News

POST TYPE

EDUCATION

အဆင့်က အရေးကြီးသလား
28-Apr-2018



ကျောင်းများတွင် အဆင့် (Grade) ပေးခြင်းသည် အရေးကြီးသလား။ နှစ်ပေါင်းများစွာ ထုတ်ခဲ့ကြသော မေးခွန်းဖြစ်သည်။ အဆင့် (Grade) လိုအပ်သလား။

ကျောင်းသားတစ်ဦး၏ အောင်/ရှုံး နောက်တွင် A, B, C, D စသည့် အက္ခရာလေးတစ်လုံးကို တပ်ပေးလိုက်ခြင်းက သူ၏တတ်မြောက်မှုနှင့် ကျွမ်းကျင်မှုအားလုံးကို အမှန်တကယ်လွှမ်းခြုံ အကဲဖြတ်နိုင်မည်လား မေးခွန်းများ ထုတ်ခဲ့ကြသည်။

ကျောင်းသင်ပညာရေးစနစ်တွင် စာမေးပွဲဆိုသည့် စနစ်များကို လုပ်ဆောင်ပြီးနောက် အဆင့် (Grade) ကို ထည့်ကြသည်မှာ အစဉ်အလာလိုဖြစ်နေသည်။ A ဆိုသည့် အဆင့်ကိုရလျှင် တော်သည်၊ ကောင်းသည်၊ သူ့အတွက် အနာဂတ်အလားအလာ ကောင်းသည်ဟုလည်း သတ်မှတ်ကြသည်။ သို့သော် တစ်ခုပြောချင်သည်။ စတိဂျော့ဆိုသည့် ပုဂ္ဂိုလ်ကို သိကြမည်ထင်သည်။ ကမ္ဘာကျော် Apple ဆိုသည့် ကုမ္ပဏီကြီးကို ထူထောင်ခဲ့သူဖြစ်ပြီး ယခုသုံးနေကြသည့် Mac ကွန်ပျူတာများနှင့် iPhone တို့ကို ရှေးဦး တီထွင်ခဲ့သူလည်းဖြစ်သည်။ သူသည် ကောလိပ်မတက်ခဲ့ရ။ သူ၏ တီထွင်မှုများကို အထောက်အကူဖြစ်စေမည့် မည်သည့်သင်တန်းမှလည်း တက်ခဲ့သူမဟုတ်။ သို့သော် သူ၏ တီထွင်မှုများကြောင့် ဘီလီယံကြွယ်သူဌေးကြီး ဖြစ်ခဲ့ရသည်။ ရှေးကလည်း ကျောင်းမနေခဲ့ရသည့် သောမတ်အယ်ဒီဆင်ဆိုသူက ပစ္စည်းအမျိုးအစားပေါင်း ထောင်ကျော်တီထွင်ကာ ကမ္ဘာကျော်ဖြစ်ခဲ့ဖူးသည်နှင့် နှိုင်းယှဉ်ကြည့်နိုင်သည်။

ယနေ့ခေတ် မိဘများ ကျောင်းလွှတ်နေခြင်းမှာ A ဆိုသည့် အဆင့်ကိုရရန်ဖြစ်ပြီး A ပိုင်ရှင်များကို အလုပ်ကောင်း နေရာကောင်း၊ ရာထူးကောင်း ပေးနေခြင်းများကလည်း စဉ်းစားစရာဖြစ်သည်။ B သည် A လောက် မတော်၊ C နှင့် D သည် A နှင့် B လောက် မတော်ဆိုသည့် သတ်မှတ်ချက်များဖြင့် ကလေးများ၏ ဘဝကို ပြဋ္ဌာန်းခဲ့ကြသည်မှာ တရားပါသလား။

