News

POST TYPE

EDUCATION

ရွေးချယ်စရာ နည်းလို့ ဆေးကျောင်း တက်တာလား
ဆေးတက္ကသိုလ် တက်ရတဲ့အကြောင်းရင်းနဲ့ပတ်သက်လို့ အခြားရွေးချယ်စရာ နည်းပါးခြင်းကြောင့်လို့ စစ်တမ်းကောက်ယူခဲ့တဲ့ ဆေးတက္ကသိုလ် (မန္တလေး) ကျောင်းသားများသမဂ္ဂ စစ်တမ်းကောက်ယူရေး ကော်မတီခေါင်းဆောင် ဒေါက်တာ ထက်ပိုင်ဦးက စက်တင်ဘာ ၁၀ ရက်က ဆိုတယ်။ အလုပ်သင် ဆရာဝန်ဘဝ စိတ်ကျေနပ်မှု အခြေအနေနဲ့ အလုပ်သင်ကာလ ပြီးဆုံးချိန် အသက်မွေးဝမ်းကျောင်း လုပ်ငန်းဆိုင်ရာ မျှော်မှန်းချက် အခြေအနေတွေ သိရှိဖို့ ၂၀၁၇ ခုနှစ် ဇွန်လက ကောက်ယူခဲ့တဲ့စစ်တမ်းအရ ဖြေကြားခဲ့တယ်ဆိုတယ်။ ၂၀၁၆-၂၀၁၇ ပညာသင်နှစ် အောင်မြင်ပြီး မန္တလေး အထွေထွေရောဂါကု ဆေးရုံကြီးနဲ့ ခုတင် ၃၀ဝ သင်ကြားရေးဆေးရုံမှာ တာဝန်ထမ်းဆောင်နေတဲ့ အလုပ်သင် ဆရာဝန် ၃၄၅ ဦးအနက် ဆန္ဒအလျောက် ၂၂၀ ဦး ဖြေဆိုခဲ့ကြတယ်။

ဆရာဝန်ဖြစ်ဖို့၊ ဆေးတက္ကသိုလ် တက်ရောက်ဖို့ဆိုတာ ဆယ်တန်း သို့မဟုတ် တက္ကသိုလ်ဝင်တန်းမှာ အားလုံး အိပ်မက်မြင်မက်ခဲ့ကြတဲ့ အသက်မွေးဝမ်းကျောင်း တက္ကသိုလ်ပါ။ ဆယ်စုနှစ် ငါးခု၊ ခြောက်ခုအတွင်း ၂၀၁၇-၂၀၁၈ ပညာသင်နှစ်အထိ နံပါတ်တစ် ရွေးချယ်မှုကနေ တစ်ပြားသားမှ မလျော့ခဲ့တဲ့ အသက်မွေးဝမ်းကျောင်း တက္ကသိုလ်ပါ။ မြန်မာနိုင်ငံမှာ ဆေးတက္ကသိုလ် ခြောက်ခုရှိပါတယ်။ ရန်ကုန်မှာ နှစ်ခု၊ တပ်မတော် တက္ကသိုလ် (တပ်ဆေး) ၁ ခု၊ ပေါင်း ၃ ခု ၊ မန္တလေး၊ မကွေးနဲ့ တောင်ကြီးမှာ တစ်ခုစီ စုစုပေါင်း ခြောက်ခုကနေ နှစ်စဉ် ကျောင်းသား ၁၂၀ဝ နဲ့အထက် ခေါ်ယူခဲ့တာပါ။ ၁၉၈၈ ခုနှစ်မတိုင်မီထိ အရေအတွက် ၅၅၀ ထိသာ ခေါ်ယူခဲ့ပြီး ဆရာဝန်တိုင်း အစိုးရအမှုထမ်းဆောင်နိုင်ဖို့ ရည်ရွယ် မွေးထုတ်ခဲ့ပါတယ်။ ကျား၊ မ မခွဲဘဲ တန်းတူ ဝင်ခွင့်ပြုခဲ့ပါတယ်။ ၁၉၉၉ ခုနှစ်ထိ ကျား၊ မ မခွဲခြားခဲ့ပါ။ ၂၀ဝ၀ ပြည့်နှစ်ကစတင်ပြီး ၂၀၁၁ ခုနှစ်ထိ အမျိုးသား ၆၀ ရာခိုင်နှုန်း၊ အမျိုးသမီး ၄၀ ရာခိုင်နှုန်း ခွဲတမ်းနဲ့ နှစ်စဉ် ၄၀ဝ၀-၆၀ဝ၀ ခေါ်ယူခဲ့ပြီး ၂၀၁၂ ခုနှစ်ကစပြီး ယခုနှစ်အထိ ကျား၊ မ ၅၀ ရာခိုင်နှုန်းစီ ဝင်ခွင့်ပြုကာ ၂၀၁၆-၂၀၁၇ မှာ ဦးရေ ၁၆၀ဝ ခေါ်ခဲ့ပြီး ၂၀၁၇-၂၀၁၈ ပညာသင်နှစ်မှာ ဦးရေ ၁၃၀ဝ ပဲ ခေါ်ယူတော့မယ် ဆိုတယ်။ ၂၀၁၆-၂၀၁၇ ပညာသင်နှစ်က အမျိုးသမီး ၅၀၆ မှတ်၊ အမျိုးသား ၄၈၈ မှတ် ရှိခဲ့ပြီး ၂၀၁၇-၂၀၁၈ ပညာသင်နှစ်မှာလည်း ဦးရေ လျော့ပေမယ့် ယင်းအမှတ်အတိုင်း ရှိလိမ့်မယ် သုံးသပ်ကြတယ်။ ၂၀၁၈-၂၀၁၉ ပညာသင် နှစ်ကစလို့ ဝင်ခွင့်စာမေးပွဲ ဖြေဆိုရမယ်လို့ ဆေးတက္ကသိုလ် (၁) ရန်ကုန်က ဆိုပါတယ်။ တပ်ဆေးကတော့ ယခင်ကတည်းက ဝင်ခွင့်စာမေးပွဲ ဖြေရတာပါ။ ယခုနှစ်မှာလည်း တပ်ဆေးက ဦးရေ ၆၀ လောက် ခေါ်ဆိုမယ်ဆိုတယ်။ 

