News

POST TYPE

EDUCATION

ဗီယက်နမ်နိုင်ငံမှ Non-profit ကျောင်းများ
01-Dec-2018



ဗီယက်နမ်နိုင်ငံတွင် Non-profit ဆိုသည့် ကျောင်းများကို တည်ထောင်လှုပ်ရှားလာသည်မှာ နှစ်ပေါင်း ၂၀ ခန့်ရှိလာပြီဖြစ်သည်။ ပညာရေးအတွက်လုပ်သည်၊ အကျိုးအမြတ်အတွက် မလုပ်ဆိုသည့် အရပ်ဘက်ကျောင်းများသည် မူလတန်းမှသည် တက္ကသိုလ်အဆင့်လောက်အထိ ဖွင့်လှစ်လုပ်ဆောင်နေခြင်းအပေါ် ပြည်သူတွေကလည်း နားလည်သူနည်းပြီး ယနေ့တိုင် အကဲခတ်နေသူများရှိသည်။ များသောအားဖြင့် “မဖြစ်နိုင်” ဆိုသည့်ဘက်က ရှုမြင်ခဲ့ကြသူတွေများသည်ဟု ဆိုရမည်။

Non-profit ကျောင်းတွေပေါ်လာသဖြင့် ပြည်သူတို့ စိတ်ထဲတွင် ဘယ်ကငွေနှင့် ရပ်တည်မည် နည်းဆိုသည့် အချက်က ထိပ်ဆုံးမှ စဉ်းစားစရာ ဖြစ်သည်။ အလှူငွေနှင့် ရပ်တည်မည်ဆိုသည့်အခါတွင်လည်း မည်သူတွေက လှူမည်နည်း၊ မည်မျှကြာကြာခံမည်နည်းဆိုပြီး မေးခွန်းထုတ်လာကြပြန်သည်။ ဗီယက်နမ်နိုင်ငံ၏ Non-profit ပညာသင်ကျောင်းများနှင့် ပတ်သက်ပြီး လေ့လာကြည့်လျှင် စိတ်ဝင်စားစရာကောင်းလှသည်။ 

ဖွံ့ဖြိုးတိုးတက်သည့်နိုင်ငံများဖြစ်သော အမေရိကန်ပြည်ထောင်စု၊ ဗြိတိန်၊ ဂျာမနီ၊ တောင်ကိုရီးယား၊ ဂျပန်နိုင်ငံများတွင်လည်း Non-profit ကျောင်းများရှိပါသည်။ ထိုအဖွဲ့အစည်းများတွင် Non-profit ကျောင်းများသည် အခြေအနေကောင်းစွာဖြင့် တိုးတက်ဖွံ့ ဖြိုးလျက် ရပ်တည်နိုင်ကြသည်။ ဥပမာ ဟားဗတ်၊ ယေးလ်၊ စတန်းဖို့ဒ် တက္ကသိုလ်များ၊ ဂျပန်မှ Keio၊ ကိုရီးယားမှ Yonsei နှင့် အမေရိကန်မှ ဂျွန်ဟော့ကင်းဆေးတက္ကသိုလ် စသည်တို့သည် Non-profit ကျောင်းများအဖြစ် အောင်မြင်စွာ ရပ်တည်နေသော ကျောင်းကြီးများဖြစ်ကြပါသည်။

အကျိုးအမြတ်အတွက် ဖွင့်သောကျောင်းများသည် အကျိုးအမြတ်ရလိုသောကြောင့် မျှော်ကိုးပြီး ဖွင့်လှစ်ကြခြင်းဖြစ်သည်။ အကျိုးအတွက်မဟုတ်သည့် Non-profit ကျောင်းများမှာ ကျောင်းသား ကျောင်းသူများအတွက် ပညာရှာမှီးနိုင်ရန် ကောင်းမွန်သော နေရာထိုင်ခင်းတစ်ခုကို အထောက်အပံ့ ပေးနိုင်ရန်အတွက် နေရာတစ်နေရာကို ဖွင့်လှစ်ပေးခြင်းဖြစ်သည်။ 