Grade ဆိုသည်က ကလေးတစ်ဦး၏ ဘဝကို သင်ယူမှုဖြစ်စဉ်တွင် မည်မျှ စိတ်ဒုက္ခပေးကြောင်း တွေးမိဖို့ကောင်းသည်။ မိဘတိုင်းကလည်း ကျောင်းတွေက သတ်မှတ်ပေးလိုက်သည့် Grade ကိုကြည့်ပြီး ကိုယ့်သားသမီးကို အရသာခံစရာဟု သတ်မှတ်နေခြင်းကလည်း မှားနေသည်။ Grade ဆိုသည်မှာ ကျောင်းသားတစ်ဦး၏ အရည်အချင်းအစစ်အမှန်ဟု မည်သူက ပြောသနည်း။ Grade သတ်မှတ်သူတွေက ဘာကိုကြည့်ပြီး သတ်မှတ်သနည်း။ Grade သတ်မှတ်သူများတွင် Grade သတ်မှတ်နိုင်သည့် အရည်အချင်းတွေ အမှန်တကယ် ရှိပါသလား မိဘတွေသာမက ဝေဖန်ဆန်းစစ်သူတွေကပါ မေးခွန်းထုတ်လာကြသည်။

Grade သတ်မှတ်ခြင်းတွင် ကောင်းကျိုး ဆိုးပြစ် နှစ်ခု ရောထွေးနေကြောင်း သိထားသင့်ပါသည်။

- ပြိုင်ဆိုင်မှုက အားကောင်းစေသည်ဆိုသော သဘောတရားသည် မှန်သင့်သလောက်မှန်ပါသည်။ သို့သော် ကလေးများကို တော်သူနှင့် ညံ့သူဆိုပြီး နှိုင်းယှဉ်ခွဲခြားလိုက်ခြင်းက ဖိအားတစ်ခုကို ဖြစ်စေနိုင်ပါသည်။ ပြိုင်ဆိုင်မှုကို ကလေးတွေကြားထဲတွင် ထည့်ပေးထားလိုက်ခြင်းမှာ စွမ်းအားကို ပိုပြီး မြှင့်တင်ရာ မရောက်နိုင်ပါ။ ဥပမာ တစ်ခုပြောပါမည်။ အမှတ် ၉၃ မှတ်ရသူနှင့် အမှတ် ၉၈ မှတ်ရသူ နှစ်ဦးကိုကြည့်လိုက်လျှင် သူတို့နှစ်ဦး၏ အရည်အချင်းမှာ ကွာခြားမှုသိပ်မရှိကြောင်း တွေ့နိုင်သည်။ သို့သော် အမှတ်များလေကောင်းလေ၊ အမှတ်ကသာ အရာရာကို အဆုံးအဖြတ်ပေးသည်ဟု သတ်မှတ်ထားလိုက်လျှင် ဘာမဟုတ်သည့် ကွာခြားချက်မှာ ကလေးနှစ်ဦးကြားတွင် အများကြီး ခြားနားမှုတစ်ခု ဖြစ်သွားနိုင်ပါသည်။

- Grade စနစ်သည် စိတ်ဖိစီးမှုကို မဖြစ်စေရန် တီထွင်ခဲ့သည်ဟု ဆိုကြသည်။ အမှတ်တွေကို လျှို့ဝှက်ထားပြီး အဆင့်ဖြင့် စိတ်ဓာတ်မကျစေရန် ဖုံးကွယ်ပေးထားကာ နောက်ဆုံးစာမေးပွဲ၌ ကျနေလျှင် အဆင့်ဖြင့်ရှောင်လွှဲပြီး ကုစားပေးရန်သဘောဖြင့် လုပ်ဆောင်နေကြသည်များလည်း ရှိပါသည်။ ထိုသဘောတရားကိုပင် မှန်ကန်သောလုပ်ရပ်လားဟု ပြန်လည်စဉ်းစားရန်လိုပါသည်။

