News

POST TYPE

ENTERTAINMENT

Padmaavat ပဒုမ္မာဝတီ သို့မဟုတ် ဆန္ဒပြပွဲကြီးများဖြစ်ပေါ်စေခဲ့သော ဘောလိဝုဒ်ရုပ်ရှင်ဇာတ်ကား
30-Jan-2018


အငြင်းပွားဖွယ်ရာ ဘောလိဝုဒ်ဒဏ္ဍာရီ မော်ကွန်းရုပ်ရှင် Padmaavat (ပဒ္မာဗတ်-ပဒုမ္မာဝတီ) ရုပ်ရှပ်သည် အိန္ဒိယနိုင်ငံတစ်လွှား ဆန္ဒပြပွဲများ လနှင့်ချီ ဖြစ်ပွားစေခဲ့သည်။

အဆိုပါ ရုပ်ရှင်သည် ၁၄ ရာစု ဟိန္ဒူမိဖုရားကြီးနှင့် သိမ်းပိုက်ရန်ကျူးကျော်လာသော မွတ်ဆလင်ဧကရာဇ်တို့၏ ဇာတ်လမ်းဖြစ်သည်။ ယင်းဇာတ်လမ်းအပေါ် ဟိန္ဒူလက်ယာယိမ်းများနှင့် မျိုးနွယ်ဇာတ်များက မကျေမနပ်ဖြစ်ကာ ကန့်ကွက်ခဲ့ကြခြင်းဖြစ်သည်။

အငြင်းပွားရသည့်အကြောင်းအရင်း
ဘောလိဝုဒ်နာမည်ကြီးသရုပ်ဆောင် ဒီပီကာပဒူကုန်းနှင့် ရန်ဗီယာဆင်းတို့က အဓိကဇာတ်ဆောင်များအဖြစ် ပါဝင်ရိုက်ကူးထားကြသည်။ အဆိုပါ ရုပ်ရှင်သည် ၁၄ ရာစု မွတ်ဆလင်ဧကရာဇ် အလာအူဒင်ခီလ်ဂျီးက ဟိန္ဒူရာဂ်ျပွတ်မျိုးနွယ်ဝင် မိဖုရားပဒ္မာဗတ် (ပဒုမ္မာဝတီ) ကို လိုချင်သောကြောင့် ပဒုမ္မာဝတီတို့တိုင်းပြည်ကို ဝင်တိုက်သည့် ဇာတ်လမ်းဖြစ်သည်။

အဆိုပါ ရုပ်ရှင်တွင် မွတ်ဆလင်ဘုရင်က အိပ်မက်ထဲတွင် ဟိန္ဒူမိဖုရားနှင့် ချစ်ကြည်နူးသည့် ဇာတ်ဝင်ခန်းများ ပါဝင်သည်ဟု ဟိန္ဒူအဖွဲ့များနှင့် ရာဂ်ျပွတ်မျိုးနွယ်အသင်းအဖွဲ့များက စွပ်စွဲခဲ့သည်။ ရာဂ်ျပွတ်သည် ခတ္တိယအနွယ်မှ ဆင်းသက်လာသော စစ်သည်တော်မျိုးရိုး ဖြစ်သည်။

ဒါရိုက်တာ ဆန်းဂျေးလီလာဘန်ဆာလီကမူ ရုပ်ရှင်တွင် ယင်းသို့သော ဇာတ်ဝင်ခန်းမျိုး လုံးဝမပါဝင်ဟု ငြင်းဆိုထားသည်။

သို့သော်လည်း ယင်းဇာတ်ဝင်ခန်းပါသည်ဟူသော ကောလာဟလကြောင့်ပင် လက်ယာယိမ်း ဟိန္ဒူအုပ်စုများက အဆိုပါရုပ်ရှင်ကို ပိတ်ပင်ရန် တောင်းဆိုခဲ့ကြပြီး အဓိကရုဏ်းများ ဖြစ်ပွားသည်အထိ ကန့်ကွက်မှုများ ပြင်းထန်ခဲ့ခြင်းဖြစ်သည်။

