News

POST TYPE

EDUCATION

စာသင်ခန်းတွေကို ဇောက်ထိုး လှန်လိုက်ပါ
04-Aug-2016

နိုင်ငံတကာမှာ စာသင်ခန်းတွေကို ဇောက်ထိုး လှန်လိုက်ဖို့ လုပ်နေကြတာ ကြာပါပြီ။ သူတို့ကတော့ Flipped Classroom ဆိုပြီး လုပ်နေကြတာ။ ပညာရေးကို ကယ်တယ်ချင်ရင် အစဉ်အလာကို ပြောင်းပြန် ဇောက်ထိုးဖြစ်အောင် လုပ်ဖို့က လွဲပြီး အခြား နည်းမရှိဘူးလို့လည်း ပညာရှင်တွေက သုံးသပ်နေကြပါတယ်။ 

စာသင်ခန်းတွေကို ဇောက်ထိုး လှန်လိုက်ဖို့ဆိုတာ ပြောင်းလဲမှု တစ်ခုခု လုပ်ဖို့ ပြောတာပါ။ ဆရာတွေကို အစားထိုးဖို့ ပြောတာတော့ မဟုတ်ပါဘူး။ ပြောင်းလဲမှုတွေ လုပ်မှ ရတော့မယ် ဆိုတာကို မပြောင်းနိုင်ဘူး၊ မပြောင်းချင်ဘူးလို့ ပြောနေတဲ့ ဆရာတွေအတွက်တော့ တစ်မျိုး စဉ်းစားရမှာပေါ့။ 

ခေတ်သစ် စာသင်ခန်းတွေကို ဇောက်ထိုးဖြစ်အောင် လုပ်နိုင်တဲ့နည်းက ခုနစ်နည်းပဲ ရှိပါတယ်။

(၁) မုန်တိုင်းဆင်ကြည့်ပါ။ ဦးနှောက်ကို မုန်တိုင်းဆင်နည်းလို့ ခေါ်တဲ့ ကျောင်းသားတွေကို (Brainstorming) ဖြစ်အောင် လုပ်နိုင်ဖို့ ဆရာတွေမှာ အရည်အချင်းနဲ့ အားထုတ်မှုတွေ လိုလာပြီ။ ဖတ်စာအုပ်ကအတိုင်း စာတွေ ဖတ်ပြနေရတဲ့ခေတ် မဟုတ်တော့ဘူးလို့ ပြောချင်တာ။ ဆရာတွေအနေနဲ့ တစ်ပတ်မှာ တစ်ရက်လောက်ပဲဖြစ်ဖြစ် ကလေးတွေကို Brainstorming ဖြစ်အောင် လုပ်ကြည့်ဖို့ပါ။ ဘာသာရပ်တိုင်းကို လုပ်ဖို့ ပြောတာ မဟုတ်ပါဘူး။ လုပ်လို့ ရတာလေးက စကြည့်ဖို့ ပြောတာ။

(၂) ဖန်တီးခိုင်းကြည့်ပါ။ အိမ်စာတွေ ပေးရင် ဖတ်စာအုပ်ထဲက စာတွေကို ပြန်ကူးခိုင်းတာမျိုးတွေ လုပ်မနေပါနဲ့တော့။ ခေါင်းစဉ် တစ်ခု ပေးပြီး ဘယ်လို စဉ်းစားလာတယ် ဆိုတာကို သိအောင် လုပ်ဖို့ လိုလာပြီ။ အိမ်စာ ပေးလိုက်ရင် ကူးချလာတာတွေ၊ ခိုးချလာတာတွေ ဖြစ်တတ်တာပဲ။ ဒါကြောင့် ခေါင်းစဉ်ကို စဉ်းစားခိုင်းလာပြီး ကိုယ်တိုင် ထပြောကာ တစ်တန်းလုံး ကြားနိုင်အောင် လုပ်ပေးလိုက်ရမယ်။ အကြောင်းအရာ အချက်အလက်တွေဟာ လူစုံရင် ရေးစရာ မကုန်လောက်အောင် ဖြစ်လာလိမ့်မယ်။ ချက်ချင်း ချရေးခိုင်းလိုက်ကြည့်လေ။ အချိန်တော့ ပေးရမယ်။ အဲဒီလို အချိန်ပေး လိုက်တာဟာ တစ်နှစ်လုံး စာကူး ရေးခိုင်းနေတာထက်တော့ အများကြီးထိ ရောက်တယ်ဆိုတာ လက်တွေ့ လုပ်ကြည့်ရင် သိလိမ့်မယ်။

(၃) တည်ဆောက်ခိုင်းကြည့်ပါ။ သူတို့ကို အိမ်စာလို့ ပြောမယ့်အစား ပရောဂျက်လို့ ပြောင်းပြောကြည့်လိုက်ပါ။ ပရောဂျက် ဆိုတာ စူးစမ်း လေ့လာရမယ်၊ အချက်အလက်တွေ စုဆောင်းရမယ်၊ ပေါင်းစပ် တတ်ရမယ်၊ တင်ပြတတ်ရမယ်ဆိုတဲ့ သဘောတရားတွေမှာ အခြေခံတယ် ဆိုတာကိုလည်း နားလည်အောင် လုပ်ပေးထားရမယ်။ တစ်နည်းပြောရရင် သူတို့ကို ကိုယ်ဆောက်မယ့် တိုက်အတွက် ကိုယ်တိုင် ဒီဇိုင်း ထုတ်ခိုင်းလိုက်တဲ့ သဘောပဲ။

