News

POST TYPE

EDUCATION

ရဟတ်ယာဉ် မိဘ
23-Jun-2018 tagged as



ရဟတ်ယာဉ် မိဘဆိုသည်မှာ (Helicopter parent) ကို ဆိုလိုခြင်းဖြစ်သည်။ Cosseting parent သို့မဟုတ် Cosseter ဟုလည်း ခေါ်ကြသည်။ သားသမီးများအပေါ် အလွန်အကျူး ဂရုစိုက်လွန်းပြီး လွန်ကဲစွာ ထိန်းသိမ်းစောင့်ရှောက်မှုပေးကာ၊ နေရာတိုင်းတွင် လိုက်ပြီး အကာအကွယ်များပေးလွန်းသော မိဘများကို အနောက်တိုင်းတွင် ရဟတ်ယာဉ်မိဘများဟုခေါ်ကြသည်။

ရဟတ်ယာဉ် သို့မဟုတ် ဟယ်လီကော်ပတာဆိုသည်မှာ မိဘများကိုယ်တိုင် သားသမီးများအပေါ် စိတ်မချစွာဖြင့် ရစ်ဝဲပတ်ကြည့်လွန်းခြင်းကို ဆိုလိုပါသည်။ ၁၉၆၉ ခုနှစ်လောက်က ဒေါက်တာ Haim Ginott ဆိုသူက Between Parent & Teenager ဆိုသည့် စာအုပ်တစ်အုပ်ထုတ်ပါသည်။ ထိုစာအုပ်သည် ရောင်းအကောင်းဆုံး ထိပ်တန်းဝင်ခဲ့ပြီး စာအုပ်ထဲမှ လူငယ်တစ်ယောက်က အမေသည် သူ့အပေါ်တွင် ဟယ်လီကော့ပတာတစ်စင်းလို အမြဲဝဲနေသည်ဟု ပြောသည့်စကားကို ထောက်ပြီး Helicopter parent ဆိုသည့်စကား ပေါ်ပေါက်လာသည်ဟု ဆိုကြသည်။ 

ရဟတ်ယာဉ်မိဘများသည် သားသမီးများအပေါ် အမြဲဝဲနေကြသူများဖြစ်သည်။ လိုအပ်သည်ဖြစ်စေ၊ မလိုအပ်သည်ဖြစ်စေ နေရာတိုင်းတွင်ရင်အုပ်မကွာ လိုက်လံစောင့်ရှောက်ပေးလိုခြင်းက လိုအပ်သလားဟု မေးခွန်းများထုတ်ပြီး ဆွေးနွေးငြင်းခုံစရာများ ဖြစ်ခဲ့ကြရသည်။ ၂၀၀၀ ပြည့်နှစ်လောက်တွင် Helicopter parenting  ဆိုသည့် စကားကို သုံးစွဲမှုခေတ်စားလာသည်။ 

အမေရိကန်ပြည်ထောင်စု၏ National Survey တစ်ခုတွင် တက္ကသိုလ်သို့ရောက်လာသည့် ပထမနှစ် ကျောင်းသား ၃၈ ရာခိုင်နှုန်းနှင့် ကျောင်းမပြီးသေးသည့် ကျောင်းသား ၂၉ ရာခိုင်နှုန်းတို့တွင် မိဘများက ဝဲပျံစောင့်ရှောက်မှုများ ခံနေကြရဆဲဖြစ်ကြောင်း ထောက်ပြထားသည်။

ရဟတ်ယာဉ်မိဘများသည် သူတို့သားသမီးများအပေါ် ချစ်ခြင်းကြောင့်စောင့်ရှောက်ခြင်းဖြစ်ကြောင်း၊ ထိုသို့ စောင့်ရှောက်ရခြင်းမှာလည်း မိမိတို့ အခွင့်အရေးဖြစ်ကြောင်း အကြောင်းပြကြသည်။ သူတို့ထောက်ပြချက်များအရ ခွဲခွာရမည်ကို စိုးရိမ်မှုမရှိစေရန်ဟု အကြောင်းပြကြသည်။ သူတို့သားသမီးများသည် မိဘနှင့်ကင်းကွာပြီး မနေနိုင်မထိုင်နိုင်သောကြောင့် လိုက်လံစောင့်ရှောက်ပေးနေခြင်းဖြစ်သည်ဟုဆိုကြသည်။ ထို့ပြင် မိမိတို့ သားသမီးများ၏ အစွမ်းအစများကို လိုက်လံကြည့်ကာ လိုအပ်သည်များကို ဖြည့်ဆည်းပေးရန်ဟုလည်း ပြောပါသည်။ သူတို့ဘက်က အကြောင်းပြချက်မှာ ရင်အုပ်မကွာ စောင့်ရှောက်ခြင်းကြောင့် မပျက်စီးဟု ဆိုကြသည်။

ရဟတ်ယာဉ်မိဘများကို အပြစ်မြင်သူများဘက်က လွတ်လပ်မှုကို လိုက်လံထိန်းချုပ်နေခြင်းကြောင့် ဖွံ့ဖြိုးတိုးတက်မှုကို ရပ်တန့်သွားစေသည်။ ဘဝအခက်အခဲများကို မကြုံတွေ့ဖူးသောကြောင့် ပြဿနာတစ်ခုခုဖြစ်လာလျှင် ရင်မဆိုင်တတ်တော့။ မိဘအပေါ် မှီခိုလွန်းခြင်းက အကျင့်ပါပြီး အရွယ်ရောက်သည့်တိုင် မှီခိုလွန်းနေသောကြောင့် အစွမ်းအစမရှိတော့ဟု ဆိုကြသည်။

