News

POST TYPE

FEATURE

ချီလီသူဌေးတစ်ဦး၏ တစ်ကျော့ပြန် သမ္မတခရီး
21-Dec-2017 tagged as


ဒီဇင်ဘာ ၁၇ ရက်နေ့က ချီလီနိုင်ငံ ပြည်သူများအတွက် သမ္မတသစ်ကို ကြေညာပေးလိုက်သည်။ ပြည်သူအားလုံး တစ်ခဲနက် ရွေးကောက်တင်မြှောက်လိုက်ကြသူမှာ ဆဘက်စတီးယန်း ပီညေးရား (Sebastián Piñera) ဖြစ်သည်။ နိုဝင်ဘာ ၁၉ ရက်နေ့ကတည်းက ကျင်းပခဲ့သည့် ယှဉ်ပြိုင်ရွေးကောက်ပွဲ၏ နောက်ဆုံး အဖြေဖြစ်ခဲ့သော ပီညေးရားသည် သူ၏ ပြိုင်ဘက်ဂူလီရား (Alejandro Guillier) ကို အနိုင်ရခဲ့ပြီး သမ္မတအဖြစ် သတ်မှတ်ခံရကာ အစိုးရအဖွဲ့ကို ဖွဲ့နိုင်တော့မည်ဖြစ်သည်။

အမှန်တော့ ပီညေးရားသည် ချီလီပြည်သူတို့အတွက် သမ္မတသစ်ဆိုသော်လည်း အသစ်စက်စက်တော့ မဟုတ်။ သူ့အနေနှင့် ဒုတိယအကြိမ် သမ္မတအဖြစ် ပြန်လည် ရွေးကောက် တင်မြှောက်မှုကို ခံရခြင်းဖြစ်သည်။ သူက ၂၀၁၀ ပြည့်နှစ်မှသည် ၂၀၁၄ ခုနှစ်အထိ ချီလီနိုင်ငံ၏ သမ္မတအဖြစ် တာဝန်ထမ်းဆောင်ခဲ့ဖူးသည်။ ပီညေးရားကို သမ္မတသစ်အဖြစ် ကြေညာသည့်နေ့တွင် သူ့ကို ထောက်ခံသူများက “ချီလီကို ကယ်တင်နိုင်ခဲ့ပြီ”ဆိုသည့် သီချင်းများ ဟစ်ကြွေးကာ ဂုဏ်ပြုခဲ့ကြသည်။ 

ပီညေးရားသည် စီးပွားရေးလုပ်ငန်းရှင် သူဌေးကြီးတစ်ယောက်ဘဝမှ နိုင်ငံရေးသမား ဖြစ်လာခဲ့ရသူဖြစ်သည်။ ကမ္ဘာ့နိုင်ငံရေးသမားများထဲတွင် အချမ်းသာဆုံး စာရင်းဝင်တစ်ဦးလည်း ဖြစ်သည်။ Chilevision ဆိုသည့် ရုပ်သံလိုင်းကြီးတစ်လိုင်းကို ပိုင်ဆိုင်ဖူးပြီး LAN Chile လေကြောင်းလိုင်းတွင်လည်း ရှယ်ယာအများစုကို ပိုင်ဆိုင်ထားသူဖြစ်သည်။ ထို့ပြင် Colo-Colo ဘောလုံးအသင်းကို ထူထောင်ထားသူလည်း ဖြစ်သည်။ ယခုနှစ် အစောပိုင်းက သူ့ကို နိုင်ငံခြားတွင် ပိုင်ဆိုင်မှုများနှင့် အခွန်ကိစ္စများအတွက် မီဒီယာများက ဝိုင်းဝန်းဝေဖန်ထားခြင်းကိုလည်း ခံနေရသူဖြစ်သည်။ 