မြန်မာနိုင်ငံသားဖြစ်ရင် ဆယ်တန်းမှာ ခြောက်ဘာသာ ဂုဏ်ထူးနဲ့ အောင်၊ ဆေးတက္ကသိုလ် တက်ခွင့်ရ၊ မိသားစုထဲမှာ ဆရာဝန်တစ်ယောက် ပါရင်ပဲ ဂုဏ်ရှိနေပြီ ယူဆခဲ့ကြတယ်။ ဆေးတက္ကသိုလ် ဝင်ချင်လွန်းလို့ ပြင်ပကျူရှင်တွေ၊ ဂိုက် (Guide) တွေ ငှားပြီး ခြောက်ဘာသာ ဂုဏ်ထူးရသူ၊ အမှတ် ၅၀ဝ ကျော်သူတွေသာ မျှော်မှန်းနိုင်တဲ့ ဆေးတက္ကသိုလ်ဝင်ခွင့်အတွက် အရေအတွက် ၁၆၀ဝ မှ ၁၃၀ဝ လျှော့ပြီး ခေါ်တာ ရင်ခုန်နေရပြီ။  

ဆေးတက္ကသိုလ် (မန္တလေး) ရဲ့ စစ်တမ်း ပထမမေးခွန်း ဆေးတက္ကသိုလ် တက်ရတဲ့အကြောင်းရင်းမှာ ရွေးချယ်စရာ နည်းပါးခြင်းကြောင့်လို့ ဖြေဆိုမှု ၉၁ ကြိမ်၊ ဆရာဝန်ဖြစ်လိုလို့ ဖြေဆိုမှု ၇၈ ကြိမ်၊ ပတ်ဝန်းကျင် တိုက်တွန်းလို့ဖြေဆိုမှု ၅၆ ကြိမ်နဲ့ အခြားအကြောင်းတွေကြောင့်လို့ ဖြေဆိုမှု ၁၃ ကြိမ်ရှိတယ်။ စစ်တမ်းကို ဖြေဆိုခဲ့သူတွေဟာ ၂၀၁၀ ပြည့်နှစ်မှာ တက္ကသိုလ်ဝင်တန်း အောင်ခဲ့ကြသူတွေဖြစ်လို့ ယင်းအချိန်က ရွေးချယ်စရာ တက္ကသိုလ်နည်းပါး (စက်မှုတက္ကသိုလ်၊ နည်းပညာ တက္ကသိုလ် မပေါ်သေးပါ) ခြင်းအပြင် မိဘတွေ တိုက်တွန်းလို့ ဆေးကျောင်းတက်ရတာများလို့ ယခုလို ဖြေဆိုခြင်းဖြစ်နိုင်ကြောင်း ဒေါက်တာ ထက်ပိုင်ဦးက သူ့ရဲ့ယူဆချက်ကို ပြောကြားခဲ့တယ်။ 

