News

POST TYPE

EDUCATION

ဆရာများ၏ ရင်ဖွင့်သံ (တက္ကသိုလ်စာကြည့်တိုက်)
12-Jul-2018 tagged as

အဆင့်မြင့်ပညာရေးကဏ္ဍအတွက် အသက်သွေးကြောဟုပင်ဆိုနိုင်သည့် တက္ကသိုလ်စာကြည့်တိုက်များ စာကြည့်တိုက်အင်္ဂါရပ်နှင့် ပြည့်စုံမှုရှိရေးနှင့် တက္ကသိုလ်စာကြည့်တိုက်များ ပြန်လည် အသက်ဝင်လာရေး တက္ကသိုလ်ဆရာ၊ ဆရာမများ အကြံပြုချက်များကို ဆရာများ၏ ရင်ဖွင့်သံကဏ္ဍအဖြစ် The Voice က စုစည်းဖော်ပြလိုက်ပါသည်။

“စာကြည့်တိုက် အသုံးချတဲ့စနစ်ကို မသွားတဲ့အခါမှာ ကလေးတွေက စာကြည့်တိုက်နဲ့ ကင်းကွာသွားတာပဲ”
ဦးသန့်ဇင် (လက်ထောက်ကထိက၊ သင်္ချာဌာန၊ ဒဂုံတက္ကသိုလ်)

တက္ကသိုလ်စာကြည့်တိုက်နဲ့ပတ်သက်ပြီး အဓိက ပြဿနာက စာကြည့်တိုက်မှာ Facility ပြည့်စုံခြင်း မပြည့်စုံခြင်း ဆိုတာထက် စာကြည့်တိုက်အသုံးချတဲ့ သင်ကြားသင်ယူမှုစနစ် မရှိတဲ့ပြဿနာ။ ဆိုလိုချင်တာက စာကြည့်တိုက်က Facility တွေ ပြည့်စုံနေရင်တောင် ကျွန်တော်တို့သွားနေတဲ့ ပညာရေးစနစ်က စာကြည့်တိုက်ကို မသွားဘဲနဲ့လည်း အဆင်ပြေတယ်။ စာကြည့်တိုက်မှာ ကျောင်းသားတွေက Self-study မလုပ်ဘဲနဲ့လည်း ဒီဘွဲ့တွေ ရနေကြတဲ့ စနစ်မျိုးသုံးတဲ့အခါမှာ စာကြည့်တိုက်ပြည့်စုံခြင်း မပြည့်စုံခြင်းထက် အဲဒီသင်ကြားရေးစနစ်ကို စာကြည့်တိုက် အသုံးချပြီး လေ့လာသင်ယူရတဲ့စနစ်ကို အရင်ပြောင်းမှပဲ အဆင်ပြေလိမ့်မယ်။ ခုလက်ရှိက စာကြည့်တိုက် မလိုအပ်ဘူးလို့ ပြောချင်တာ မဟုတ်ဘူး။ သင်ကြားသင်ယူမှုနည်းစနစ်တွေက စာကြည့်တိုက်ကို အသုံးပြုအောင် အားပေးမထားတဲ့အခါမှာ ဒီလက်ရှိ စာကြည့်တိုက်တွေက ကျောင်းသားတွေနဲ့ ကင်းကွာသွားတာပေါ့။ အဲဒီတော့ စာကြည့်တိုက်ကို စာအုပ်စာတမ်းတွေ၊ ပညာရပ်ဆိုင်ရာ စာအုပ်စာတမ်းတွေ၊ e-Library တွေ ဘယ်လောက်ပဲကောင်းကောင်း ကျွန်တော်တို့သွားနေတဲ့ သင်ကြားသင်ယူနည်းစနစ်တွေက စာကြည့်တိုက် အသုံးချတဲ့စနစ်ကို မသွားတဲ့အခါမှာ ကလေးတွေက စာကြည့်တိုက်နဲ့ ကင်းကွာသွားတာပဲ။

