News

POST SECTION

EDITORIAL

18-Feb-2020
'လောကတွင် မဖြစ်နိုင်တာမရှိ၊ မဖြစ်သေးတာသာရှိသည်' ဆိုသည့် မြန်မာတွင်ပါမက ကမ္ဘာတွင်ပါလူသိများသည့် ဆိုရိုးရှိထားသည်ကို စာဖတ်သူများအတွက် အထူးတလည် ရှင်းပြနေစရာမလိုဟုထင်ပါသည်။
17-Feb-2020
နိုင်ငံတည်ဆောက်ရေးဟူသည်မှာ အပြောလွယ်သလောက် အလုပ်ခက်သည်ဟုဆိုသော်ငြားလည်း ဆိုင်ရာနယ်ပယ်အသီးသီးကို ဦးဆောင်သူလူနည်းစုတွင် ကြီးမားသည့် အမြော်အမြင်၊ အတတ်ပညာနှင့် ဗဟုသုတများပြည့်စုံသွားချိန်၊ အဂတိလိုက်စားလိုစိတ်၊ အလွဲသုံးစားလိုစိတ်တို့နည်းပါးသွားပြီး တစ်ဦးနှင့်တစ်ဦး၊ တစ်ဖွဲ့နှင့်တစ်ဖွဲ့ ညီညွတ်မှုရှိလာချိန်၊ ပြည်သူဟုဆိုအပ်သော နိုင်ငံသားများက ဟီရိ၊ သြတ္တပ္ပတရားလက်ကိုင်ထားပြီး စည်းမျဉ်းစည်းကမ်းလိုက်နာမှု မြင့်တက်လာချိန်တွင် လွယ်ကူချောမွေ့သွားမည်သာဖြစ်သည်။
16-Feb-2020
လူ့လောကဆိုတာတကယ်တော့ အားကျမှုနဲ့ယှဉ်ပြိုင်မှုတွေကမောင်းနှင် နေတဲ့နယ်ပယ်လို့ပြောမယ်ဆိုရင် မှားနိုင်ဖွယ်မရှိပါဘူး။ ငယ်စဉ်အခါ စာသင်ကျောင်း အသီးသီးမှာတစ်ဦးနဲ့တစ်ဦး အဆင့်ကောင်းကောင်းရဖို့၊ အမှတ်ကောင်းကောင်းရဖို့ အပြိုင်အဆိုင်ယှဉ်ပြိုင်ခဲ့ရာကအစ စီးပွားရေးနယ်ပယ်၊ နည်းပညာနယ်ပယ် စတဲ့ နယ်ပယ်အသီးသီးတွေအထိတစ်ဦးနဲ့တစ်ဦး၊ တစ်ဖွဲ့နဲ့တစ်ဖွဲ့ သူ့ထက်ငါရှေ့ရောက်အောင် ယှဉ်ပြိုင်နေကြရတာပဲမဟုတ်ပါလား။
14-Feb-2020
ပြည်သူတွေရွေးကောက်တင်မြှောက်ခွင့်ရခဲ့သော ပြည်သူ့အစိုးရဟု မော်ဒန်ခေတ်သစ်မြန်မာ့သမိုင်းတွင် နိုင်ငံအုပ်ချုပ်ရေးတာဝန်နှင့် ဒီမိုကရေစီပြုပြင်ပြောင်းလဲမှုဆိုင်ရာစိန်ခေါ်မှုများကို ရယူရင်ဆိုင်ခဲ့သော ဒီမိုကရေစီအစိုးရ၏ သက်တမ်းသည် ယခုနှစ်လာမည့်နိုဝင်ဘာလတွင် ကျင်းပမည့်ရွေးကောက်ပွဲ ကာလ၌ သက်တမ်းဆုံးကာလထဲသို့ရောက်ရှိတော့မည်ဖြစ်ရာ လက်ရှိအာဏာရပါတီ၊ ဒီမိုကရေစီအသွင်ကူးပြောင်းရေး ပထမပိုင်းကာလတွင် အာဏာရခဲ့ဖူးသည့် ပါတီအပါအဝင် အခြားတိုင်းရင်းသားလူမျိုးစုများ၏ နိုင်ငံရေးပါတီများသည်လည်း နိုင်ငံရေးကစားကွင်းထဲသို့ဝင်ရန် ပြင်ဆင်နေကြပြီဖြစ်သည်ကို တွေ့ရပါသည်။
13-Feb-2020