အကျိုးအမြတ်အတွက် ဖွင့်လှစ်ထားသော ကျောင်းများသည် ကျောင်းကိုထူထောင်သည့် ရှယ်ယာပိုင်ရှင်များ ထောက်ပံ့ပေးကမ်းထားသလောက် ကျောင်းအတွက် အပြည့်အစုံ အလုံအလောက်ဖြစ်စေရန် ဖြည့်ဆည်းပေးနိုင်ကြသည်။ ငွေလုံးငွေရင်း ထောက်ပံ့ပေးမှုအလိုက် တစ်ဟန်ထိုး တိုးတက်ကောင်း တိုးတက်လာနိုင်သော်လည်း Non-profit ကျောင်းများသည် အခြေအနေ၊ အနေအထားတစ်ခုကိုရောက်ရန် တဖြည်းဖြည်းချင်း တက်လာရသည်။ သူတို့ Non-profit ကျောင်းကို လူတွေစိတ်ဝင်စားအောင်လုပ် ရသည်၊ လူတော်လူကောင်း ပညာရှင်များ ထွက်လာစေရန် အစွမ်းပြရသည်။ တစ်ဦးချင်း တစ်ဖွဲ့ချင်း ထူးချွန်သူတွေကို အပြိုင်အဆိုင် မွေးထုတ်ရသည်မှာ လွယ်တော့မလွယ်ပေ။

ဥပမာ ဟားဗတ်တက္ကသိုလ်သည် ၂၀၁၆ ခုနှစ် ဘဏ္ဍာနှစ်အတွက် ထောက်ပံ့ငွေ ဒေါ်လာ ၉၉၈ သန်း သာရသည်။ တက္ကသိုလ်သည် ကျောင်းသားများထံကရသည့် ကျောင်းလခကြေးအပြင် ဟားဗတ်စီမံခန့်ခွဲ ရေးကုမ္ပဏီနှင့် ဟားဗတ်ပုံနှိပ်ထုတ်ဝေရေးလုပ်ငန်းတို့မှရသော ငွေကြေးများနှင့် ရပ်တည်နေရသည်။ နောက်ပိုင်း အခြားကျောင်းများ၊ စီးပွားရေးလုပ်ငန်းများနှင့် အဖွဲ့အစည်းများသို့လည်း သူတို့လေ့လာ သုတေသနပြုထားသည့် အချက်အလက်များ ရောင်းစားခြင်းက ဝင်ငွေများ ရရှိခဲ့သည်။ ၂၀၁၆ ခုနှစ် ဇွန်လ ၃၀ ရက်နေ့အထိ ဟားဗတ်တက္ကသိုလ်၏ အရပ်ရပ် ဝင်ငွေစုစုပေါင်းသည် ဒေါ်လာ ၄၄ ဒသမ ၆ ဘီလီယံ ခန့်ရှိကြောင်း သိရသည်။ 

အခြား Non-profit ကျောင်းများဖြစ်သည့် ယေးလ်နှင့် စတန်းဖို့ဒ်တို့သည်လည်း အခြားအဖွဲ့အစည်း အသီးသီးထံမှ ရရှိသော အလှူငွေပေါင်း များစွာရှိပါသည်။ ထိုရရှိသောငွေများဖြင့် ကျောင်းသားများကို ပြန်လည်ထောက်ပံ့ပေးခြင်း၊ ပညာသင်ဆု ပေးခြင်းများကို ထိုငွေများထဲက ပြုလုပ်ရသည်။ ထို Non-profit တက္ကသိုလ်ကြီးများသည် မိမိတို့ပညာရေးကို အကောင်းဆုံးဖြစ်အောင်လုပ်ပြီး စီးပွားရေးနှင့် သုတေသနလုပ်ငန်းများဖြင့် ရပ်တည်နိုင်အောင် ကြိုးစားနေကြောင်းတွေ့ရသည်။ ထို့ကြောင့် သုတေသနလုပ်ငန်းများအတွက် ငွေကို ထောက်ပံ့ပေးရသည်။ သုတေသနလုပ်ငန်းတွင် ငွေအထောက်အပံ့ ကျဆင်းသွားသည်နှင့် သူတို့လည်ပတ်နေသော လုပ်ငန်းကြီးတစ်ခုလုံး ရပ်ဆိုင်းသွားမည်ကို ကောင်းစွာသိကြသည်။ 

ထိုသဘောတရားများဖြင့် နိုင်ငံတကာတွင် Non-profit ကျောင်းများကို ထူထောင်နေကြသော်လည်း ဗီယက်နမ် မိဘများက စိတ်ဝင်စားမှု သိပ်မရှိကြောင်းတွေ့ရသည်။ Non-profit ကျောင်းများသည် လက်ရှိ အနေအထားတွင် လက်တွေ့အကျိုးရှိစေမည့် အသက်မွေးဝမ်းကျောင်းပညာရပ်များကို သင်ကြားပေးရန် အားထုတ်နေကြသော်လည်း မိဘအများစုမှာ နိုင်ငံတကာလက်မှတ်ရ ပညာရပ်များနှင့် နိုင်ငံတကာ အသိအမှတ်ပြု လက်မှတ်များရရန် အလေးထားနေကြသည်။ 

