News

POST TYPE

FEATURE

ခွေးသားစားသူများ
22-Feb-2018 tagged as ခွေး


ကိုရီးယားရိုးရာတွင်လည်း ခွေးသားစားသည့် အလေ့အထများရှိကြောင်း တွေ့ရသည်။ လက်ရှိ တောင်ကိုရီးယားနိုင်ငံတွင် ဆောင်းရာသီအိုလံပစ်ပွဲ ကျင်းပနေချိန်၌ ကမ္ဘာသိအောင် ခွေးချစ်သူတွေက ခွေးသားစားမှု ဆန့်ကျင်ရေး ဆန္ဒပြပွဲတွေပြုလုပ်ပြီး ခွေးသားစားအလေ့အထကို ကန့်ကွက်ဆန့်ကျင်နေကြသည်။

၁၉၈၈ ခုနှစ်က ဆိုးလ်အိုလံပစ်ပွဲတွင်လည်း တောင်ကိုရီးယားသားတွေက ခွေးသားစားမှု ဆန့်ကျင်ရေးတွေကို ပြုလုပ်ခဲ့ကြသေးသည်။ ၂၀၀၂ ခုနှစ် ကမ္ဘာ့ဖလားဘောလုံးပွဲတွင် ပြင်သစ်သရုပ်ဆောင် ဘရစ်တီဘားဒေါ့ကလည်း ခွေးသားစားမှုဆန့်ကျင်ရေး ကမ်ပိန်းတစ်ခုလုပ်ကာ ဆန့်ကျင်ခဲ့ဖူးသည်။ 

ယခုနှစ် တောင်ကိုရီးယားနိုင်ငံတွင် ကျင်းပနေသော ဆောင်းရာသီ အိုလံပစ်ပြိုင်ပွဲတွင် လူပေါင်းငါးသိန်းခန့်က ခွေးများကို စာနာစိတ်ဖြင့် ခွေးသားစားမှုဆန့်ကျင်ကြောင်း စုပေါင်း လက်မှတ်ရေးထိုးခဲ့ကြသည်။ တိရစ္ဆာန်များအခွင့်အရေး ထိန်းသိမ်းစောင့်ရှောက်မှု အဖွဲ့အစည်းများကလည်း တစ်ကမ္ဘာလုံးရှိ ခွေးများကို သတ်စားရန် မွေးမြူလှောင်ထားသူများအား ဖော်ထုတ်ပေးရန် တပ်လှန့်ထားသည်။ 

တောင်ကိုရီးယားနိုင်ငံတွင် ခွေးကို မွေးမြူခွင့်ရှိသော်လည်း သတ်စားရန်အတွက် မွေးမြူခွင့်မရှိပေ။ အစားအစာနှင့် ဆေးဝါးဝန်ကြီးဌာနကလည်း ခွေးများကို သတ်စားရန် ခွင့်ပြုမထားကြောင်း တွေ့ရသည်။ သို့သော် ကိုရီးယားကျွန်းဆွယ်တွင် ခွေးသားစားခြင်း အလေ့အထများ ရှေးယခင်ကခေတ်စားသည်။ ခွေးသားကို ဈေးသက်သာသည့်အပြင် အမဲသား၊ ဝက်သားများထက် ပရိုတိန်းဓာတ်ပိုပြီး ကြွယ်ဝသည်ဆိုကာ နှစ်သက်စွာ စားသောက်နေကြခြင်းဖြစ်သည်။ အထူးသဖြင့် ကျေးလက်များတွင် ခွေးသားစားခြင်း အလေ့အထများ ရှိနေဆဲဖြစ်သည်။ 

၁၆ ရာစုခေတ်က နန်းတွင်းမှတ်တမ်းတစ်ခုတွင် အရာရှိတစ်ဦးသည် ခွေးသားကို ကင်ပြီးစားရခြင်းအား အလွန်နှစ်သက်ကြောင်း၊ သူ့ကို ခွေးလာဘ်ထိုးလျှင် ရာထူးတိုးပေးလေ့ရှိကြောင်း တွေ့ရသည်။ လွန်ခဲ့သော နှစ် ၁၅၀ ခန့်က မှတ်တမ်းတစ်ခုတွင်လည်း ပြင်သစ်သာသနာပြု အဖွဲ့တစ်ဖွဲ့သည် ကိုရီးယားနိုင်ငံတွင် ခွေးသားစားသည်ဟု ဆိုသည်။ သူတို့တွင် ပရိုတိန်းဓာတ် အားနည်းနေသည်ဟု ယူဆသောကြောင့်ဖြစ်သည်။ 

