News

POST TYPE

EDUCATION

ထိုင်းနိုင်ငံနှင့် အင်္ဂလိပ်စာသင်ကြားမှု အနေအထား
01-Dec-2018



ထိုင်းနိုင်ငံတွင် အင်္ဂလိပ်စာ သင်ကြားနေမှုအနေအထားသည် ကျဆင်းနေသည်။ မည်မျှကျဆင်းနေသနည်းဆိုလျှင် အင်္ဂလိပ်စကားမပြောသည့် နိုင်ငံများထဲတွင် အဆင့် ၁၁ ခန့်အထိ ထပ်မံကျဆင်းသွားခဲ့ကြောင်း တွေ့ရသည်။

ထိုင်းနိုင်ငံသည် အင်္ဂလိပ်စကားမပြောသည့် နိုင်ငံ ၈၈ နိုင်ငံစာရင်း၌ အဆင့် ၆၄ ဖြစ်သွားသည်။ ယင်းသည် ၂၀၁၈ ခုနှစ်အတွက် အင်္ဂလိပ်စာကို နိုင်ငံခြားဘာသာအဖြစ် သတ်မှတ်သော နိုင်ငံများအတွက် ထုတ်ပြန်သည့် English Proficiency Index မှ ထုတ်ပြန်ချက်အပေါ် အခြေခံပြီး ပြောကြားခြင်းဖြစ်သည်။ 

၂၀၁၈ ခုနှစ်အတွက် အင်္ဂလိပ်စကားမပြောသည့် နိုင်ငံများမှ အင်္ဂလိပ်စာအဆင့်အတန်းတွင် ပထမနေရာ၌ ရှိနေသည့် နိုင်ငံမှာ ဆွစ်ဇာလန်နိုင်ငံဖြစ်သည်။ ယင်းဒေတာများကို Education First ဆိုသည့်အဖွဲ့က ကမ္ဘာတစ်လွှားရှိ အင်္ဂလိပ်သင်ကျောင်းများကို လိုက်လံလေ့လာပြီး ထုတ်ပြန်ထားခြင်းဖြစ်သည်။ ၂၀၁၇ ခုနှစ်တွင် အင်္ဂလိပ်စာ စစ်ဆေးမှု  EF SET (EF Standard English Test) ကို ဝင်ရောက်ဖြေဆိုသည့် လူပေါင်း ၁ ဒသမ ၃ သန်း၏ ဖြေဆိုမှုများအပေါ် အခြေခံကာ အဖြေရှာထားခြင်းလည်းဖြစ်သည်။

လက်ရှိ EF SET ဖြေဆိုမှုတွင် ထိုင်းနိုင်ငံသည် ရမှတ် ၄၈.၅၄ သာရရှိသည်။ ယင်းသည် သတ်မှတ်ထားသည့် စံနှုန်းထက် များစွာလျော့ကျလျက်ရှိကြောင်း တွေ့ရသည်။ ၂၀၁၇ ခုနှစ်က ထိုင်းနိုင်ငံသည် နိုင်ငံပေါင်း ၈၀ ထဲတွင် ၅၃ နေရာကလိုက်နေပြီး ယခုနှစ်မှ အဆင့် ၆၄ ဖြစ်သွားခြင်းဖြစ်သည်။ ၂၀၁၇ ခုနှစ်က ထိုင်းနိုင်ငံ အင်္ဂလိပ်စာအဆင့်က ၄၉.၇ ဖြစ်သည်။ ထိုအဆင့်ကလည်း စံချိန်မီသည့် အဆင့်ဟု မပြောနိုင်သေး။ ထိုအထဲက ၂၀၁၈ ခုနှစ်ရောက်သောအခါ အဆင့် ၁၁ ခုထိုးကျပြီး ၆၄ သို့ ရောက်သွားခဲ့ခြင်းဖြစ်သည်။ 

