News

POST SECTION

EDITORIAL

06-Jan-2020
ပြီးခဲ့သည့် ၂၀၁၉ ခုနှစ်သည် မြန်မာနိုင်ငံအတွက် သမိုင်းတွင်သည့်ဖြစ်ရပ်ကြီး အချို့နှင့် ကြုံတွေ့ခဲ့ရသော နှစ်တစ်နှစ်ဖြစ်ခဲ့ပေသည်။ နိုင်ငံတကာတရားရုံး (ICJ) လိုနေရာမျိုးမှာ တရားရင်ဆိုင်ရသည့်ကိစ္စလောက် ဂုဏ်သိက္ခာပိုင်းဆိုင်ရာ ဆိုးဆိုးရွားရွားထိခိုက်သည့်ကိစ္စမျိုးကို မြန်မာတို့အနေနှင့် ပထမဆုံးကြုံတွေ့လိုက်ရသည့် နှစ်တစ်နှစ်ပင်မဟုတ်ပါလော။ ယခုနှစ်ဆန်းပိုင်းတွင် ICJ ၏ အဆုံးအဖြတ်ကြားရလိမ့်မည်ဟုသာ သိထားကြသော်လည်း ဘယ်လိုဆုံးဖြတ်မှုမျိုးဖြစ်မည်၊ နောက်ဆက်တွဲ ဘာတွေဆက်ဖြစ်မည်ကိုတော့ မည်သူမျှတပ်အပ်ပြောနိုင်မည်မဟုတ်ပေ။
05-Jan-2020
“မရှက်တတ်၊ မကြောက်တတ်တော့ဘူးလား” ဆိုတဲ့ သတိပေးစကားကို ဘယ်လိုအခြေအနေမျိုးမှာ ကြားရလေ့ရှိတယ်ဆိုတာ စာဖတ်သူတွေသိပြီးသားလို့ ထင်ပါတယ်။
03-Jan-2020
မြန်မာနိုင်ငံနှင့်ပတ်သက်သော အထင်ကရ ရက်စွဲများအကြောင်းပြောမည် ဆိုလျှင် ယနေ့ ဇန်နဝါရီလ ၄ ရက်နေ့လည်း မပါမဖြစ်သော ရက်တစ်ရက်ဖြစ်ပေသည်။ ကိုလိုနီခေတ်ကာလ ကုန်ဆုံးပြီး လွတ်လပ်သည့် အချုပ်အခြာအာဏာပိုင်နိုင်ငံအဖြစ် မြန်မာတို့ပြန်လည်ရပ်တည်လာနိုင်ခဲ့သည်မှာလည်း ယခုဆိုလျှင် နှစ် ၇၀ တိတိ ပြည့်သွားပြီဖြစ်ပါသည်။
02-Jan-2020
၂၀၂၀ ပြည့်နှစ်၊ နှစ်သစ်တွင် ပြည်ထောင်စုသမ္မတမြန်မာနိုင်ငံတော် သမ္မတ အပါအဝင် ဒုတိယသမ္မတများလည်း မြန်မာပြည်သူများအတွက် နှစ်သစ်ကူးနှုတ်ခွန်းဆက် အမှာစကားအသီးသီးပြောဆိုသွားကြပေသည်။ ၎င်းတို့သုံးဦး၏ နှုတ်ခွန်းဆက်စကားများအနက် အဓိကတူညီသည့်အချက်တို့မှာ နိုင်ငံနှင့် နိုင်ငံသားများ ကြီးပွားတိုးတက်ရေး၊ နိုင်ငံတွင်း မတူညီကြသည့် တိုင်းရင်းသား ညီအစ်ကိုမောင်နှမများအကြား စည်းလုံးညီညွတ်မှုရှိရေးနှင့် ငြိမ်းချမ်းရေးတို့ပင် ဖြစ်ပေသည်။
01-Jan-2020
စာဖတ်သူများအနေနှင့် အောင်ထွဋ် ဘာပြောမည်လဲဟု သိချင်ကြမည် ထင်သောကြောင့်စာရေးသူ၏ ထင်မြင်ချက်ကို တိုတိုနှင့်လိုရင်း ရေးလိုက်ပါသည်။
01-Jan-2020
နိုင်ငံတစ်ခုကိုတည်ဆောက်ရာတွင် အဓိက အစိတ်အပိုင်းကြီးနှစ်ခုပါဝင်ပြီး ၎င်းတို့မှာ Super Structure ခေါ် အပေါ်ထပ်အဆောက်အဦနှင့် Foundation ခေါ် အုတ်မြစ်အပိုင်းဖြစ်ပါသည်။
31-Dec-2019
