POST TYPE

EDUCATION

ဘယ်တက္ကသိုလ် လျှောက်မလဲ
လာမည့်တက္ကသိုလ် ပညာသင်နှစ် ၂၀၁၇-၂၀၁၈ တွင်လည်း တက္ကသိုလ်ဝင်ခွင့်စနစ် မပြောင်းလဲသေးပေ။  

တက္ကသိုလ်တစ်ခု မတက်ခင်တွင် မည်သည့်ဘာသာရပ် လေ့လာရန် ဝါသနာ ပါသည်ကို ကျောင်းသားကိုယ်တိုင် သေသေချာချာ ဆန်းစစ်သင့်သည်။

ဆယ်တန်းစာမေးပွဲ ရမှတ်များလျှင် ရွေးချယ်ခွင့် ပိုများပါသည် (ဝင်ခွင့်စနစ်အရ)။ အဆုံးဆိုရသော် ဝါသနာ မပါသော်လည်း မိဘ၏ တိုက်တွန်းမှုကြောင့် ဆေးတက္ကသိုလ်တက်ရမည်ဆိုလျှင် ရမှတ်မီသဖြင့် ဆေးတက္ကသိုလ် လျှောက်ထားလိုက်ခြင်း ဖြစ်သွားနိုင်ပါသည်။ 

အခွင့်အရေးရခိုက် အမြင့်ဆုံးဟု ထင်ရသည်များကို လက်လွတ်မခံ ရယူထားခြင်းဟု တစ်နည်းဆိုနိုင်ပါမည်။ သို့သော် ဝါသနာ၊ ခံယူချက်နှင့် သင်ယူရမည့် အကြောင်းအရာ၊ ပညာရပ်များက ဆန့်ကျင်ဘက် ဖြစ်နေလျှင် လက်လွတ်မခံသည့် အမြင့်ဆုံး အခွင့်အရေးကြောင့် ကိုယ်ဆင်းရဲ၊ စိတ်ဆင်းရဲ၊ ငွေကုန် ဖြစ်ရတတ်သည်။ 

မိမိကြိုက်သည့်အရာကို သေသေချာချာ ရွေးချယ်ပြီး တစိုက်မတ်မတ် လုပ်သင့်သည်။ 

သို့သော် ဆယ်တန်းစာမေးပွဲ အောင်ထားသူများ အနေနှင့် ပြည်တွင်းတက္ကသိုလ်များ တက်မည်ဆိုလျှင် သက်ဆိုင်သည့် ပညာသင်နှစ်အတွက် မတက်ရောက်နိုင်သေးပါကလည်း အောင်မြင်သည့် ခုနှစ်တွင် မဖြစ်မနေ လျှောက်လွှာတင်ရန် လိုအပ်သည်။

သက်ဆိုင်သည့် ပညာသင်နှစ် တက္ကသိုလ်ဝင်ခွင့် လျှောက်ထားခြင်း မရှိသူများကို နောင်ပညာသင်နှစ်များတွင် ပုံမှန်ကျောင်းသားအဖြစ် တက္ကသိုလ်၊ ဒီဂရီကောလိပ်၊ ကောလိပ်များတွင် တက်ရောက်ခွင့်ပြုမည် မဟုတ်ဟု တက္ကသိုလ်ဝင်ခွင့် စိစစ်ရွေးချယ်ရေးအဖွဲ့က သတိပေးထားသည်။ 

ပညာရေး ဝန်ကြီးဌာန၊ အဆင့်မြင့်ပညာ ဦးစီးဌာန တက္ကသိုလ်ဝင်ခွင့် စိစစ်ရွေးချယ်ရေးအဖွဲ့၏ သတ်မှတ်ချက်အရ မြန်မာနိုင်ငံ တစ်နိုင်ငံလုံးတွင် အသက်မွေးဝမ်းကျောင်း တက္ကသိုလ် ၈၀ (နေရာဒေသအလိုက် ဖွင့်လှစ်ထား) ရှိသည်။ သို့သော် အမျိုးအစားအရ အသက်မွေးဝမ်းကျောင်း တက္ကသိုလ် အမျိုးအစား ၁၅ မျိုး ရှိသည်။ 

