News

POST TYPE

FEATURE

လက်သရမ်းမှုဒဏ် ခံနေကြရသည့် ဂျပန်ကျောင်းသူလေးများ
26-Dec-2017 tagged as ဂျပန်


တာမာကာ အိုဂါဝါသည် အသက် ၁၀ နှစ်အရွယ်သာ ရှိသေးသည်။ ထိုအရွယ်လေးကတည်းက လိင်ပိုင်းဆိုင်ရာ စော်ကားမှုကို ပထမဆုံး ခံလိုက်ရသည်။ ထိုနေ့က အများပြည်သူရုံးပိတ်ရက် ဖြစ်သည်။ ကလေးမလေးက ရထားစီးလာသည်။ သူ့နောက်တွင် ရပ်နေသည့် အမျိုးသားကြီးက သူမတင်ပါးကို ပွတ်သပ်နေသည်။ ထို့နောက် ကလေးကို သူက ဖက်လိုက်သေးသည်။ ကလေးမလေးက ကြောက်ရွံ့တုန်လှုပ်သွားမိသည်။

အိမ်ပြန်ရောက်သည်အထိ ကလေးစိတ်ထဲတွင် ကြောက်စိတ်တွေကမပျောက်။ ရေချိုးခန်းထဲဝင်ပြီး ထိုလူကြီး ကိုင်သွားသည့်နေရာကို ရေနှင့် အထပ်ထပ် ဆေးကြောနေမိသည်။ အိမ်သာထဲဝင်ပြီး ပုံမှန်မဟုတ်ဘဲ ရေလောင်းနေသည့် ကလေးကို လူကြီးတွေက သတိထားပြီး မေးကြည့်မှ သူတို့သမီးအဖြစ်ကို သိလိုက်ကြရသည်။

အိုဂါဝါတစ်ယောက် အထက်တန်းကျောင်းသူ ဘဝရောက်လာသည့်အခါတွင်လည်း ရထားစီးတိုင်း ထိုအဖြစ်မျိုးများကို မကြာခဏ ကြုံတွေ့ရသည်။ လူကြီးအရွယ်တွေက ထိုအဖြစ်မျိုးကို အုပ်စုလိုက် ကျူးလွန်နေသလို ဖြစ်သည်။ ကျောင်းဝတ်စုံဝတ်ထားသည့် မိန်းကလေးတိုင်းလိုလို သူ့လိုအဖြစ်မျိုးကို မကြာခဏ ကြုံတွေ့လာကြရသည်။ ကလေးတွေဘဝက ထိုအဖြစ်နှင့်ကြုံတိုင်း ရှောင်ပြေး၊ ထွက်ပြေးလာကြရသည်ချည်း ဖြစ်သည်။ အိုဂါဝါက -

“ကျွန်မ ကလေးဘဝကို ပြန်ပြီးစဉ်းစားကြည့်မိတယ်။ လူကြီးတွေက ဘာဖြစ်လို့ ကျွန်မတို့ ကလေးတွေကို အဲသည်လို သာယာမှုတွေ ရှာနေကြတာလဲ” ဟုဆိုသည်။

ကလေးတွေ လိင်ပိုင်းဆိုင်ရာ အကြမ်းဖက်မှု ခံနေရခြင်းကို မိဘတွေကလည်း ဒေါသထွက်ကြသည်။ သို့သော် သူတို့ကလေးတွေကို မည်သို့ပြောဆို ဆုံးမနိုင်မည်နည်း။ အိုဂါဝါကိုယ်တိုင်က သူကိုယ်တိုင် ခံစားခဲ့ရသည့် ဒုက္ခတွေကို မိဘများအား ပြောပြသော်လည်း မိဘတွေက ဘာလုပ်ပေးနိုင်သနည်း။