ယခုရက်ပိုင်းအတွင်း ကုန်ဆုံးတော့မည့် ၂၀၁၉ ခုနှစ်နောက်ဆုံးနေ့ရက် ဆိုလျှင် ကျွန်ုပ်တို့ The Voice နှင့် Living Color မီဒီယာအပါအဝင် Myanmar Partners Think Tank Goup ကို ထူထောင်သွားခဲ့သူ ဒေါက်တာနေဝင်းမောင် ကွယ်လွန်သွားသည်မှာ ၈ နှစ်ရှိသွားပြီဖြစ်ပါသည်။ အငြင်းပွားဖွယ် ၂၀၁၀ ရွေးကောက်ပွဲမှတစ်ပါး ပြုပြင်ပြောင်းလဲရေးလုပ်ရန် ပိုကောင်းသည့်နည်းလမ်းမရှိနိုင်သည့် အနေအထားဖြစ်နေ၍ ယင်းရွေးကောက်ပွဲဖြင့်သာ ဒီမိုကရေစီအသွင်ကူးပြောင်းရေးနှင့် နိုင်ငံတည်ဆောက်ရေးလုပ်ငန်းစဉ်များကို အကောင်အထည်ဖော်သင့်ကြောင်း ဆောင်းပါးများနှင့် ခေါင်းကြီးပိုင်းများရေးသားခဲ့ခြင်းကြောင့် စစ်တပ်၏ အလိုတော်ရိတစ်ဦးအဖြစ် တံဆိပ်ကပ်ခံခဲ့ရရုံမျှမက အခြေခံဥပဒေ၏ အားနည်းချက်များကို ထောက်ပြသော ဆောင်းပါးအချို့ကြောင့်လည်း ယခင်တပ်မတော်အစိုးရလက်ထက်က အာဏာပိုင်များ၏ ဖိအားပေးမှု၊ ခြိမ်းခြောက်မှုအမျိုးမျိုးနှင့် ရင်ဆိုင်ခဲ့ရသူမှာ ဒေါက်တာနေဝင်းမောင်သာပင်ဖြစ်သည်။
30-Dec-2019
ယမန်နေ့က ကျင်းပပြုလုပ်သည့် Myanmar Idol Season 4 ၏ Grand Final ပြိုင်ပွဲကို ယင်း Myanmar Idol စိတ်ဝင်စားသည့် မြန်မာပရိသတ်များ မိုးချုပ်ညဉ့်နက်ကာ သန်းခေါင်ယံရောက်သည်အထိ စောင့်စားကြည့်ရှုခဲ့ကြရပေသည်။
29-Dec-2019
ခေတ်တွေ ဘယ်လောက်ပဲပြောင်းပြောင်း လူ့အဖွဲ့အစည်းထဲမှာ ဘယ်တော့မှ ရိုးအီမသွားနိုင်လောက်အောင် ဆွေးနွေးငြင်းခုံနေရဆဲဖြစ်တဲ့ အကြောင်းအရာတွေရှိတဲ့အနက် မျိုးဆက်သစ်လူငယ်တွေကို ဘယ်လိုဘယ်ပုံ ဘယ်နည်းနဲ့ ပျိုးထောင်ကြမယ်၊ ဘာမယ်ဆိုတဲ့အကြောင်းအရာကလည်း ထိပ်ဆုံးက ပါမယ်ထင်ပါတယ်။
25-Dec-2019
မြန်မာ့အိမ်နီးချင်းနိုင်ငံတစ်နိုင်ငံဖြစ်သည့် အိန္ဒိယတွင် နိုင်ငံသားခံယူခွင့် ဆိုင်ရာဥပဒေသစ်တစ်ရပ်ပြဋ္ဌာန်းရန် စီစဉ်နေမှုအပေါ် မကျေနပ်သူများက အကြီးအကျယ် ဆန္ဒပြရာမှ မတည်မငြိမ်မှုများဖြစ်နေသည့်သတင်းမှာ လွန်စွာမှ စိတ်ဝင်စားစရာကောင်းသည်ဟု ထင်ပါသည်။
24-Dec-2019
နိုင်ငံတကာတွင်ဖြစ်ပေါ်နေသော နယ်နိမိတ်ဆိုင်ရာ တင်းမာမှုများ၊ စစ်မက်ဖြစ်ပွားစေနိုင်သည့် ပြဿနာများအပါအဝင် ပဋိပက္ခအသီးသီးတို့ကို ပြေလည်အောင် ဝိုင်းဝန်းကြိုးပမ်းကြရာ၌ Restrain ဟူသည့် စကားလုံးကို သက်ဆိုင်ရာ နိုင်ငံရေး၊ လူမျိုးရေးနှင့် ဘာသာရေးခေါင်းဆောင်များက အထူးတလည် သုံးစွဲလေ့ရှိကြပေသည်။