သူ့ကို ၁၉၄၉ ခုနှစ် ဒီဇင်ဘာ ၁ ရက်နေ့တွင် ချီလီနိုင်ငံ၊ ဆန်တီယာဂို၌ မွေးဖွားသည်။ ဖခင်မှာ ဂျိုဆေးပီညေးရား ကာဗယ်လို (José Piñera Carvallo) ဖြစ်ပြီး မိခင်မှာ ရိုဇာ (Magdalena Echenique Rozas) ဖြစ်သည်။ 

သူ့ကို မွေးဖွားပြီး တစ်နှစ်သားအရွယ်တွင် မိသားစုသည် ဘယ်လ်ဂျီယံကို ပြောင်းရွှေ့ခဲ့ပြီး၊ ဖခင်ကို ကုလသမဂ္ဂဆိုင်ရာ ချီလီသံအမတ်ကြီးအဖြစ် ခန့်အပ်ခြင်း ခံရပြန်သဖြင့် နယူးယောက်စီတီးကို ထပ်မံပြောင်းရွှေ့ခဲ့ရပြန်သည်။ ပီညေးရားသည် ၁၉၅၅ ခုနှစ်မှ ချီလီကို ပြန်လာခဲ့ရပြီး Colegio del Verbo Divino ကောလိပ်တွင် တက်ရောက် ပညာသင်ကြားခဲ့ကာ ၁၉၆၇ ခုနှစ်တွင် ဘွဲ့ရခဲ့သည်။ 

ထို့နောက် ချီလီနိုင်ငံတွင်ပင် Pontifical Catholic University ၌ Commercial Engineering ဘာသာရပ်ကို ဘွဲ့လွန်ထပ်မံတက်ခဲ့ပြီး ၁၉၇၁ ခုနှစ်တွင် ကျောင်းပြီးခဲ့သည်။ ထိုအတန်းတွင် ဘက်စုံထူးချွန်ကျောင်းသားဆု Raúl Iver Oxley Prize ကို ရရှိခဲ့သည်။

ပီညေးရားသည် Harvard University တွင် စီးပွားရေးဘာသာရပ်ကို Fulbright Program ဖြင့် ထပ်မံတက်ရောက်ခွင့် ရခဲ့ပြန်သည်။ ဟားဗတ်တွင် သုံးနှစ်ပညာသင်ကြားခဲ့ပြီး စီးပွားရေးဆိုင်ရာ  M.A. နှင့် Ph.D. ဘွဲ့များ ထပ်မံရရှိခဲ့သည်။ 

ပညာရပ်များကို စုံလင်အောင် လေ့လာပြီးနောက်တွင် ၁၉၇၁ ခုနှစ်မှ ၁၉၈၈ ခုနှစ်အထိ ကျောင်းဆရာ လုပ်ခဲ့သည်။ University of Chile, Pontifical Catholic University နှင့် Adolfo Ibáñez University တို့တွင် စီးပွားရေးပညာ ပါမောက္ခအဖြစ် တာဝန်ထမ်းဆောင်ခဲ့သည်။ ၁၉၇၁ ခုနှစ်တွင် ချီလီတက္ကသိုလ် Economic Political Theory in the School of Economics ဌာနနှင့်  Valparaiso Business School ကျောင်းတို့တွင် ပါမောက္ခအဖြစ် တာဝန်ထမ်းဆောင်ခဲ့သည်။ 

ချီလီဥပဒေအရ သမ္မတသက်တမ်း တစ်ဆက်ပြီးသည့် နောက်တွင် နောက်ထပ်ဆက်တိုက် သမ္မတအဖြစ် ထပ်မံရွေးကောက်ခြင်း မခံယူရန် တားမြစ်ထားသည်။ ထို့ကြောင့် ၂၀၁၀ မှ ၂၀၁၄ ခုနှစ်အထိ သမ္မတတာဝန်များ ထမ်းဆောင်အပြီးတွင် သူအနားယူခဲ့ရသည်။ 

