News

POST TYPE

EDUCATION

နိုင်ငံခြားပို့ကုန် ဖင်လန်ပညာရေး
ကလေးအုပ်စုတစ်စု စုစုပေါင်း ၄၃ ဦးသည် သစ်တောထဲတွင် ပျော်ရွှင်စွာ ပြေးလွှားနေကြသည်။ သူတို့သည် ဒုတိယတန်းအဆင့် ကျောင်းသား၊ ကျောင်းသူလေးများဖြစ်ကြသည်။ ဖင်လန်နိုင်ငံ တောင်ပိုင်း ကန်ဂါဆာလာအရပ်ရှိ မူလတန်းကျောင်းက ကျောင်းသားများဖြစ်ကြပြီး ကျောင်းပြင်ပ သစ်တောထဲထွက်ကာ တစ်ရက်လျှင် ၂ နာရီမှ သုံးနာရီခန့် လေ့ကျင့်သင်ကြားကြရသည်။ သူတို့အားလုံး Sumino ကုမ္ပဏီမှ လန်စီကြာနှင့်ပူးပေါင်းပြီး လေ့ကျင့်နေကြခြင်းဖြစ်သည်။ ထိုကလေး ၄၃ ဦးကို Sumino သည် နောက်နှစ်တွင် တရုတ်နိုင်ငံသို့ လေ့လာရေးခရီးခေါ်သွားမည်။ 

ဖင်လန်နိုင်ငံ Vatiala Elementary School ကျောင်းမှ ကျောင်းသားများသည် အပတ်စဉ် တနင်္လာနေ့တိုင်း သစ်တောထဲထွက်ခြင်း၊ ပင်လယ်ကမ်းခြေကိုသွားခြင်း၊ ပန်းဥယျာဉ်များထဲသွားခြင်းတို့ကို ပြုလုပ်လေ့ရှိသည်။ သူတို့ကို ကျောင်းပြင်ပတွင် သင်္ချာ၊ ဘာသာစကားနှင့် ကာယလေ့ကျင့်ခန်းများကို ရအောင်သင်လာသည်မှာ ဖင်လန်ပညာရေး၏ အစိတ်အပိုင်းတစ်ခုဖြစ်သည်။ 

သူတို့က ကလေးများကို လှုပ်ရှားခြင်းမှ ပညာရရန် ကြံဆောင်ပေးနေခြင်းဖြစ်သည်။ ပညာရေးဆိုသည်မှာ စာသင်ခန်းအတွင်း ပိတ်လှောင်ထားရမည်ဆိုသည့် သဘောတရားကို သူတို့ လွန်ခဲ့သည့် ၂ နှစ်ခန့်ကတည်းက သိသာစွာ တော်လှန်နေခြင်းဖြစ်သည်။ တောထဲတွင် ပညာရှာခြင်းသဘောတရားကို သူတို့သည် စကော့တ်လန်မှ နည်းယူခဲ့ခြင်းဖြစ်သည်။ 

လန်စီကြာသည် ဖင်လန်နိုင်ငံတွင် လာဖွင့်ထားသော Sumino ကုမ္ပဏီ၏ CEO တစ်ဦးဖြစ်သည်။ ဖင်လန်နှင့် တရုတ်နိုင်ငံ နှစ်နိုင်ငံပညာရေး ပေါင်းကူးအတွက် စီစဉ်ဆောင်ရွက်ပေးနေသူဖြစ်သည်။ သူက ဖင်လန်နိုင်ငံမှ ကစားရင်းပညာသင်၊ ပြင်ပလေ့လာ မူကြိုနှင့် မူလတန်းပညာရေးစနစ်များကို တရုတ်နိုင်ငံအတွင်း သွပ်သွင်းရန် ကြိုးစားနေသူ တစ်ဦးလည်းဖြစ်သည်။ 

