News

POST TYPE

EDUCATION

ဖင်လန်ပညာရေး အောင်မြင်ရသည့် အကြောင်းအရင်းများ
11-Aug-2018 tagged as



ဖင်လန်နိုင်ငံ ပညာရေးစနစ်သည် ကမ္ဘာ့ထိပ်တန်းပညာရေး နံပါတ် ၁၀ နိုင်ငံထဲတွင် အမြဲရှိသည်။ ဖင်လန်သည် အဘယ်ကြောင့် ပညာရေးစွမ်းဆောင်မှုတွင် ထိပ်တန်းကရှိနေရသနည်း။ ဖင်လန်နိုင်ငံတွင် ၂၀၁၆ ခုနှစ်ကတည်းက ပညာရေးပြုပြင်ပြောင်းလဲမှုအဖြစ် သင်ရိုးများကို စတင်ပြောင်းလဲခဲ့သည်။ သူတို့ပညာရေးတွင် ပြည်သူပူးပေါင်းပါဝင်သည့် ပညာရေးစနစ်တစ်ခုဆီအထိ ဦးတည်သွားနေသည်။ ပညာရေးတွင် ကိုယ်သင်ချင်ရာ သင်ခြင်းထက် ကလေး သင်ချင်ရာသင်မည်ဆိုသည့် လမ်းကြောင်းဘက်ကို ပြောင်းလဲရန် သူတို့ လုပ်ဆောင်နေကြသည်။ 

ကလေးများ ဘာဖြစ်ချင်သနည်း။ ဘာလုပ်ချင်သနည်း။ ကိုယ်တိုင် ပန်းတိုင်များရှိရန် လမ်းကြောင်း ပေးထားသည်။ ဘာလုပ်လုပ် ကိုယ်တိုင်အားထုတ်ဖြေရှင်းနိုင်ရေး (Solve Problems) သည် အရေးကြီးသည့် ပညာရေးလုပ်ငန်းစဉ်အဖြစ်လည်း သူတို့ခံယူထားကြသည်။ ဖင်လန်ပညာရေးအဘယ်ကြောင့် အောင်မြင်ရသနည်း။

ကျွမ်းကျင်မှုကို အလေးပြုလာခြင်း

သင်ရိုးသစ်များကို လေ့လာကြည့်လျှင် လက်တွေ့လုပ်ဆောင်နိုင်မည့် Skill ဘက်ကို ဦးစားပေးထားကြောင်း တွေ့ရသည်။ သူတို့လက်တွေ့ကျွမ်းကျင်စွာ တတ်မြောက်ရေးကို ဦးတည်နေပုံက ကန့်လန့်ဖြတ်ပုံစံဖြစ်သည်။ ကန့်လန့်ဖြတ်ပုံစံဆိုသည်မှာ မည်သို့လေ့လာရမည်ဆိုခြင်းကို လမ်းစဖော်ပေးရေး၊ ကိုယ်တိုင် အားထုတ်နိုင်ရေး၊ ပူးပေါင်းပါဝင်ရေး၊ ကိုယ့်လုပ်ဆောင်ချက်ကို ဖော်ထုတ်ပြသနိုင်ရေးများဆီ ဦးတည်ထားခြင်းဖြစ်သည်။ 

ကလေးတစ်ယောက်သည် ကိုယ့်နေ့စဉ်လှုပ်ရှားလုပ်ကိုင်နေသည့် အလုပ်များကို ကိုယ်တိုင်ဦးဆောင်ပြီး လုပ်ကိုင်နိုင်စွမ်းရှိရမည်။ မိမိလုပ်ဆောင်ရမည့် အလုပ်များကို ကိုယ်စွမ်းကိုယ်စဖြင့် အားထုတ်နိုင်ရေး၊ နည်းပညာဖြင့် အထောက်အကူဖြစ်နိုင်ရေးတို့ကိုလည်း သူတို့လုပ်ဆောင်ကြရသည်။ သူတို့ပညာရေးက ကျောင်းမှာသင်၊ ကျောင်းမှာထားခဲ့ရမည့် ပညာရေးမျိုးမဟုတ်။ သူတို့ဘဝတစ်လျှောက်လုံးပါ သွားနိုင်သည့် ပညာရေးမျိုးဖြစ်စေရန် ဦးတည်ထားသည်။ ဥပမာ - သူတို့ကို စွန့်ဦးတီထွင် လုပ်ငန်းရှင်ကြီးများ၊ ကိုယ်တိုင်လုပ်ငန်းများတွင် ဦးစီးဦးဆောင်နိုင်သူများဖြစ်ရေးအထိ ဦးတည်သင်ပေးနေခြင်းဖြစ်သည်။ 