ဗီယက်နမ်တွင် Non-profit ကျောင်းများကို ပြည်တွင်းအုပ်စုကစတင် ထူထောင်ခဲ့ကြခြင်းဖြစ်သည်။ FPT ကော်ပိုရေးရှင်းသည် Non-profit ကျောင်းများထူထောင်ခဲ့ရာတွင် ထင်ရှားသည်။ သူတို့သည် နိုင်ငံခြားကျောင်းများက သင်ရိုးများကို ယူသင်ကြသည်။ များသောအားဖြင့် ဘွဲ့ရလျှင် အလုပ်ရနိုင်သည့် ပညာရပ်များကို သင်ကြားပေးကြသည်က များသည်။ ဗီယက်နမ်နိုင်ငံတွင် ထင်ရှားသည့် Non-profit  ကျောင်းမှာ United Nations International School ဖြစ်သည်။ ဟနွိုင်းတွင် ဖွင့်လှစ်ထားပြီး ကမ္ဘာ့အဆင့်မီပညာရပ်များကို သင်ကြားပေးလျက်ရှိသည်။ 

RMIT တက္ကသိုလ်သည် ဗီယက်နမ်တွင် ပထမဆုံး Non-profit တက္ကသိုလ်ဖြစ်သည်။ နိုင်ငံအတွင်း ဖွင့်လှစ်ခဲ့သည်မှာ ၁၅ နှစ်ခန့်ရှိပြီဖြစ်ကာ အခကြေးငွေအဖြစ် ကျောင်းလခကို ဒေါ်လာ ၂၁,၇၀၀ မှ ၃၀,၄၀၀ အထိ ကောက်ခံသည်။ ထို Non-profit ကျောင်းသည်လည်း နှစ်စဉ် အကျိုးအမြတ်က ၅ ဒသမ ၅ ရာခိုင်နှုန်းခန့်အထိ တိုးမြင့်လျက်ရှိသည်။ 

ယခုနောက်ပိုင်း ဗီယက်နမ်တွင် ဖွင့်လှစ်သည့် Non-profit ကျောင်းများသည် အနောက်နိုင်ငံမှ ကျောင်းများပုံစံ ဖြစ်လာသောကြောင့် စိတ်ဝင်စားစရာလည်းဖြစ်လာသည်။ နိုင်ငံတကာအဆင့်အတိုင်း သင်မည်။ နိုင်ငံတကာ လမ်းကြောင်းလိုက်မည်။ သုတေသနလုပ်မည်။ ပညာသင်ဆုလည်ပေးမည်။ သို့သော် ပိုက်ဆံလည်းယူ ကောင်းအောင်လည်းမြှင့် ကမ္ဘာ့အလယ်တွင် ဂုဏ်တင့်စေရမည်ဆိုသည့် သဘောနှင့် လုပ်ဆောင်လာကြသောကြောင့် ပြည်သူတွေ ပိုပြီးစိတ်ဝင်စားလာကြသည်။ 

Non-profit ဆိုသည့်သဘောမှာ အကျိုးအမြတ်မယူဆိုသော်လည်း အကျိုးအမြတ်မရှိလျှင် မရပ်တည်နိုင်သဖြင့် နိုင်ငံခြားသွားတက်မည့်အစား ပြည်တွင်း၌ ဈေးနှုန်းသက်သာစွာဖြင့် ပညာသင်ပေးပြီး အကောင်းဆုံးရလဒ်တစ်ခု ဖြစ်စေရန် ကြံဆောင်နေခြင်းဖြစ်သည်။ အရေးကြီးသည်မှာ ပညာရေးတွင် အော်တော်နမီခေါ် ကိုယ်ပိုင်ဆုံးဖြတ်လုပ်ပိုင်ခွင့်များဖြစ်သည်။ နိုင်ငံတကာပညာရေးအဆင့်ကို နိုင်ငံတကာ စံနှုန်းများအတိုင်း အဆင့်မီအောင် Non-profit ကဏ္ဍဖြင့် ကြိုးပမ်းတည်ဆောက်နေသော ဗီယက်နမ် ပညာရေးမှာ စိတ်ဝင်စားစရာဖြစ်သည်။ 

E-01

(Ref: Vietnam.net)