သမိုင်းနောက်ခံ
ခီလ်ဂျီမွတ်ဆလင်ဧကရာဇ်မှာ သမိုင်းတွင် တကယ်ရှိသည့် ပုဂ္ဂိုလ်ဖြစ်သော်လည်း ပဒ္မာဗတ် (ပဒုမ္မာဝတီ) မှာမူ စိတ်ကူးယဉ်ဇာတ်ကောင်သာ ဖြစ်သည်ဟု ပညာရှင်တို့က သုံးသပ်သည်။

ပဒ္မာဗတ်ဆိုသောအမည်နှင့် ယင်းဇာတ်လမ်းသည် ၁၆ ရာစု မွတ်ဆလင် ကဗျာဆရာကြီး မာလစ်မူဟာမက်ဂျာယာဆီ၏ ပဒ္မာဗတ်အမည်ရှိ မော်ကွန်းကဗျာရှည်ကြီးကို အခြေခံထားခြင်းသာ ဖြစ်သည်။

အဆိုပါ ကဗျာရှည်ကြီးတွင် ခင်ပွန်းသည် ရာဂ်ျပွတ်ဘုရင်တိုက်ပွဲတွင် ကျဆုံးခဲ့ပြီးနောက် မွတ်ဆလင်ဧကရာဇ် ခီလ်ဂျီ၏ သိမ်းပိုက်မခံရစေရန် ကိုယ့်ကိုယ်ကိုယ် မီးရှို့သတ်သေသွားခဲ့သော ပဒ္မာဗတ်၏ ဂုဏ်သရေကို ဖွဲ့ဆိုထားသည်။

ပြည်ပကျူးကျော်သူများ၏ ကျွန်ပြုခံရမှု၊ အဓမ္မကျင့်ခံရမှုမှ ရှောင်လွှဲရန် အမျိုးသမီးများ ကိုယ့်ကိုယ်ကိုယ် သတ်သေခြင်းမှာ လွန်ခဲ့သော နှစ်ပေါင်း ၇၀၀ ကတည်းက မင်းမျိုးနွယ်များ ရာဂ်ျပွတ်မျိုးနွယ်များ အကြားတွင် အစဉ်အလာရှိခဲ့သည်ဟု သမိုင်းမှတ်တမ်းများက ဖော်ပြသည်။ အောင်နိုင်သူတို့၏ သိမ်းပိုက်မှုမှ ရှောင်လွှဲနိုင်ရန် စစ်ရှုံးသူများ၏ ဇနီးသည်များက ကိုယ်ကိုယ့်ကိုယ် မီးရှို့သတ်သေလေ့ ရှိသည်။ သို့သော်လည်း နောက်ပိုင်းခေတ်များတွင် ယင်းမှာဇနီးသည်၏ သစ္စာရှိမှုကိုဖော်ပြသော ဓလေ့ဖြစ်လာခဲ့သည်။

ဂျာယာဆီ၏ မော်ကွန်းကဗျာရှည်ကြီးမှာ ခီလ်ဂျီဧကရာဇ်၏ ကျူးကျော်မှုအပြီး နှစ်၂၀၀ ကျော် အကြာတွင်မှ ဖွဲ့ဆိုခဲ့ခြင်းဖြစ်သည်ဟု သမိုင်းပညာရှင်တို့က ထောက်ပြကြသည်။ သို့သော်လည်း နောက်ပိုင်းကာလတွင် ယင်းမော်ကွန်း ကဗျာရှည်ကို အခြေခံသော ပုံပြင်ဇာတ်လမ်းများ အထူးထင်ရှားလာခဲ့ပြီး ပဒုမ္မာဝတီသည် ရာဂ်ျပွတ်မျိုးနွယ်တို့အကြား အမျိုးသမီးဂုဏ်သိက္ခာကို ဖော်ကျူးသော သင်္ကေတတစ်ခု ဖြစ်လာခဲ့သည်။