သူ ၁၅ နှစ်သမီးအရွယ်တွင် နောက်ထပ် လူတစ်ယောက်၏ အကဲစမ်းမှုကို ကြုံတွေ့ခဲ့ရပြန်သည်။ ထိုနည်းအတိုင်းဖြစ်သည်။ ထိုလူက နည်းနည်းရိုင်းစိုင်းသည်။ အိုဂါဝါက ရှောင်ထွက်ပြီး ရထားအရပ်တွင် ပြေးဆင်းသည်။ ထိုသူက နောက်ကလိုက်လာပြီး သူ့လက်ကိုဆွဲကာ လိုက်ခဲ့ရန် ခေါ်သည်။ လူတွေက ကြည့်နေသည်။ အိုဂါဝါက ရုန်းကန်အော်နေသော်လည်း မည်သူမှ သူ့ကိုလာပြီး အကူအညီမပေးကြ။ 

“အဲဒီလူက ကျွန်မ သူ့ကိုသာယာနေပြီထင်ပြီးတော့ အတင်းကို လိုက်ဆွဲနေတော့တာ” ဟု ယခုအခါ အသက် ၃၆ နှစ်အရွယ်ရှိနေပြီဖြစ်သည့် အိုဂါဝါက ပြောပြသည်။ 

“ကျွန်မတို့ ကျောင်းသားအရွယ်ကတည်းက မိန်းကလေးတွေ ဒီလိုအဖြစ်မျိုးနဲ့ ရင်ဆိုင်နေကြရတာပဲ။ ဘယ်သူမှ ဘာပြန်လုပ်ရမှန်း မသိကြဘူး” 

ယခုအခါ အိုဂါဝါတစ်ယောက် စာရေးဆရာမတစ်ဦးဖြစ်နေသည့်အပြင် Press Labo ကို ထူထောင်ထားသူတစ်ဦးလည်း ဖြစ်သည်။ တိုကျိုမြို့အနီး ရှီမိုကီတာဇာဝါအရပ်တွင် သူက ဒစ်ဂျစ်တယ်အချက်အလက်များ ဖော်ထုတ်တင်ပြသည့် မီဒီယာတစ်ခုကို ထူထောင်ထားသည်။ သူ့ထံက ကျားမလိင်ခွဲခြားမှုနှင့် လိင်ပိုင်းဆိုင်ရာ အကြမ်းဖက်ခံနေရမှုများကို ထုတ်ဖော်ကာ အများပြည်သူတို့ သိနိုင်စေရန် အားထုတ်နေသည်။

၂၀၁၅ ခုနှစ်တွင် သူက နိုင်ငံအတွင်း ရေရှည်ခံစားခဲ့ရသော မိန်းကလေးတို့၏ ဒုက္ခများကို စတင်ဖော်ထုတ်တင်ပြခဲ့သည်။ အထူးသဖြင့် အများပြည်သူပိုင် သယ်ယူပို့ဆောင်ရေးယာဉ်များပေါ်တွင် စော်ကားမှုများကို ခံစားနေရသည့် မိန်းကလေးများအကြောင်း ဖြစ်သည်။ အဖြစ်အပျက်တို့ကို မိန်းကလေးတို့က ရှက်၍သော်လည်းကောင်း၊ ကြောက်၍သော်လည်းကောင်း ပြန်လည်ထုတ်ဖော် မပြောရဲကြပေ။ ထို့ကြောင့်လည်း ပြီးပြီးပျောက်ပျောက်ဖြစ်ကာ လက်သရမ်းသူတွေကလည်း ငြိမ်ခံနေမှန်းသိ၍ ပိုဆိုးလာသည်။

လွန်ခဲ့သည့် ၂ နှစ် ၂၀၁၅ လောက်ကစပြီး အိုဂါဝါတို့လို အမျိုးသမီးအရေး ဆောင်ရွက်ပေးနေသူတွေကြောင့် အမြင်တွေပြောင်းလာပြီး တဏှာရူးတွေကို ဆန့်ကျင်သည့်လေသံတွေ ထွက်လာသည်။ ယခုအခါ ဂျပန်တွင် လှုပ်ရှားမှုလေးတွေ စတင်နေပြီဖြစ်သည်။