အဲဒါက ကျွန်တော်တို့ ဒဂုံတက္ကသိုလ်တစ်ခုတည်း မဟုတ်ဘူး။ မြန်မာနိုင်ငံမှာရှိတဲ့ တက္ကသိုလ်တိုင်းလိုလိုမှာ ကြုံနေရတဲ့ပြဿနာ ဖြစ်တယ်။ ဆရာ၊ ဆရာမတွေလည်း အတူတူပဲ။ ကျွန်တော်တို့လည်း ခုချိန်ထိ Academic Freedom မရဘူး။ မရတဲ့အခါမှာ ကျွန်တော်တို့က စာသင်မယ်ဆိုရင် ကျွန်တော်တို့သင် ရမယ့်သင်ရိုးကို အပေါ်ကနေ ညွှန်ကြားထားပြီးသားပဲ။ အဲဒီအတိုင်းသင်မယ်ဆိုရင် ကျွန်တော်တို့က စာကြည့်တိုက်ကို တကူးတက သွားနေစရာမှ မလိုတာ။ အဲဒါနဲ့ပတ်သက်ပြီး ဒီ Curriculum (သင်ရိုး)ကို ပိုပြီးပြည့်စုံ အောင်သင်ပေးဖို့အချိန်တွေ၊ သင်ပေးဖို့ အခွင့်အလမ်းတွေက အခုချိန်ထိ Academic Freedom ဆိုတဲ့ခေါင်းစဉ်အောက်မှာ ပျောက်ဆုံးနေဆဲဖြစ်တယ်။ လက်ရှိ အဆင့်မြင့်ပညာရေးမှာ စာကြည့်တိုက်တွေရဲ့ အခန်းကဏ္ဍက ပါဝင်ပတ်သက်နေတာ မရှိဘူး။ ဥပမာ- ကျောင်းရဲ့ စာကြည့်တိုက် မပြောနဲ့ဦး သက်ဆိုင်ရာ ဘာသာရပ်ဌာန အသီးသီးမှာရှိတဲ့ ကိုယ်ပိုင်စာကြည့်တိုက်မှာတောင် ကျောင်းသားတွေ ထိတွေ့ဖို့ ဆရာ၊ ဆရာမတွေ ထိတွေ့ဖို့ တကယ်ကို စစ်စစ်မှန်မှန် အထောက်အကူပေးနိုင်တာ မရှိဘူး။ အဲဒီအခါကျ တက္ကသိုလ်တစ်ခုလုံးရဲ့ စာကြည့်တိုက်တွေက ပိုဆိုးသွားတာပေါ့။ ပြဿနာက တက္ကသိုလ်တွေမှာလည်း ဒါသင် ဒါဖြေ စနစ်ကရှိတာပဲ။ ဒါကြောင့် စာကြည့်တိုက်က လိုမှမလိုတာ။ တကယ်ကို စိတ်ဝင်စားလို့ ဆရာကလည်း ကျောင်းသားကို ပညာရပ် ပိုပြီးလေ့လာစေချင်ရင်လည်း အခွင့်အလမ်းတွေ ပိတ်ခံထားရတယ်။ ပုစ္ဆာအပိုတွေ သင်ချင်လာအောင်လည်း သင်ရိုးတွေက ဖွင့်ပေးမထားဘူး။ ခက်ခက်ခဲခဲ ပုစ္ဆာတွေကိုလည်း မေးခွန်းတွေမှာ မေးလေ့မရှိဘူး။

ဒီအခါ စာကြည့်တိုက်ရဲ့အခန်းကဏ္ဍက ပျောက်သွားရတာပဲ။ ကျွန်တော်တို့ ဆရာတွေအတွက် သုတေသနတွေ၊ စစ်တမ်းတွေလုပ်တဲ့အခါမှာလည်း သုတေသနကို စစ်စစ်မှန်မှန် အားပေးနေဖို့ လိုတယ်။ ပြီးတော့ သုတေသနကိုလည်း လုပ်လာအောင် အားပေးဖို့လိုတယ်။ သုတေသန လုပ်လားဆိုတာ စစ်ဆေးနိုင်တဲ့ အနေအထားလည်းမရှိဘူး။ နောက်ပြီး ဆရာတွေကို မဆိုင်တဲ့တာဝန်ပေးတာ အရမ်းများတယ်။ ဒဂုံတက္ကသိုလ်မှာဆိုရင် ဆရာတွေက အဝေးသင်လည်း သင်ရတယ်။ အပေါက်စောင့်တဲ့ တာဝန်တွေလည်း ယူရတယ်။ ပွဲလမ်းသဘင်တွေမှာလည်း ဆရာတွေ တာဝန်ယူရတယ်။ ဒီလိုအခြေအနေမှာ ဆရာတစ်ယောက်က စာ အေးအေးဆေးဆေးဖတ်ပြီး သုတေသနလုပ်ဖို့ အခွင့်အလမ်း နည်းသွားတယ်။ ဆရာရော ကျောင်းသားရော စာကြည့်တိုက်ကို အသုံးချဖို့ဆိုရင် ပညာရေး လွတ်လပ်ခွင့်ပေးရတယ်။ ဒါသင်၊ ဒါဖြေစနစ်ကို အရင်ဆုံး ပြောင်းရမယ်။ စာကြည့်တိုက် အသုံးချပြီး သင်ယူလေ့လာတဲ့နည်းစနစ်က အရေးအကြီးဆုံးလို့ပဲ မြင်ပါတယ်။ ဒါတွေလုပ်ဖို့ဆိုရင် ပညာရေး ဥပဒေအား ကောင်းရမယ်။