ဆန္ဒပြမှုတွေဘယ်လောက်ပြင်းထန်သလဲ
၂၀၁၇ ဇန်နဝါရီကတည်းက အိန္ဒိယနိုင်ငံ နေရာအနှံ့အပြားတွင် ဆန္ဒပြပွဲများဖြစ်ပွားခဲ့ပြီး ရာဂ်ျပွတ်မျိုးနွယ် အဖွဲ့ကြီးဖြစ်သော ကာနီဆေနာ (ကာနိသေန) အဖွဲ့ဝင်များက ရိုက်ကူးရေး ပြုလုပ်ရာနေရာကို ဝင်ရောက်ဖျက်ဆီးခဲ့ပြီး ဒါရိုက်တာ ဘန်ဆာလီကို ပါးရိုက်ခဲ့သည်။

မူလက ယမန်နှစ်ဒီဇင်ဘာလ ၁ ရက်နေ့တွင် ရုံတင်ရန်စီစဉ်ထားခဲ့ရာ နိုဝင်ဘာလအတွင်း ဆန္ဒပြပွဲများ ပိုမိုပြင်းထန်လာခဲ့သည်။ ရာဂ်ျပွတ် အသိုင်းအဝိုင်းက ဒါရိုက်တာ ဘန်ဆာလီ ပုံတူရုပ်များကို မီးရှို့ဖျက်ဆီးမှုများ လုပ်ဆောင်ခဲ့သည်။

ကာနီဆေနာ အဖွဲ့ကြီးသည် ရုပ်ရှင်ရုံများကိုပါ ဖျက်ဆီးခဲ့ပြီး ရာမာယနဇာတ်တော်လာ ဇာတ်လမ်းတစ်ပုဒ်ထဲကကဲ့သို့ ရုပ်ရှင်မင်းသမီး ပဒူကုန်း၏နှာခေါင်းကို ဖြတ်ပစ်မည်ဟု ခြိမ်းခြောက်ခဲ့သည်။

ဟိန္ဒူအမျိုးသားရေးဝါဒီ ဘီဂျေပီပါတီ အုပ်ချုပ်နေသော ရာဂျာစ်သန်၊ ဥတာပရာဒေ့ရှ်၊ ဟာယာနာပြည်နယ်များ အပါအဝင် ပြည်နယ်အချို့တွင် ယင်းရုပ်ရှင်ကို ဆန့်ကျင်သည့် ဆန္ဒပြပွဲများကို ကာနီဆေနာအဖွဲ့က ဦးဆောင်ကျင်းပခဲ့သည်။

ရာဂျာ့စ်သန်ပြည်နယ် ဝန်ကြီးချုပ် ဗဆူဒါရာရာဂျီးက ယင်းရုပ်ရှင်ကို ရပ်ရွာအသိုင်းအဝိုင်း ကျေနပ်သည်အထိ ပြုပြင်ပေးပြီးမှသာ ရုံတင်သင့်သည်ဟု မှတ်ချက်ပေးခဲ့သည်။

ဘီဂျေပီပါတီ ဒေသဆိုင်ရာ ခေါင်းဆောင်တစ်ဦးကလည်း ဘန်ဆာလီနှင့်ပဒူကုန်း၏ ခေါင်းကိုဖြတ်နိုင်သူ မည်သူမဆို ဒေါ်လာတစ်သန်းခွဲနီးပါး ဆုချမည်ဟု ကြေညာခဲ့သည်။

ရာဂျာစ်သန်ပြည်နယ်မှ တော်ဝင်မျိုးနွယ်များကလည်း ရုပ်ရှင်ရုံတင်မည့် အစီအစဉ်ကို ဖျက်သိမ်းခဲ့သည်။ တော်ဝင်မျိုးနွယ် တစ်ဦးဖြစ်သူ မဟိန္ဒြာဆင်းက ပဒုမ္မာဝတီကို အလေးအမြတ်ပြုသည့်ရုပ်ရှင်ဟု အမည်တပ်ထားသော်လည်း မလျော်မကန်ဝတ်စားပြီး ဆေးခြယ်ထားသည့် အရုပ်ကလေးတစ်ရုပ်ပမာ ရိုက်ကူးထားသော အနုပညာနှင့်သမိုင်းဆိုင်ရာ လိမ်လည်မှုကြီးဖြစ်သည်ဟု ဝေဖန်ခဲ့သည်။