မကြာသေးခင်က အိမ်နီးချင်းထိုင်းနိုင်ငံတွင် မြောက်ပိုင်းက ကိုရတ်ဟု လူသိများသည့် မြို့လေးတစ်မြို့တွင် ထိုင်းစစ်တပ်မှ တပ်သားတစ်ဦးက သေနတ်ဖြင့်ပစ်ခတ်ရမ်းကားသွားခြင်းကြောင့် အပြစ်မဲ့ပြည်သူ ၂၉ ဦးသေဆုံးပြီး ၅၀ ကျော် ဒဏ်ရာရရှိသွားသည့်ဖြစ်ရပ်မှာ ထိုင်းလူမျိုးများနှင့် တစ်နိုင်ငံလုံးအတွက် ပူဆွေးဝမ်းနည်းစရာသာမက ထိတ်လန့်ဖွယ်ကောင်းသည့်ဖြစ်ရပ်တစ်ခုဟု ဆိုရပေမည်။
12-Feb-2020
၇၃ ကြိမ်မြောက် ပြည်ထောင်စုနေ့ နီးကပ်လာသည့် အချိန်ကာလများတွင် တိုင်းရင်းသားပါတီအများစု လိုလိုလားလားရှိနေသည့် အခြေခံဥပဒေပြင်ဆင်ရေးကိစ္စနှင့်ပတ်သက်သော အသံများပိုကြားလာရသည်ကို သတိပြုမိပါသည်။ တိုင်းရင်းသားလူမျိုးစုများနေထိုင်ရာ ပြည်နယ်များအနေနှင့် မိမိတို့ဝန်ကြီးချုပ်ကို မိမိကိုယ်တိုင်ရွေးချယ်ပိုင်ခွင့် ၂၆၁ (ခ) နှင့်ပတ်သက်သော ပြင်ဆင်မှုမျိုးပြုလုပ်စေလိုသည့် အသံများဖြစ်သည်ကိုလည်း ယင်းကိစ္စစိတ်ဝင်စားသည့် စာဖတ်သူများသိနှင့်ပြီးဖြစ်ပါလိမ့်မည်။
11-Feb-2020
မြန်မာနိုင်ငံတွင် အသွင်ကူးပြောင်းမှုများအစပြုခဲ့သည့် ၂၀၁၁ ခုနှစ် မတိုင်မီကာလအထိ နှစ်များစွာ နယ်ပယ်အသီးသီးတွင် ပညာရှင်ဆန်သောပုဂ္ဂိုလ်များ ခါးဆက်ပြတ်ခဲ့သော်လည်း ယနေ့အချိန်ကာလတွင်မူ နိုင်ငံရေး၊ စီးပွားရေး၊ ပညာရေး၊ ကျန်းမာရေး စသည့်တိုင်းပြည်၏ အရေးပါသောအခန်းကဏ္ဍများကို ဦးဆောင်နိုင်၊ ထောက်ပြဝေဖန်နိုင်သည့်သူများ ပြန်လည်မြင်တွေ့လာရသည်မှာ ပြုပြင်ပြောင်းလဲမှုများ၏ ရလဒ်ဟု ဆိုရပါမည်။
10-Feb-2020
ယနေ့ မြန်မာနိုင်ငံရင်ဆိုင်ကြုံတွေ့နေရသော ပဋိပက္ခများနှင့် ပြဿနာများ ပြေလည်ရေး၊ တစ်နည်းအားဖြင့် ဒီမိုကရေစီနိုင်ငံတော်သစ်တည်ဆောက်ရေးအတွက် ထူးချွန်ထက်မြက်မှုလည်းရှိ၊ စေတနာလည်းရှိကြသူများ ပေါင်းစည်း လုပ်ကိုင်နိုင်ရေးသည် နိုင်ငံအတွက်အရေးကြီးဆုံးကိစ္စတစ်ခုဟုဆိုရမည်ထင်ပါသည်။ တိုင်းပြည်နှင့် ပြည်သူကို အမှန်တကယ် စေတနာရှိသူများ ပူးပေါင်းမိပြီး စေတနာအမှန်ဖြင့် အလုပ်လုပ်ကြရေးသာဖြစ်ပါသည်။
09-Feb-2020
