News

POST TYPE

EDUCATION

အမျိုးသမီးများနှင့် ပညာသင်ကြားခွင့်
23-Jun-2018 tagged as



(၁) အနာဂတ်မျိုးဆက်သစ်

အာဖရိကဆိုရိုးစကားတစ်ခုရှိသည်။ “ယောကျာ်းလေးတစ်ယောက်ကို စာသင်ပေးလိုက်လျှင် တစ်ယောက်ပဲ ပညာတတ်မည်။ မိန်းကလေးတစ်ယောက်ကို စာသင်ပေးလိုက်လျှင် မိသားစုတစ်စုလုံးကို စာသင်ပေးလိုက်ခြင်းဖြစ်ပြီး တစ်နိုင်ငံလုံး စာတတ်သွားလိမ့်မည်”ဟု ဆိုထားပါသည်။ အမျိုးသမီးများကို ကျောင်းပို့နိုင်ရန်ကြိုးစားခြင်းသည် နောင်တစ်ချိန်တွင် သူမ၏ သားမြေးများကို ပညာတတ်ကြီးများ ဖြစ်စေရန် စိတ်ကြီးဝင်စေပါလိမ့်မည်။ အမျိုးသမီးများ ပညာတတ်စေရန် ရင်းနှီးမြှုပ်နှံခြင်းသည် နိုင်ငံအတွက် ရင်းနှီးမြှုပ်နှံခြင်းဖြစ်သည်။

(၂) အရွယ်မတိုင်မီ သေဆုံးမှုများ လျော့ပါး

အမျိုးသမီးများ ပညာတတ်ခြင်းက သားမွေးမည့် မိခင်လောင်းများ၏ အသက်ကိုပါ ကယ်တင်ရာ ရောက်စေသည်။ ပညာတတ်သည့် အမျိုးသမီးတစ်ဦးသည် HIV/ AIDS ရောဂါများ မဖြစ်ပွားစေရန် စဉ်းစားဆင်ခြင်တတ်မည်။ ကိုယ်တိုင်လည်း ဆင်ခြင်နိုင်သလို ကိုယ်မွေးထုတ်မည့် သားသမီးများအတွက်လည်း ဆင်ခြင်တတ်စေသည်။ မူလတန်းပညာလောက်ကို တတ်ထားလျှင်ပင် ကလေးများကို မသေမပျောက်စေရန် မည်သို့စနစ်တကျ စောင့်ရှောက်ရမည်ဆိုခြင်းကို နားလည်သည်။ အလယ်တန်းအဆင့်လောက် ပညာတတ်ထားလျှင် ကျန်းမာရေးအသိ ပိုရှိပြီး မိသားစုဘဝကိုပါ အထောက်အကူပြုနိုင်သည်။ ပညာမတတ်သည့် အမျိုးသမီးငယ်တစ်ဦးမှ မွေးဖွားလာသည့် ကလေးတစ်ဦးသည် အသက် ၅ နှစ်မတိုင်မီ ၅ ဦးတွင် ၁ ဦးနှုန်း သေဆုံးနေကြရကြောင်း Girls Global Education Fund အစီရင်ခံစာတွင် ဖော်ပြထားသည်။

(၃) မိခင်ဘဝ သေဆုံးရမှုများလျော့ပါး

ပညာတတ် အမျိုးသမီးများသည် ပညာဖြင့် ဆင်ခြင်နိုင်စွမ်းရှိသောကြောင့် ကျန်းမာရေးသတိရှိသည်။ တစ်နည်းပြောရလျှင် အလွယ်တကူ ကိုယ်ဝန်မဆောင်နိုင်ဟုဆိုရမည်။ ထို့ကြောင့် ကိုယ်ဝန်ဆောင်ပြီး အသက်ဆုံးရှုံးရမှုများ ပိုပြီးနည်းပါးသည်။ ပညာဖြင့် ဆင်ခြင်ပြီး ဆောင်ရန်၊ ရှောင်ရန်များကို ကောင်းစွာနားလည်ထားသည်။ ကိုယ်ဝန်ကို မလိုချင်လျှင်လည်း ဆင်ခြင်တတ်သည်။ လိုချင်လျှင်လည်း မည်သို့ပြုလုပ်ရမည်ကို နားလည်သည်။ ရလာလျှင်လည်း ကောင်းစွာ ထိန်းသိမ်းစောင့်ရှောက်တတ်သည်။

