News

POST TYPE

EDUCATION

အသက်မွေးပညာသင်ကျောင်းများ

မွေးပညာသင်ကျောင်း (Vocational Education) များကို ကုန်သွယ်မှု၊ လက်မှုပညာ၊ နည်းပညာသင်ခြင်းများကို ပြုလုပ်ပေးရန်အတွက် ဖွင့်လှစ်ကြပါသည်။ အသက်မွေးပညာသင်ကျောင်းများကို Career Education သို့မဟုတ် Technical Education ပညာသင်ကျောင်းများအဖြစ်လည်း အချို့နိုင်ငံများတွင် ဖွင့်လှစ်လေ့ရှိသည်။ 

အသက်မွေးပညာသင်ကျောင်းဆိုသည်မှာ ကျောင်းစာချည်းသက်သက် သင်ကြားသည့် ကျောင်းမျိုးမဟုတ်ဘဲ အသက်မွေးမှုတစ်ခုခုပညာဖြင့် ဘဝရပ်တည်မှုအတွက် အတတ်ပညာတစ်ခုကို သင်ကြားပေးရန် ရည်ရွယ်ဖွင့်လှစ်ကြခြင်းဖြစ်သည်။

အသက်မွေးပညာသင်ကျောင်းများကို များသောအားဖြင့် အလယ်တန်းအဆင့် ကျောင်းပညာသင်ပြီးလျှင် ပေါင်းကူးအနေနှင့် ဆက်တက်နိုင်စေရန် စီစဉ်ပေးလေ့ရှိသည်။ ဆက်တက်သည့်အတန်းများကို အထက်တန်းအဆင့်အဖြစ် သတ်မှတ်ပေးလေ့ရှိသည်။ အထက်တန်းအဆင့် ၂ နှစ်ခန့်တက်ပြီးလျှင် အလုပ်သင်အဖြစ် လုပ်ငန်းခွင်များနှင့် တိုက်ရိုက်ချိတ်ဆက်ပေးနိုင်ခြင်းကြောင့် အကျိုးများစေသည့် ပညာသင်ကြားရေးစနစ်တစ်ခုလည်း ဖြစ်သည်။ 

အသက်မွေးပညာသင်ကျောင်းများ၏ အထက်တန်းအဆင့် လွန်မြောက်လျှင် Post-secondary အဆင့်အနေနှင့် သတ်မှတ်ပြီး ကောလိပ် သို့မဟုတ် တက္ကသိုလ်အဆင့် အသက်မွေးပညာသင်ကျောင်းများကိုလည်း တိုးမြှင့်တက်ရောက်ပညာသင်ယူနိုင်စေရန် စီစဉ်ပေးပြီး ဘွဲ့တစ်ခုခု သတ်မှတ်ပေးပါသည်။ ဥပမာ Polytechnic Institutes များနှင့် နည်းပညာကောလိပ်၊ တက္ကသိုလ်များဖြစ်သည်။

ဖင်လန်နိုင်ငံ အသက်မွေးပညာသင်ကြားရေးကို အထက်တန်းအဆင့်တွင် သင်ယူနိုင်ရန် သတ်မှတ်ပေးထားသည်။ ၉ တန်းအဆင့် ရောက်ပြီးလျှင် ကျောင်းသားများကို ရွေးချယ်ခွင့်တစ်ခုပေးထားသည်။ Lukio ဟုခေါ်သည့် အထက်တန်းနောက်တစ်ဆင့်ကို ဆက်တက်မည်လော၊ အသက်မွေးပညာလိုင်းကို ပြောင်းမည်လောဟု ရွေးချယ်ခွင့်ပေးထားသည်။

Lukio သည် တက္ကသိုလ်ပညာရေးအထိ ဆက်သွားနိုင်သော လမ်းကြောင်းတစ်ခုဖြစ်သည်။ ၉ တန်းအဆင့်ပြီးလျှင် နှစ်လိုင်းစလုံးသည် ၃ နှစ်ဆက်တက်ရသည့် ပညာရေးလမ်းကြောင်းများဖြစ်သည်။ Lukio လိုင်းကို ၃ နှစ် တက်ပြီးလျှင် တက္ကသိုလ်ဆက်တက်ခွင့် ရှိသကဲ့သို့ အသက်မွေးပညာသင်လိုင်း လိုက်သူများကလည်း ၃ နှစ်ပြီးလျှင် Finnish Polytechnics ကျောင်းကို ဆက်တက်ခွင့်ရှိသည်။ အသက်မွေးပညာသင်လိုင်းမှ ဆင်းသူများအနေနှင့် ရဲတပ်ဖွဲ့သင်တန်းကျောင်း၊ လေကြောင်းထိန်းသိမ်းရေး သင်တန်းကျောင်းများသို့လည်း ဆက်တက်နိုင်ခွင့် ပေးထားသည်။ 

ဖင်လန်နိုင်ငံတွင် အသက်မွေးပညာသင်ကျောင်းလိုင်းကို ရွေးချယ်သည့်ကျောင်းသားများကို အခမဲ့ ပညာသင်ကြားခွင့် ပေးထားသည်။ ဝင်ငွေနည်းသည့် မိသားစုမှ သားသမီးများဆိုလျှင် နိုင်ငံတော်ထောက်ပံ့ကြေးကို လျှောက်ထားနိုင်သည်။ အသက်မွေးပညာသင်ကျောင်းများကို ဒေသဆိုင်ရာ မြူနီစီပယ်များက ထောက်ပံ့ပေးထားသည်။ 