ဇူလိုင် ၇ ရက် ပြည်သူ့လွှတ်တော် အစည်းအဝေးမှာ မင်္ဂလာဒုံ မဲဆန္ဒနယ်မြေမှ ဦးအောင်နိုင်ဝင်း မေးမြန်းတဲ့ “ဆေးတက္ကသိုလ်ဝင်ခွင့် သတ်မှတ်ရာမှာ ကျောင်းသူတွေရဲ့ ဝင်ခွင့်ရမှတ်ဟာ ကျောင်းသားတွေထက် မြင့်မားနေလို့ ကန့်သတ်ချက်အပေါ် ပယ်ဖျက်ပေးဖို့ အစီအစဉ် ရှိ မရှိ” မေးခွန်းအပေါ် ပညာရေး ဒုဝန်ကြီး ဦးဝင်းမော်ထွန်းက “နောင်မှာ နိုင်ငံတော်ရဲ့ ကျန်းမာရေး လိုအပ်ချက်ပေါ် မူတည်ပြီး ကျား၊ မ အချိုး ကန့်သတ်ထားခြင်းကို ပြန်လည် စဉ်းစားမယ်ဖြစ်ကြောင်း” ဖြေကြားကာ ဝေးလံခေါင်ဖျားဒေသတွေအတွက် လုပ်တာဆိုတယ်။ ဆေးတက္ကသိုလ်မှာ ဦးရေ တန်းတူသတ်မှတ်သလိုမျိုး လွှတ်တော်မှာ ကျား၊ မ တန်းတူ ၅၀း၅၀ သတ်မှတ်လိုက်ရင် တက်ရောက်ဆဲ လွှတ်တော်ထဲက အမျိုးသားကိုယ်စားလှယ် တစ်ဝက်လောက် အလုပ်လက်မဲ့ ဖြစ်သွားနိုင်တယ်။ လွှတ်တော်ကိုယ်စားလှယ်တွေဟာ ပြည်သူ့ကိုယ်စား မေးမြန်းပေးရကာ အိုးမကွာ အိမ်မကွာ သက်သောင့်သက်သာ ရှိလှတဲ့နေရာ မြို့ကြီးတွေမှာပဲ ထမ်းဆောင်ရလို့ အမျိုးသမီး ဦးရေထက်ဝက်ဖြစ်သင့်တယ်ဆိုရင် နောင်လာမယ့် ရွေးကောက်ပွဲမှာ ကျား၊ မ ဦးရေ တန်းတူတင်သွင်းပြီး ယှဉ်ပြိုင်ရမယ်လို့ ဥပဒေထုတ်ပြန်ရမှာ ဖြစ်တယ်။ ဆိုလိုတာက သူ့နေရာနဲ့သူ လုပ်ငန်း အဆင်ပြေ ချောမွေ့စေဖို့ ဦးရေ ကန့်သတ်ထားရတာပဲ ဖြစ်ပါတယ်။ 