(၄) အရွယ်မတိုင်မီ လက်ထပ်ခြင်း လျော့နည်း

ကလေးဘဝ ဘာမှန်းမသိဘဲ အိမ်ထောင်ကျလိုက်ရခြင်း၏ ရလဒ်မှာ ပညာသင်ရန် ကျောင်းမသွားလိုက်ရဘဲ အိမ်တွင်းပုန်းများဘဝကို ပို့ဆောင်လိုက်သလို ဖြစ်သွားခဲ့ရသည်။ ပညာသင်ကြားခွင့်မရဘဲ အိမ်မှုကိစ္စများတွင် နစ်မွန်းသော မိန်းကလေးများဘဝ ယောကျာ်းနှိပ်စက်သမျှခံ၊ သူများပြောတိုင်းယုံ၊ လိုက်လုပ်နေသူများ ဖြစ်ပေလိမ့်မည်။ နောင် ကိုယ်ဝန်ဆောင်သားမွေးလာပါကလည်း ကလေးက ကလေးထိန်းနေရသလို ဖြစ်သောကြောင့် အနာဂတ်မျိုးဆက်ကောင်းများကို ပြုစုမွေးထုတ်ရာ ရောက်မည်မဟုတ်ပေ။

(၅) လူဦးရေပေါက်ကွဲမှုကို ထိန်းချုပ်နိုင်

ပညာတတ်လျှင် ကလေးကိစ္စကအစ ဆင်ခြင်နိုင်သည်။ မလိုအပ်ဘဲ ကလေးတွေ မွေးနေရခြင်းမှာ ကိုယ့်အတွက်၊ မိသားစုအတွက်၊ တိုင်းပြည်အတွက်ပါ အကျိုးမရှိနိုင်ပါ။ ဘရာဇီးနိုင်ငံတွင် လေ့လာဆန်းစစ်မှုတစ်ခု၌ ပညာတတ်အမျိုးသမီးငယ်တစ်ဦးသည် ပျမ်းမျှကလေး ၂ ဒသမ ၅ ဦးနှုန်းယူပြီး၊ ပညာမတတ်သည့် မိန်းကလေးတစ်ဦးသည် ၆ ဦးနှုန်းခန့်အထိ ကလေးများမွေးကြောင်း UNESCO ၏ အစီရင်ခံစာတွင် ဖော်ပြထားသည်။

(၆) ပညာတတ်လျှင် နိုင်ငံရေးစိတ်ဝင်စား

ပညာတတ်လာသည့် အမျိုးသမီးတစ်ဦးသည် သတင်းစာဖတ်ချင်လာမည်။ တွေ့ဆုံပွဲများကို တက်ချင်လာမည်။ ဝေဖန်ပြောဆိုမှုများကို ပြုလုပ်လာမည်။ နိုင်ငံအကြောင်း လူမျိုးအကြောင်း များများသိချင်၊ လေ့လာဆွေးနွေးချင်သူ အမျိုးသမီးတွေ များလာလေလေ နိုင်ငံအတွက်ကောင်းလေဖြစ်သည်။

(၇) အစော်ကားမခံ တုံ့ပြန်နိုင်မည်

အမျိုးသမီးများဘဝဆိုသည်မှာ အမျိုးသားများအတွက် အဖိနှိပ်ခံသက်သက်၊ အမျိုးသားများအတွက် အဖြည့်ခံသက်သက်ဖြစ်ရမည်ဆိုသည့် သိမ်ဖျင်းသောစိတ်ဓာတ်များ ကင်းစင်လာမည်။ မဟုတ်မခံစိတ်က လိင်ကိစ္စဖြစ်စေ၊ အခြားသော ကိစ္စများကြောင့်ဖြစ်စေ စော်ကားမှုများကို ရှိန်စေနိုင်သည်။ မိသားစုကို လုံခြုံစွာ ဆင်ခြင်စောင့်ရှောက်နိုင်သူများ ဖြစ်လာသဖြင့် အသိုင်းအဝိုင်းတွင် လေးစားလောက်သူများ ဖြစ်လာလျှင် စော်ကားလိုစိတ်များ ကင်းပစေနိုင်သည်။