ဆေးတက္ကသိုလ်၊ သွားဘက်ဆိုင်ရာ ဆေးတက္ကသိုလ်၊ ဆေးဝါးတက္ကသိုလ်၊ ဆေးဘက်ဆိုင်ရာ နည်းပညာတက္ကသိုလ်၊ သူနာပြု၊ အခြေခံကျန်းမာရေး၊ တိုင်းရင်းဆေး၊ နည်းပညာ တက္ကသိုလ်များ (COE နှင့် ရိုးရိုးတက္ကသိုလ်များ ပါဝင်)၊ မြန်မာနိုင်ငံလေကြောင်းနှင့် အာကာသပညာ တက္ကသိုလ်၊ သတင်းအချက်အလက် နည်းပညာတက္ကသိုလ်၊ ကွန်ပျူတာတက္ကသိုလ်၊ မြန်မာနိုင်ငံ ရေကြောင်းပညာတက္ကသိုလ်၊ စီးပွားရေးတက္ကသိုလ်၊ ပညာရေးတက္ကသိုလ်တို့ ဖြစ်သည်။ 

ပြည်တွင်းတက္ကသိုလ်များ တက်ရောက်ရန် ရွေးချယ်ထားသည့် ကျောင်းသား၊ ကျောင်းသူများအတွက် သမိုင်းအစဉ်အလာ ကြီးမားသည့် ရန်ကုန်တက္ကသိုလ်၊ ရန်ကုန်နည်းပညာတက္ကသိုလ်နှင့် ရန်ကုန်နိုင်ငံခြားဘာသာ တက္ကသိုလ်တို့ကို ရွေးချယ်၍ ဖော်ပြလိုပါသည်။ အခြားသော တက္ကသိုလ်များ၏ လျှောက်ထားခွင့် သတ်မှတ်ချက် အသေးစိတ်ကိုလည်း တက္ကသိုလ်ဝင်ခွင့် လမ်းညွှန်စာအုပ်တွင် ဖော်ပြထားပါသည်။

ရန်ကုန်တက္ကသိုလ် (http://uy.edu.mm/)  

မြန်မာနိုင်ငံ၏ ပထမဆုံးတက္ကသိုလ်။ ၁၉၂၀ ခုနှစ်၊ ဒီဇင်ဘာလတွင် ရန်ကုန်တက္ကသိုလ်ကို ဖွင့်လှစ်ခဲ့သည်။ ၂၀၂၀ ခုနှစ်၊ ဒီဇင်ဘာလရောက်လျှင် နှစ်တစ်ရာ ပြည့်တော့မည့် တက္ကသိုလ်။ ခေတ်အဆက်ဆက်ကို ဖြတ်သန်းခဲ့ပြီးပြီ။ သမိုင်းတန်ဖိုးရှိသည့် မြန်မာနိုင်ငံ၏ တက္ကသိုလ်တစ်ခု ဖြစ်သည်။ 

ကမ္ဘာ့ကုလသမဂ္ဂ အတွင်းရေးမှူးချုပ် မြန်မာနိုင်ငံသား ဦးသန့်၊ လွတ်လပ်ရေး ခေါင်းဆောင်ကြီး ဗိုလ်ချုပ်အောင်ဆန်း စသည့် နိုင်ငံခေါင်းဆောင်များ မွေးထုတ်ခဲ့သည်။ 

ရန်ကုန်တက္ကသိုလ်မှာ အာဆီယံ ဒေသတွင်း နိုင်ငံများသာမက နိုင်ငံတကာကပင် သိရှိသည့် တက္ကသိုလ် ဖြစ်သည်။

အိုဘားမား အမေရိကန်ပြည်ထောင်စု သမ္မတ တာဝန်ထမ်းဆောင်ချိန်က လာရောက်လည်ပတ်ကာ ရန်ကုန်တက္ကသိုလ် ကျောင်းသား၊ ကျောင်းသူများ၊ ဆရာများနှင့် တွေ့ဆုံကာ မိန့်ခွန်းပြောသည်။ ထို့ပြင် အမေရိကန်ပြည်ထောင်စု အစိုးရ ထိပ်ပိုင်းအရာရှိများ မကြာခဏ လာရောက်ပြီး ကျောင်းသားများနှင့် တွေ့ဆုံလေ့ရှိသည်။ 

လက်ရှိ ရန်ကုန်တက္ကသိုလ်တွင် မြန်မာစာ၊ အင်္ဂလိပ်စာ၊ ပထဝီဝင်၊ သမိုင်း၊ ဒဿနိကဗေဒ၊ စိတ်ပညာ၊ ဥပဒေပညာ၊ အရှေ့တိုင်းပညာ၊ နိုင်ငံတကာ ဆက်ဆံရေး၊ မနုဿဗေဒ၊ ရှေးဟောင်းသုတေသန၊ ဓာတုဗေဒ၊ ရူပဗေဒ၊ သင်္ချာ၊ သတ္တဗေဒ၊ ရုက္ခဗေဒ၊ ဘူမိဗေဒ၊ ကုန်ထုတ်ဓာတုဗေဒ၊ ကွန်ပျူတာသိပ္ပံ၊ နိုင်ငံရေးသိပ္ပံ၊ မြန်မာမှုပညာ၊ စာကြည့်တိုက်နှင့် သုတပညာ အထူးပြု ဘာသာရပ်များ ပို့ချလျက်ရှိသည်။ 