ခေတ်သစ်ပညာရေးသည် ပုံမှန်အတိုင်းမှသည့် ကန့်လန့်ဖြတ်ကျွမ်းကျင်မှု (Transversal Skills) များဖြင့် သင်ကြားရေးဆီသို့ ဦးတည်သင်ကြားနေကြကြောင်း သတိပြုသင့်ပါသည်။ ကျောင်းသားများကို အဖြေမှန်ရရေး ဦးတည်ခြင်းထက်၊ အဖြေမှန်ဆီသို့ ရောက်အောင် မည်သည့်လမ်းဖြင့် ရောက်အောင်ပို့ဆောင်နိုင်မည်နည်း ဆိုခြင်းက ပိုပြီးအရေးကြီးလာကြောင်း သိထားသင့်ပါသည်။ 

အစိုးရက အထောက်အပံ့ပေးခြင်း

ကျောင်းများတွင် ပညာရေးဆိုင်ရာ သင်ရိုးများကို ပြုပြင်ပြောင်းလဲရန် ဆိုသည်မှာ အစိုးရဝင်ပြီး အထောက်အကူမပြုလျှင် မအောင်မြင်နိုင်ပါ။ ဖင်လန်နိုင်ငံ အမျိုးသား ပညာရေးအေဂျင်စီက ပညာရေးတွင် အကောင်းဆုံးဖြစ်စေရန် အမြဲအထောက် အကူပြုနေသည်။ ခေတ်မီနည်းပညာများဖြစ်သည် AR (Augmented Reality) ဆိုသည့် သဘာဝကျကျ အစစ်အမှန်များအတိုင်း မြင်တွေခံစားနိုင်စေရန် သင်ကြားနည်းစနစ်များဆီသို့ လမ်းကြောင်းပြောင်းရန် အထောက်အပံ့များ ပေးထားသည်။ ဥပမာ - ဆင်ဆိုသည်ကို စာအုပ်ထဲတွင် ဆင်ပုံရေးပြခြင်းအားပြသခြင်းထက်၊ ဆင်ဆိုသည်မှာရုပ်၊ အသံအားလုံးကို ခံစားစေနိုင်မည့် ပစ္စည်းများအား အသုံးပြုပြီးသိစေသည်။ AR နှင့် 3D ပုံနှိပ်အတတ်ပညာများဖြင့် ပုံများကိုထုတ်ပြီး သင်ခန်းစာကို အထောက်အကူဖြစ်စေရန် စီစဉ်ပေးသည်။

ဖင်လန်မှ Turku တက္ကသိုလ်နှင့် ပူးပေါင်းပြီး အစိုးရက KiVa ဆိုသည့် ရုပ်သံအစီအစဉ်ကို ရိုက်ကူးထုတ်လွှင့်သည်။ ထိုအစီအစဉ်က ကျောင်းများတွင် အနိုင်ကျင့်ဗိုလ်ကျမှုများ ပပျောက်စေရေးပညာပေး ဇာတ်လမ်းများ ရိုက်ကူးတင်ဆက်ပေးနေခြင်းဖြစ်သည်။ နိုင်ငံပေါင်း ၁၇ နိုင်ငံကို ရောင်းချနေရပြီဖြစ်သည့် တီဗီအစီအစဉ်ဖြစ်သည်။ ဖင်လန်နိုင်ငံ ပညာရေး၏ ဦးတည်ချက်က နိုင်ငံတကာသို့ ရုပ်သံပညာပေးအစီအစဉ်များဖြင့် ထိုးဖောက်လာပြီဖြစ်ကြောင်း သတိပြုသင့်ပါသည်။ 

ဘက်စုံသင်ကြားခြင်း

စာသင်နှစ်တစ်နှစ်တိုင်းတွင် ဦးတည်ချက်၊ ပရောဂျက်၊ သတ်မှတ်ချက်များကို သူတို့ချမှတ်ထားသည်။ ဘာသာရပ်တိုင်းသည် သီးခြားရှိနေခြင်းမဟုတ်၊ ဆက်စပ်နေကြောင်းကို သူတို့ဖော်ဆောင်ပေးသည်။ သမိုင်းသည် သင်္ချာနှင့် ဆက်စပ်ကြောင်းသူတို့သင်သည်။ ဘာသင်သင် ဘက်စုံလေ့လာနိုင်သည့်ပညာဖြစ်စေရန် သူတို့ဆရာတွေက အားထုတ်သင်ပေးလေ့ရှိသည်။ 

