News

POST TYPE

EDUCATION

ဂျက်မာပြောသည့် ပညာရေး ပြုပြင်ပြောင်းလဲမှုအကြောင်း


တရုတ်နိုင်ငံမှ ထင်ရှားသည့် Alibaba Group  ကုမ္ပဏီကြီးကို ထူထောင်သူ ဂျက်မာက ပညာရေးနှင့်ပတ်သက်ပြီး စဉ်းစားဆင်ခြင်စရာ မီးမောင်းထိုးပြလိုက်မှုတစ်ခုကို ပြုလုပ်လိုက်ပါသည်။ သူက အနာဂတ် တရုတ်ပညာရေးကို AI (artificial intelligence) ခေတ်တစ်ခေတ်အနေနှင့် ကျောင်းသားကျောင်းသူများတွင် လက်နက်ကောင်းတစ်ခုသဖွယ် တပ်ဆင်ပေးရန် တရုတ်နိုင်ငံ တီယန်ကျင်းမြို့တွင် ကျင်းပနေသည့် ဒုတိယအကြိမ်မြောက် World Intelligence Congress ၌ တိုက်တွန်းပြောကြားသွားသည်။ 

WIC တွင် ဂျက်မာက “Frontiers: Intelligence Technology and Industrial Innovation in China” ဆိုသည့် ခေါင်းစဉ်ဖြင့် AI ၏ ဖွံ့ဖြိုးတိုးတက်လာမှုများကို ဝေဖန်ဆွေးနွေးသွားသည်။ အကယ်၍ အနာဂတ်တွင် AI နည်းပညာများ ဖွံ့ဖြိုးတိုးတက်လာပြီး စက်များကို လူများနေရာတွင် အစားထိုးအသုံးပြုလာမည်ဆိုပါက ကျောင်းသားများသည်လည်း ကျောင်းပြီးသွားလျှင် အလုပ်အကိုင်အခွင့်အရေးများ မသေချာနိုင်တော့ကြောင်း ထောက်ပြသည်။ ထို့ကြောင့် အစဉ်အလာပညာရေးလမ်းကြောင်းအတိုင်း လိုက်နေလျှင် အလုပ်လက်မဲ့ဘဝများကို ရင်ဆိုင်ရတော့မည်ဖြစ်ကြောင်း သူက ဆွေးနွေးတင်ပြသွားခြင်းဖြစ်သည်။

“လူသားတွေက စက်ရုပ်တွေရဲ့ မှတ်ဉာဏ်နဲ့ လုပ်ဆောင်နိုင်စွမ်းတွေကို မယှဉ်ပြိုင်နိုင်ရင် အနာဂတ်မှာ လူသားတွေအတွက် အခွင့်အလမ်းတွေဆိုတာ မရှိနိုင်ပါဘူး”ဟု ဂျက်မာက ဆိုသွားသည်။

ပညာရေးသည် အသိဉာဏ်ကို ချဲ့ထွင်ပြီး လုပ်ဆောင်နိုင်စွမ်းများကို ဦးစားပေးရမည့်အစား ရာစုနှစ်ပေါင်းများစွာ နောက်ကျနေပြီဖြစ်သော စနစ်တွင်သာ ဝဲလည်နေသည်။ စက်မှုခေတ်ပြောင်း တော်လှန်ရေးဆိုသည့် ခေတ်လောက်တွင် ပညာရေးသည် ကျန်ခဲ့ရန် မဟုတ်၊ ကျောင်းဆိုသည်မှာ ကလေးများကို ဖန်တီးလို စိတ်စွမ်းအားများ ဖွံ့ဖြိုးတိုးတက်လာစေရန် လုပ်ဆောင်ပေးနိုင်ရမည်။ ပညာရေးကို တရုတ်အမြင်နှင့်ရှုမြင်ရန် မဟုတ်၊ ပညာရေးကို ကမ္ဘာ့အမြင်ဖြင့်ရှုမြင်ရန် လိုလာသည်။ ထို့အပြင် ပညာရေးအတွက် တာဝန်ယူမှု တာဝန်ခံမှု သဘောတရားတွေလည်း လိုအပ်လာပြီဖြစ်ကြောင်း သူက ဆိုသည်။