ဝိဇ္ဇာ၊ သိပ္ပံ ဘာသာရပ်အလိုက် ကျောင်းသားများ ရွေးချယ်၍ အထူးလေ့ကျင့် ပြုစုပျိုးထောင်ရေး အစီအစဉ်အရ ပြီးခဲ့သည့် ၂၀၁၆-၂၀၁၇ ပညာသင်နှစ် (တက္ကသိုလ် ပညာသင်နှစ်) တွင် ၂၀၁၆ ခုနှစ် တက္ကသိုလ်ဝင် စာမေးပွဲ အောင်မြင်သူများ ၂၀၀၀ ကို ရွေးချယ်လက်ခံခဲ့သည်။ မန္တလေး တက္ကသိုလ်တွင်လည်း ထိုဦးရေလက်ခံသည်။ သို့သော် မန္တလေးတက္ကသိုလ်တွင် စာကြည့်တိုက်နှင့် သုတပညာ ဘာသာရပ် အထူးပြု သင်ကြားခြင်း မရှိပေ။ 

ထူးခြားချက်အနေနှင့် ရန်ကုန်တက္ကသိုလ်နှင့် မန္တလေးတက္ကသိုလ်တွင် တက်ရောက်မည့် ကျောင်းသား၊ ကျောင်းသူများကို ဝိဇ္ဇာချွန်ဆု၊ သိပ္ပံချွန်ဆု ချီးမြှင့်ခြင်း ဖြစ်ပါသည်။ ပြီးခဲ့သည့်နှစ် ပေးအပ်မှုအရ အထူးပြု ဘာသာရပ်အလိုက် ဆယ်တန်းစာမေးပွဲ ရမှတ် (အနိမ့်ဆုံး) နှင့် စုစုပေါင်းရမှတ် (အနိမ့်ဆုံး) သတ်မှတ်ထားသည်။ ရမှတ်သတ်မှတ်ချက်ကို တက္ကသိုလ်ဝင်ခွင့် လမ်းညွှန်စာအုပ်များတွင် ဖော်ပြထားလေ့ ရှိသည်။ 

ဝိဇ္ဇာချွန်ဆု၊ သိပ္ပံချွန်ဆုအတွက် ပေးအပ်သည့် ပမာဏမှာ တစ်လ ကျပ်တစ်သိန်း ဖြစ်သည်။ ကျောင်းပြီးဆုံးသည့်အထိ (လေးနှစ်အထိ) ချီးမြှင့်ခြင်း ဖြစ်သည်။ ရန်ကုန်တက္ကသိုလ် တက်ခွင့်ရသူများသည် ရန်ကုန်တိုင်း စည်ပင်နယ်နိမိတ် အပြင်မှဖြစ်လျှင် ကျောင်းသားဖြစ်ပါက ပင်းယ၊ စစ်ကိုင်း၊ သထုံ၊ ပဲခူးဆောင်များတွင် နေထိုင်ကျောင်းတက်ရမည် ဖြစ်ပြီး ကျောင်းသူ ဖြစ်လျှင် အင်းလျား၊ ရတနာ၊ ဒဂုံ၊ သီရိ၊ ရွှေဘိုဆောင်များတွင် နေထိုင်ကျောင်းတက်ရမည် ဖြစ်သည်။ 

သမိုင်းတန်ဖိုးကြီးသည့် ရန်ကုန်တက္ကသိုလ် ကျောင်းသားဘဝသည် ကြုံတောင့်ကြုံခဲ။ ထို့အတူ             ရန်ကုန်တက္ကသိုလ် ကျောင်းသားတစ်ယောက်၏ အခွင့်အလမ်းကလည်း မှန်းဆ၍မရ။ ထို့ကြောင့် တက္ကသိုလ်ဝင်ခွင့် ရမှတ်လည်းမီ၊ မိမိသင်ယူလိုသည့် ဘာသာရပ် စသည့် အကြောင်းများနှင့် ကိုက်ညီလျှင် ရန်ကုန်တက္ကသိုလ် ကျောင်းသားဘဝကို စဉ်းစားသင့်သည်။