“တရုတ်မှာက ပညာရေးစနစ်ကို ပြုပြင်ပြောင်းလဲနိုင်အောင် ကြံဆောင်နေကြတာပါ။ အထူးသဖြင့်တော့ ဖင်လန်နိုင်ငံပညာရေးကို တရုတ်ဆီ ပို့ကုန်တစ်ခုအနေနဲ့ ပို့နိုင်အောင် ကြိုးစားနေပါတယ်။ ကျွန်မတို့ နှစ်နိုင်ငံအချိန်ကိုက် ထပ်တူပြုဖို့ဆိုတာ ဘာမှခက်ခဲတဲ့ ကိစ္စမဟုတ်ပါဘူး”ဟု လန်စီကြာက ပြောကြားသည်။

တရုတ်နိုင်ငံတွင် လက်ရှိလုပ်နေသည့် ပညာရေးစနစ်မှာ ပြိုင်ဆိုင်မှုကို ဦးစားပေးသည့် ပညာရေးစနစ်ဖြစ်သည်။ ပညာတတ်ရန် စာဖတ်ရမည်ဆိုခြင်းထက်၊ ကစားချိန်ကစားပြီး စာသင်ချိန်ကစားခြင်းက မည်မျှထိရောက်သနည်းဆိုခြင်းကို တရုတ်တို့ လေ့လာ သုတေသနပြုကြပေတာ့မည်။ အဘယ်ကြောင့်ဆိုသော် ဖင်လန်ပညာရေးက ကမ္ဘာ့နံပါတ်တစ်အဆင့် ဖြစ်နေသည်မဟုတ်ပါလား။ နံပါတ်တစ်ဖြစ်ချင်လျှင် နံပါတ်တစ်နည်းကို အတုယူသင့်ကြောင်း တရုတ်တို့ကောင်းစွာ သဘောပေါက်ထားကြပြီးဖြစ်သည်။ 

“ကျွန်မကတော့ တရုတ်ကလေးတွေကို ကလေးဘဝပျောက်ဆုံးနေတာ ပြန်ပြီးတော့ ဖော်ဆောင်ပေးချင်တယ်။ ကလေးတွေကို ကလေးပီပီ ပျော်ရွှင်စေချင်တယ်။ ခုဆိုရင် တရုတ်မှာကလည်း ဖင်လန်ပညာရေးကို အလေးထားပြီး တောင်းဆိုသူတွေများလာတယ်”ဟု သူက ဆိုသည်။ 

မေလကက ဖင်လန်နိုင်ငံတွင် ရာသီဥတုသာယာပြီး နေရောင်ခြည်ရသည်။ ကန်ဂါဆာလာကျောင်းမှ ကျောင်းသားများသည် သစ်တောထဲသွားကြသည်။ ပြီးခဲ့သည့်တစ်ပတ်က တောထဲတွင် သူတို့ ခြင်တွေအကိုက်ခံရသည်။ ထို့ကြောင့် ယခုတစ်ပတ် ကမ်းခြေကိုသွားရန် ပြင်ဆင်ထားကြသည်။ ကျောင်းမှ ခြေလျှင်လျှောက်လျှင် ၁၀ မိနစ်ခန့် သွားရသည့် ရေကန်ကြီးတစ်ကန်ဆီ သူတို့ လေ့လာရေးထွက်ခဲ့ကြသည်။ 

၈ နှစ်အရွယ် ကျောင်းသူလေးမီယာက “သမီးက တောထဲလမ်းလျှောက်ရတာ မကြိုက်ဘူး။ ခုတော့ ကမ်းခြေကို ခရီးထွက်လာတာ သိပ်ပျော်တာပဲ”ဟု ဆိုသည်။ သူတို့ တောစပ်တွင် နေ့တိုင်း မိနစ် ၂၀ မှ ၃၀ ခန့် ကစားကြရသည်။

ကလေးတွေကို ဆရာမက အုပ်စုသုံးစုခွဲထားလိုက်သည်။ သူတို့အဖွဲ့တွေ ကိန်းဂဏန်းတွေကို မည်မျှ မှတ်မိသနည်းဆိုခြင်းကို အပြိုင်ကစားနေကြသည်။ စကားပြောရင်း စာကြောင်း (Setence) တွေကို တည်ဆောက်ကြည့်ကြသည်။ သူတို့အတွက် လက်တွေ့ပစ္စည်းတွေက ပန်းကလေးတွေ၊ ကျောက်တုံးလေးတွေဖြစ်သည်။ ကျောက်သင်ပုန်းမရှိ။ စာအုပ်မလို။ သဘာဝကရသည့် ပစ္စည်းအားလုံးသည် သူတို့အတွက် သင်္ချာဆိုင်ရာ လေ့လာစရာ ပစ္စည်းများဖြစ်သည်။ လက်တွေ့ရသည့် ပစ္စည်းများနှင့် ပေါင်းသည်၊ နုတ်သည်၊ မြှောက်သည်၊ စားသည်။ သူတို့ သင်္ချာလေ့ကျင့်နေကြသည်။ 

