News

POST TYPE

EDUCATION

ဘယ်စာကို ဘာကြောင့် သင်ကြမည်နည်း
23-Jun-2018 tagged as



အင်္ဂလိပ်စာကို ကျွမ်းကျင်စွာ တတ်မြောက်ထားရန် လိုသနည်းဆိုသည်မှာ ကမ္ဘာ့ပြဿနာတစ်ခု ဖြစ်လာပါသည်။ အဓိက အကြောင်းပြချက်တစ်ခုတွင် လုပ်ငန်းအောင်မြင်မှုဆိုသည်မှာ တူညီသည့်အကြောင်းပြချက် တစ်ခုဖြစ်နေကြောင်းလည်းတွေ့ရသည်။

အင်္ဂလိပ်စာသည် ကမ္ဘာ့စာ၊ မသုံးမဖြစ်စာ တစ်ခုအနေနှင့် ကမ္ဘာပေါ်တွင် ရပ်တည်နေကြောင်းကို မည်သူမှငြင်းနိုင်မည်မထင်ပေ။ ကမ္ဘာကိုပတ်မှ ဖြစ်နိုင်မည့်ခေတ်တွင် နယ်စပ်ကိုကျော်၊ အလုပ်တွေရှာ၊ အားလုံးနှင့် ဆက်သွယ်ရမည့် တစ်ခုတည်းသော ဆက်သွယ်နိုင်သည့် စကားမှာ အင်္ဂလိပ်စကားဖြစ်နေသည်ကိုလည်း အားလုံး လက်ခံသဘောပေါက်ထားမည်ထင်ပါသည်။

ကမ္ဘာတွင် အင်္ဂလိပ်စာ အင်္ဂလိပ်စကားပြော ဆိုသုံးစွဲနေမှုသည် ခေတ်ကုန်သွားနိုင်ဦးမည်မထင်ပါ။ ထို့ကြောင့် အများသုံးဘာသာစကားတစ်ခုဖြစ်နေသည် အင်္ဂလိပ်စကားကို နားလည်ပြီး ပြောနိုင်စေရန် ဘဝအောင်မြင်မှု တစ်ခုအနေနှင့် လေ့လာသင်ယူတတ်မြောက်အောင် လုပ်ထားသင့်ပါသည်။

ရေရှည်အကျိုးကို မျှော်ကိုးသူများအတွက် အင်္ဂလိပ်စာကိုသာ လေ့လာသင့်ပါသည်။ Amazon ကုမ္ပဏီကြီး၏ ပိုင်ရှင်နှင့် သူဌေးကြီးဖြစ်သူ ဂျက်ဖ်ဘေးဇော့ကို အင်တာဗျူးတစ်ခုတွင် တွေ့ဆုံမေးမြန်းသူတစ်ဦးက -

“ဂျက်ဖ် လာမယ့် ၁၀ နှစ်မှာ e-Commerce လုပ်ငန်းဟာ ဘယ်လိုပြောင်းလဲသွားနိုင်မလဲ” ဟု မေးမြန်းခဲ့သည်။ ဂျက်ဖ်က -

“သိပ်ကောင်းတဲ့မေးခွန်းပဲ။ အကောင်းဆုံးအဖြေကတော့ နောက်လာမယ့် ၁၀ နှစ်မဟုတ်ဘူး နှစ် ၂၀ အတွင်းလည်း ဘာမှမပြောင်းလဲနိုင်သေးဘူး”ဟု ဖြေဆိုလိုက်သည်။ သူက Amazon ၏ လုပ်ငန်းကိုလည်း ယခုအတိုင်းပင် ဝန်ဆောင်မှုများ ဆက်လုပ်နေသလို သူကထပ်ပြောလိုက်သည့် စကားက ပိုပြီး စိတ်ဝင်စားစရာကောင်းပါသည်။