ရန်ကုန်နည်းပညာတက္ကသိုလ် (http://ytu.edu.mm/)

ရန်ကုန်နည်းပညာတက္ကသိုလ်သည် မြန်မာနိုင်ငံတွင် အစဉ်အလာ ကြီးမားသည့် တက္ကသိုလ်များအနက်  တစ်ခုအပါအဝင် ဖြစ်သည်။ ရန်ကုန်နည်းပညာတက္ကသိုလ်က ပြီးခဲ့သည့်နှစ်တွင် ဆယ်တန်းရမှတ် ၄၈၀ နှင့် အထက်ရရှိသူ တစ်နိုင်ငံလုံး မည်သည့်နေရာမှ ကျောင်းသားဖြစ်စေ လျှောက်ထားခွင့်ပြုပြီး ကျောင်းသား၊ ကျောင်းသူ ၃၀၀ ဦး ခေါ်ယူသည်။ 

ရန်ကုန်နည်းပညာတက္ကသိုလ်တွင် မြို့ပြအင်ဂျင်နီယာ၊ စက်မှုအင်ဂျင်နီယာ၊ လျှပ်စစ်စွမ်းအား အင်ဂျင်နီယာ၊ အီလက်ထရောနစ် အင်ဂျင်နီယာ၊ ကွန်ပျူတာ အင်ဂျင်နီယာနှင့် သတင်းအချက်အလက် နည်းပညာ၊ စက်မှုအီလက်ထရောနစ် အင်ဂျင်နီယာ၊ ဓာတုအင်ဂျင်နီယာ၊ ချည်မျှင်နှင့် အထည်အင်ဂျင်နီယာ၊ သတ္တုတူးဖော်ရေး အင်ဂျင်နီယာ၊ ရေနံအင်ဂျင်နီယာ၊ သတ္တုဗေဒအင်ဂျင်နီယာနှင့် ဒြပ်ပစ္စည်းသိပ္ပံ၊ ဗိသုကာ ဘာသာရပ်များကို သင်ကြားပေးသည်။ 

မန္တလေး နည်းပညာတက္ကသိုလ် (နည်းပညာတက္ကသိုလ်(မန္တလေး) မဟုတ်) တွင်မူ နျူကလီးယား နည်းပညာ အင်ဂျင်နီယာ၊ ဇီဝနည်းပညာ၊ သုတနည်း ပညာဘာသာရပ်များပါ သင်ကြားပြီး ကွန်ပျူတာ အင်ဂျင်နီယာနှင့် သတင်းအချက်အလက် နည်းပညာ ဘာသာရပ်၊ ချည်မျှင်နှင့် အထည်အင်ဂျင်နီယာ၊ ရေနံအင်ဂျင်နီယာ၊ သတ္တုဗေဒ အင်ဂျင်နီယာနှင့် ဒြပ်ပစ္စည်း သိပ္ပံဘာသာရပ်များ မသင်ကြားပေ။ 

ရန်ကုန်နိုင်ငံခြားဘာသာ တက္ကသိုလ် (http://www.yufl.edu.mm/demo/academic-departments/)  

တက္ကသိုလ်ဝင်တန်း အောင်မြင်ပြီး ဘာသာစကား တစ်မျိုးမျိုးကို အထူးပြုသင်ကြားရန် နှစ်သက်ပါက ရန်ကုန်နိုင်ငံခြားဘာသာတက္ကသိုလ်၊ မန္တလေး နိုင်ငံခြားဘာသာတက္ကသိုလ်တွင် တက်ရောက်မည် ဆိုလျှင် ပို၍သင့်တော်ပါသည်။ 

လက်ရှိနိုင်ငံအခြေအနေအရ ယင်းတက္ကသိုလ်များသည် နိုင်ငံတကာ တက္ကသိုလ်များကဲ့သို့ ဘာသာစကားသာမက ယင်းဘာသာစကား အသုံးပြုရာ နိုင်ငံအကြောင်း လေ့လာရသည်မျိုးတော့ မဟုတ်သေးချေ။ ယင်းအတွက်လည်း ရန်ကုန်နိုင်ငံခြားဘာသာ တက္ကသိုလ်က ပြင်ဆင်နေသည်။ 