အသက် ၅၁ နှစ်အရွယ် ယာယိုအီ မတ်စုနာဂါသည် ရှီဘုယာအနီးရှိ ကော်ဖီဆိုင်ကို ရောက်လာသည်။ သူက လက်ဆွဲအိတ်ကြီးတစ်လုံးကို ကိုင်လာသည်။ သူ့လက်ဆွဲအိတ်တွင် စာတွေအမျိုးမျိုး ကပ်ထားသည်။ ထိုစာတွေကတော့ “ဟိုစမ်းသည်စမ်း လက်သရမ်းတာ ရာဇဝတ်မှုပါ” “မလုပ်ပါနှင့်” ဆိုသည့် စာသားများဖြစ်သည်။ သူက ထိုသို့ရေးထားသည့် လက်ကမ်းစာရွက်တွေကိုလည်း လိုက်ဝေပေးလေ့ရှိသည်။ အားလုံးကို သတိထားမိစေရန် လိုက်လံပြီး အကျိုးဆောင်နှိုးဆော်နေခြင်းဖြစ်သည်။

မတ်စုနာဂါသည် အိုဆာကာတွင် လက်သရမ်းမှု ကာကွယ်ရေးအဖွဲ့ဆိုပြီး အဖွဲ့တစ်ဖွဲ့ကို ၂၀၁၅ ခုနှစ်ကတည်းက ဖွဲ့စည်းပြီး လှုပ်ရှားနေသည်။ သူ၏ မိတ်ဆွေသားသမီးများ၏ မကြာခဏ ခံစားနေရသည့် ဒုက္ခများကို ကိုယ်ချင်းစာပြီး သူကလှုံ့ဆော်မှုများကို စေတနာ့ဝန်ထမ်း ဆောင်ရွက်ပေးနေခြင်းဖြစ်သည်။ 

သူတို့က ထိုလှုံ့ဆော်စာရွက်များကို ရထားပေါ် ကားပေါ်တွေကို လိုက်ကပ်ရန် ကြိုးစားကြသည်။ မိန်း ကလေးများကိုလည်း သူတို့ ကျောင်းလွယ်အိတ်များ လက်ဆွဲအိတ်များပေါ်တွင် ကပ်ထားရန် လှုံ့ဆော်ကြသည်။ အချို့စာရွက်များပေါ်တွင် လက်သရမ်းသူများကို ရဲကဖမ်းသွားသည့် ကာတွန်းလေးတွေလည်း ပါသည်။ ထိုစာရွက်လေးတွေကို ကျောင်းသူလေးတွေက မကပ်ချင်ကြ။ အဘယ်ကြောင့်ဆိုသော် ထိုစာရွက် ကပ်လာလျှင် ကျောင်းသားတွေက ပြောင်လှောင်သောကြောင့် ဖြစ်သည်။ ဂျပန်နိုင်ငံတွင် ကျားမခွဲခြားသည့် စိတ်ဓာတ်တွေက ရှိနေသေးသလို၊ မိန်းကလေးတွေ၏ ကြောက်စိတ်ကိုလည်း ဖျောက်နိုင်ရန် အတော်လေး ကြိုးပမ်းရဦးမည်ဖြစ်သည်။

၂၀၁၅ ခုနှစ် နိုဝင်ဘာလကစပြီး မတ်စုနာဂါသည် မိန်းကလေးများအား အကာအကွယ်ပေးရေးအတွက် လူထုလှုပ်ရှားမှုကြီးတစ်ခု ပြုလုပ်နိုင်ရန် စီစဉ်သည်။ သူ့ကို အလှူရှင်ပေါင်း ၃၃၄ ဦးက ယန်းငွေ ၂ ဒသမ ၁၂ သန်း (ဒေါ်လာ ၁၉၀၀၀ ခန့်) လှူဒါန်းကြသည်။ ထိုအချိန်ကစပြီး သူက နေရာအနှံ့တွင် ကပ်နိုင်သည့် စတစ်ကာလေးများကို တီထွင်ပြီး လှုပ်ရှားမှုကိုစတင်ရန် ကြိုးစားခဲ့သည်။