“မိုးယိုရင် စာအုပ်တွေ မရွှဲအောင် စာရွက်တွေနဲ့ လိုက်အုပ်ထားရတယ်”
ဦးစစ်သူအောင် (လက်ထောက်ကထိက၊ အဏ္ဏဝါသိပ္ပံ၊ ပုသိမ်တက္ကသိုလ်)

ကျွန်တော်တို့ လက်ရှိ ပုသိမ်တက္ကသိုလ်မှာဆို ရင် စာကြည့်တိုက်က တက္ကသိုလ် စာကြည့်တိုက်လို့ကို ခေါ်လို့မရအောင်ပဲ အားနည်းတယ်လို့ မြင်တယ်။ တက္ကသိုလ်တိုင်း၊ တက္ကသိုလ်တိုင်းနဲ့ယှဉ်ရင် ပုသိမ်တက္ကသိုလ်စာကြည့်တိုက်က သေးသေးလေးလို့မြင်တယ်။ စာအုပ်စာတမ်းလည်း မပြည့်စုံဘူး။ ကျောင်းသားတွေကလည်း စာကြည့်တိုက်ကို အားကိုးမှုဆိုတာ မရှိဘူး။ စာကြည့်တိုက်ကို သွားကြည့်ရင် ကျောင်းသားဆိုတာ မတွေ့ရဘူး။ e-Library တို့တော့ ရှိတယ်။ ရှိတယ်ဆိုပေမယ့်လည်း အသုံးချမှုမရှိဘူး။ အဲဒါက အဆောက်အအုံနဲ့လည်း ဆိုင်ပါတယ်။ အဲဒီမှာက ကျွန်တော်တို့ ပုသိမ်တက္ကသိုလ် စာကြည့်တိုက်အတွက်ဆိုပြီး ပြီးခဲ့တဲ့ ၂၀၁၃ ခုနှစ် ဝန်းကျင်လောက်က ဘတ်ဂျက် ချပေးခဲ့တယ်။ ဒါပေမဲ့ အဲဒီဟာတွေက အဲဒီပိုက်ဆံတွေက ဘွဲ့နှင်းသဘင်ခန်းမ ဆောက်တဲ့ထဲ ပါသွားတယ်။ ပိုက်ဆံမလောက်လို့ဆိုပြီး ထည့်ပေးလိုက်တာ။ အဲဒီမှာ သူက စာကြည့်တိုက်က အရင်အတိုင်း နေရာဟောင်းမှာပဲ နေဆိုပြီး လုပ်လိုက်တယ်။ ခုဆိုရင် မိုးယိုဘာယိုနဲ့ စာအုပ်တွေကလည်း တော်တော်လေး ဒုက္ခရောက်တယ်။ မိုးယိုရင် စာအုပ်တွေ မရွှဲအောင် စာရွက်တွေနဲ့ လိုက်အုပ်ထားရတယ်။ ပြီးတဲ့အခါမှာ ကျောင်းသားတွေ စာဖတ်ဖို့ အခန်းဆိုတာ ရှိတယ်။ အဲဒီအခန်းမှာလည်း မျက်နှာကြက်တွေ ပြိုကျနေတော့ ကျောင်းသားတွေ စာထိုင်ဖတ်လို့ မရနိုင်ဘူး။