တစ်နိုင်ငံလုံးတွင် နိုင်ငံခြားဘာသာတက္ကသိုလ် နှစ်ခုသာ ရှိသည်။ ယင်းအတွက် ကရင်၊ တနင်္သာရီ၊ ပဲခူး၊ မွန်၊ ရခိုင်၊ ရန်ကုန်၊ ဧရာဝတီဒေသမှ ကျောင်းသား၊ ကျောင်းသူများက ရန်ကုန်နိုင်ငံခြားဘာသာ တက္ကသိုလ်တွင် တက်ရောက်ခွင့် လျှောက်ထားကြရသည်။ ကချင်၊ ကယား၊ ချင်း၊ စစ်ကိုင်း၊ မကွေး၊ မန္တလေး၊ ရှမ်းပြည်နယ်တို့မှ ကျောင်းသားများက မန္တလေး နိုင်ငံခြားဘာသာ တက္ကသိုလ်သို့ လျှောက်ထားကြရသည်။ 

ရန်ကုန်နိုင်ငံခြားဘာသာတက္ကသိုလ်တွင် တရုတ်၊ အင်္ဂလိပ်၊ ပြင်သစ်၊ ဂျာမန်၊ အီတာလျံ၊ ဂျပန်၊ ကိုရီးယား၊ မြန်မာ၊ ရုရှား၊ ထိုင်းဘာသာစကားများ သင်ကြားနိုင်မည် ဖြစ်သည်။ ပြီးခဲ့သည့်နှစ်က ရန်ကုန်နိုင်ငံခြားဘာသာတက္ကသိုလ်မှ ကျောင်းသား၊ ကျောင်းသူ ၈၀၀ ဝင်ခွင့်လက်ခံသည်။ မန္တလေး နိုင်ငံခြားဘာသာ တက္ကသိုလ်မှ ကျောင်းသား၊ ကျောင်းသူ ၄၂၀ ဦး ဝင်ခွင့်လက်ခံသည်။ 

နိုင်ငံတကာ တက္ကသိုလ်များ

တက္ကသိုလ်ဝင်တန်း အောင်မြင်ပြီးသည်နှင့် ပြည်တွင်းအသက်မွေးဝမ်းကျောင်း တက္ကသိုလ်များ သို့မဟုတ် ဝိဇ္ဇာ၊ သိပ္ပံတက္ကသိုလ်များတွင် တက်ရောက်ရန် စိတ်ကူးထားသည့် ကျောင်းသား၊ ကျောင်းသူများ ရှိသကဲ့သို့ တစ်ဖက်တွင်လည်း နိုင်ငံတကာပညာရေးကို စတင်ခြေလှမ်းမည့် ကျောင်းသား၊ ကျောင်းသူများလည်း ရှိသည်။

ထိုကျောင်းသား၊ ကျောင်းသူများအတွက် နိုင်ငံတကာတက္ကသိုလ် ရွေးချယ်ရာတွင် တစ်စုံတစ်ရာ အထောက်အကူဖြစ်စေရန် မြန်မာနိုင်ငံမှ ကျောင်းသားများ ရွေးချယ်လေ့ရှိသည့် တက္ကသိုလ်များ အကြောင်း ရွေးချယ်ဖော်ပြလိုပါသည်။ အသေးစိတ် အချက်အလက်များကိုမူ သက်ဆိုင်ရာ ကျောင်းဝက်ဘ်ဆိုက်သို့ ဝင်ရောက်လေ့လာနိုင်မည် ဖြစ်ပါသည်။ သို့မဟုတ် ပညာရေး ဝန်ဆောင်မှု လုပ်ငန်းများနှင့် ဆွေးနွေးနိုင်မည် ဖြစ်သည်။ 

စီးပွားရေးတက္ကသိုလ်များ

ပြီးခဲ့သည့်နှစ် တက္ကသိုလ်ဝင်ခွင့် သတ်မှတ်ချက်အရဆိုလျှင် ရန်ကုန်စီးပွားရေးတက္ကသိုလ် (လှိုင်နယ်မြေ) သို့ ဆယ်တန်းစာမေးပွဲရမှတ် ၄၅၀ အထက် ရရှိသူ  (မည်သည့်စာစစ်ဌာနမှ အောင်မြင်သည်ဖြစ်စေ) မည်သူမဆို လျှောက်ထားခွင့်ရှိပြီး ကျောင်းသား၊ ကျောင်းသူ ၂၀၀ လက်ခံခဲ့သည်။

ရန်ကုန်စီးပွားရေးတက္ကသိုလ် (လှိုင်နယ်မြေ) တွင် Bachelor of Accounting (လေးနှစ်)၊ Bachelor of Population Studies (လေးနှစ်)၊ Bachelor of Public Administration (လေးနှစ်)၊ Bachelor of Development Studies (လေးနှစ်) သင်တန်းများကို သင်ကြားသည်။ မိမိနှစ်သက်ရာ အထူးပြုသင်တန်းကို ရွေးချယ်လျှောက်ထားနိုင်မည် ဖြစ်သည်။