“ကျွန်မကတော့ ကလေးတွေက သဘာဝကရတဲ့ ပစ္စည်းတွေနဲ့ သင်္ချာကို ရအောင်သင်နိုင်တဲ့ သူတို့အစွမ်းတွေကို အရမ်းချီးကျူးမိတယ်။ တကယ့်ပညာရေးပါပဲရှင်”ဟု လန်စီကြာက ထုတ်ဖော်ချီးကျူးနေသည်။ 

သူတို့သည် ကမ်းခြေနေရောင်ထဲမှာပင် သူတို့တွင်ပါလာသည့် ထမင်းဘူးလေးတွေကို အိတ်ထဲကထုတ်ပြီး စားနေကြသည်။ သူတို့ မြန်မြန်စားနေကြသည်။ သူတို့တွင် ကစားချိန်နည်းသွားမည်ကို စိုးရိမ်သောကြောင့်ဖြစ်သည်။ 

ဆရာမက ဝီစီကို မှုတ်လိုက်သည်။ ကလေးတွေ တန်းစီလိုက်ကြသည်။း ဆရာမက သူတို့ကို မည်သည့် အတွေ့အကြုံသစ်တွေပေးမည်ကို စိတ်ဝင်စားနေကြသည်။ 

ဖင်လန်တွင် ကျောင်းတိုင်းလိုလိုက ပြင်ပတွင် ပညာရှာနိုင်ရေး ပညာပေးနိုင်ရေးကို ဦးစားပေးလုပ်နေကြသည်။ သူတို့ ကလေးတွေကို ပန်းခြံများ၊ ပြတိုက်များထဲတွင်လည်းတွေ့ရသည်။ သူတို့စာသင်ခန်းထဲတွင် ရှိပါဦးမည်လားဟု ထင်ရသည်။ ရာသီဥတု ကောင်းသဖြင့် အားလုံးအပြင်ထွက်ပြီး သဘာဝထဲကပညာရှာသည်။ သဘာဝနှင့်အတူ ပျော်ရွှင်စွာနေထိုင်ကြသည်။ 

“ကလေးတွေကို စာသင်ခန်းထဲ လှောင်ပိတ်ထားတာထက် အပြင်မှာသင်ရတာ ပိုပြီးတော့ထိရောက်တယ်။ တရုတ်နိုင်ငံမှာလည်း သူတို့လိုသာယာတဲ့ သဘာပတ်ဝန်းကျင် ရာသီဥတုတွေရှိပါတယ်။ ဒါကြောင့် အပြင်ကိုထွက်ပြီး သူတို့လို မသင်နိုင်စရာ ဘာအကြောင်းမှမရှိဘူး”ဟု လန်စီက ပြောသည်။ 

လာမည့် ၂၀၁၉ ခုနှစ်တွင် Sumino ကျောင်းကို သူတို့ တရုတ်နိုင်ငံတွင် သွားဖွင့်ရန်ပြင်ဆင်နေပြီ။ ဖင်လန် ကလေးတွေကိုလည်း တရုတ်ရောက်အောင် လေ့လာရေးခေါ်ရန် စီစဉ်ထားသည်။ တရုတ်ဈေးကွက်အတွင်း ဖင်လန်ပညာရေးကို သူတို့ရောက်အောင်ပို့ရန် ကြိုးစားနေကြသည်။ ဖင်လန်ပညာရေးက ယခုဆိုလျှင် နိုင်ငံခြားပို့ကုန်တစ်ခုအဖြစ် ဂုဏ်တင့်နေသည်။ 

E-01
(Ref: China Global Times)