ဒါကြောင့် စာကြည့်တိုက်ကိုသွားရင် စာအုပ် ငှားသွား၊ ထိုင်ဖတ်ဖို့နေရာမရှိဘူး။ အစကတော့ စာကြည့်တိုက် ဆောက်ရမယ့်ပိုက်ဆံကို ဘွဲ့နှင်းသဘင် ခန်းမဆောက်တဲ့နေရာမှာ ယူသုံးလိုက်ပြီး အဲဒီဘွဲ့နှင်းသဘင်မှာပဲ စာကြည့်တိုက်အတွက် နေရာထားမယ်ပေါ့။ ဆောက်ပြီးတဲ့အခါမှာ စာကြည့်တိုက်အတွက် နေရာမရတော့ဘူး။ စာကြည့်တိုက်အတွက်လည်း ဘတ်ဂျက်တင်လို့မရတော့ဘူး။ လက်ရှိအဆောက်အအုံကိုပြင်ဆင်ဖို့အတွက်ပဲ ဘတ်ဂျက်တင်လို့ ရတော့မယ်။ တင်တဲ့အခါမှာလည်း အသေးစား ပြင်ဆင်မှုအနေနဲ့ တင်ရ မယ်။ လက်ရှိဆရာမကြီးကလည်း စာကြည့်တိုက်ကို အဓိကထား ပြင်ဆင်ဖို့ကြိုးစားတယ်။ ဒါပေမဲ့ အသေးစား ပြင်ဆင်မှုအနေနဲ့ ဘတ်ဂျက်တင်ရမယ်။ စာအုပ်စာတမ်းတွေအတွက်လည်း ဘတ်ဂျက် အခက်အခဲရှိတယ်။ ကျောင်းသား၊ ကျောင်းသူတွေကိုလည်း စာကြည့်တိုက်ကို စိတ်ဝင်စားအောင်၊ စာလာဖတ်အောင် မဲဆွယ်မှုအားနည်းတယ်။

ဆရာတွေအတွက်ကလည်း ဘာသာရပ်ဆိုင် ရာစာအုပ်တွေဝယ်ဖို့ တစ်နှစ်ကို ၁၅၀၀၀ ခွဲရတယ်။ အဲဒီကမှ စာအုပ်ဝယ်ပြီး ဖြည့်တယ်။ တစ်ခါတစ်ရံ ရန်ပုံငွေရှာပြီး စာအုပ်ဖြည့်တာလည်း ရှိတယ်။ ကျောင်းစာကြည့်တိုက်ကို အားကိုးတာမျိုး မရှိဘူး။ ဌာနဆိုင်ရာ အသီးသီးမှာရှိတဲ့ စာကြည့်တိုက်လေးတွေကိုပဲ အားကိုးကြတယ်။ ဆရာရော ကျောင်းသားရော စာကြည့်တိုက်ကို အသုံးမပြုတဲ့ ပြဿနာဖြစ်နေတယ်။ ဒီအတွက်သင်ရိုးကစ ပြဿနာရှိတယ်။ သင်ရိုးတွေကို ဗဟိုကနေပဲ ထုတ်လိုက်တယ်။ ဒါကြောင့် သင်ကြားတဲ့အခါမှာ ကိုးကားဖို့အတွက် စာကြည့်တိုက်ကို သွားစရာမလိုတော့ဘူး။ ခုဟာက ဒီမှာရှိတဲ့ တက္ကသိုလ် ဆရာ၊ ဆရာမ တော်တော်များများက ဘာသာရပ် တစ်ခုသင်ဖို့ သင်ရိုးညွှန်းတမ်းစာအုပ်ကိုပဲ အဓိကထား သင်တယ်။ အဲဒီအတွက် အပြင်ကယူပြီး သင်တာမျိုး အရမ်းရှားတယ်။ ကျောင်းသားရော၊ ဆရာရော စာဖတ်လာအောင်က ကျွန်တော့်အနေနဲ့ ပြောချင်တာက စာကြည့်တိုက်မှာ စာအုပ်စာတမ်းစုံရမယ်။ နံပါတ် ၂ Facility ပြည့်စုံရမယ်။ ကျောင်းသားတွေ အဖွဲ့လိုက် ဆွေးနွေးငြင်းခုံလို့ရမယ့် အခန်းလေးတွေရှိရမယ်။ ဆိတ်ငြိမ်တဲ့ စာဖတ်ခန်းတွေရှိရမယ်။ e-Library အတွက် Wifi တွေ ဘာတွေရှိရမယ်။ နောက်စာကြည့်တိုက်တွေ ၂၄ နာရီ ဖွင့်ထားပေးရင် ပိုကောင်းတယ်။ မဟုတ်ရင်တောင် ည ၉ နာရီ ၁၀ ထိ ဖွင့်ထားရင် ကျောင်းသား၊ ကျောင်းသူတွေ လာဖတ်မယ်။ လိုချင်တဲ့စာအုပ်ကို အချိန်မရွေး သွားယူလို့ရမယ်။ ဒီလိုဆိုရင် ပိုကောင်းမယ်လို့ ကျွန်တော် ယူဆပါတယ်။