တက္ကသိုလ်တွင် သင်ကြားနေသည့် ပညာရေးစနစ်က အလှမ်းကျယ်ပြီး အလယ်လပ်နေသည်။ ဖြစ်သင့်သည်မှာ အောက်ခြေနှင့် ကင်းကွာလွန်းသောကြောင့် မူကြို၊ မူလတန်း၊ အလယ်တန်း၊ အထက်တန်းအဆင့်များကို ပြန်ပြီးလေ့လာသုံးသပ်သင့်သည်။ သူတို့ ဘာတွေ သင်ကြားနေကြသနည်း၊ ဘယ်လို သင်ကြားနေကြသနည်း။ သူက အထက်ကို အဆင့်မြှင့်ချင်လျှင် အောက်ခြေနှင့်ဆက်စပ်ပြီး မြှင့်ရမည်ကို ဆိုလိုခြင်းဖြစ်သည်။ 

၁၉၈၀၊ ၁၉၉၀၊ ၂၀၀၀ ပြည့်နှစ်များတွင် မွေးဖွားသည့် မျိုးဆက်များသည် အင်တာနက်ခေတ်တွင် မွေးဖွားလာသည့် မျိုးဆက်များဟု ဆိုရမည်ဖြစ်သည်။ သူတို့သည် ခေတ်သစ်စနစ်ကို ထိုးဖောက်နိုင်သူများဖြစ်သည်။ ယခုနှစ်တွင် ကျင်းပနေသည့် ဒုတိယအကြိမ်မြောက် WIC တွင် ဦးတည်ရမည့်လမ်းကြောင်းကို ချမှတ်ပြီးသားဖြစ်သည်။ ယနေ့ခေတ်သည် အသိပညာခေတ်ဖြစ်သည်။ ထို့ကြောင့် လမ်းကြောင်းသစ်၊ ထိုးဖောက်မှုအသစ်၊ အားထုတ်မှုအသစ်နှင့်မရွေ့နိုင်လျှင် ပညာရေးတွင် နောက်ကျနေမည်သာဖြစ်သည်။ ပညာရေးကို ကယ်တင်နိုင်မည့် နည်းလမ်းမှာ AI နည်းပညာကလွဲပြီး အခြားကိစ္စမမြင်ကြောင်း ဂျက်မာကတော့ တရုတ်သွားရမည့် ပညာရေးလမ်းကြောင်းကို ထောက်ပြသွားသည်။ 

ဂျက်မာကို မေလ ၁၈ ရက်နေ့က ဟောင်ကောင်တက္ကသိုလ်တွင် ဂုဏ်ထူးဆောင် ဒေါက်တာဘွဲ့ ပေးအပ်ချီးမြှင့်ခဲ့သည်။ သူက ဘွဲ့ကိုလက်ခံသည့် အခမ်းအနားတွင် -

“တကယ့်စီးပွားရေးသမားဆိုတာ အခြားသူတွေရဲ့ လူမှုရေးပြဿနာတွေကိုလည်း ဖြေရှင်းပေးရင်း ငွေရှာတဲ့သူတွေပါ”ဟု ဆိုသည်။ သူဆိုလိုချင်သည်မှာ လူငယ်များကို အတ္တ၊ ပရမျှတစွာဖြင့် ငွေရှာကြရန်ဖြစ်သည်။ လူတိုင်းတွင် ပြဿနာရှိသည်။ လူငယ်တိုင်းတွင်လည်း ပြဿနာရှိသည်။ ထိုပြဿနာများကို ဖြေရှင်းနိုင်စွမ်းကို လူငယ်များအား မသင်ပေးလျှင် အနာဂတ်အတွက် အသင့်မဖြစ်ဟု ဆိုသည်။ ဆိုလိုသည် ပညာရေးသည် တွေးတတ်အောင်သင်၊ ရှင်းတတ်အောင် သင်ရန်ဖြစ်သည်။

ကမ္ဘာ့အနာဂတ်သည် နည်းပညာသစ်ကို ပုံဖော်ရမည့်ခေတ်ဖြစ်သည်။ လူသားတို့၏ နေ့စဉ်ဘဝများသည် စိန်ခေါ်ခြင်းကို ခံနေရသည်။ အထူးသဖြင့် ပညာရေးပါ စိန်ခေါ်ခံနေရသည်။ 