ယခုအခါ အသက် ၆၈ နှစ်ရှိနေပြီဖြစ်သည့် ပီညေးရားကို ချီလီစီးပွားရေး လုပ်ငန်းရှင်အများစုက ထောက်ခံကြသည်။ သူ၏ ပထမအကြိမ် သမ္မတ သက်တမ်းအတွင်းက နိုင်ငံ၏စီးပွားရေးကို ဖွံ့ဖြိုးတိုးတက်အောင် စွမ်းဆောင်နိုင်ခဲ့သည်။  နိုင်ငံထွက် ကြေးနီများ၏ ဈေးနှုန်းကို မြင့်မားစွာရရှိစေရန် စွမ်းဆောင်နိုင်ခဲ့သည်။ ကြေးနီလုပ်ငန်းသည် ချီလီ၏ နိုင်ငံခြားပို့ကုန် ထက်ဝက်ခန့်ကို လွှမ်းမိုးထားသဖြင့် ကြေးနီဈေးတက်ခြင်းက နိုင်ငံစီးပွားရေးကို ပိုပြီး တောင့်တင်းခိုင်မာစေရန် လုပ်ဆောင်ပေးနိုင်ခဲ့ခြင်း ဖြစ်သည်။ သူ့နောက်ပိုင်း ဆက်ခံသည့် အစိုးရအဖွဲ့လက်ထက်တွင် စီးပွားရေးကျဆင်းလာခြင်းက သူ့ကို ပြည်သူတို့ ပိုပြီးမျှော်လင့် တောင့်တစရာ ဖြစ်လာခဲ့ရသည်။

ချီလီနိုင်ငံ၏ ရွေးကောက်ပွဲ နောက်ဆုံးရလဒ်ကို ထုတ်ပြန်နိုင်ခဲ့ပြီ ဖြစ်သည်။ ပီညေးရားသည် အောင်ပွဲခံနိုင်ခဲ့သောကြောင့် အမေရိကတိုက်တွင် အမေရိကန် သမ္မတ ဒေါ်နယ်ထရမ့်ပြီးလျှင် ဒုတိယမြောက် ဘီလီယံကြွယ် သူဌေးတစ်ယောက်က သမ္မတ တက်ဖြစ်လာခြင်း ဖြစ်သည်။ ပီညေးရား ပိုင်ဆိုင်မှုကို ထုတ်ပြန်ထားသည်က ဒေါ်လာ ၃ ဒသမ ၁ ဘီလီယံဖြစ်သည်။ ကမ္ဘာတွင် ဘီလီယံနာတွေ ခေတ်ထလာပြီ ဖြစ်သည်။ ဒီဇင်ဘာလ အစောပိုင်းတွင် ချက်နိုင်ငံ၌လည်း အန်ဒရေဘာဘီဆိုသူ ဘီလီယံနာတစ်ယောက်ကို ဝန်ကြီးချုပ်အဖြစ် ရွေးကောက် တင်မြှောက်ခဲ့ကြသေးသည်။

Forbes မဂ္ဂဇင်းကြီး၏ ထုတ်ပြန်ချက်တွင် ပီညေးရား၏ ချမ်းသာသမျှမှာ ဒေါ်လာ ၂ ဒသမ ၇ ဘီလီယံဖြစ်ပြီး ချီလီနိုင်ငံ၏ အချမ်းသာဆုံး အဆင့် ၈ နှင့် ကမ္ဘာ့အချမ်းသာဆုံး အဆင့် ၈၉၇ အဖြစ် သတ်မှတ်ထားခြင်း ခံရသည်။ 