ဘဝဆိုသည်မှာ အောင်မြင်မှုဆုံးရှုံးမှုများနှင့် အတက်အကျကို ကိုယ်တိုင်ရင်ဆိုင်ကြုံတွေ့ဖူးမှသာ ဖြေရှင်းခြင်း ကြံ့ကြံ့ခံရင်ဆိုင်နိုင်ခြင်းတို့ကို ဖြစ်စေနိုင်သည်။ ဘဝအတွေ့အကြုံနှင့် ဘဝသင်ခန်းစာများက လူသားကို ပိုပြီးရင့်ကျက်တည်ငြိမ်စေပါသည်။ မည်သည့်အခက်အခဲ ပြဿနာကိုမှ ရင်ဆိုင်ဖူးခြင်းမရှိသူ တစ်ယောက်တွင် ပြဿနာဆိုသည်ကို နားလည်းမလည်၊ ဖြေလည်းမဖြေရှင်းနိုင်သဖြင့် ကျရှုံးသွားနိုင်ကြောင်း ထောက်ပြကြသည်။

တရုတ်နိုင်ငံတွင် မိမိတို့သားသမီးများအပေါ် ရင်အုပ်မကွာစောင့်ရှောက်ကာ အလွန်အမင်းတိုးတက်အောင်မြင်စေရန် လိုက်လုပ်နေသည့် မိဘများကို ကျားမေမေများ (Tiger Mothers) ဟုခေါ်ကြသည်။ မြန်မာနိုင်ငံတွင်လည်း သားသမီးများကျောင်းသို့ ကားနှင့် တစ်နေကုန်လိုက်ကာ ထမင်းခွံ့ ရေတိုက် မုန့်ကျွေးနေသည့် မိဘပေါင်းများစွာကို မြို့ပေါ်ရှိ ထင်ရှားသည့်ကျောင်းကြီးများတွင် ဂုဏ်တုဂုဏ်ပြိုင်အနေနှင့် လုပ်ဆောင်နေကြောင်းတွေ့ရသည်။ သူတို့သည် သားသမီးများသာမက မိဘများပါ မိမိတို့သား၊ သမီးများအပေါ်မည်မျှ အလေးထားစောင့်ရှောက်နေကြောင်းကို ဂုဏ်တစ်ခုအနေနှင့် ထုတ်ဖော်ကာ ကျောင်းများတွင် လာရောက် ဝဲပျံနေကြခြင်းဖြစ်သည်။ 

ရဟတ်ယာဉ်မိဘများဘက်ကလည်း ခေတ်သစ်၏ လုံခြုံစိတ်ချရမှုမရှိခြင်းကို အကြောင်းပြသည်။ ရာဇဝတ်မှုတွေ ထူပြောသည်။ ကလေးတွေကို ခိုးယူခြင်းဖြစ်နိုင်သည်။ လူကုန်ကူးသူတွေ ဘေးကိုကြောက်ရသည်။ သက်ငယ်မုဒိမ်းမှုများကို စိုးရိမ်ရသည်။ တရားဥပဒေစိုးမိုးနိုင်ခြင်းမရှိမှုက သားသမီးများအပေါ် စိတ်မချနိုင်စရာ ပိုဖြစ်လာစေသည်ဟု အကြောင်းပြသည်။ 

စိတ်ပညာရှင်များဘက်က နေရာတိုင်းတွင် လိုက်လုပ်ပေးနေလျှင် ဘာမှလုပ်ဆောင်နိုင်စွမ်းမရှိတော့။ ကလေးများအတွက် အရေးကြီးသည်မှာ ကိုယ့်ခြေထောက်ပေါ် ကိုယ်ရပ်တည်နိုင်ရေးဖြစ်သည်။ သူတို့ကို ကိုယ်ပိုင်လွတ်လပ်စွာ သွားလာခွင့်ပေးမှ ကိုယ်ပိုင်ဆုံးဖြတ်လုပ်ဆောင်နိုင်စွမ်းများ တိုးတက်မည်။ နေရာတိုင်းလိုက်ပြီး ထိန်းချုပ်နေလျှင် ကိုယ်တိုင်ဖြေရှင်းနိုင်စွမ်း ဉာဏ်စွမ်းများကို ထိခိုက်စေလိမ့်မည်။ အရေးကြီးသည်မှာ လူ့ဘောင်လောကတွင် လူမှုပေါင်းသင်းဆက်ဆံရေးက အရေးကြီးသည်။ လိုက်လံထိန်းချုပ်နေသည့် သားသမီးများမှာ လူမှုပေါင်းသင်း ဆက်ဆံရေးပါ ညံ့ဖျင်းသွားစေနိုင်ကြောင်း သတိပြုသင့်သည်။

ကျားမေမေနှင့် ရဟတ်ယာဉ်တို့ကြောင့် လောင်းရိပ်အောက်ရောက်နေသည့် ကလေးများဘဝကို ကိုယ်ချင်းစာကြည့်ကြစေချင်သည်။ မိဘများက သူတို့ဘဝကို မည်မျှသော အတိုင်းအတာအထိ လိုက်လံစောင့်ရှောက်နိုင်မည်နည်း။ မိမိတို့သားသမီးများအပေါ် အမြဲတမ်း ဝဲပျံနိုင်ပါသလား ကိုယ့်ကိုယ်ကိုယ်မေးကြည့်ကြစေချင်သည်။

E-01


(Ref: Thinking of Helicopter parent, SCMP)


  • TAGS