စီးပွားရေးတက္ကသိုလ် တက်ရောက်လိုသည့် ကျောင်းသားများအနေနှင့် ကရင်၊ တနင်္သာရီ၊ ပဲခူး၊ မွန်၊ ရခိုင်၊ ရန်ကုန်နှင့် ဧရာဝတီတိုင်းမှ ကျောင်းသား၊ ကျောင်းသူများသည် ရန်ကုန်စီးပွားရေးတက္ကသိုလ်၊ ကချင်၊ ချင်း၊ စစ်ကိုင်း၊ ရှမ်း(မြောက်)ဒေသမှ ကျောင်းသား၊ ကျောင်းသူများသည် မုံရွာစီးပွားရေးတက္ကသိုလ်၊ ကယား၊ မကွေး၊ မန္တလေး၊ ရှမ်း (တောင်၊ အရှေ့) ဒေသမှ ကျောင်းသား၊ ကျောင်းသူများသည် မိတ္ထီလာ စီးပွားရေးတက္ကသိုလ်သို့ တက်ရောက်ခွင့် လျှောက်ထားရမည် ဖြစ်သည်။

ရန်ကုန်၊ မုံရွာ၊ မိတ္ထီလာ စီးပွားရေးတက္ကသိုလ် တက်လိုသည့် ကျောင်းသားများအနေနှင့် မည်သည့်ဘာသာတွဲဖြင့် အောင်မြင်သည်ဖြစ်စေ တစ်ဘာသာလျှင် အနိမ့်ဆုံး ၅၀ မှတ် ရရှိရမည်ဖြစ်ပြီး စုစုပေါင်း ရမှတ် ၃၅၀ အထက် (ယခင်နှစ် သတ်မှတ်ချက်) ရရှိရမည် ဖြစ်သည်။ 

လစ်ဘရယ် ပညာရေး (University at Albany, State University of New York)

ယခုနောက်ပိုင်း မြန်မာနိုင်ငံတွင် လစ်ဘရယ် ပညာရေးဘက်ကို လူငယ်များ စိတ်ဝင်စားမှု များလာသည်။ 

လစ်ဘရယ် ပညာရေး ဆိုသည်မှာ စိတ်ဝင်စားရာ အထူးပြုနယ်ပယ်တစ်ခု၊ ဘာသာရပ်တစ်ခုကို နက်နက်ရှိုင်းရှိုင်း လေ့လာနိုင်သကဲ့သို့ ကမ္ဘာ၏ ကွဲပြားသည့် အတွေးအခေါ်၊ ဗဟုသုတများကို အခြေခံလေ့လာစေသည့် ပညာရေးစနစ်တစ်ခု ဖြစ်သည်။ 

တစ်နည်းဆိုသော် အကြောင်းကို အခြေခံ၍ သင့်တော်ကောင်းမွန်သည့် အကျိုးဖြစ်လာရန် ဆုံးဖြတ်လုပ်ကိုင်ခြင်းကို လေ့ကျင့်သည့် ပညာရေးစနစ်ဟု အမေရိကန်ပြည်ထောင်စု တက္ကသိုလ်များနှင့် ကောလိပ်အဖွဲ့အစည်းများက ဆိုထားသည်။ 

လစ်ဘရယ် ပညာရေးစနစ်မှာ တက္ကသိုလ် ပထမနှစ်၊ ဒုတိယနှစ်တွင် ဘာသာရပ်ပေါင်း ၂၀ ကျော်ကို သင်ယူရပြီး တက္ကသိုလ် ၂ နှစ်ပြီးမှ မိမိနှစ်သက်ရာ အထူးပြုပညာရပ်၊ ဘာသာရပ်နယ်ပယ် တစ်ခုကို ရွေးချယ်ရသည်။ ယင်းစနစ်ဖြင့် အောင်မြင်သည့် ကျောင်းသားများအတွက် အလုပ်အကိုင် အခွင့်အလမ်း ကောင်းမွန်သည်ဟု ဆိုသည်။ 

လစ်ဘရယ် ပညာရေးကို စိတ်ဝင်စားသည့် မြန်မာကျောင်းသားအ များစု တက်ရောက်လေ့ရှိသည့် တက္ကသိုလ်များထဲမှ တစ်ခုကို ညွှန်းလိုပါသည်။ အမေရိကန်ပြည်ထောင်စု၊ နယူးယောက်ပြည်နယ်၊ အယ်လ်ဗနီရှိ အယ်လ်ဗနီ အမေရိကန်အစိုးရ တက္ကသိုလ် (University at Albany, State University of New York - http://www.albany.edu/) ဖြစ်သည်။ 