သူ့ဘဝအဆင့်ဆင့် မြင့်တက်လာခဲ့ရပုံတွေက စိတ်ဝင်စားစရာ ကောင်းသည်။ Bank of Talca တွင် အထွေထွေမန်နေဂျာ တာဝန်ကို ကျောင်းဆရာဘဝက ထွက်ပြီး လုပ်ကိုင်ခဲ့သည်။ ၁၉၈၂ ခုနှစ်တွင် ဘဏ်ဥပဒေကို ချိုးဖောက်သည်ဆိုကာ သူ့ကို ဖမ်းဝရမ်းထုတ်ခြင်း ခံရသည်။ ပီညေးရားသည် ၂၄ ရက်ခန့် အဖမ်းမခံဘဲ ပုန်းအောင်းနေခဲ့ရသည်။ ထိုကာလများတွင် သူ့ရှေ့နေက လိုက်လံဖြေရှင်း ပေးနေရသောကြောင့် ဖြစ်သည်။ နောက်ပိုင်း တရားရုံးချုပ်က သူ့ကို အပြစ်မရှိကြောင်း ဆုံးဖြတ်ပြီး တရားသေ လွှတ်လိုက်သည်။ 

ပီညေးရားသည် Chilevision ရုပ်သံလိုင်းကို ၁၀ဝ ရာခိုင်နှုန်း ပိုင်ဆိုင်ပြီး ဥက္ကဋ္ဌအဖြစ် လုပ်ကိုင်ခဲ့သည်။ LAN Airlines လေကြောင်းလိုင်းကိုလည်း ရှယ်ယာ ၂၇ ရာခိုင်နှုန်း ပိုင်ဆိုင်ပြီး  Colo-Colo ဘောလုံးအသင်း၏ ရှယ်ယာ ၁၃ ရာခိုင်နှုန်းကို ကိုင်ဆောင်ထားသည်။ ထို့ပြင် သူသည် Quiñenco, Enersis, Soquimich ဆိုသည့် ကုမ္ပဏီများ၏ ရှယ်ယာများကိုလည်း ပိုင်ဆိုင်ထားကြောင်း သိရသည်။ 

၂၀၁၀ ပြည့်နှစ်တွင် သူပိုင်ဆိုင်သည့် Chilevision ရုပ်သံလိုင်းကို Time Warner ကုမ္ပဏီသို့ ဒေါ်လာ သန်း ၁၆၀ နှင့် ရောင်းချလိုက်သည်။ LAN လေကြောင်းလိုင်းမှ ရှယ်ယာများကိုလည်း ၂၀၁၀ တွင် ရောင်းချလိုက်သည်။ Colo-Colo ဘောလုံးကလပ်ကိုမူ ဆက်ပြီး ထိန်းထားသည်။

၂၀ဝ၅ ခုနှစ်တွင် ပီညေးရားတစ်ယောက် သမ္မတရွေးကောက်ပွဲဝင်မည်ဟု ထုတ်ပြန်ကြေညာလိုက်သဖြင့် အားလုံး အံ့အားသင့်ခဲ့ကြရသည်။ ၂၀ဝ၅ ခုနှစ် ရွေးကောက်ပွဲ ပထမအချီကတည်းက သူ့ကို ၂၅ ဒသမ ၄ ရာခိုင်နှုန်း ထောက်ခံခဲ့သဖြင့် ဒုတိယအဆင့်ကို တက်ရောက်ခွင့် ရခဲ့သည်။ သို့သော် နောက်ဆုံးအဆင့်တွင် ဘာချီလက်ကို ရှုံးသွားခဲ့သည်။ ဘာချီလက်က ၅၃ ရာခိုင်နှုန်းမဲဖြင့် သူ့ကိုကျော်ဖြတ်ကာ အနိုင်ရသွားခြင်း ဖြစ်သည်။

၂၀ဝ၉ ခုနှစ်တွင် ပီညေးရားသည် သမ္မတ ရွေးကောက်ပွဲအတွက် ထပ်မံပြင်ဆင်ခဲ့ပြန်သည်။ ၂၀ဝ၉ ခုနှစ် ဩဂုတ်လတွင် ပြိုင်ဘက်သုံးဦးကို ကျော်ဖြတ်ပြီး ပထမအချီတွင် အောင်ပွဲရခဲ့သည်။ ၂၀ဝ၉ ခုနှစ် ဒီဇင်ဘာ ၁၃ ရက်နေ့ နောက်ဆုံး ရွေးကောက်ပွဲတွင် ပီညေးရားသည် ၄၄ ဒသမ ဝ၅ ရာခိုင်နှုန်း မဲရကာ အပြတ်အသတ် အနိုင်ရခဲ့သောကြောင့် ၂၀၁၀ ပြည့်နှစ်တွင် ပထမဆုံး သမ္မတတာဝန်ကို ထမ်းဆောင်ခဲ့ရသည်။