“ဆရာ၊ ဆရာမ အများစုကလည်း စာကြည့်တိုက်သွားဖို့ အချိန်သိပ်မရကြဘူး”
ဦးဘိုဘိုလေး (ကထိက၊ ဥပဒေပညာဌာန၊ မုံရွာတက္ကသိုလ်)

ကျွန်တော်တို့ တက္ကသိုလ်လောကမှာရှိတဲ့ စာကြည့်တိုက် တော်တော်များများက ဒီအစိုးရသက်တမ်းမှာ စာအုပ်တွေဖြည့်စွက်ဖို့ တော်တော်များများ ငွေကြေးချပေးလာတာ။ အရင်တုန်းကဆိုရင် စာကြည့်တိုက် တော်တော်များများမှ မန္တလေးမိန်းကလွဲပြီး ကျန်တဲ့ကျောင်းတွေမှာ စာကြည့်တိုက်က တော်တော်ကို အားနည်းခဲ့တာ။ နောက်ပြီး ဒီစာကြည့်တိုက်မှူးနဲ့ ဝန်ထမ်းတွေကလည်း သူတို့လုပ်ရမယ့်တာဝန်တွေကို ကျွမ်းကျွမ်းကျင်ကျင် သိပ်မလုပ်တတ်ကြဘူး။ သင်တန်း ဘာညာမရှိတဲ့အတွက် သူတို့လည်းလုပ်တာတွေ အဆင်မပြေလှဘူး။ ကျွန်တော်တို့ မုံရွာတက္ကသိုလ်အနေနဲ့ပြောရရင် စာကြည့်တိုက်က နံပါတ် ၁၊ ကျောင်းရဲ့အတွင်းပိုင်း ရောက်နေတာကြောင့် ကျောင်းသား၊ ကျောင်းသူ အရောက်အပေါက် နည်းတဲ့နေရာ ဖြစ်နေတယ်။ နံပါတ် ၂၊ စာကြည့်တိုက်ရဲ့ အဝန်းအဝိုင်းက ကျောင်းသား၊ ကျောင်းသူတွေ စိတ်ဝင်စားမှုနည်းတဲ့ နေရာမျိုးမှာ ရောက်နေတယ်။ ပြီးတော့ စာကြည့်တိုက်ကို သွားတဲ့အခါမှာ ကလေးတွေအတွက် အဆင်ပြေအောင် ဆိုင်ရာဆိုင်ရာ အကိုးအကား၊ အထောက်အထားစာအုပ်တွေ တော်တော်များများက အဆင်ပြေပြေမရတာ များတယ်။

