News

POST TYPE

EDUCATION

စစ်ပြန်များပေးအပ်သည့် အမျိုးသားဆရာဆု


အမေရိကန်ပြည်ထောင်စုတွင် စစ်ပြန်များအဖွဲ့ VFW (Veterans of Foreign Wars) က နှစ်စဉ်အမျိုးသားဆရာဆု (National Teacher of the Year) ကို ပေးအပ်ချီးမြှင့်လေ့ရှိပါသည်။ ယခုနှစ် အမျိုးသားဆရာဆုကို ဇန်နဝါရီလ ၂၉ ရက်နေ့က ပေးအပ်ချီးမြှင့်ခဲ့ရာ ဆာရာဂစ်ဆန်ဆိုသည့် ဆရာမတစ်ဦးက ရရှိသွားခဲ့သည်။

ဆရာမ ဆာရာကိုယ်တိုင်က မိမိကို ဆုချီးမြှင့်ကြောင်း ကြားလိုက်ရချိန်တွင် မယုံနိုင်လောက်အောင် ဖြစ်သွားခဲ့ရသည်ဟု ဆိုသည်။ 

သူ့ထံသို့ အီးမေးလ်တွေရောက်လာပြီး ဂုဏ်ပြုချီးကျူးကြ၊ လုပ်ဖော်ကိုင်ဖက် စစ်ပြန်ကြီးတစ်ဦး၏ သမီးဖြစ်သူ ဆရာမဂျိမ်းစ်ပစ် ကိုယ်တိုင်လာပြောမှ သူ့ကိုယ်သူ ဤဆုကို ရနေမှန်း ယုံကြည်လိုက်သည်။

ဂစ်ဆန်သည် ကာရိုလိုင်း အလယ်တန်းကျောင်းတွင် သမိုင်းဘာသာရပ်သင်သည့် အလယ်တန်းပြ ဆရာမတစ်ဦး ဖြစ်သည်။ VFW ဆုအတွက် သူ့ကို ပြည်နယ်ဒေသအဆင့်သာမက နိုင်ငံတော်အဆင့်အထိ အသိအမှတ်ပြုထားခြင်းဖြစ်သည်။ VFW ဆုသည် နိုင်ငံသားဆိုင်ရာ သမိုင်းပညာရေးကို ကျောင်းသင်ခန်းများအတွင်း ထည့်သွင်းသင်ကြားရာ၌ ဆရာတစ်ဦးသည် မည်သည့် အတိုင်းအတာအထိ ထည့်သွင်းသင်ကြား စွမ်းဆောင်နိုင်သနည်းဆိုသည့် အပေါ်တွင် အကဲဖြတ်ကာ ဆုကိုချီးမြှင့်ခြင်းဖြစ်သည်။ 

ဗီယက်နမ်စစ်ပြန်ကြီးတစ်ဦးဖြစ်သူ ဂျိမ်းစ်ပစ်သည် ကာရိုလိုင်းတွင် နေထိုင်သူတစ်ဦးဖြစ်ပြီး ဆရာမဂစ်ဆန် ကိုယ်တိုင် ဗီယက်နမ်စစ်ပွဲအကြောင်း အတန်းတွင်း၌ သင်ကြားနေပုံကို သွားရောက်လေ့လာဖူးသည်။ သူသည် ဤဒေသတွင် အရေးပါသည့် စစ်ပြန်ကြီးတစ်ဦးဖြစ်သောကြောင့် ဆရာမ၏ သမိုင်းသင်ကြားပုံကို သဘောကျပြီး ထောက်ခံပေးလိုက်သဖြင့် ဒေသအဆင့်တွင် ရွေးချယ်ခံလိုက်ရခြင်းဖြစ်သည်။ ပစ်က

“သူ ကျောင်းသားတွေကို သမိုင်းသင်နေပုံက အံ့အားသင့်စရာကောင်းတယ်။ ဒါကြောင့်လည်း သူ့ကို တစ်ခုခုတော့ အသိအမှတ်ပြုသင့်တယ်လို့ယူဆပြီး တင်ပေးလိုက်တာ”ဟု မှတ်ချက်ပြုသည်။

ဂစ်ဆန်တစ်ယောက် အသင်အပြကောင်းမှုကြောင့် VFW အဖွဲ့က ပေးအပ်သည့် ဒေါ်လာ ၁၀၀၀ ကို ချီးမြှင့်ခံရမည့်အပြင်၊ သူတာဝန်ထမ်းဆောင်နေသော ကာရိုလိုင်း အလယ်တန်းကျောင်းကလည်း ဒေါ်လာ ၁၀၀၀ ဆုအဖြစ် သီးခြားရရှိဦးမည်ဖြစ်သည်။ 

ဂစ်ဆန်သည် ဤကျောင်းတွင် စာသင်နေသည်မှာ ၇ နှစ်ခန့် ရှိနေပြီဖြစ်သည်။ သူက ၇ တန်းအဆင့်ကို အမေရိကန်သမိုင်းသင်သည်။ ထိုသမိုင်းပြဋ္ဌာန်းချက်က ၁၈၆၅ ခုနှစ်ကတည်းက သမိုင်းကြောင်းများကို စတင်သင်ကြားရခြင်းဖြစ်သည်။