သူသည် ရွေးကောက်ပွဲအတွက် အမေရိကန် ဒေါ်လာ ၁၃ ဒသမ ၆ သန်းကို စည်းရုံးရေးဆင်းသည့် ကာလများတွင် ပုံအောကာ အသုံးပြုခဲ့သည်။ ရွေးကောက်ပွဲ အလံ၊ သီချင်းအားလုံးကို ပုံအောသုံးသည်၊ တီဗီများထဲတွင် ထုတ်လွှင့်သည့်အပြင် YouTube ကိုပါ ကောင်းကောင်း အသုံးချသွားနိုင်ခဲ့သည်။ 

၂၀၁၀၊ မတ်လ ၁၁ ရက်နေ့တွင် ပီညေးရားသည် ချီလီ ပြည်သူ့သမ္မတနိုင်ငံ၏ ၃၅ ဦးမြောက် သမ္မတအဖြစ် ကျမ်းသစ္စာကျိန်ဆိုခဲ့သည်။ သမ္မတ ကျမ်းသစ္စာကျိန်ဆိုပွဲနှင့် တိုက်တိုက်ဆိုင်ဆိုင် ထိုနေ့တွင်ပင် ၆ ဒသမ ၉ ပြင်းအားရှိသည့် ငလျင်ကြီးလှုပ်သွားခဲ့ပြီး အရေးပေါ်အခြေအနေများ ထုတ်ပြန်ခဲ့ရသည်။ 

ယခု ဒုတိယအကြိမ် သမ္မတရွေးကောက်ပွဲတွင် ပြိုင်ဘက် ဂူလီရား (Alejandro Guillier) ကို အပြတ်အသတ် အနိုင်ရခဲ့ပြီးမှ အောင်ပွဲဆင်နိုင်ခဲ့ခြင်း ဖြစ်သည်။ ဂူလီရားကို လက်ရှိ သမ္မတ ဘာချီလက်က ထောက်ခံပြီး ကျောထောက်နောက်ခံ ပြုပေးထားသော်လည်း ပီညေးရား အောင်မြင်မှုအတွက် ဂုဏ်ပြုချီးကျူးစကား ပေးပို့ခဲ့သည်။

ပီညေးရား အောင်မြင်မှုအတွက် ပြည်သူတွေက လမ်းတွေပေါ်ထွက်ပြီး ဂုဏ်ပြုသီချင်းတွေ ဆို၊ အလံတွေ ဝှေ့ယမ်းပြီး ပျော်ရွှင်စွာ ကခုန် ခဲ့ကြသည်။ တစ်မြို့လုံးလည်း ဟွန်းသံတွေ ဆူညံပြီး အောင်ပွဲခံနေသည်ကို ကြည့်ခြင်းဖြင့် ဒုတိယအကြိမ် ပြန်လည် ရွေးကောက်ခံရသည့် သူတို့သမ္မတအပေါ်တွင် မျှော်လင့်ချက်များစွာ ရှိနေသေးကြောင်း ထင်ရှားသည်။ ပီညေးရားကလည်း-

“ခင်ဗျားတို့ ဒီနေ့ ချီလီပြည်သူတွေရဲ့ အသံတွေကို ကြားရမှာပါ။ သူတို့မှာ မျှော်လင့်ချက်တွေ ဘယ်လောက်တောင် ဖြစ်နေကြတယ်ဆိုတာ အထင်အရှားပါ”ဟုလည်း ပြောကြားခဲ့သည်။ 