ဆေးတက္ကသိုလ် (မန္တလေး) ရဲ့ စစ်တမ်းမှာ ခေတ်စနစ်ကြောင့် မိမိ ဘာဝါသနာပါမှန်း မသိခဲ့ဘဲ အသက်မွေးဝမ်းကျောင်း လုပ်ငန်းအတွက် အကောင်းဆုံး ဖြစ်မယ်ထင်တဲ့ ဆေးတက္ကသိုလ်သာ ရွေးချယ်တက်ရောက်ခြင်းဖြစ်ကြောင်း၊ ရွေးချယ်စရာ နောက်တစ်ခုက ရေကြောင်းတက္ကသိုလ်သာ ရှိခဲ့တယ်ဆိုတယ်။ ဆေးကျောင်းသား၊ အလုပ်သင်ဆရာဝန်တစ်ဦးက ၁၆ နှစ် အသက်အရွယ်မှာ ကိုယ်ပိုင် ဆုံးဖြတ်ချက်ချနိုင်တဲ့အရွယ် မဟုတ်သေးလို့ အမှတ်ကောင်းကောင်း ရရှိထားရင် အခြားတက္ကသိုလ် ရွေးချယ်မိပါက စွန့်စားရာ ရောက်လွန်းနေပြီး ဆေးတက္ကသိုလ်ကိုသာ လက်မလွှတ်နိုင်တဲ့ အခွင့်အရေးတစ်ခုအဖြစ် မှတ်ယူခဲ့ပါကြောင်း သူ့ရဲ့ဆုံးဖြတ်ခဲ့မှုအပေါ် ပြောကြားခဲ့ပါတယ်။ 

ဆေးတက္ကသိုလ် (မန္တလေး) ဒု-ပါမောက္ခချုပ် ဒေါ်အေးအေးချစ်က “ရွေးချယ်စရာ မရှိဘူးဆိုတာ မဖြစ်နိုင်ဘူး။ ဒီအရွယ်တွေက ဆန္ဒကို ဦးစားပေးတတ်တဲ့ အရွယ်ဆိုတော့ ဒီလိုပဲ တွေးတတ်ကြတယ်လို့ မှတ်ချက်ပြုခဲ့သလို မိမိဆေးတက္ကသိုလ် စတက်နေစဉ် ၁၉၈၃ ခုနှစ်ကလည်း ယခုလို အတွေးမျိုး မပေါ်ဖူးပေမယ့် ဆေးတက္ကသိုလ်ကို ဝါသနာပါလို့ တက်ခဲ့ခြင်း မဟုတ်ကြောင်းနဲ့ ကျောင်းတက်ရင်း၊ လေ့ကျင့်ရင်းနဲ့သာ မိမိလုပ်ရပ်ကို၊ မိမိအလုပ်ပေါ်ကို ကျေးဇူးတင်လာကြောင်း” ရှင်းပြခဲ့ပါတယ်။ 

၂၀၁၁ ခုနှစ် ဇူလိုင်လမှာ ကျန်းမာရေးဝန်ကြီးဌာန နဝမအကြိမ် ဆေးပညာသင်ကြားရေး နှီးနှောဖလှယ်ပွဲမှာ ဆေးတက္ကသိုလ်ဝင်ခွင့် ကျောင်းသူကျောင်းသား ဦးရေကို အချိုးတူ ၅၀း၅၀ ဆုံးဖြတ်ခဲ့ပြီး စီမံခန့်ခွဲရေး ကော်မတီ အစည်းအဝေး အမှတ်စဉ် (၁၄/၂၀၁၀) ကို အတည်ပြုချက် ရယူပြီး ဆေးတက္ကသိုလ် တက်ရောက်သူဦးရေကို နှစ်စဉ် ၁၅၀ဝ နဲ့ ခြောက်နှစ်ခွဲ သင်တန်းအဖြစ် ပြန်လည် သတ်မှတ်ခဲ့ပါတယ်။ ၂၀၁၈ ပညာသင်နှစ်အတွက် ဦးရေ ၁၃၀ဝ သတ်မှတ်ထားပြီး နယ်ဆေးတက္ကသိုလ်တွေမှာ ဝင်ခွင့်အမှတ် လျော့နိုင်ပါတယ်။ 