အသက်မွေးမှု ပညာသင်ကျောင်းများသည် ဩစတြီးယား၊ ဂျာမနီ၊ လင့်ခ်ျတင်စတိုင်းနှင့် ဘယ်လ်ဂျီယံနိုင်ငံတို့တွင်လည်း အထူးဦးစားပေးသင်ကြားသည့် ပညာရပ်များဖြစ်ကြောင်း တွေ့ရသည်။ ဆွစ်ဇာလန်နိုင်ငံကလည်း ဂျာမနီနိုင်ငံမှ ပုံစံကိုယူပြီး အသက်မွေးမှုပညာများကို သင်ကြားပေးလျက်ရှိသည်။ 

ဂျာမနီနိုင်ငံတွင် ၁၉၆၉ ခုနှစ်ကတည်းက အသက်မွေးပညာသင်ကျောင်းများနှင့် ပတ်သက်ပြီး ဥပဒေတစ်ခုကို ပြဋ္ဌာန်းပေးထားသည်။ နိုင်ငံတော်အနေနှင့် အသက်မွေးမှု ပညာသင်ကျောင်းများကို အပြည့်အဝ အထောက်အပံ့ပေးရန်လည်း ညွှန်ကြားထားသည်။ ၂၀၀၁ ခုနှစ်ကတည်းက ဂျာမနီနိုင်ငံတွင် အသက်မွေး ပညာသင်ကျောင်းများသည် ခေတ်စားလာသည်။ အသက် ၂၂ နှစ်အောက် လူငယ် သုံးပုံနှစ်ပုံခန့်သည် အလုပ်သင်များအဖြစ် လုပ်ငန်းခွင်ကို တိုက်ရိုက်ဝင်ရောက် လုပ်ကိုင်ခွင့်များ ရရှိခဲ့ကြသည်။ အလုပ်သင်အဖြစ် လုပ်ကိုင်သော လူငယ် ၇၈ ရာခိုင်နှုန်းမှာ ကျောင်းပြီးသည်အထိ ပညာကို ဆက်လက်သင်ကြားသွားကြောင်း တွေ့ရသည်။

၂၀၀၄ ခုနှစ်တွင် ဂျာမန်အစိုးရက စက်မှုလုပ်ငန်း သမဂ္ဂနှင့် လက်မှတ်ရေးထိုးပြီး အထက်တန်းအဆင့် အောင်မြင်ပြီးသော အသက်မွေးပညာသင်ကျောင်းဆင်း လူငယ်များကို အလုပ်ပေးရန် စီစဉ်နိုင်ခဲ့သည်။ ဂျာမန်စကားပြောနိုင်ငံများတွင် ကျင့်သုံးနေသည့် အသက်မွေးပညာသင်ကျောင်းစနစ်များမှာ အားလုံးဆင်တူကြသည်။ နိုင်ငံအတွင်း အသက်မွေးပညာသင်ကျောင်းဆင်းများကို မည်သည့်လုပ်ငန်းကမဆို အသိအမှတ်ပြုသောကြောင့်လည်း အသက်မွေးပညာကို အထင်ကြီးစွာဖြင့် တက်ရောက်သင်ကြားကြသည်။

ဟန်ဂေရီနိုင်ငံတွင် အလယ်တန်းအဆင့် ကျောင်းပြီးပါက အသက် ၁၄ နှစ်ပြည့်လျှင် အသက်မွေးမှုပညာသင် လမ်းကြောင်းသုံးခုကို လိုက်နိုင်သည်။ အထက်တန်းပညာအဖြစ် အသက်မွေးမှု ပညာသင်ကြားမှု လမ်းကြောင်းကို လိုက်နိုင်သည်။ လမ်းကြောင်းတစ်ခုမှာ အားကစားပညာသင်ကျောင်းဖြစ်သည်။ အားကစားဝါသနာပါသူများကို အထက်တန်းအဆင့်နှင့်ညီသည့် ပညာလည်းသင်ပေးပြီး အားကစားနည်းစနစ်များကိုပါ သင်ကြားပေးသည်။ အခြားလမ်းကြောင်းနှစ်ခုမှာ အသက်မွေးပညာသင်ကျောင်းများဖြစ်သည်။ အသက်မွေးပညာသင်ကျောင်းများကို ယေဘုယျအားဖြင့် ၂ နှစ်သာ သတ်မှတ်ထားသော်လည်း၊ အထက်တန်းအဆင့်လွန် ကောလိပ်အဆင့်အထိ လေးနှစ်သင်တန်းများလည်းရှိပြီး ဘွဲ့ပေးသည်။ လေးနှစ်ပြီးလျှင် လုပ်ငန်းခွင်နှင့်ချိတ်ဆက်ထားသည့် အစီအစဉ်များရှိသည်။ 

ဂျပန်နိုင်ငံ၏ အသက်မွေးပညာသင်ကျောင်းများကို အထက်တန်းအဆင့် ပညာသင်ကြားရေး၏ အစိတ်အပိုင်းတစ်ခုအနေနှင့် သတ်မှတ်ထားသည်။ အထက်တန်းအဆင့် ပညာသင်ပြီးလျှင် အသက်မွေးပညာသင်ကျောင်းများသို့ ဆက်တက်ခွင့်ရှိသည်။ သင်တန်းကာလမှာ ၂ နှစ်ဖြစ်ပြီး ကွန်ပျူတာနည်းပညာ၊ ဖက်ရှင်နှင့် အင်္ဂလိပ်စာများကို အထူးပြုသင်ကြားပေးသည်။

E-01