သူ့ကို ကျောင်းသားတွေက ဝိုင်းဝန်းပြီး ကူညီသည်။ ဒီဇိုင်းတွေ ၄၄၁ ခုခန့် ဝိုင်းပြီး လှူကြသည်။ ယင်းတို့အထဲက ၅ ခုကို ရွေးချယ်ပြီး သူ့အဖွဲ့က စာရွက်တွေ စတစ်ကာတွေ ထုတ်သည်။ နေရာပေါင်း ၅၀၀ နှင့် ရဲစခန်းသုံးခုလောက်ကို သူတို့ စာရွက်တွေ လိုက်ကပ်နိုင်ခဲ့သည်။ ယခုဆိုလျှင် မတ်စုနာဂါက ထိုစာရွက်များကို အွန်လိုင်းကတစ်ဆင့် တစ်ခုလျှင် ယန်း ၄၁၀ 

(၃ ဒသမ ၇၀ ဒေါ်လာ) နှင့် ရောင်းချနေသည်။ မတ်လ ၁၁ ရက်နေ့ကစပြီး ကုန်တိုက် အရောင်းဆိုင်ကြီးတိုင်းတွင် ထိုစတစ်ကာစာရွက်များကို ဝယ်နိုင်အောင် လုပ်ပေးထားသည်။ 

သူ့လှုပ်ရှားမှုက အောင်မြင်သင့်သလောက် အောင်မြင်လာသည်။ ကလေးတွေက လွယ်အိတ်လေးများတွင် ဝယ်ကပ်လာကြသည်။ ရထားရဲများကလည်း အထက်တန်းကျောင်းများသို့ လာရောက်ပြီး လက်သရမ်းသူများနှင့် ရင်ဆိုင်ကြုံတွေ့ရပါက မည်သို့ ရင်ဆိုင်ဖြေရှင်းရမည်ဆိုသည့် သဘောတရားများကို ပညာပေးပြီး လိုက်လံဟောပြောနေသည်။ ကလေးတွေကို စတစ်ကာရဲရဲတပ်ပြီး လက်သရမ်းသူများကို သတိပေးနေသည့်စနစ်ကို သူတို့ အကောင်အထည်ဖော်ပေးနေခြင်း ဖြစ်သည်။ 

ဂျပန်နိုင်ငံ လူ့အဖွဲ့အစည်းကလည်း မိမိတို့နိုင်ငံကဲ့သို့ ယဉ်ကျေးမှုရှေ့တန်းတင်သည့် နိုင်ငံတွင် ထိုသို့သော အဖြစ်မျိုး အဘယ်ကြောင့် ဖြစ်နေရသနည်းဟု အဖြေရှာနေကြသည်။ 

“လူ့ဘောင်အဖွဲ့အစည်းက ကျယ်ပြန့်လာတဲ့အလျောက် ရာဇဝတ်မှုအရရော၊ လူမှုရေးရှုထောင့်အနေနဲ့ပါ သုံးသပ်ဆင်ခြင်ဖို့ လိုပါတယ်” ဟု ဂျပန်နိုင်ငံ လူ့အခွင့်အရေးအဖွဲ့ ဒုတိယဥက္ကဋ္ဌနှင့် ချီဘတက္ကသိုလ်မှ ဥပဒေပါမောက္ခဖြစ်သူ ဟီယိုကိုဂိုတိုက ပြောကြားသည်။