ယင်းတက္ကသိုလ်တက်ရောက်ရန် နေစရိတ်၊ စားစရိတ်၊ ကျောင်းစရိတ် အပါအဝင် တစ်နှစ်လျှင် အမေရိကန်ဒေါ်လာ ၃၁၅၀၀ ခန့် ကုန်ကျပါမည်။ ကျောင်းစရိတ်ချည်းသက်သက်ဆိုလျှင် အမေရိကန်ဒေါ်လာ ၁၉၅၀၀ ခန့် ကုန်ကျပါမည်။ 

တစ်နှစ်လျှင် ကျောင်းသားအရေအတွက် ၁၇၀၀၀ ခန့် လက်ခံလေ့ရှိပြီး ရွေးချယ်နိုင်သည့် ဘာသာရပ် ၁၂၀ ခန့် ရှိသည်။ နိုင်ငံတကာကျောင်းသား၊ ကျောင်းသူများအတွက် ပညာသင်ဆု အစီအစဉ်များလည်း ရှိသည်။ 

အမေရိကန်ပြည်ထောင်စုသို့ တိုက်ရိုက်မတက်ရောက်ဘဲ မြန်မာနိုင်ငံတွင် ပထမနှစ်၊ ဒုတိယနှစ် တက်ရောက်ပြီး တတိယနှစ်မှ အဆိုပါ တက္ကသိုလ်သို့ ပြောင်းရွှေ့တက်ရောက်နိုင်ပါသည်။ မြန်မာနိုင်ငံတွင် တက်ရောက်စဉ် GPA 3.0 အနည်းဆုံးရထားလျှင် တတိယနှစ်၊ စတုတ္ထနှစ်အတွက် ဒေါ်လာ ၈၀၀၀ ခန့် (မြန်မာငွေ ကျပ်သိန်း ၁၀၀ ကျော်) ပညာသင်ဆု ရနိုင်မည့် အခွင့်အလမ်းလည်း ရှိသည်။

ထိုင်းနိုင်ငံက Webster University

အမေရိကန်ပြည်ထောင်စု အနောက်ပိုင်း အလယ်ပိုင်းရှိ ကျောင်းကောင်းများစာရင်းတွင် ပါဝင်ပြီး ထိုင်းနိုင်ငံကျောင်းခွဲတွင်လည်း ထိုင်းပညာရေး ဝန်ကြီးဌာန အနေနှင့် အသိအမှတ်ပြု ထောက်ခံထားသည့် Webster University တွင် ဘွဲ့ကြို၊ ဘွဲ့လွန် တန်းများကို တက်ရောက်သင်ယူနိုင်မည် ဖြစ်သည်။ 

ထိုင်းနိုင်ငံရှိ Webster University ကျောင်းခွဲသည် နိုင်ငံတကာကျောင်းခွဲများထဲတွင် အဓိက နေရာတစ်ခုအဖြစ် ရပ်တည်နေပြီး ဘန်ကောက်မြို့ တောင်ဘက် ၁၈၅ ကီလိုမီတာ ကွာဝေးသည့် နေရာတွင်ရှိသည်။ ကျောင်းဝင်ခွင့်ကို ဇန်န၀ါရီလ၊ မတ်လ၊ မေလ၊ သြဂုတ်လနှင့် အောက်တိုဘာလတို့တွင် ခေါ်ယူလေ့ရှိသည်။ 

ထို့ပြင် အချက်အချာ ဘန်ကောက်မြို့တွင်လည်း ပညာရေးစင်တာတစ်ခု တည်ရှိပြီး ယင်းစင်တာတွင် Master of Business Administration (MBA)၊ MBA Emphasis in(Finance, Marketing, Human Resources)၊ MA International Relation နှင့် MA Media Communication ဘာသာရပ်များကို အချိန်ပြည့် တက်ရောက်သင်ယူနိုင်မည် ဖြစ်သည်။ 

ဘွဲ့လွန်မဟာဘွဲ့များအတွက် ဝင်ခွင့်လိုအပ်ချက်မှာ ပတ်စ်ပို့မိတ္တူ၊ ဆယ်တန်းအောင်လက်မှတ်၊ အမှတ်စာရင်း၊ တက္ကသိုလ် အမှတ်စာရင်း သို့မဟုတ် Grading၊ စာလုံးရေ ၃၀၀ မှ ၅၀၀ကြား အက်ဆေးတစ်ပုဒ်၊ Form နှင့် အင်္ဂလိပ်ဘာသာစကား ကျွမ်းကျင်မှုအတွက် TOEFL 575 သို့မဟုတ် IELTS 6.5 ရရှိထားရန် လိုအပ်သည်။ 