တောင်ကိုရီးယားနိုင်ငံတွင် ယခုအခါ အိမ် သုံးပုံတစ်ပုံခန့်၌ ခွေးများကို အိမ်မွေးအချစ်တော်များအဖြစ် မွေးထားကြသည်။ ထို့ကြောင့်လည်း ခွေးသားစားမှု ဆန့်ကျင်ရေး ကမ်ပိန်းများ လုပ်ဆောင်လာသည့်အခါတွင် ပူးပေါင်းရန် ဝန်မလေးကြပေ။ ၂၀၁၇ ခုနှစ်က နိုင်ငံအတွင်းရှိ တရားဝင်ခွေးသားရောင်းနေသည့် ဈေးကို ပိတ်ပစ်လိုက်သည်။ တောင်ကိုရီးယားတွင် မိုရမ်ဆိုသည့် ခွေးဈေးတစ်ခုကို ဆိုးလ်မြို့မှ ကီလိုမီတာ ၃၀ ခန့်အကွာတွင် ဖွင့်လှစ်ထားခြင်းဖြစ်ပြီး၊ နှစ်စဉ် ခွေးကောင်ရေပေါင်း ၈၀၀၀၀ ခန့် သတ်ဖြတ်နေခဲ့ရာမှ ယခုထိုဈေးကို ပိတ်ထားခဲ့ပြီ ဖြစ်သည်။ ထို့ကြောင့် ယခုအခါ တောင်ကိုရီးယားတွင် ခွေးသားစားခြင်းကို ဗြောင်ကျကျ မစားနိုင်သည့် အနေအထားသို့ ရောက်သွားခဲ့ပြီဖြစ်သည်။

တရုတ်နိုင်ငံ တောင်ပိုင်းတွင်လည်း နှစ်စဉ် ဇွန်လရောက်တိုင်း ယုလင်းဆိုသည့် ခွေးသားစားပွဲတော်ရောက်လာလျှင် ခွေးပေါင်းသောင်းချီကာ သတ်ဖြတ်ခြင်းခံနေရသည်။ ယုလင်းခွေးသားစားပွဲကို နှစ်စဉ် တရုတ်နိုင်ငံ ကွမ်းရှီးနယ်၊ ယုလင်းမြို့တွင် ကျင်းပလေ့ရှိသည်။ ဇွန်လရောက်တိုင်း ခွေးသားစားချင်သူများသည် ထိုမြို့ကို သွားပြီးနောက် ခွေးသားကို ပျော်ရွှင်စွာ စားသောက်ကြသည်။ ထိုခွေးသားစားပွဲကို ၂၀၀၉ ခုနှစ်ကတည်းက စတင်ကျင်းပခဲ့ပြီး ၁၀ ရက်အကြာ ပြုလုပ်သည့် ပွဲကာလအတွင်း ခွေးပေါင်း တစ်သောင်းမှ တစ်သောင်းခွဲခန့်ကို သတ်ဖြတ်နေသကဲ့သို့ တိရစ္ဆာန်ချစ်သူများနှင့် အခွင့်အရေး စောင့်ရှောက်သူများနှင့်လည်း နှစ်စဉ် ပြဿနာတက်နေကြရသည့် ပွဲလည်းဖြစ်သည်။ 

