News

POST TYPE

EDUCATION

အနာဂတ်အတွက် လူငယ်များကို ပြင်ဆင်ခြင်း
21-Jul-2018 tagged as



ယနေ့လူငယ် နောင်တွင် အလုပ်သမား၊ စွန့်ဦးတီထွင်ရှင်များ၊ မိဘများ၊ နိုင်ငံ့သားကောင်းများ၊ ခေါင်းဆောင်များဖြစ်လာကြပါလိမ့်မည်။ ယနေ့ အသက် ၁၅ နှစ်မှ ၂၄ နှစ်အတွင်း လူငယ်များကို ပုံသွင်းပေးမှ အနာဂတ်နိုင်ငံတော်ကို ထူထောင်နိုင်ပြီးဖြစ်မည်။

ယနေ့လူငယ်များပြဿနာမှာ ပညာသာသင်နေပြီး မတတ်သည့် အနေအထားကို ရင်ဆိုင်နေရသည်။ ပညာသင်ကြားနေသော်လည်း ကျောင်းပြီးလျှင် ဘာမှမလုပ်တတ် မကိုင်တတ် သုံးစားမရသည့် အနေအထားမျိုးနှင့် လောကထဲကို ထွက်လာကြသည်။ ဈေးကွက်က တောင်းဆိုနေသည့် လုပ်သားအင်အားကို ကျောင်းက ထွက်လာသည့် အရည်အသွေး မပြည့်မီသော လူငယ်များက ဖြည့်ဆည်းမပေးနိုင်သေးသည်မှာ သေချာသည်။ တတ်ကျွမ်းမှုအားနည်းသဖြင့် မိဘများခေတ်ကထက် သုံးဆပိုပြီး အလုပ်လက်မဲ့တွေ ဖြစ်နေကြရသည်။ 

နိုင်ငံအများတွင်ယခုအခါ လုပ်သားအင်အား ဈေးကွက်၏ လိုအပ်ချက်ကို ဖြည့်ဆည်းပေးနိုင်မည့် ပညာရေးမျိုးကိုပေးရန် စိတ်ဝင်စားလာကြသည်။ ကျောင်းကထွက်လာပြီး ဘာမှမလုပ်တတ်ဆိုသည့် ပြဿနာကို နိုင်ငံတကာပညာရေးကလည်း ခေါင်းခဲနေသလို လူငယ်များကလည်း တိုက်ပွဲဝင်နေရသလိုမျိုး ဖြစ်နေခြင်းမှာ ယနေ့ခေတ်ပညာရေး၏ မြင်ကွင်းများ ဖြစ်နေသည်။ ထို့ကြောင့်လည်း ၂၀၁၄ ခုနှစ် နိုဝင်ဘာလ ၁၁ ရက်နေ့တွင် ကျင်းပခဲ့သည့် ကမ္ဘာ့လူငယ်များ ကျွမ်းကျင်မှုနေ့ အထိမ်းအမှတ်ပွဲတွင် ကုလသမဂ္ဂအထွေထွေညီလာခံက လူငယ်များကျွမ်းကျင်စွာ တတ်မြောက်ရေးကို ရင်းနှီးမြှုပ်နှံပေးပါဟု တိုက်တွန်းနှိုးဆော်ခဲ့ခြင်းဖြစ်သည်။

တရုတ်နိုင်ငံကလည်း လူငယ်များကို ကျွမ်းကျင်သူများအဖြစ် မွေးထုတ်ပေးရေးကို အလေးထားပြီး လုပ်ဆောင်နေသည်။ ၂၀၁၇ ခုနှစ်တွင် အဘူဒါဘီမြို့၌ ကျင်းပသည့် WorldSkills Competition ပြိုင်ပွဲကို တရုတ်တို့ ဝင်ပြိုင်ပြီး သူတို့ဘာတွေ လုပ်ဆောင်ထားကြောင်း ဖော်ထုတ်ပြသနိုင်ခဲ့သည်။ ထိုပွဲတွင် တရုတ်လူငယ်အသင်းက ကျွမ်းကျင်မှုဆိုင်ရာ လုပ်ငန်းများဖြစ်သည့် မုန့်ဖုတ်ပြိုင်ပွဲ၊ အုတ်စီပြိုင်ပွဲ၊ အမိုး၊ အခင်း၊ ဂဟေဆော်ပွဲများတွင် ရွှေတံဆိပ်ဆု ၃၀ ခန့်ပေးရာ ၁၅ ခုကို ရယူသွားခဲ့သည်။ တရုတ် Bia Song အသင်းက Albert Vidai Award ဆုကို ရရှိသွားပြီး အကောင်းဆုံးပြိုင်ပွဲဝင်အသင်းအဖြစ် သတ်မှတ်ခြင်းခံခဲ့ရသည်။ ထိုကျောင်းသားအဖွဲ့သည် အကြီးစားစက်ပစ္စည်းတစ်ခုဖြစ်သည့် သီးနှံကြိတ်ခွဲ စက်တစ်လုံးကို တည်ဆောက်ပြသွားနိုင်ခဲ့သောကြောင့် ဖြစ်သည်။

ယင်းကိုကြည့်ပြီး တရုတ်၏ ပညာရေးပြုပြင်ပြောင်းလဲနေမှုကို ခန့်မှန်းနိုင်သည်။ တရုတ်နိုင်ငံတွင် ကျောင်းသား ၁၆ သန်းခန့်သည် အထက်တန်းအဆင့် အသက်မွေးပညာသင်ကျောင်းများကို တက်ရောက်ပြီး ပညာသင်ကြားလျက်ရှိကြသည်။ အထက်တန်းအဆင့် အသက်မွေးပညာသင်ကျောင်းကို တက်ရောက်နေသူများမှာ အလယ်တန်းအဆင့် အောင်မြင်သူများ၏ ၄၀ ဒသမ ၂၈ ရာခိုင်နှုန်းဖြစ်သည်။