ဘွဲ့ကြိုတက်လိုသည့် ကျောင်းသားများ အနေနှင့် ယင်းတက္ကသိုလ်တွင် Business Administration, Management, Management Emphasis in ( International Business / Marketing / Human Resource), Psychology, International Relation, Media Communication, Advertising & Marketing Communication ဘာသာရပ်များ တက်ရောက်သင်ယူနိုင်မည် ဖြစ်သည်။ 

တက္ကသိုလ်ဝင်ခွင့် လိုအပ်ချက်များမှာ ပတ်စ်ပို့မိတ္တူ၊ ဆယ်တန်းအောင်လက်မှတ်၊ အမှတ်စာရင်း၊ စာလုံးရေ ၃၀၀ မှ ၅၀၀ကြား အက်ဆေးတစ်ပုဒ်၊ IELTS 6.0 သို့မဟုတ် TOEFL 550 ရရှိထားရန် သို့မဟုတ် Myanmar Search International ပညာရေးလုပ်ငန်း၏ ဝင်ခွင့်စာမေးပွဲ ဖြေဆိုရမည် ဖြစ်သည်။ 

ကျောင်းလခမှာ အမေရိကန်ပြည်ထောင်စုနှင့် ဥရောပနိုင်ငံ ကျောင်းများ၏ ၄၀ ရာခိုင်နှုန်း ရှိသည်။ အမေရိကန်ပညာရေး စိတ်ဝင်စားသည့် မြန်မာကျောင်းသားများအတွက် ထိုင်းနိုင်ငံရှိ Webster ကျောင်းခွဲက အာရှတိုက်သားများ၏ ပညာသင်ဆု နှစ်စဉ်ပေးနေပြီး ဘွဲ့ကြိုတန်းအတွက် တစ်နှစ်လျှင် ကန်ဒေါ်လာ ၃၅၀၀ ကျော် ချီးမြှင့်ပြီး ယင်းတက္ကသိုလ်တွင် ပညာသင်ယူနေစဉ် တစ်လျှောက်လုံး အကျုံးဝင်မည် ဖြစ်သည်။

မြန်မာကျောင်းသားများအတွက် အားသာချက်မှာ အမေရိကန်ပညာရေးကို ထိုင်းနိုင်ငံတွင် သင်ယူခြင်းဖြင့် ပညာသင်ကြားမှုစရိတ်၊ နေထိုင်စရိတ်၊ စားသောက်မှုစရိတ် သက်သာခြင်း၊ မိခင်နိုင်ငံနှင့် ကူးသန်းသွားလာမှုလွယ်ပြီး ယဉ်ကျေးမှု တူညီခြင်းနှင့် Webster University ၏ ကျောင်းခွဲများအချင်းချင်း ပြောင်းရွှေ့တက်ရောက်ခွင့် ရရှိခြင်း၊ ကျောင်းဝင်ခွင့် လျှောက်ထားရာတွင်လည်း Bank Statement ပြသရန် မလိုကြောင်း MSI တာဝန်ရှိသူက ဆိုထားသည်။ 

(University at Albany, State University of New York အချက်အလက်များအတွက် မြန်မာနိုင်ငံမှ Connect Institute က ကူညီထားခြင်းဖြစ်ပြီး ယင်းတက္ကသိုလ်တက်ရန် စိတ်ဝင်စားပါက Connect Institute ဖုန်း ၀၉၇၇ ၉၀၀၀ ၉၀၀ ကို ဆက်သွယ်နိုင်မည် ဖြစ်သည်။ Webster University Thailand Campus အချက်အလက်များကို မြန်မာနိုင်ငံမှ Myanmar Search International ပညာရေး ဝန်ဆောင်မှုလုပ်ငန်းက ကူညီထားခြင်း ဖြစ်သည်။ ယင်းတက္ကသိုလ်တက်ရန် စိတ်ဝင်စားပါက MSI ဖုန်း ၀၁-၃၈၉၉၁၅၊ ၀၉-၅၁၀၃၉၁၅ သို့ ဆက်သွယ်နိုင်မည် ဖြစ်သည်။)

နေဇာကျော်

ABOUT AUTHOR

(နေဇာကျော်)