“ကျွန်တော်တို့ ကျောင်းသားတွေကို သင်နေတဲ့ နည်းတွေက လွန်ခဲ့တဲ့ နှစ်ပေါင်း ၂၀၀ လောက်က သင်နေတဲ့ နည်းအတိုင်းတွေပဲ ဖြစ်နေသေးတယ်။ အနာဂတ်မှာ ဖြစ်တည်လာမယ့် စက်တွေက အများကြီးကောင်းသွားပြီ။ တိုးတက်နေတဲ့ ခေတ်နဲ့လိုက်ပြီး မတီထွင်နိုင်ရင် မဖြစ်တော့ဘူး”

ပညာရေးတွင် စက်တွေကို လူတွေက ထိန်းချုပ်လုပ်ဆောင်ရန် မဟုတ်တော့။ စက်တွေက သူ့အလိုအလျောက် တီထွင်လုပ်ဆောင်နိုင်ရေးကို ဦးစားပေးလုပ်ဆောင်ရတော့မည်။ စက်မှုခေတ်ပြောင်း တော်လှန်ရေးကို ဆင်နွှဲစဉ်ကာလမှ စက်များနှင့် အနာဂတ်စက်တို့၏ အသွင်သဏ္ဌာန်ရော ပုံစံပါပြောင်းလဲနေပြီကို ဆရာများက သဘောပေါက်ထားရန်လိုသည်။ ကျောင်းသား ကျောင်းသူများကို ခိုင်းတာလုပ်ဟု ပြောရန်ခေတ် မဟုတ်။ လွတ်လပ်စွာဖြင့် ကိုယ်ဖန်တီးချင်သည့်အရာကို ဖန်တီးခွင့်ပေးရန်ဖြစ်သည်။ 

ဂျက်မာကိုယ်တိုင်ကလည်း ဟန်ကျိုး ဆရာအတတ်သင်ကျောင်းမှ အင်္ဂလိပ်ဘာသာစကား အဓိကဖြင့် ဘွဲ့ရခဲ့သူတစ်ဦးဖြစ်သည်။ သူသည် ယခုဆိုလျှင် ဂုဏ်ထူးဆောင်ဒေါက်တာဘွဲ့ နှစ်ကြိမ်ရရှိပြီးဖြစ်သည်။ ၂၀၁၃ ခုနှစ်ကလည်း သူ့ကို သိပ္ပံနှင့်နည်းပညာတက္ကသိုလ်က ဂုဏ်ထူးဆောင်ဒေါက်တာဘွဲ့ အပ်နှင်းခဲ့ပြီးဖြစ်သည်။ 

ဂျက်မာကိုယ်တိုင်ထူထောင်ခဲ့သော Alibaba Group သည် ယခုအခါ ကမ္ဘာ့အကြီးဆုံး e-Commerce လုပ်ငန်းစုကြီးတစ်ခုအဖြစ် ဝင့်ထည်နိုင်ခဲ့ပြီဖြစ်သည်။ သူသည် တရုတ်နိုင်ငံ စီးပွားရေးနှင့်လူမှုရေးကို များစွာ အကျိုးပြုနေသူတစ်ဦးဖြစ်သလို ပညာရေးကိုလည်း အားပေးနေသူဖြစ်သည်။ ယခင်ကလည်း သူက ကျေးလက်နေကလေးများ ပညာရေးဖွံ့ဖြိုးတိုးတက်စေရန် ကျေးလက်တိုင်းတွင် ကျောင်းအိပ်ကျောင်းစားထားပြီး ပညာသင်ပေးရန် တိုက်တွန်းခဲ့ဖူးသည်။ ယခုတော့ သူက တရုတ်ပညာရေးကို ခေါင်းဆောင်များ ချမှတ်ထားသည့် လမ်းစဉ်အတိုင်း AI ဖြင့် ဖွံ့ဖြိုးတိုးတက်မှုကို ခုန်ပျံကျော်ကူးရန် တိုက်တွန်းနေသည်။ စီးပွားရေး၊ လူမှုရေး၊ ပညာရေး အမြင်ထက်သန်သူတစ်ဦးအနေနှင့် သူကလည်း တရုတ်အနာဂတ်ကို AI ပညာရေးဖြင့် စိတ်ကူးပုံဖော်ကြည့်နေသူဟု ဆိုရမည်။ 

E-01 
(Ref: South China Morning Post, China.org)