(၈) စီးပွားစွမ်းဆောင် ဦးဆောင်နိုင်မည်

အမျိုးသမီးများ ပညာတတ်လျှင် ဖန်တီးလုပ်ဆောင်ချင်လာမည်။ စီးပွားရေးလုပ်ချင်ကိုင်ချင်စိတ်များ ရှိလာလျှင် ဆင်းရဲတွင်းက လွတ်ကင်းမည်။ သား၊ သမီးများကို ကောင်းစွာစောင့်ရှောက် ပြုစုကျွေးမွေးနိုင်မည်။

UNICEF က လူငယ်များကို အဘယ်ကြောင့် ပညာများများသင်ပေးသင့်ကြောင်း အဆိုပြုချက်များလည်း ရှိပါသည်။

(၁) ကျောင်းတက်မှ ပညာတတ်မည်၊ ပညာတတ်မှ ကိုယ့်အဖွဲ့အစည်းကို အကျိုးပြုနိုင်မည်ဆိုသည့် အခြေခံအသိလောက်ရှိရုံမျှဖြင့် ပညာရေးကို တိုးတက်စေရန် ကြံဆောင်နိုင်ပါလိမ့်မည်။

(၂) ကျောင်းတက်ချင်သူများ ကျောင်းရောက်လာစေရန် အခမဲ့ပညာရေးဖြစ်ဖို့လိုသည်။ ကျောင်းနေချင်သော်လည်း ဆင်းရဲသဖြင့် မနေနိုင်ဆိုသည့် ကလေးများအတွက် ထောက်ပံ့ကြေးများပေးပြီး ကျောင်းတက်ခိုင်းရန်လိုပါသည်။ ကျောင်းဆိုသည်မှာ ကလေးများတက်နိုင်သည့် အနေအထားမျိုးကို အမြဲဖန်တီးပေးထားနိုင်လျှင် အကောင်းဆုံးဖြစ်သည်။

(၃) ကျောင်းဆိုသည်မှာ အသိုက်အဝန်းတိုင်းတွင် ရှိနေသင့်ပါသည်။ ကျောင်းဆရာ၊ ဆရာမများကလည်း ကျောင်းသားစုလျှင် စာသင်မှုကို ပြုပေးနိုင် သူများဖြစ်ရန်လိုသည်။ ကလေးတွေ ကျောင်းကို မလာနိုင်လျှင် ဆရာက ကလေးများထံသွားနိုင်သည့် အနေအထားမျိုးကို ပြင်ဆင်ထားရမည်။

(၄) အမျိုးသမီးများပညာရေးကို ဦးစားပေးသင်ကြားနေသည့် လူ့ဘောင်အဖွဲ့အစည်းတစ်ခုဖြစ်ရန်လိုသည်။ သူတို့အတွက် ကျောင်းတံခါး အမြဲဖွင့်ပေးထားရမည်။ အစိုးရကလည်း မိန်းကလေးတိုင်း ကျောင်းသွားနိုင်ရေးကို ဥပဒေများဖြင့် သတ်မှတ်ပေးရန်လိုသည်။

(၅) အခြေအနေ အမျိုးမျိုးကြောင့် စာသင်ရန် အခက်အခဲရှိနေသူများအတွက် သင်ရိုးညွှန်းတမ်းမှာ အထူးသင်ရိုးညွှန်းတမ်းဖြစ်နေရန်လိုပါသည်။ ဒေသဆိုင်ရာ ဘာသာစကားများဖြင့် ပြုစုထားသော ဖတ်စာအုပ်များ၊ စာသင်လိုသော ကျောင်းသားတိုင်း အခမဲ့ရယူနိုင်သော ဖတ်စာအုပ်များဖြစ်နေရန်လည်း လိုသည်။

E-01

  • TAGS