အရှေ့အာရှတွင် ထိုင်းနိုင်ငံသည် ကမ္ဘောဒီးယားနှင့် မြန်မာနိုင်ငံကလွဲပြီး အင်္ဂလိပ်စာတွင် အဆိုးဆုံး နိုင်ငံအဖြစ် ရပ်တည်နေရပြီဖြစ်သည်။ ထိုင်းသည် တရုတ်နှင့်ဂျပန်တို့နောက် အများကြီး နောက်ကျကျန်နေသည်။ ထိုနှစ်နိုင်ငံ အင်္ဂလိပ်စာအဆင့်သည် နောက်ကျသည်ဆိုစေ ထိုင်းနိုင်ငံက လိုက်မမီသည့် အနေအထားတွင် ရှိနေသည်။ 

EF English Proficiency Index 2018 ထုတ်ပြန်ချက်စာရင်းတွင် ဆွီဒင်နိုင်ငံသည် ရမှတ်ထိပ်ဆုံးတွင် ဦးဆောင်နေသည်။ ဆွီဒင်နိုင်ငံက ၇၀.၇ အထိ အမှတ်ရအောင် ဖြေဆိုနိုင်စွမ်းရှိကြသည်။ ယမန်နှစ်အထိ ထိပ်တန်းနိုင်ငံများ၏ အင်္ဂလိပ်စာဖြေဆိုမှု ရလဒ်များကို ကြည့်လိုက်လျှင် နယ်သာလန်က (၇၀.၃) ဖြင့် ဒုတိယနေရာတွင် ရှိသည်။ စင်ကာပူသည်ပင် (၆၈.၆) ဖြင့် တတိယ၊ နော်ဝေက (၆၈.၃) နှင့် ဒိန်းမတ်က (၆၇.၃) ဖြင့် ထိပ်တန်းငါးနိုင်ငံ စာရင်းဝင်ထားသည်။

လစ်ဗျားနိုင်ငံသည် ၈၈ နိုင်ငံစာရင်းတွင် အောက်ဆုံးကဖြစ်ပြီး ရမှတ် (၃၉.၆၄) ဖြစ်သည်။ သူ့အထက်တွင် အီရတ်က (၄၀.၈) ဖြစ်နေသည်။ ဥဇဘတ်ကစ္စတန် (၄၂.၅)၊ ကမ္ဘောဒီးယား (၄၂.၈)၊ အာဖဂန်နစ္စတန် (၄၃.၆) တို့ အသီးသီးရှိသည်။ 

အာရှနိုင်ငံများထဲတွင်စင်ကာပူသည် ထိပ်ဆုံးတွင်ရှိသည်။ စင်ကာပူနောက်တွင် ဖိလစ်ပိုင်သည် အဆင့် ၁၄၊ မလေးရှားက အဆင့် ၂၂၊ အိန္ဒိယက အဆင့် ၂၈၊ ဟောင်ကောင်က အဆင့် ၃၀၊ တောင်ကိုရီးယားက အဆင့် ၃၁၊ ဗီယက်နမ်က အဆင့် ၄၁၊ မကာအိုက အဆင့် ၄၄၊ တရုတ်က အဆင့် ၄၇၊ ထိုင်ဝမ်က အဆင့် ၄၈၊ ဂျပန်က အဆင့် ၄၉ အသီးသီး နေရာများတွင် ရှိကြသည်။ 

အင်္ဂလိပ်စာ တိုးတက်မှုဆိုသည်မှာ အင်္ဂလိပ်စာကို မည်မျှအလေးထား အားပေးပြီး၊ မည်မျှ ရင်းနှီးမြှုပ်နှံကာ လုပ်ဆောင်နေကြသနည်းဆိုသည့် အချက်နှင့်လည်း သက်ဆိုင်ပါသည်။ ခေတ်အနေအထားအရ အင်္ဂလိပ်စာကို အခြားဘာသာရပ်များနှင့် တန်းတူအဆင့်ထားပြီး သင်ကြားပေးရန်မှတစ်ပါး အခြားနည်းလမ်းမရှိပေ။ အင်္ဂလိပ်စာ တတ်ကျွမ်းမှုတွင် အမျိုးသမီးတွေက အမျိုးသားတွေထက် ပိုပြီး သာလွန်နေကြောင်းတွေ့ရပါသည်။ ထိုကွာခြားချက်ကို ၂၀၁၆ ခုနှစ်ကတည်းက လေ့လာသိရှိမိကြသည်။