ယခုအပတ် အစောပိုင်းတွင်လည်း တရားရုံးချုပ်က အဆိုပါဇာတ်ကားကို ပြသခွင့်ပြုလိုက်ပြီးနောက် ဂူဂျာရတ်ပြည်နယ်တွင် ဆန္ဒပြသူများက လမ်းများပိတ်ဆို့ကာ ဘတ်စ်ကားများကို မီးရှို့ခြင်း၊ ရုပ်ရှင်ရုံတစ်ရုံကို ဖျက်ဆီးခြင်းများ လုပ်ဆောင်ခဲ့ကြသည်။

တရားရုံးဆုံးဖြတ်ချက်
ဇန်နဝါရီလ ၁၈ ရက်နေ့တွင် တရားရုံးချုပ်က ဇာတ်ကားကို တစ်နိုင်ငံလုံးတွင် ပြသခွင့်ပြုလိုက်ပြီး ပြည်နယ်လေးခုတွင် ပိတ်ပင်ထားမှုကိုပါ ပယ်ဖျက်ပေးခဲ့ရာ မငြိမ်သက်မှုများ ဖြစ်ပေါ်လာမည်ကို စိုးရိမ်မှုများရှိလာခဲ့သည်။ ပြည်နယ်များ၏ ပြသခွင့်ပိတ်မှုကို ရုပ်ရှင်ထုတ်လုပ်သူများက တရားရုံးချုပ်တွင် လျှောက်ထား ကန့်ကွက်ခဲ့ခြင်းဖြစ်သည်။

ရုပ်ရှင်ရုံများသည် လွတ်လပ်စွာပြောဆို၊ ထုတ်ဖော်ခွင့်၏ ခွဲခြားမရနိုင်သော အစိတ်အပိုင်း တစ်ရပ်ဖြစ်သည်။ ပြည်နယ်များအနေနှင့် ရုပ်ရှင်ကား တစ်ကားပြသမှုကို တားမြစ်ရန် အမိန့်ကြော်ငြာစာ ထုတ်ပြန်ခြင်းမရှိနိုင်ကြောင်း တရားသူကြီးချုပ် ဒီပတ်မီဆရာက ဆုံးဖြတ်ခဲ့သည်။

အိန္ဒိယ ဆင်ဆာဘုတ်အဖွဲ့က ခွင့်ပြုပြီးသား ဇာတ်ကားတစ်ကားကို ပြည်နယ်များက ပိတ်ပင်ခွင့်မရှိဟုလည်း တရားရုံးချုပ်က ဆုံးဖြတ်ခဲ့သည်။ ဆင်ဆာဘုတ်အဖွဲ့သည် အဆိုပါရုပ်ရှင်ကို သမိုင်းပညာရှင်များအားပြသ၍ အကြံပြုချက်တောင်းခံခဲ့ရာ ပြင်ဆင်ချက် ငါးချက်ပြုလုပ်ခဲ့ရသည်။ ယင်းတို့အနက်မှ တစ်ခုမှာ ရုပ်ရှင်အမည်ကို ပြောင်းလဲပေးရခြင်းဖြစ်ပြီး မူလပေးထားသည့် Padmavati ဆိုသောအမည်မှာ ၁၆ ရာစု မော်ကွန်းကဗျာရှည်အတိုင်း Padmaavat ဟု ပြောင်းလဲပေးရခြင်းဖြစ်သည်။