23-Dec-2019
မြန်မာနှင့် ပြည်ပနိုင်ငံတစ်နိုင်ငံဖြစ်သော ဂမ်ဘီယာတို့ တရားဝင်ဥပဒေကြောင်းအရ နိုင်ငံတကာဇာတ်ခုံပေါ်တွင် အမှုအခင်းဖြစ်သည့် အကြောင်းကိစ္စ ပေါ်လာပြီးနောက် စည်းလုံးညီညွတ်ရေးဟူသည့်ခေါင်းစဉ်သည် မြန်မာပြည်သူအများ၏ အသိစိတ်ထဲတွင် ထင်ထင်ရှားရှားဖြစ်ပေါ်စေခဲ့သည်ဟု ထင်ပါသည်။
22-Dec-2019
သည်ကနေ့ မြန်မာနိုင်ငံအတွက် လိုအပ်နေတဲ့အရာတွေ၊ ကွက်လပ်ဖြည့်စရာတွေ အမြောက်အမြားရှိတဲ့အနက် လွတ်လွတ်လပ်လပ်လည်းရှိ၊ ယဉ်ယဉ်ကျေးကျေး လည်းရှိတဲ့ လူ့အဖွဲ့အစည်းတစ်ရပ်တည်ဆောက်ရေးဟာလည်း ဒီမိုကရေစီနိုင်ငံ တည်ဆောက်ရေးရဲ့ တစ်စိတ်တစ်ပိုင်းမကတဲ့ နေရာကနေ ပါဝင်နေမယ်လို့ ထင်ပါတယ်။
20-Dec-2019
နေပြည်တော်ရှိ မူကြိုကျောင်းတစ်ခုတွင် တက်ရောက်ခဲ့သည့် သုံးနှစ်အရွယ် မိန်းကလေးငယ် ပြီးခဲ့သည့် မေလအတွင်း မဖွယ်မရာပြုကျင့်ခံရပြီးနောက် အဆိုပါအမှုကို မြန်မာတစ်နိုင်ငံလုံးမှ ပြည်သူအတော်များများ စိတ်ဝင်တစားဖြင့် အနီးကပ်စောင့်ကြည့်ခဲ့ကြသော်လည်း ယင်းကလေးငယ်နှင့် မိသားစု၏ ဂုဏ်သိက္ခာအလို့ငှာ ကလေးအမည်နှင့် ပတ်သက်၍ အားလုံးက လျှို့ဝှက်ပေးကာကလေးငယ်ကို “ဗစ်တိုးရီးယား” ဟုသာ ခေါ်ဝေါ်သုံးစွဲခဲ့သည်မှာ အားလုံးအသိပင်ဖြစ်ပေသည်။
19-Dec-2019
ရခိုင်ပဋိပက္ခ၊ ဘင်္ဂါလီနှင့် နိုင်ငံတကာတရားရုံး ICJ အပါအဝင် ယနေ့ မြန်မာနိုင်ငံတွင် ကြုံတွေ့နေရသော ဧရာမစိန်ခေါ်မှုကြီးများကို လေ့လာကြည့်မည်ဆိုပါက တစ်စုံတစ်ဦးက ကျိန်စာတိုက်ထားသလားဟုပင် ထင်မှတ်ရပေသည်။ မိမိတို့ လူမျိုး၊ မိမိတို့ထောက်ခံသော အင်အားစု၊ အဖွဲ့အစည်းစသည်တို့ကို ဆန့်ကျင်သည်ဟု ထင်ရသူတိုင်းကို ရန်သူသဖွယ် ခါးခါးသီးသီးတုံ့ပြန်ပြောဆိုမှုများ အပါအဝင် မတူညီသည့် အင်အားစုများအကြား ဆိုးဆိုးရွားရွား အစာမကြေသည့် သဘောမျိုးဖြစ်နေကြသည်ကိုကြည့်လျှင် ဒီမိုကရေစီဖော်ဆောင်ရေးနှင့် ဖက်ဒရယ်ပြည်ထောင်စု တစ်ရပ် ဖော်ဆောင်ရေးဟူသည်မှာ ဆယ်ကမ္ဘာလောက်ပင်ကြာရှည်မည့် သဘောမျိုးဖြစ်နေပေသည်။ လိုရင်းတိုရှင်းပြောမည်ဆိုပါက မညီညွတ်ခြင်း၊ အယုံအကြည်ကင်းမဲ့ခြင်း၊ ဖြစ်ချင်တာချည်းတစ်ခုတည်းသာ ဦးစားပေးတတ်ခြင်းတို့ကြောင့် ယခုလို အခြေအနေထဲသို့ရောက်နေခြင်းပင်ဖြစ်ပေသည်။