တရုတ်နိုင်ငံတွင်လည်း ခွေးသားစားသည့် အလေ့အထသည် လွန်ခဲ့သော နှစ်ပေါင်း ၄၀၀၀ ခန့်ကတည်းက ရှိခဲ့ကြောင်း မှတ်တမ်းများအရ သိရသည်။ တရုတ် ဘေဂျင်းတွင် ၂၀၁၂ ခုနှစ်တစ်နှစ်တည်းတွင် အိမ်မွေးရန် ခွေးများကို မှတ်ပုံလာတင်သည်မှာ ကောင်ရေတစ်သန်းရှိသည်။ ခွေးသားမစားရေးအတွက် အွန်လိုင်းကတစ်ဆင့် စည်းရုံးလှုပ်ရှားရာတွင်လည်း ခွေးချစ်သူ ၉ သန်းကျော်က ခွေးသားစားမှု ဆန့်ကျင်ရေးကို ထောက်ခံခဲ့ကြသည်။ ခွေးများကို အကာအကွယ်ပေးရေး အဖွဲ့အစည်းတစ်ခုဖြစ်သည့် Humane Society International (HSI) သည် တရုတ်နိုင်ငံမှ ခွေးချစ်သူများနှင့်ပူးပေါင်းပြီး ၂၀၁၇ ခုနှစ်တွင် ခွေးသားစားခြင်းကို ပိတ်ပင်ပေးရေးအတွက် အစိုးရက ဥပဒေထုတ်ပြန်ပေးရန် တောင်းဆိုခဲ့ကြသည်။ 

“ခွေးသားစားတာကို ကန့်ကွက်ရှုတ်ချနေကြတာ နိုင်ငံတကာမှာသာ မဟုတ်ဘူး၊ တရုတ်မှာလည်း အရေအတွက်တွေ အများကြီးဖြစ်လာပြီ။ ခုဆိုရင် ကျွန်မတို့အသံတွေကို တရုတ်အစိုးရ ကြားရတော့မယ်”ဟု HSI အဖွဲ့မှ နိုင်ငံတကာသတင်းမီဒီယာ တာဝန်ခံ ဝမ်ဒီဟစ်ဂင်းက ပြောကြားသည်။ 

ပြည်တွင်း လှုပ်ရှားသူများကလည်း ခွေးသားစားခြင်းနှင့် အမဲသားဝက်သားစားခြင်းမှာ အတူတူဟုဆိုပါလျှင် အဘယ်ကြောင့် ခွေးသားစားသနည်းဟု မေးခွန်းထုတ်ကြသည်။ တရုတ်တွင် ခွေးသားကို တရားဝင်စားသောက်နေခြင်းအား မသတီစရာ၊ စက်ဆုပ်ဖွယ်ရာအဖြစ် မြို့နေအသိုင်းအဝိုင်းက သတ်မှတ်ဆန့်ကျင်နေသည့် အခါတွင် ခိုးပြီးစားသည့် အလေ့အထတွေကလည်း ခေတ်စားလာသည်။ 

ခွေးချစ်သူတွေဘက်ကလည်း လှုပ်ရှားမှုတွေ တိုးမြှင့်လုပ်ဆောင်လာသည်။ အငြိမ်းစား ကျောင်းဆရာမ တစ်ဦးဖြစ်သည့် ယန်ရှောင်းယန်သည် ၂၀၁၄ ခုနှစ်တွင် ခွေးကောင်ရေ ၃၆၀ နှင့် ကြောင် ၁၀ ကောင်ကို သတ်စားရန် ပြင်ဆင်နေသည့်ပွဲက ယွမ် ၁၅၀၀၀၀ ပေးပြီး ဝယ်သွားသည်။ ၂၀၁၅ ခုနှစ်တွင်လည်း ယန်သည် ခွေး အကောင် ၁၀၀ ကို ယွမ် ၇၀၀၀ ပေးပြီး လာဝယ်ကာ ကယ်တင်လိုက်ပြန်သည်။ သူ့ကို တရုတ်အဖွဲ့ အစည်းအတွင်း ခြိမ်းခြောက်စော်ကားမှုများ ပြုလာကြသည်။ ထိုသတင်းကို ဗြိတိန်မှ အလှူရှင်များက ကြားပြီးနောက် ယန်ကို သူ့နာမည်ဖြင့် စတာလင်ပေါင်း တစ်သိန်းလှူဒါန်းပေးလိုက်သည်။ 

