏ ၃၀ ရာခိုင်နှုန်း အတိုးမဲ့ ထုတ်ချေးပေးနေသည်ဟု သိရသည်။

ဝိုင်ရောင်းအား မြင့်မားလာသည့်အတွက် လက်တွဲလုပ်ဆောင်နေသည့် တောင်သူအရေအတွက်ကို တိုးချဲ့နေသည်ဟု Myanmar Vineyard မှ ကိုမင်းဇော်သန့်က ပြောသည်။

ဝိုင်နီ၊ ဝိုင်ဖြူ၊ ရှန်ပိန်အမျိုးအစား စပါကလင်ဝိုင်တို့ကို ပုလင်းပေါင်း ၃၅၀,၀၀၀ ခန့်အထိ ကုမ္ပဏီက နှစ်စဉ်ထုတ်လုပ်နေသည်။ လာမည့်နှစ်တွင် ၄၀၀,၀၀၀ ခန့်အထိ ထုတ်နိုင်ရန်လျာထားပြီး အရေအတွက်သည် နှစ်အနည်းငယ်အတွင်း ၆၀၀,၀၀၀ ခန့်အထိ ရောက်သွားမည်ဟု ကုမ္ပဏီက ခန့်မှန်းသည်။

မြန်မာနိုင်ငံ၏ ဝိုင်သောက်သုံးမှုမှာ နိုင်ငံလူဦးရေနှင့်အချိုးချလျှင် ဒသမ ၀၀၀၅ ရာခိုင်နှုန်းသာ ရှိသေးကြောင်း ကုမ္ပဏီ၏စစ်တမ်းအရ သိရသည်။

သို့သော်လည်း ပြီးခဲ့သည့်ငါးနှစ်တာကာလအတွင်း ဝိုင်ရောင်းချရမှုကလည်း နှစ်စဉ် ၁၀ ရာခိုင်နှုန်းခန့် ပုံမှန်တိုးတက်လာသည်ဟု ဆိုသည်။ 

“ဝိုင်ဆိုတာကလည်း သောက်နေကြမှာပဲလေ၊ ဝိုင်ဆိုတဲ့ယဉ်ကျေးမှုကလည်း ဘယ်တော့မှ လျော့ပါး သွားမယ်လို့မထင်ဘူး၊ တိုးလာမှာပဲ” ဟု ကိုမင်းဇော်သန့်က မှတ်ချက်ချသည်။

ရေမြင့်လျှင် ကြာတင့်သည်ဟူသော မြန်မာစကားပုံအတိုင်း ပြည်တွင်းဖြစ်ဝိုင် သောက်သုံးမှု ပိုမိုများပြားလာပါက တောင်သူတို့ စပျစ်စိုက်ပျိုးမှု၊ လုပ်ငန်းရှင်တို့၏ ဝိုင်ထုတ်လုပ်မှုအရှိန်အဟုန်တို့သည်လည်း လိုက်ပါမြင့်မားလာမည်ဟု ဝိုင်ထုတ်လုပ်ရေးကုမ္ပဏီက မျှော်လင့်နေသည်။ ။

အောင်ငြိမ်းချမ်း (Myanmar Now)