- အဆင့်ကို တပ်လိုက်ခြင်းမှာ စာလုံးလေး တစ်ခုခုကို ကိုယ်စားပြုပေးလိုက်ရုံ သက်သက် မဟုတ်ပါ။ စိတ်ပညာသဘောတရားအရကြည့်လျှင် ထိုစာလုံးလေးများ (A, B, C, D) တို့သည် စိတ်အနှောင့်အယှက် အတော်လေးဖြစ်စေနိုင်ပါသည်။ အဆင့်နိမ့်သူက အဆင့်မြင့်လာအောင် ကြိုးစားလာရေးအတွက် Grade ကို သတ်မှတ်သည်ဟုပြောတိုင်း D ဖြစ်သူက မည်မျှ A ဖြစ်လာကြသနည်းဆိုသည့် အဆင့်တက်နှုန်းကို တိုင်းတာကြည့်ပြီးမှ ပြောရန် သတိပြုစေလိုပါသည်။ ကျရှုံးနေသူများသည် ဆက်တိုက်ကျရှုံးနေလျှင် မည်သို့ ကုစားမည်နည်းဆိုသည့် အဖြေမရှိဘဲ စံမမီသူကို ဆက်တိုက် D ပေးနေရသည့် စနစ်ဖြင့်လည်း ရည်မှန်းချက် ပေါက်မြောက်နိုင်မည် မဟုတ်ပါ။ Grade ဆိုသည်မှာ ကျောင်းတက်နေသည့် ကာလတစ်ခုအတွင်း သတ်မှတ်ချက်တစ်ခု ဖြစ်ကောင်းဖြစ်နိုင်ပါသည်။ သို့သော် ဘဝအတွက် သတ်မှတ်ချက်တစ်ခု မဖြစ်လိုက်သင့်ပါ။

- Grade သတ်မှတ်ချက်ဆိုသည်မှာ ကျောင်းသားတစ်ဦးကို စစ်ဆေးထားသည့် အဖြေလွှာပေါ်ရှိ ရမှတ်များပေါ်တွင် အခြေခံပြီး သတ်မှတ်နေကြခြင်းဖြစ်သည်။ အမှတ်များကို မည်သူက သတ်မှတ်နေကြသနည်း။ ဆရာဆိုသည်က သတ်မှတ်နေကြသည်။ သူတို့ကိုယ်တိုင်က သူတို့သင်နေသည့် တပည့်များကို ပြန်ပြီးစစ်ဆေးနေကြရာ၌ အဆင့်မမီသဖြင့် အမှတ်မပေးဟု ဆိုလိုက်လျှင် တာဝန်ခံမှု တာဝန်ယူမှုဆိုသည့် သဘောတရားများ ပျောက်ကွယ်သွားပြီလား။

- အမှတ်ကို အမှတ်ပေးစည်းမျဉ်းအတိုင်းပေးသည်ဟု ဆင်ခြေပေးနိုင်ပါသည်။ အမှတ်ပေးစည်းမျဉ်းဆိုသည်မှာ သတ်မှတ်ထားသည့်စာများကို အလွတ်ကျက်၊ အတိအကျဖြေထားသည့်အပေါ် အမှတ်ပေးပြီး Grade သတ်မှတ်ခြင်းက တရားပါသလား။ မိမိတို့ စိတ်ထဲတွင် ထင်မြင်သလို ဆန်းစစ်ဝေဖန်တီထွင် ရေးသားသည့် တပည့်များတွင် အခွင့်အရေးမရှိတော့ပြီလော။

- ကျောင်းသားများကို လွတ်လပ်စွာ ဖန်တီးပိုင်ခွင့်များ၊ လုပ်ပိုင်ခွင့်များ ပေးကြည့်ဖူးပါသလား။ အောက်ဆီဂျင်ထုတ်ဖော်ပုံကို အလွတ်ကျက်ပြီး အတိအကျရေးထားသည့် အဖြေလွှာထဲကစာကို Grade A ဟု သတ်မှတ်လိုက်ခြင်းနှင့် လက်တွေ့မပါသည့် သဘောတရားကို နားမလည်သဖြင့် ဘာမှမရေးလိုက်သည့် ကျောင်းသားတစ်ဦးကို D ဆိုကာ သတ်မှတ်လိုက်ခြင်းက ဆရာတစ်ယောက်အဖို့ လိပ်ပြာသန့်နိုင်ပါ့မလားဟု Grade စနစ်တွင် စဉ်းစားစရာများ ဖြစ်လာပါသည်။ 

E-01
(Ref: Are Grades Important In School?)


  • VIA