(၄) ပြင်ဆင်ခိုင်းခဲ့ပါ။ ကျောင်းသားတွေကို ပြောင်းလဲခြင်း ဖြစ်စဉ်မှာ စာသင်ခန်းတွေကို အစဉ်အလာနဲ့ မတူအောင် ဘာဖြစ်လို့ ဇောက်ထိုး လုပ်လိုက်ရသလဲ ဆိုတာ နားလည်အောင် ပြောပြဖို့ လိုတယ်။ ဆရာက ဒါတွေ လုပ်ကြရအောင်ကွာလို့ ပြောပြီးရင် အဲဒီလို ပရောဂျက် တစ်ခု ထုတ်နိုင်ဖို့ ဘာတွေ ထည့်သွင်းဖို့ လိုတယ်ဆိုတာ Outline တော့ ပေးလိုက်နိုင်ရမယ်။ ဒီအချက်တွေကို အခြေခံပြီး စဉ်းစားလာပေါ့။ 

(၅) ရလဒ်တော့ ရှိရမယ်။ ကလေးတွေက အမျိုးမျိုး စဉ်းစားလာကြမှာပဲ။ သူ့အဆို၊ ငါ့အဆို ဘယ်ဟာက ပိုကောင်းတယ်ဆိုတာ ဆွေးနွေး ငြင်းခုံတာမျိုးလည်း လမ်းဖွင့်ပေးရမယ်။ တစ်ခုခု လုပ်ဆောင်တယ်ဆိုတာ ရလဒ် သို့မဟုတ် အောင်မြင်မှု တစ်ခုခုကို ရဖို့ လုပ်တာပဲ။ မှားယွင်း ဆုံးရှုံးမှုတွေ ရှိနေရင်လည်း သင်ခန်းစာ ယူနိုင်အောင် ထောက်ပြနိုင်ရမယ်။ ဒါလေးက ကောင်းတယ်၊ မကောင်းဘူး၊ ကောင်းတော့ ကောင်းတယ်၊ မဖြစ်နိုင်သေးဘူး ဆိုတာတွေကို ဝေဖန် ထောက်ပြပြီးတော့ အဖြေ သို့မဟုတ် ရလဒ်တစ်ခုခုကို ဆွဲယူနိုင်ရင် ပိုပြီး အောင်မြင်မယ်။

(၆) စာကြည့်တိုက် ထောင်ပါ။ ကိုယ်ပိုင် အတန်းပိုင် စာကြည့်တိုက်တွေ ထောင်နိုင်အောင် ကြိုးစားရမယ်။ ကလေးတွေ စာမဖတ်ဘူး ပြောကြတယ်။ စာဖတ်ချင်လာအောင် မလုပ်ဆောင်ပေးနိုင်ဘဲ အော်နေလို့ မဖြစ်ဘူး။ ကလေးတွေကို တွေးချင် ရေးချင်လာအောင် လုပ်ဖို့ဆိုတာ ဖတ်ချင်လာအောင် သွေးဆောင်နိုင်ရမယ်။ ခု ဆရာတို့ ပြောနေတဲ့ အချက်တွေဟာ ဟိုစာအုပ်တွေထဲမှာ ရှိတယ်လို့ ပြောလိုက်ရင် စာအုပ်တွေကို အလုအယက် ဖြစ်လာလိမ့်မယ်။ တို့လိုချင်တာတွေ စာအုပ်တွေထဲမှာ ရှိနေပါတယ် ဆိုတာလောက်တော့ ဆရာက လမ်းညွှန် ပြသနိုင်ရင် ကောင်းမယ်။

(၇) လူတိုင်း သိနိုင်အောင် လုပ်ပါ။ ကိုယ့်အခန်းထဲမှာ အားလုံး ပေါင်းစုပြီး လုပ်ထားတဲ့ ပရောဂျက်တွေကို ဒီအတိုင်း ထားလိုက်တာထက် လူအများ သိအောင် လုပ်ပေးလိုက်ရင် ကိုယ့်ကျောင်းသားတွေလည်း ဝမ်းသာ၊ အခြားက နမူနာ ယူစရာတွေလည်း ဖြစ်လာလိမ့်မယ်။ ဒါကြောင့် ခေတ်ကိုပြိုင်နေတဲ့ နိုင်ငံတွေမှာတော့ Website တွေ ကိုယ်ပိုင်ထောင်ပြီး လုပ်ဆောင်မှုတွေကို ပုံတွေ၊ စာတွေနဲ့ ထုတ်ပြကာ ကြည်နူးလေ့ ရှိကြတယ်။ နောက်ဆုံး Youtube လိုနေရာကို မှတ်တမ်း ဗီဒီယိုလေးဖြစ်ဖြစ် ပို့ပြီး တင်ကြည့်လိုက်ပါ။ ကမ္ဘာတောင် ကျော်သွားနိုင်ပါတယ်။

မောင်ခေတ်

  • VIA