ကျောင်းစာသည် စာသက်သက်အသွင်မဆောင်တော့။ ဒေသ၏ လိုအပ်ချက်တွေက ဘာရှိသည်။ လိုအပ်ချက်များနှင့် မည်သို့ ဆက်စပ်ပေးရမည်ကိုလည်း သူတို့စဉ်းစားကြသည်။ တီထွင်လိုစိတ်၊ ဖန်တီးလိုစိတ်တွေကို သင်သည်။ စက်ပစ္စည်းများ ကိုင်တွယ်အသုံးချနည်းတွေသင်သည်။ စာသက်သက် မဟုတ်လုပ်ငန်းခွင်နှင့် တွဲဖက်သင်ကြားသည့်စနစ်ကို အလေးပေးလာကြသည်။ 

လိုအပ်ချက်အရ သင်ကြားခြင်း 

ကလေးတိုင်းသည် တစ်ဦးနှင့်တစ်ဦး တူညီမှု မရှိကြပေ။ ထို့ကြောင့် ကလေးအားလုံးကို တစ်နည်းတည်း တစ်တန်းတည်း သင်ကြားခြင်းဆိုသည်မှာလည်း အဓိပ္ပာယ်မရှိနိုင်ဟု သူတို့ဆရာတွေက ခံယူထားကြသည်။ ထို့ကြောင့် ဆရာတိုင်းသည် ကျောင်းသားများအား ပေးသည့်အလုပ် (Assignment) များကို ၅ မျိုးလောက် ခွဲထားလေ့ရှိသည်။ တစ်တန်းတည်းမှာပင် အဖွဲ့ ၅ ဖွဲ့က၊ ငါးမျိုးလောက်ခွဲပြီး လုပ်ဆောင်ခြင်းကို လက်ခံထားခြင်းဖြစ်သည်။

ကလေးတိုင်းတွင် ကိုယ့်ဦးတည်ချက် ပန်းတိုင်ရှိရသည်။ ထိုပန်းတိုင်ရောက်အောင် ဆရာ၊ မိဘ၊ ကျောင်းသား ပူးပေါင်းပို့ဆောင်ကြသည်။ ကလေးတိုင်း နောက်ခံအနေအထား၊ ဉာဏ်ရည်အနိမ့်အမြင့် မတူပေ။ ထို့ကြောင့် တစ်တန်းစားတည်း မသတ်မှတ်သင့်ဆိုကာ အမျိုးမျိုးခွဲခြားပြီး သင်ယူလေ့လာစေသည့် စနစ်ကို ကျင့်သုံးကြသည်။

ကျောင်းသားများကို ငြိမ်သက်မခိုင်းခြင်း

ဖင်လန်ပညာရေးစနစ်က ဆရာသည် နည်းနည်း ပြောပြီး ကျောင်းသားများကို များများလုပ်ခိုင်းသည့် စနစ်ဖြစ်သည်။ ဆရာတွေက သင်ကြားသည့် လုပ်ငန်းကို ပံ့ပိုးကူညီသူများသာဖြစ်သည်ဟု ခံယူထားသည်။ ကျောင်းသားတိုင်း ကိုယ့်ပန်းတိုင်ကို ဦးတည်ထားရသည်။ တုံ့ပြန်မှုပေးရသည်။ ပြဿနာကို ဖြေရှင်းကြရသည်။ ကျောင်းသားတိုင်း စာသင်ခန်းထဲတွင် ငြိမ်ထိုင်နေခြင်းကို သူတို့ကမကြိုက်။ ကျောင်းဝင်းထဲ ဆင်းကစားခိုင်းသည်။ တောထဲကို ခရီးထွက်သည်။ စာကြည့်တိုက်၊ ပြတိုက်တွေ သွားလေ့လာသည်။ ဈေးထဲကို သွားလည်ကြသည်။ အရာအားလုံးကို ဘက်စုံသင်ကြားနေသည်ဟု လက်ခံထားကြသည်။ 

ဖင်လန်ပညာရေး အဘယ်ကြောင့်အောင်မြင်သနည်း ကလေးတွေကို လူသားတစ်ယောက်လို ကြီးပြင်းခွင့်ပေးထားပြီး စက်ရုပ်များ၊ ကစားစရာ အရုပ်လေးများဟု မသတ်မှတ်ကြသောကြောင့် ဖြစ်သည်။

E-01

(Ref : EdSurge)

  • TAGS