ဂျပန်နိုင်ငံတွင် ထိုသို့ လက်သရမ်းမှုအတွက် ပြဋ္ဌာန်းထားသည့် ဥပဒေက ထောင်ဒဏ် ၆ လနှင့် ငွေဒဏ် ယန်း ၅၀၀၀၀၀ (ဒေါ်လာ ၄၅၀၀) ခန့်သာ ဖြစ်သည်။ ပါမောက္ခဂိုတိုက -

“ကလေးတွေ စကတ်ထဲကို လက်ထည့်ပြီး သရမ်းတာလည်း မုဒိမ်းကျင့်သလိုပါပဲ” ဟု ပြောကြားသည်။ 

ထိုလက်သရမ်းမှုက ပိုပြီး ကြမ်းလာလျှင် ရဲတပ်ဖွဲ့က ပုဒ်မ ၁၇၆ ဖြင့် တရားစွဲပြီး ထောင်ဒဏ် ၁၀ နှစ်အထိ ကြီးလေးသော ပြစ်ဒဏ်ပေးနိုင်သည့် ပုဒ်မကို ပြောင်းလိုက်နိုင်သည်။ ပုဒ်မ ၁၇၇ တွင်လည်း မုဒိမ်းကျင့်သကဲ့သို့ မှတ်ယူနိုင်သည့် လွန်ကျူးမှုများကို သတ်မှတ်ပြဋ္ဌာန်းထားသည်။ 

ယခုအခါ ဂျပန်လူ့အဖွဲ့အစည်းတွင် အမျိုးသမီးများကို လုံခြုံစိတ်ချစွာ နေထိုင်သွားလာနည်းများကိုပါ နည်းပေးလမ်းပြ လုပ်လာကြသည်။ အဝတ်အစားများကို လုံခြုံစွာဝတ်ရေး၊ အစုလိုက် အကာအကွယ်ပေးရေး၊ တစ်ဦးက လက်သရမ်းမှုကို ခံနေရလျှင် ဝိုင်းဝန်းအကာအကွယ်ပေးရေးတို့ ပါဝင်သည်။ ထို့ပြင် အာဏာပိုင်များကို ရထားများ၊ ကားများပေါ်တွင် CCTV များ တပ်ဆင်ထားပေးရန် တိုက်တွန်းကြသည်။ ဂျပန်နိုင်ငံအနေနှင့် ၂၀၂၀ ပြည့်နှစ် အိုလံပစ်ပွဲအမီ နေရာအနှံ့ CCTV တပ်ဆင်ခြင်းများကို ဆောင်ရွက်လိမ့်မည်ဟု မျှော်လင့်ထားကြသည်။ ပါမောက္ခ ဂိုတိုက -

“ကျွန်မကတော့ အမျိုးသမီးတွေအနေနဲ့ ဘာဖြစ်တယ်ဆိုတာ မပြောဘဲ ငြိမ်နေရင်၊ ဘယ်သူမှ ဘာမှမလုပ်နိုင်တော့ဘဲ ကွယ်ပျောက်သွားလိမ့်မယ်” ဟု ဆိုသည်။ 

ဂျပန်နိုင်ငံ အမျိုးသမီးတွေက သူတို့ကိုယ်တိုင် လက်သရမ်းခြင်း မခံရမှုမှာ ကျောင်းဝတ်စုံချွတ်ပြီး ဘွဲ့ပြီးချိန်မှဖြစ်ကြောင်းလည်း ပြောဆိုကြသည်။ 

“ကျွန်မ ကျောင်းဝတ်စုံလေးနဲ့တုန်းကတော့ အမြဲလိုလို ခံရတာပဲ။ ယူနီဖောင်းမဝတ်တော့မှ အဲဒီအဖြစ်က လွတ်တော့တယ်” ဟု အသက် ၂၀ အရွယ် ကိုတိုမီ အာရာကီက ဆိုသည်။ သူက ယခု စီးပွားရေးကျောင်းတက်နေပြီး၊ ဆိုင်တစ်ဆိုင်တွင် စားပွဲထိုးလုပ်နေသည်။