အမေရိကန်ပြည်ထောင်စုသည် ပထမကမ္ဘာစစ်၊ ဒုတိယကမ္ဘာစစ်၊ ကိုရီးယားစစ်၊ ဗီယက်နမ်စစ်၊ အီရတ်နှင့် အာဖဂန်စစ်ပွဲများတွင် ပြဿနာပေါင်းများစွာနှင့် ပါဝင်ပတ်သက်ခဲ့ရသည့် နိုင်ငံတစ်နိုင်ငံဖြစ်သည်။ သူတို့သမိုင်းတွင် သင်ကြားနေရသည့် အကြောင်းအရာများသည် စစ်ပွဲများနှင့် ပတ်သက်နေသည်။ ထို့ကြောင့် ဂစ်ဆန်ကလည်း ကျောင်းသားများကို သမိုင်းအကြောင်း ရှင်းပြရန်အတွက် စစ်ပြန်များကို ဖိတ်ခေါ်ပြီး သူတို့၏ အမြင်များကို ကျောင်းသားများနှင့် တွေ့ဆုံပေးပြီး ရှင်းလင်းသင်ကြားသည့် စနစ်ကို ကျင့်သုံးတတ်သည်။ စစ်ပြန်များ၏ အမြင်အတွေးက ကျောင်းသားများကို သမိုင်းအား ပိုပြီးစိတ်ဝင်စားစေသည်။

ထို့ပြင် ဂစ်ဆန်သည် ကျောင်းသားများနှင့် စစ်သမိုင်းပြတိုက်များကိုလည်း လေ့လာရေးခရီး ထွက်တတ်သည်။ ထိုသို့ထွက်လျှင်လည်း စစ်ပြန်များကို ဖိတ်ခေါ်သွားပြီး ရှင်းပြစေသည်။ လက်နက်များအကြောင်းကို သူ့ထက် စစ်ပြန်များက ကျောင်းသားတွေကို ပိုပြီး စိတ်ဝင်စားအောင် ရှင်းပြနိုင်သည်။ 

စစ်ပြန်များနှင့် ကလေးများကို တွေ့ဆုံခွင့်ရစေရန် ဖန်တီးပေးလိုက်ခြင်းက ပိုပြီး သမိုင်းရေးကို ဆန်းကြယ်သွားစေသည်။ စစ်ပြန်တွေက ကလေးတွေနှင့်ရောနှောပြီး သူတို့အတိတ်များကို ပြန်ပြောင်းပြောနေခြင်းကပင် ဂစ်ဆန်၏ သင်ကြားမှုတစ်ခုဖြစ်နေခဲ့သည်။ ၂၀၁၃ ခုနှစ်တွင် ဂစ်ဆန်သည် ရုသ်ဂျပ်ဆိုသူ ဆရာနှင့်ပူးပေါင်းပြီး ကျောင်းတွင် ကာရိုလိုင်း သမိုင်းကလပ်ကို တည်ထောင်ခဲ့သည်။ 

သူတို့၏ ပထမဆုံးပရောဂျက်အဖြစ် ကိုရီးယားစစ်ပွဲများအကြောင်းကို လုပ်ကြသည်။ သူတို့ ကိုရီးယားစစ်ပွဲပုံစံ သရုပ်ဖော်ပုံတွေကို တီထွင်ပြီး ပုံစံငယ်များ ဖော်ထုတ်ပြနိုင်ခဲ့ကြသည်။ ကျောင်းဥယျာဉ်ထဲတွင် ကိုရီးယားစစ်ပွဲအသွင်တူကို ၂၀၁၃ ခုနှစ် ဇူလိုင် ၂၇ ရက်နေ့တွင် ပြသနိုင်ခဲ့သည်။ သမိုင်းဖြစ်စဉ်ကို အားလုံးစိတ်ဝင်စားစေရန် လုပ်ဆောင်နိုင်ခဲ့ခြင်းဖြစ်သည်။

သူတို့ဆက်ပြီး ဒုတိယကမ္ဘာစစ်အကြောင်း၊ နာဇီတို့အကြောင်း၊ ဂျူးတို့နှိပ်စက်ခံရပုံများ အကြောင်းတွေကိုလည်း ပုံစံတူများလုပ်ရန် ပရောဂျက်တွေ စီစဉ်နေကြသည်။ ကလေးတွေနှင့် သူတို့ဆွေးနွေးပြီး အကောင်အထည်ဖော်ကြပေလိမ့်မည်။

သမိုင်းဆိုသည်မှာ စာအုပ်ထဲတွင် ရှိနေသည်မှာ နှစ်ပေါင်းများစွာကြာခဲ့ပြီ။ သမိုင်းကို လူတို့စိတ်ဝင်စားလာစေရန် နည်းအမျိုးမျိုးနှင့် အားထုတ်ခဲ့သည့် ဆရာမဂစ်ဆန်သည် VFW ဆုမက ချီးမြှင့်ရန် ထိုက်တန်သူတစ်ဦး ဖြစ်ပါသည်။ 

E-01 
(Ref: Fredericksburg)