“နောက်လာမည့် နှစ် ၂၀ အတွင်း ဆက်သွယ်ရေး ဘာသာစကားကလည်း ပြောင်းလဲနိုင်စရာ အကြောင်းမရှိ” ဟုဆိုသည်။ သူပြောချင်သည်မှာ အင်္ဂလိပ်ဘာသာစကားဖြစ်သည်။ အင်္ဂလိပ်လိုပင် စီးပွားရေးနှင့် ကုန်သွယ်မှု လုပ်ငန်းများတွင် ကမ္ဘာ့ပြည်သူတို့ ဆက်သွယ်အသုံးပြုနေကြလိမ့်ဦးမည်ဆိုသည့် သဘောဖြစ်သည်။ ထို့ကြောင့် မည်သည့်ဘာသာစကားကို အလေးပေးသင်သင့်ဆိုခြင်းမှာ ပြောစရာပင်လိုမည်မထင်။

အင်္ဂလိပ်စကားကို ကမ္ဘာ့ဆက်သွယ်မှုဆိုင်ရာ ဘာသစကားတစ်ခုအနေနှင့် သင်ယူနေကြရလိမ့်ဦးမည်သာ ဖြစ်သည်။ သင်္ချာ၊ သိပ္ပံ၊ သမိုင်းနှင့် အင်ဂျင်နီယာဆိုင်ရာ ပညာရပ်များကို ကျောင်းများတွင် သင်ကြားရာ၌လည်း မည်သည့်တိုင်းရင်းဘာသာစကားနှင့် သင်ကြားသည်ဆိုစေ အင်္ဂလိပ်လို လက်လွှတ်နိုင်ဦးမည် မဟုတ်ပေ။ 

တစ်ခုသိထားရန်လိုသည်မှာ အင်္ဂလိပ်စာဆိုသည်မှာ ကျွမ်းကျင်စွာ ပြောဆိုတတ်စေရန် သင်ယူနေကြသည့် အနေအထားအဆင့်ကို ရောက်လာပြီး ဘာသာရပ်တစ်ခုအနေနှင့် တတ်ကျွမ်းစေရန် သင်ယူနေသည့်အဆင့်ကို ကျော်လွန်လာပြီဆိုသည့်သဘောအား နားလည်ထားရန်လိုပါသည်။ ပညာ၊ အတန်းဘာမှမရှိသည့် ကလေးများပင် အင်္ဂလိပ်လို ပြောတတ်စေရန် သင်ကြားနေခြင်းက အသက်မွေးဝမ်းကျောင်းအတွက် ဖြစ်လာသည်ကို သိထားစေချင်ပါသည်။ ထို့ကြောင့် အင်္ဂလိပ်စာ။ စကားသင်သည်ဆိုခြင်းမှာ ဘွဲ့ဆိုခြင်းထက် အသက်မွေးပညာအဖြစ် သင်ယူလာကြသည်ကိုလည်း သဘောပေါက်စေချင်သည်။

ကမ္ဘာပေါ်တွင် ဘာသာရပ်ဆိုင်ရာ ပညာရပ်များဖြင့် ဘွဲ့အသီးသီး ဆွတ်ခူးထားသူများစွာရှိပါလိမ့်မည်။ သို့သော် အင်္ဂလိပ်လိုကောင်းစွာပြောဆိုနိုင်၊ ဖတ်နိုင်၊ ရေးနိုင်သူများက အခြားသူများထက် ပိုပြီး အလုပ်အကိုင် အခွင့်အလမ်းကောင်းသည်ဆိုခြင်းနှင့် အင်္ဂလိပ်လိုကောင်းသူတွေကို အလုပ်ကရွေးပြီး အဘယ်ကြောင့် ဦးစားပေးခေါ်နေကြရသည်ဆိုခြင်းကိုလည်း သဘောပေါက်ထားသင့်ပါသည်။