ဂျပန်နိုင်ငံလူ့အဖွဲ့အစည်း၏ အစဉ်အလာကလည်း ယောကျာ်းကြီးစိုးသည့် သဘောတရားများ လွှမ်းမိုးနေသည်။ ကျိုတိုတက္ကသိုလ်မှ လူမှုဗေဒပညာရှင် အီမီကို အိုချီအိက -

“ဟိုးရှေးခေတ်တုန်းကတော့ ဂျပန်မှာ မိန်းမဘုရင်မတွေ ရှိခဲ့တာပဲ။ နောက်ပိုင်း မရှိသလောက် ရှားလာတယ်။ အလယ်ခေတ်လောက်မှာ အမျိုးသမီးသူရဲကောင်းတွေ၊ ဗိုလ်ချုပ်တွေ ရှိခဲ့ဖူးပါတယ်”ဟု ဆိုသည်။ 

“ကွန်ဖြူးရှပ် အယူအဆတွေ လွှမ်းမိုးလာတဲ့ နောက်ပိုင်းမှာ အမျိုးသမီးတွေရဲ့ အခန်းကဏ္ဍက ကွယ်ပျောက်လာခဲ့ရတယ်။ ခေတ်စားလာတဲ့ ပြဇာတ်တွေ စာပေအနုပညာတွေမှာကလည်း အနောက်တိုင်းဓလေ့တွေ လွှမ်းမိုးလာတာကို အတင်းပပျောက်အောင် လုပ်နေတဲ့ မဟာဖိုဝါဒ သဘောတရားတွေ ခေတ်စားလာတယ်” ဟု အီမီကိုက ပြောကြားသည်။ 

သူဆိုလိုချင်သည်က ယနေ့ခေတ် မိန်းမသားများ၏ ဘဝသည် အိန္ဒိယနိုင်ငံအတွင်း ယောကျာ်းနှင့် မိန်းမက အဆင့်အတန်း ခွဲခြားဆက်ဆံသလို ဂျပန်နိုင်ငံတွင်လည်း အမျိုးသမီးများကို အလေးထား တန်ဖိုးထားစရာမလိုဟု ယူဆနေခြင်းဖြစ်သည်။ 

၁၉၇၀ ပြည့်နှစ်ပိုင်းလောက်တွင် အမျိုးသမီးလှုပ်ရှားမှုတွေ ခေတ်စားလာသည်။ အထူးသဖြင့် ဝန်ကြီးချုပ် ရှင်ဇိုအာဘေးလက်ထက်တွင် အမျိုးသမီးများ၏ လုပ်ငန်းခွင်နှင့် စီးပွားရေးဖွံ့ဖြိုးတိုးတက်စေရန် စွမ်းဆောင်မှုတို့ကို ပိုပြီး အားပေးအားမြှောက်ပြုလာကြောင်း တွေ့ရသည်။ အမျိုးသမီးများကို အမျိုးသားများနှင့် တန်းတူအခွင့်အရေးများ ပေးလာခြင်းကလည်း နေရာတိုင်း နယ်ပယ်တိုင်းတွင် စိန်ခေါ်မှုတစ်ခုကို ဖြစ်ပေါ်လာစေသည်။ 

“ကျွန်မကတော့ အမျိုးသမီးတွေကို ပိုပြီး အသိအမှတ်ပြုလာ၊ ပိုပြီး နေရာပေးလာခြင်းဟာ လူယုတ်မာအမျိုးသားတွေရဲ့ လက်သရမ်းတဲ့ဘေးက ကင်းဝေးစေနိုင်တဲ့ တစ်ခုတည်းသော နည်းလမ်းဖြစ်တယ်လို့ ဆိုချင်ပါတယ်” ဟု ပါမောက္ခဂိုတို၏ စကားမှာ အလေးထားစရာ ဖြစ်သည်။ 

(Ref: Sexual assault in Japan, Annette Ekin)