တချို့ မိဘ၊ ဆရာ၊ ကျောင်းသားတွေက မျှော်လင့်ချက်ကြီးကြီးထားရှိပြီး ဆေးတက္ကသိုလ် ဝင်ခွင့်ရရေး အပတ်တကုပ် ဆည်းပူးလေ့လာ ကျက်မှတ်ခဲ့ကြရာ ဒီနှစ် ဆေးတက္ကသိုလ် လျှော့ချခေါ်ယူမှုကြောင့် လိုအင်ဆန္ဒ ပြည့်ဝနိုင်မှာ မဟုတ်ပါဘူး။ နောက်တစ်ခုက ယနေ့ ဒီမိုကရေစီခေတ်မှာ အုပ်ချုပ်ရေးကဏ္ဍ၊ စီမံခန့်ခွဲမှုကဏ္ဍ၊ စီးပွားရေးကဏ္ဍတွေမှာ အားနည်းချက်တွေဖြစ်နေလို့ စီးပွားရေး တိုးတက်သင့်သလောက် မတိုးတက်ခဲ့ရတဲ့ အခြေအနေ၊ နိုင်ငံခြား ရင်းနှီးမြှုပ်နှံမှုတွေ၊ ကျွမ်းကျင်လုပ်သား ရှားပါးခြင်း၊ ၂၄ နာရီ လျှပ်စစ်မီး မရခြင်းကြောင့် လာရောက်သင့်သလောက် မဝင်လာရတဲ့ ဖြစ်ရပ်တွေမှာ မြန်မာနိုင်ငံက အကောင်းဆုံး ဦးနှောက်တွေ ဆေးတက္ကသိုလ်ချည်း ရောက်နေလို့ စီးပွားရေး စီမံခန့်ခွဲမှုနယ်ပယ်၊ အုပ်ချုပ်ရေးနယ်ပယ်၊ လွှတ်တော်ထဲမှာပါ ဖြန့်ကြက်ရောက်မလာလို့ နိုင်ငံက ဆင်းရဲမှုနဲ့ ဖွံ့ဖြိုးမှု အနိမ့်ကျဆုံး ၄၂ နိုင်ငံမှာ ပါဝင်နေခဲ့ရကာ ယင်းဦးနှောက်တွေက ဦးနှောက်ယိုစီးမှုတွေဖြစ်ပြီး နိုင်ငံရပ်ခြားမှာ အခြေချလာတယ်။ 

မန္တလေး ဆေးတက္ကသိုလ်ရဲ့ ၂၀၁၇ စစ်တမ်းမှာ လုပ်ငန်းခွင် စိတ်ဖိစီးမှုရဲ့ သက်ရောက်အခြေအနေ၊ ဘွဲ့ရပြီးပါက ဆရာဝန်လုပ်ငန်းနဲ့ အသက်မွေးဝမ်းကျောင်း ပြု မပြု၊ အလုပ်သင် ဆရာဝန် ချီးမြှင့်လစာငွေအပေါ် အမြင်စတဲ့မေးခွန်း စုစုပေါင်း ၁၅ ခု ပါဝင်ပြီး စစ်တမ်းရလဒ်ကို ကျောင်းအုပ်ချုပ်ရေးအဖွဲ့ ဆေးတက္ကသိုလ် သင်ကြားရေးဌာနနဲ့ ပါမောက္ခချုပ်ထံ ပေးပို့ထားကြောင်း ဒေါက်တာ ထက်ပိုင်ဦးက ဆိုတယ်။ 

တက္ကသိုလ်ဝင်တန်းအောင်ပြီး ယခုနှစ်တက္ကသိုလ်၊ ကောလိပ် တက်ရောက်မယ့်နေရာမှာ အခြား အသက်မွေးဝမ်းကျောင်း တက္ကသိုလ်၊ ကောလိပ်တွေ ဖြန့်ကြက်ဝင်ရောက်ဖို့ လိုအပ်နေပြီပဲ ဖြစ်တယ်။ တက္ကသိုလ် ဝင်ခွင့်အတွက် စဉ်းစားရ အလွယ်ဆုံးအုပ်စု နှစ်စုဖြစ်တဲ့ ဆေးတက္ကသိုလ် တက်ရောက်မယ့်အုပ်စုနဲ့ အဝေးသင်တက္ကသိုလ် တက်ရောက်မယ့် ညီငယ်၊ ညီမငယ်တွေအနေနဲ့ မိဘရဲ့ ဓနအင်အား၊ အချိန်၊ လူအပေါ် မူတည်ပြီး ရွေးချယ်သင့်ပါပြီ။ 

ဒေါက်တာထူးပြည့်စုံသျှင်