ယန်သည် ၂၀၁၆ ခုနှစ် ခွေးသားစားပွဲတွင် ခွေးကောင်ရေ ၁၀၀၀ ကို ကယ်တင်ခဲ့သည်။ ခွေးသားစားပွဲမတိုင်မီ တစ်ပတ်အလိုတွင်လည်း ခွေး ၂၉ ကောင်နှင့် ကြောင်ငါးကောင်ကိုဝယ်ပြီး ကယ်တင်ခဲ့သေးသည်။ ၂၀၁၇ ခုနှစ်တွင် No Dog Left Behind ဆိုသည့် ခွေးကယ်တင်ရေးအဖွဲ့အစည်းတစ်ခု ပေါ်လာပြီး ခွေးပေါင်း ၁၃၀၀ ကျော်ကို သတ်ဖြတ်မည့်ဘေးက ကယ်တင်ပေးနိုင်ခဲ့သည်။ ထိုအဖွဲ့သည် ခွေးများကိုသတ်ဖြတ်ရန် သယ်ယူပို့ဆောင်ခြင်းများကိုလည်း လမ်းတွင် ဟန့်တားမှုများ လုပ်ဆောင်ခဲ့ကြသည်။ 

နိုင်ငံတကာတွင်လည်း တရုတ်နိုင်ငံ ယုလင်းခွေးသားစားပွဲကို ဆန့်ကျင်လှုပ်ရှားမှုများ လုပ်ဆောင်နေကြောင်း တွေ့ရသည်။ နိုင်ငံတကာ လှုပ်ရှားမှုများကြောင့် တောင်ကိုရီးယားနိုင်ငံတွင်ပါ ခွေးသားစားသည့် အလေ့အထများ လျော့ကျလာသည်။ သို့သော် ဆောင်းရာသီ အိုလံပစ်ပွဲကို ရောက်လာသည့် နိုင်ငံတကာမှ ဧည့်သည်များက တောင်ကိုရီးယားနိုင်ငံ၏ တိုးတိုးသားလေးများကို စားကြည့်ချင်ကြသောကြောင့် တောင်းဆိုကြသည်။

အိုလံပစ်ပြိုင်ပွဲ မတိုင်မီကတည်းက တောင်ကိုရီးယားအစိုးရသည် ပြုံချမ်းဧရိယာတစ်ဝိုက်ရှိ စားသောက်ဆိုင် ၁၂ ဆိုင်တွင် အိုလံပစ်ပွဲတော်ကာလအတွင်း ခွေးသားမရောင်းရန် ညွှန်ကြားပိတ်ပင်ခဲ့သည်။ သို့သော် စားချင်သူများရောက်လာပြီး တောင်းဆိုလျှင် ဖန်တီးပေးနေသေးသောကြောင့် ဆန္ဒပြလှုပ်ရှားမှုများကို ခွေးအခွင့်အရေးလှုပ်ရှားသူများက တိုးမြှင့် လုပ်ဆောင်လာကြခြင်းဖြစ်သည်။ တောင်ကိုရီးယားနိုင်ငံ၏ ၇၀ ရာခိုင်နှုန်းခန့်မှာ ခွေးသားမစားတော့ကြောင်း ၂၀၁၇ ခုနှစ် စစ်တမ်းအရသိရသည်။ လူငယ် ၈၀ ရာခိုင်နှုန်းကလည်း ခွေးသားစားခြင်းကို ဆန့်ကျင်လာကြသည်။ သူတို့က ခွေးဆိုသည်မှာ စားရန်မဟုတ်၊ ချစ်ခင်ယုယရန်ဖြစ်သည်ဟုသာ ခေတ်သစ်လူငယ်တွေက လက်ခံလာကြသည်။

“ခွေးသားစားတယ်ဆိုတာ လူရိုင်းတွေရဲ့ အလေ့အထပဲလို့ လူဖြူတွေကလည်း လက်ခံထားကြတယ်။ ခွေးသားစားတယ်ဆိုတာ ခွဲခြားဆက်ဆံခြင်း ခံရနည်းတစ်မျိုးပဲ”ဟု ကိုရီးယားနှင့် ခွေးသားဆိုသည့် စာအုပ်ရေးသူ ပါမောက္ခ အန်ယုံဂမ်းက ပြောကြားသည်။