အသက် ၆၈ နှစ်အရွယ် သမ္မတ၏ပြိုင်ဘက် ဂူလီရားသည် အသက် ၆၄ နှစ်သာရှိသေးပြီး လက်ရှိ သမ္မတက ကျောထောက်နောက်ခံ ပြုပေးထားခြင်း ခံရသူလည်းဖြစ်သည်။ သို့သော် ချီလီနိုင်ငံ၏ လက်ရှိ စီးပွားရေးအနေအထားက ကျဆင်းနေသောကြောင့် ပြည်သူတွေက စိတ်ပျက်နေကြပြီး သမ္မတသစ်က သူတို့ဘဝကို တိုးတက်မြင့်မားအောင် လုပ်ဆောင် ပေးနိုင်လိမ့်မည်ဟု ယုံကြည်နေကြသည်။ အထူးသဖြင့် ပီညေးရား၏ ရွေးကောက်ပွဲကာလ လူမှုရေး ပြုပြင်ပြောင်းလဲမှုများ လုပ်ဆောင်ပေးမည်၊ အလုပ်အကိုင် အခွင့်အရေးတွေ တိုးတက်မြင့်မားစေရမည်နှင့် ပညာရေးကို ပြုပြင်ပြောင်းလဲမည်ဆိုသည့် ကတိစကားများအပေါ် ယုံကြည်ပြီး ရွေးကောက်ခဲ့ကြခြင်း ဖြစ်သည်။

ပီညေးရား၏ ပထမအကြိမ် သမ္မတအဖြစ် တာဝန်ထမ်းဆောင်စဉ်ကတည်းက ပညာရေး ပြုပြင်ပြောင်းလဲမှုများကို မလုပ်ဆောင်နိုင်သဖြင့် ကျောင်းသားများ၏ ဆန္ဒပြခြင်းကို ခံခဲ့ရဖူးသည်။ သို့သော် စီးပွားရေးတိုးတက်အောင် လုပ်ဆောင်ပေးနိုင်ခဲ့သောကြောင့် သူ့အပေါ်တွင် ပြည်သူတွေက ယုံကြည်နေကြသည်။ 

ပီညေးရားသည် ၁၉၇၃ ခုနှစ်တွင် စစ္စလီရားမိုရေး (Cecilia Morel) နှင့် အိမ်ထောင်ပြုသည်။ သူတို့နှစ်ဦးသည် ဆန်တီယာဂိုတွင် နေထိုင်စဉ်ကတည်းက အိမ်နီးချင်းများ ဖြစ်ခဲ့ကြသည်။ သူတို့တွင် သားသမီး လေးယောက်ရှိသည်။ သားသမီးများအားလုံး တက္ကသိုလ်ဘွဲ့ရပြီးသား ဖြစ်သည်။ 

The Economist မဂ္ဂဇင်းက ပီညေးရားကို “မကျွမ်းကျင်သည့် နိုင်ငံရေးသမား” ဆိုသည့် စကားကိုသုံးကာ ဖော်ပြရေးသားခဲ့သည်။ အဘယ်ကြောင့်ဆိုသော် သူ့တွင် ထောက်ခံသူရော၊ ဆန့်ကျင်သူတွေပါ ပေါများလွန်းသောကြောင့် ဖြစ်သည်ဟု ဆိုထားသည်။ သို့သော် မထောက်ခံသူများလျှင် ဒုတိယအကြိမ် သမ္မတနေရာသို့ တစ်ကြိမ် ပြန်ရောက်လာစရာ အကြောင်းမရှိ။ ချီလီပြည်သူတွေက တစ်စုံတစ်ရာ မျှော်လင့်ချက်မပါဘဲ အပြတ်အသတ် ပြိုင်ဘက်ကို ဖြတ်နိုင်ခဲ့သည့် မဲကို သူ့အားပေးမည်မဟုတ်ဟု ယူဆရသည်။

ကျော်ဗလ
(Ref: The Economist, Forbes, Bloomberg)

  • VIA
  • TAGS