Padmaavat ရုပ်ရှင်ဇာတ်ကား အငြင်းပွားမှုမှတ်တမ်း
ဇန်နဝါရီ ၂၀၁၇ - ဟိန္ဒူအစွန်းရောက် ကာနီဆေနာ (ကာနိသေန) အဖွဲ့က ရာဂျာ့စ်သန်ပြည်နယ်မှ ရိုက်ကွင်းကို ဝင်ရောက်ဖျက်ဆီးခဲ့သောကြောင့် ရိုက်ကူးရေး ရပ်နားခဲ့ရသည်။ အဖွဲ့ဝင်တစ်ဦးက ဒါရိုက်တာ ဆန်ဂျေးလီလာဘန်ဆာလီကို ပါးရိုက်ခဲ့သည်။

မတ် ၂၀၁၇ - ရိုက်ကူးရေးအဖွဲ့သည် မဟာရက်ရ်ှထရာ ပြည်နယ်သို့ ပြောင်းရွှေ့ရိုက်ကူးခဲ့သော်လည်း ဆန္ဒပြပွဲများက ဆက်ဖြစ်ခဲ့သည်။ ကောလာဟလများ ထွက်နေသကဲ့သို့ ပဒ္မာဗတ်နှင့်အလာအူဒင်ခီလ်ဂျီ၏ အိပ်မက်ဇာတ်ဝင်ခန်း မပါဝင်ကြောင်း ဒါရိုက်တာ ဘန်ဆာလီက ကြေညာချက် ထုတ်ပြန်ပေးခဲ့သည်။

ဩဂုတ်၂၀၁၇ - နာမည်ကျော် ဘောလိဝုဒ်ဆယ်လီများက ရုပ်ရှင်ကိုထောက်ခံကြောင်း လူသိရှင်ကြား ကြေညာခဲ့သည်။

စက်တင်ဘာ ၂၀၁၇ - ရုပ်ရှင်ပိုစတာနှစ်ခု စတင်ဖြန့်ချိခဲ့ရာ ကာနီဆေနာအဖွဲ့နှင့် အခြားလက်ယာယိမ်း အုပ်စုများက ပြင်းပြင်းထန်ထန် တုံ့ပြန်ခဲ့ကြသည်။ ဆန္ဒပြသူများက ပိုစတာများကို မီးရှို့ဖျက်ဆီးခဲ့ကြသည်။

နိုဝင်ဘာ၂၀၁၇ - ကာနီဆေနာအဖွဲ့က ရာဂျာ့စ်သန်ပြည်နယ်တွင် ဆန္ဒပြပွဲများ ဆက်လက်လုပ်ဆောင်ခဲ့ပြီး တစ်နိုင်ငံလုံး ပြသခွင့်ပိတ်ပင်ရန် တောင်းဆိုခဲ့သည်။ ရုပ်ရှင်မင်းသမီး ဒီပီကာပဒူကုန်း၏ နှာခေါင်းကို ဖြတ်ပစ်မည်ဟုပါ ခြိမ်းခြောက်ခဲ့သည်။ ဒီဇင်ဘာ ၁ ရက်နေ့တွင်ပြသမည့် အစီအစဉ်ကို ရွှေ့ဆိုင်းခဲ့ရသည်။

ဒီဇင်ဘာ၂၀၁၇ - ဆင်ဆာဘုတ်အဖွဲ့က ရုပ်ရှင်ကားအမည်ကို Padmavati မှ Padmaavat ဟု ပြောင်းလဲရန် အကြံပြုခဲ့သည်။

ဇန်နဝါရီ ၂၀၁၈ - တရားရုံးချုပ်က အဆိုပါဇာတ်ကားကို တစ်နိုင်ငံလုံး ပြသခွင့်ပေးရမည်ဟု ဆုံးဖြတ်ခဲ့ပြီး ပိတ်ပင်ထားသည့် ပြည်နယ်လေးခု၏ တားမြစ်မိန့်ကို ပယ်ဖျက်ခဲ့သည်။ တရားဥပဒေ စိုးမိုးရေး ထိန်းသိမ်းဆောင်ရွက်ရမည်ဟုပါ ညွှန်ကြားခဲ့သည်။  

Ref : BBC
F-03

  • VIA