တောင်ကိုရီးယားနိုင်ငံမှ Justics ပါတီသည် ခွေးမွေးထားသည့် ခြံများကို ၂၀၁၅ ခုနှစ်က ရှောင်တခင် ဝင်ရောက်စစ်ဆေးကြသည်။ သူတို့က အသားစားရန်အတွက် မွေးထားသည့် ခွေးကောင်ရေ ၁၇၀၀၀ ကျော်ကို တွေ့ရှိခဲ့ကြရသည်။ ၂၀၁၇ ခုနှစ်တွင်လည်း Justics ပါတီကပင် မွေးမြူရေးခြံများကို ဝင်ရောက်စစ်ဆေးပြန်ရာ ကောင်ရေ ၂၈၀၀ ခန့်သာ တွေ့ရတော့သဖြင့် တောင်ကိုရီးယားတွင် ခွေးသားစားခြင်းအလေ့အထမှာ အမှန်တကယ် လျော့ကျသွားပြီဟု ယူဆရသည်။ 

ခြံများကို ဝင်စစ်သူ အဖွဲ့ခေါင်းဆောင် လီဂျောင်မီက ခွေးများမှာ လှောင်အိမ်အတွင်း ပိတ်လှောင်ခြင်း ခံထားရပြီး ချေးနံ့သေးနံ့တွေ ဟောင်နေသည်။ ခွေးတွေကို ရေပင်မတိုက်ထားသည့် အနေအထားများကိုတွေ့ရကြောင်း သူက ဆိုသည်။ ထိုခွေးများမှာ အိုလံပစ်ပွဲကို ရောင်းချရန် ပိတ်လှောင်ထားခြင်းခံရသည့် ခွေးများဖြစ်ပေလိမ့်မည်။ ခွေးသားစားခြင်း အလေ့အထပျောက်ပြီ ဆိုသော်လည်း ယခုကဲ့သို့ မွေးလှောင်ထားသည့် အလေ့အထများ ရှိနေသေးခြင်းက လုံးဝ မပပျောက်သေးဟု ဆိုရမည်ဖြစ်သည်။ သို့သော် အလွန်နည်းသည့် ပမာဏလောက်သာ ကျန်ကောင်း ကျန်နိုင်သည်။ 

BBC သတင်းတစ်ပုဒ်တွင် ၂၀၀၃ ခုနှစ်က တောင်ကိုရီးယားနိုင်ငံ စားသောက်ဆိုင် ၄၀၀၀ မှ ၆၀၀၀ အတွင်း ခွေးသားစွပ်ပြုတ်များ ရောင်းချနေကြောင်း ဖော်ပြထားသည်ကို တွေ့လိုက်ရသည်။ ခွေးသားစွပ်ပြုတ် တစ်ခွက်လျှင် အမေရိကန် ၁၀ ဒေါ်လာခန့်ပေးရပြီး ခွေးသားပေါင်းက တစ်ပန်းကန် ၂၅ ဒေါ်လာဖြစ်သည်။ တစ်နှစ်တွင် ခွေးသားတန် ၈၅၀၀ ခန့် စားသုံးနေကြပြီး၊ အခြား ၉၃၆၀၀ တန်ခန့်မှာ အားဆေးများ ဖော်စပ်ရာတွင် အသုံးပြုနေကြသည်ဟု ဘီဘီစီတွင် ရေးသားထားသည်။ 

ကိုရီးယားလူမျိုးများသည် ခွေးသားကို ဆေးဖြစ်ဝါးဖြစ် စားသောက်ကြသည်လည်း ရှိသည်။ နွေရာသီတွင် ခွေးသားစားခြင်းဖြင့် အားကောင်းစေသည်ဟု ယူဆသူများလည်း ရှိကြသည်။ သို့သော် ဆေးပညာရှင်များ အလိုအရ ခွေးသားကပိုပြီး အခြားအသားများထက် မထူးခြားဟု ဆိုထားသည်။ သူတို့က ရိုးရာဓလေ့ဆိုခြင်းထက် ပုဂ္ဂလိက ရွေးချယ်မှုတစ်ခုအနေနှင့် သတ်မှတ်ကာ ကြိုက်၍စားသည်ဆိုသော အဆင့်ကိုသာ လက်ခံကြသည်။ ကိုရီးယားသည် အနောက်တိုင်းဆန်မှုကို သဘောကျသဖြင့် အနောက်တိုင်းက ခွေးသားစားခြင်းအပေါ် စက်ဆုပ်စရာဟု ယူဆသမျှ သူတို့ကလည်း ကန့်ကွက်ဆန့်ကျင်ကြမည်ဖြစ်သည်။ 