ကျွန်တော်တို့ ဥပဒေဌာနအနေနဲ့ ပြောမယ်ဆို ရင် အကိုးအကား အထောက်အထား စာအုပ်တွေက Update မဖြစ်တာများတယ်။ သင်ကြားရေးနဲ့ပတ်သက်တာရော၊ သုတေသနတွေ လုပ်တဲ့အခါမှာလည်း အကိုးအကား စာအုပ်က မရှိတာကများတယ်။ အဲတော့ ခေတ်စနစ်နဲ့အညီ စာကြည့်တိုက်မှူးနဲ့ ဝန်ထမ်းတွေရဲ့ အရည်အချင်းကိုလည်း မြှင့်ရမယ်။ နောက်ပြီး စာအုပ်စာတမ်းတွေကိုလည်း နိုင်ငံတော်ချပေးတဲ့ ဘတ်ဂျက်နဲ့ဝယ်ရမယ်။ ဒါမှသာ စာကြည့်တိုက်တွေ အသက်ဝင်လာမယ်လို့မြင်တယ်။ နောက်ကျောင်းသား၊ ကျောင်းသူ တော်တော်များများကလည်း စာကြည့်တိုက်သွား ပြီးသုံးတဲ့အလေ့အထက မရှိသလောက်ကို ဖြစ်သွားတာ။ ခုဟာက ဖုန်းတွေနဲ့ပဲ Internet Package တွေဝယ်ပြီး စာအုပ်တွေ ဒေါင်းလုတ်ဆွဲတယ်။ ဖတ်တယ်။ ဒီအဆင့်နဲ့ တော်တော်များများ အဆင်ပြေနေတော့ စာကြည့်တိုက်သွားတာက နည်းသလိုဖြစ်နေတယ်။ စာကြည့်တိုက်မှာက အင်တာနက်လိုင်းမကောင်းတော့ သွားလည်း စာအုပ်ဒေါင်းဖို့ အဆင်မပြေတာရှိတော့ ကလေးတွေက သွားတာနည်းတာပေါ့။

ကျွန်တော်တို့ဆရာ၊ ဆရာမ အများစုကလည်း စာကြည့်တိုက်သွားဖို့ အချိန်သိပ်မရကြဘူး။ သင်ကြားရေးတာဝန်နဲ့ တခြားလုပ်ငန်းကိစ္စတွေကြောင့် အနည်းစုလောက်ပဲ သွားနိုင်တဲ့ အနေအထား ဖြစ်နေတယ်။ တော်တော်များများက အချိန်မရတာလည်း ပါတယ်။ နောက်ဌာနတွင်းက စာအုပ်လေးတွေနဲ့ပဲ သင်ကြားရေးနဲ့ပတ်သက်တဲ့ အကိုးအကား အထောက်အထားတွေ ယူကြတာများတယ်။ သုတေသနလုပ်ဖို့၊ ကျမ်းပြုစုဖို့နဲ့ သင်ကြားရေးအတွက်ကတော့ စာကြည့်တိုက်မှာလည်း တချို့တစ်ဝက်တော့ ရှိပါတယ်။ ဒါပေမဲ့ တကယ်တမ်းကျ ကိုယ်နဲ့သင့်တော်မယ့် သုံးလို့ရမယ့် စာအုပ်တွေကို ဒေါ်လာနဲ့ပေးဝယ်ပြီး ဖတ်လိုက်ကြတာ လဲရှိတယ်။ ကိုယ်ပိုင်အိတ် စိုက်ဝယ်ပြီး သုတေသနလုပ်ကြတာလည်းရှိတယ်။ ကျွန်တော်တို့ တက္ကသိုလ်စာကြည့်တိုက်မှာတော့ တော်တော်များများ လိုအပ်ချက်တွေ ရှိသေးတယ်လို့ သုံးသပ်လို့ရတယ်။ စာအုပ်တွေပိုင်းမှာရော၊ IT ပိုင်းမှာရော ၊ စာကြည့်တိုက် အနေအထားမှာရော တော်တော်လေး အနံ့အသက် မကောင်းတာရော ပြောမယ်ဆိုရင် အာနည်းချက်တွေ ရှိနေတယ်။ ဆရာ ရော၊ ကျောင်းသားရော စာကြည့်တိုက် အသုံးပြုမှုများလာအောင်၊ စာကြည့်တိုက်တွေ ပြန်လည် အသက်ဝင်လာအောင်ဆိုရင် ဆရာ၊ ဆရာမတွေရော၊ ကျောင်းသား၊ ကျောင်းသူတွေရော ကျောင်းကနေ တကယ်စီမံခန့်ခွဲရေး အဖွဲ့အစည်းရော ဒါတွေကို ဘယ်လိုအသုံးပြုရင် ဘယ်လိုအကျိုးရှိမယ်ဆိုတာ သိအောင် အသိပညာပေးရမယ်။ ပူးပေါင်းဆောင်ရွက်မှုတွေ လုပ်ရမယ်။ အဲလိုဆိုရင် စာကြည့်တိုက်တွေ ပြန်လည်အသက်ဝင်လာမယ်။ တိုးတက်လာမှာဖြစ်ပါတယ်။

မြဇာခြည်သင်း

  • TAGS