Infosys ကုမ္ပဏီကြီးမှ CEO ဖြစ်သူ နန်ဒန်းနီလီကာနီက အင်္ဂလိပ်စကား သင်ယူတတ်မြောက်ထားခြင်းကို “Soft Skill” တစ်ခုအနေနှင့် တင်စားပြောဆိုဖူးပါသည်။ သူက နည်းပညာနှင့် စက်ပစ္စည်းများ ကွန်ပျူတာများ ထုတ်ကြသည်။ AI ခေါ် လူသားအတိုင်း တုပပြုလုပ်နိုင်သည့် ဉာဏ်ရည်တုဖြင့် လုပ်ဆောင်နိုင်စွမ်းများကို ဖော်ထုတ်ကြသည်။ ထိုခေတ်မီစနစ်များက လူသားတို့ကို အလုပ်အကိုင်အခွင့်အလမ်းများ နည်းပါးသွားစေရန် လုပ်ဆောင်ပါလိမ့်မည်။ ထို့ကြောင့် လူသားတို့အတွက် တစ်ခုသာ ကျွမ်းကျင်အောင် လုပ်ဆောင်ထားရန်လိုသည်။ ယင်းမှာ Soft Skill ဖြစ်သည်။ လူသားတို့အချင်းချင်း အပြန်အလှန်ဆက်သွယ်နိုင်မည့် Soft Skill ကျွမ်းကျင်သူများသည် အနာဂတ်တွင် ထမင်းမငတ်နိုင်ဟုဆိုလိုခြင်းဖြစ်သည်။ သူပြောချင်သည်မှာ ကမ္ဘာပတ်ပြီး ဆက်သွယ်နိုင်မည့် နည်းလမ်းများကို တတ်ကျွမ်းသူများသာ ရေရှည်တည်နိုင်မည်ဟု ဆိုလိုခြင်းဖြစ်သည်။ ဂျက်ဖ်ဘေးဇော့က နောက်နှစ် ၂၀ လောက်အထိ ကမ္ဘာ့ဆက်သွယ်ရေးဘာသာစကားတွင် အင်္ဂလိပ်စာသည် အရေးပါနေဦးမည်သာဖြစ်သည်ဟု ဟောကိန်းထုတ်ထားသည်။ ထို့ကြောင့် မည်သည့် ဘာသာစကားကို အလေးပေးသင်ကြားပေးထားသင့်ကြောင်း သဘောပေါက်ထားရန်လိုသည်။ 

ကမ္ဘာနှင့်ဆက်သွယ်နိုင်ရန် အင်္ဂလိပ်စာကို Communication Skill အနေဖြင့် သင်မည်လား၊ စာတတ်ပေတတ်ကြီးများဖြစ်ရန်အတွက် အင်္ဂလိပ်လိုကျမ်းပြုနိုင်သည့် ပညာရှင်ကြီးများမွေးထုတ်မည်လား ကမ္ဘာတွင် အငြင်းပွားနေကြဆဲဖြစ်သည်။ မြန်မာနိုင်ငံ ပုဂံဒေသတွင် အတန်းကျောင်းပညာ နည်းနည်းသာရှိသော ကလေးများက တက္ကသိုလ်ဆင်းများထက် အိမ်ကို စီးပွားရှာပေးနိုင်သည်မှာ မည်သည့်စကားများနှင့် ဆက်သွယ်ပြောဆိုနိုင်ကြသောကြောင့်ဖြစ်ကြောင်း တစ်ချက်လောက်ငဲ့စောင်းကြည့်သင့်ပါသည်။ 

စင်ကာပူနိုင်ငံတွင် အလုပ်လာလျှောက်သည့် သူတစ်ယောက်ကို အလုပ်ရှင်သူဌေးက -

“မင်းဘွဲ့တွေ ဘယ်လောက်ရလာသလဲဆိုတာ ငါ့ကိုလာမပြောပါနဲ့။ မင်းဘာတွေ လုပ်ပေးနိုင်သလဲဆိုတာ ငါနားလည်အောင် ရှင်းပြပေးပါ”ဟု ဆိုလိုက်သည်။ အင်္ဂလိပ်လို မေးမြန်းတောင်းဆိုနေသည့် စင်ကာပူအလုပ်ရှင်ကို မြန်မာလိုရှင်းပြမည်လား စဉ်းစားစေချင်သည်။

E-01

  • TAGS