ထိုင်းနိုင်ငံပညာရေးဝန်ကြီးကလည်း ထိုင်းကျောင်းသားများကို အင်္ဂလိပ်ပိုပြီးတော်လာစေရေး အတွက် အလေးထားပြီး လုပ်ဆောင်လာသည်။

“ထိုင်းနိုင်ငံက ကျောင်းသားတွေဟာ မူလတန်းကနေ အထက်တန်းအဆင့်အထိ ၁၂ နှစ်အထိ အင်္ဂလိပ်စာကို သင်ကြားခဲ့ရပါတယ်။ ဒါပေမဲ့ အင်္ဂလိပ်လို ပြောဆိုဆက်သွယ်နိုင်ခြင်း မရှိကြပါဘူး။ ဒါဟာ ကမ္ဘာ့အဆင့်နဲ့ယှဉ်ရာမှာ နောက်ကောက်ကျခဲ့ရတဲ့ အချက်တွေဖြစ်ပါတယ်”ဟုဝန်ကြီးက ဆိုသည်။

ထိုင်းနိုင်ငံတွင် အင်္ဂလိပ်အဆင့် နောက်ကျကျန်ခဲ့ရခြင်းမှာ ထိုင်းနိုင်ငံကျောင်းများတွင် သင်ကြားသည့် ဆရာများ၏ အင်္ဂလိပ်စာ အဆင့်အတန်းနိမ့်ကျမှုနှင့် သင်ကြားမှုနည်းစနစ် မှားယွင်းနေမှုများကြောင့်ဖြစ်ကြောင်း ပညာရေးဝန်ကြီးက ထောက်ပြထားသည်။ လက်တွေ့ ပြောဆိုဆက်သွယ်နိုင်ရန် သင်ကြားပေးခြင်းထက် အင်္ဂလိပ်စာကိုလည်း ကျက်ခိုင်းပြီး ဖြေနေစေခြင်းက အင်္ဂလိပ်စာတွင် နိမ့်ကျစေခြင်း၏ အဓိကအချက် ဖြစ်လာသည်။ ကျောင်းသားတွေက နားမလည်လည်း အင်္ဂလိပ်စာကိုကျက်ဖြေပြီး အောင်နေကြသည်။ သင်သူတွေကလည်းမတတ်။ ဖြေသူတွေကလည်း နားမလည်၊ ကျောင်းသာထွက်သွားသည် အင်္ဂလိပ်လို ဘာမှန်းမသိ ဖြစ်ခဲ့သည်မှာကြာပြီ။ 

၂၀၁၅ ခုနှစ်က ပညာရေးဝန်ကြီးဌာနနှင့် ဗြိတိသျှကောင်စီတို့ ပူးပေါင်းပြီး ပရောဂျက်တစ်ခုလုပ်သည်။ Regional English Training Centres (RETC) ဟု အမည်ပေးထားသည်။ မူလတန်း၊ အလယ်တန်း အင်္ဂလိပ်စာသင် ဆရာများကို အင်္ဂလိပ်စာ သင်တန်းပေးခြင်းဖြစ်သည်။ ထိုင်းနိုင်ငံရှိ အင်္ဂလိပ်စာ သင်ဆရာပေါင်း ၄၀,၀၀၀ အနက် ၁၇,၀၀၀ ကိုသာ သင်တန်းပေးနိုင်ခဲ့သည်။ သင်တန်းဆိုသည်ထက် အင်္ဂလိပ်စာသင်ကြားရခြင်း၏ ရည်ရွယ်ချက်ကို ပိုသိပြီး ကြိုးစားပန်းစားသင်ကြမည်ဆိုလျှင် ပိုပြီးတိုးတက်မည်သာဖြစ်သည်။ 

E-01

(Ref : Bangkok Post)