တရုတ်နိုင်ငံတွင် အထက်တန်းအဆင့် အသက်မွေးပညာသင်ကျောင်းများ အောင်မြင်လာသည့် ကျောင်းသားများအတွက်လည်း တက္ကသိုလ်အဆင့် ပညာရပ်များကို ဆက်လက်သင်ယူနိုင်ရန် လမ်းဖွင့်ပေးထားသည်။ တက္ကသိုလ်ပညာရေးကို လုပ်ငန်းခွင်ပညာရေးသို့ ပြောင်းလဲရန်အတွက် ကျွမ်းကျင်လုပ်သားများကို မွေးထုတ်ရန်ဆိုသည်မှာ နှစ်ပိုင်းဖြစ်သည်။ အလုပ်သမားမွေးထုတ်မည်လော၊ အလုပ်လုပ်နိုင်သည့် စက်နှင့် နည်းပညာကို ကျွမ်းကျင်စွာ ကိုင်တွယ်တီထွင် နိုင်သော သူများကို မွေးထုတ်မည်လော။ တရုတ်တို့ က ပညာတတ်ကို အလုပ်သမားအဖြစ် မွေးထုတ်ရခြင်းထက်၊ ပညာရှင်များအဖြစ်မွေးထုတ်ပြီး စက်များကို ကိုင်တွယ်ထိန်းချုပ် စေစားနိုင်သူများဖြစ်ရန် ဦးတည်နေသည်။ 

တရုတ်တို့က ကမ်ပိန်းတစ်ခုပြုလုပ်နေသည်။ “ခေတ်သစ်၊ ကျွမ်းကျင်မှုအသစ်နှင့် အိပ်မက်သစ်” ဖြစ်သည်။ ကမ္ဘာ့လူငယ်ကျွမ်းကျင်မှုနေ့ကို အလေးထားပြီး တရုတ်က ထိုဦးတည်ချက်ကိုထုတ်ပြန်ကာ လုပ်ဆောင်နေခြင်းဖြစ်သည်။ တရုတ်တို့က အနာဂတ် ကို လူငယ်များနှင့် တည်ဆောက်မည်။ သူတို့လူငယ် တွေကို ကျွန်အနေနှင့် မွေးထုတ်မည်မဟုတ်၊ သခင် အနေနှင့် မွေးထုတ်ရန် အားထုတ်နေသည်။ သူတို့ လူငယ်တွေက အခိုင်းခံတွေ မဟုတ်၊ တီထွင်ဖန်တီးနိုင်သူများဖြစ်စေရန် ကြိုးပမ်းလုပ်ဆောင်နေကြသည်။ 

အနာဂတ်သည် စက်ရုပ်ခေတ်၊ အလိုအလျောက် ခေတ်ဖြစ်သည်။ ထိုစက်များကို တီထွင်ထုတ်နိုင်သူ တွေ လိုအပ်သည်။ ကွန်ပျူတာဆော့ဖ်ဝဲလ်များရေး မည့်သူတွေ လိုအပ်သည်။ စက်များကို ခိုင်းစေနိုင် သည့် ဆော့ဖ်ဝဲလ်တွေကို တီထွင်ရန်အရေးကြီးသည်။ ထိုဆော့ဖ်ဝဲလ် တီထွင်နိုင်သူ ကျွမ်းကျင်လူငယ်များ မွေးထုတ်ရန် တရုတ်တို့ ပြင်ဆင်နေသည်။ ထို့ကြောင့် နည်းပညာနှင့် အင်ဂျင်နီယာအတတ်ကို အထက်တန်း ကျောင်းအဆင့်ကတည်းက အခြေခံပေးလိုက်ရန် စီစဉ်နေကြခြင်းဖြစ်သည်။ 

အနာဂတ်ကမ္ဘာတွင် Skill သည် အဓိကဖြစ်လာမည်။ ၂၁ ရာစု၏ စီးပွားရေးနှင့် ပညာရေးကို ကောင်းစွာ ကိုင်တွယ်ထိန်းချုပ်နိုင်သူသာ အင်အားကြီးနိုင်ငံဖြစ်မည်။ အောင်မြင်ရေး၏ သော့ချက်သည် Skill  ဖြစ်သည့် လူငယ်များကို မွေးထုတ်ပေးရန် ဖြစ်သည်။ 

လုပ်အားဈေးကွက်တွင် ကျွမ်းကျင်သူတွေ မွေးထုတ်ပြီး အသင့်ပြင်ဆင်ထားရန်လိုကြောင်း တရုတ်တို့ နားလည်ထားကြသည်။ ထို့ကြောင့်လည်း သူတို့နိုင်ငံ၏ လူငယ်ရင်းမြစ်များကို ကောင်းစွာ အသုံးချပြီး အနာဂတ်ကို မည်သို့အနိုင်ယူမည်နည်းဟု စီစဉ်ထားသည်။ အစိုးရ၊ အလုပ်ရှင်၊ အလုပ်သမား၊ မိဘ၊ ကျောင်းသားတို့ကို အနာဂတ်လမ်းကြောင်းအား ချပြထားသည်။ တီထွင်ပြီး ဖောက်ထွက်မည်လား၊ အသေခံမည်လား တရုတ်ခေါင်းဆောင်များက တစ်ခုခု ရွေးချယ် ခိုင်းထားသည်။ သူတို့လူငယ်များ အတွက် အနာဂတ်ကို တရုတ်ခေါင်းဆောင်များက သတ်မှတ် ပေးထားပြီးသားဖြစ်သည်။ 

E-01

(Ref: Preparing youth for tomorrow’s world)

  • TAGS