သို့သော် တောင်ကိုရီးယားနိုင်ငံ တိရစ္ဆာန်အခွင့်အရေးအဖွဲ့ Korea Animal Rights Advocates (KARA) ၏ ပြောကြားချက်အရ နိုင်ငံအတွင်း ခွေးများသတ်ဖြတ်နေမှုက နှစ်စဉ် ကောင်ရေ ၂ ဒသမ ၅ သန်းခန့် ရှိနေသေးသည်ဟု ဆိုသည်။ 

တောင်ကိုရီးယားနိုင်ငံ တိရစ္ဆာန်ချစ်ခင်သည့် အုပ်စုဖြစ်သော Animal Welfare Institute (AWI) သည် ခွေးသားစားမှု ဆန့်ကျင်ရေးအတွက် စာများ၊ ထောက်ခံလက်မှတ်များ ကောက်ခံပြီး သမ္မတထံ ပေးပို့ခဲ့သည်။ ၂၀၁၈ ခုနှစ် ဆောင်းရာသီ အိုလံပစ်ပွဲတွင် ခွေးသားမရောင်းရန် တောင်းဆိုကြခြင်းဖြစ်သည်။ 

ကမ္ဘာ့ခွေးချစ်သူများအဖွဲ့ (World Dog Alliance) ကလည်း ၂၀၁၂ ခုနှစ်ကတည်းက အွန်လိုင်းပေါ်တွင် E-petition ပွဲတွေကိုလုပ်ရာ အထူးအောင်မြင်ခဲ့သည်။ ဗြိတိန်အစိုးရကို ခွေးများအပေါ် ရက်စက်စွာပြုမူခြင်းများအား ဆန့်ကျင်ရေးဥပဒေများ ထုတ်ပြန်ပေးရန်တောင်းဆိုရာ အောင်မြင်မှုများရရှိခဲ့သည်။ ၂၀၁၅ ခုနှစ်တွင် ပါလီမန်အတွင်း အကြိတ်အနယ် ဆွေးနွေးခဲ့ကြသည်။ ၂၀၁၈ ခုနှစ် ဆောင်းရာသီ အိုလံပစ်ပွဲ၌ ခွေးသားမရောင်းရန် ဆန့်ကျင်မှုအတွက် အွန်လိုင်းတွင် လက်မှတ်ရေးထိုးကြရာ Change.org တွင် လက်မှတ်ပေါင်း ၄၅၀၀၀၀ ကျော် ရရှိခဲ့သည်။ 

ခွေးသားစား ဆန့်ကျင်ရေးအဖွဲ့များသည် တောင်ကိုရီးယားနှင့် တရုတ်နိုင်ငံများ၌ ခွေးများကို ရက်စက်စွာ စီရင်စားသောက်နေကြပုံများကို အထောက်အထား ဓာတ်ပုံ၊ ဗီဒီယို၊ သတင်းစာသားများရေးပြီး အွန်လိုင်းပေါ်တင်ကြသည်။ ခွေးများကို မသေမီ ရက်စက်စွာ ညှဉ်းဆဲပြီးမှ သတ်စားရလျှင် ပိုပြီးအစွမ်းရှိသည်ဟု ယူဆသော လူ့ဘီလူများ၏ အယူအဆကို တစ်ကမ္ဘာလုံးက ဝိုင်းဝန်းကန့်ကွက်ကာ ဆန္ဒပြနေကြသည်။ ခွေးလေးများကို သနားပြီး ကယ်တင်ရန် လုပ်ဆောင်နေခြင်းမှာ ကမ္ဘာ့လှုပ်ရှားမှုတစ်ခု ဖြစ်လာရသည်။

ကျော်ဗလ
(Ref: National Geographic; Deutsche Welle; The Independent; AFP)