တရုတ်ပြည်မှာ ကုန်ခဲ့တဲ့ ဒီဇင်ဘာလကတည်းက ကိုရိုနာဗိုင်းရပ်စ်နဲ့ပတ်သက်လို့ သတိပေးပြောဆိုခဲ့တဲ့ ဆရာဝန် အဲဒီဗိုင်းရပ်စ်ပိုးကြောင့်ပဲ သေဆုံးသွားတော့ တရုတ်ပြည်သူတွေဟာ အစိုးရကို အင်မတန်မကျေမနပ်ဖြစ်ကြ၊ ဒေါသထွက်ကြ ဖြစ်ကုန်တာကို သတင်းတွေမှာတွေ့ရပါတယ်။ ဘာဖြစ်လို့လဲဆိုတော့ အဲဒီဆရာဝန်က ကိုရိုနာဗိုင်းရပ်စ်အကြောင်း အများသိအောင်ပြောဆိုခဲ့တုန်းက တရုတ်အစိုးရ အာဏာပိုင်တွေက သူ့ကိုခေါ်ယူသတိပေးတာတို့၊ စစ်ဆေးမေးမြန်းတာတို့လုပ်ခဲ့လို့ပါပဲ။ အာဏာပိုင်တွေက သူ့ကို မဟုတ်မမှန်တဲ့ သတင်းတွေမဖြန့်ဖို့ဆိုပြီး သတိပေးခဲ့တာပဲဖြစ်ပါတယ်။
07-Feb-2020
Foundation ခေါ် အုတ်မြစ်မကောင်းဘဲ မည်သည့်ထုထည်ရှိ အဆောက်အအုံကိုမျှ တည်ဆောက်ရန်မဖြစ်နိုင်ကြောင်းနှင့် နိုင်ငံတည်ဆောက်ရေးနှင့်ပတ်သက်၍ အုတ်မြစ်များအကြောင်းပြောရလျှင် နိုင်ငံသားတို့၏ ပညာရေး၊ နိုင်ငံသားတို့၏ အသိဉာဏ်၊ နိုင်ငံသားတို့၏ လူမှုတာဝန်ကျေမှု(Social Responsibility) ၊ တစ်မျိုးသားလုံး၊ တစ်နည်းအားဖြင့် တိုင်းရင်းသားညီအစ်ကိုမောင်နှမများ တန်းတူ ရည်တူအခွင့်အရေးရရှိရေး၊ နိုင်ငံသားတို့၏ ကျန်းမာရေး၊ စီးပွားရေးအခွင့်အလမ်းများမှသည် သိပ်သည်းကျစ်လျစ်၍ စည်းကမ်းရှိသော လူ့ဘောင် (Civil Society) အဆုံး ပါဝင်ကြောင်း The Voice က အစဉ်တစိုက်သတိပေးခဲ့သည်ကို စာဖတ်သူ အချို့မှတ်မိနေဆဲဖြစ်မည်ဟု ထင်ပါသည်။
06-Feb-2020
ယခုရက်ပိုင်း နိုင်ငံတော်သမ္မတက ပြည်ထဲရေးပြည်ထောင်စုဝန်ကြီးကို ယခင်မူလစစ်ဘက်ဆိုင်ရာလုပ်ငန်းတာဝန်များ ပြန်လည်ထမ်းဆောင်ခွင့်ပြုသည့် သတင်းနှင့် နိုင်ငံတော်ဖွဲ့စည်းပုံအခြေခံဥပဒေပြင်ဆင်ရေးမူကြမ်းတွင်ပါဝင်သည့် စကားရပ်တစ်ခုကို ယခုနှစ်၏ ပြည်ထောင်စုနေ့ ဦးတည်ချက်၌ ဦးတည်ချက်တစ်ခု အဖြစ်ထည့်သွင်းဖော်ပြသည့်သတင်းတို့မှာ စိတ်ဝင်စားစရာကောင်းလှသည်ဟု ထင်ပါသည်။
05-Feb-2020
ဝူဟန်ဗိုင်းရပ်စ် စတင်ဖြစ်ပွားရာ ဗဟိုချက်ဖြစ်သော တရုတ်ပြည်သူ့သမ္မတနိုင်ငံသို့ သွားရောက်ခဲ့ခြင်းမရှိဘဲ ထိုင်းနိုင်ငံသို့သာ ပြီးခဲ့သည့် လကုန်ပိုင်းက သွားရောက်လည်ပတ်ခဲ့သူ တောင်ကိုရီးယားနိုင်ငံသူအမျိုးသမီး အဆိုပါဗိုင်းရပ်စ်ကူးစက်ခံရသည့်သတင်းနှင့် ဟောင်ကောင်တွင် ဝူဟန်ဗိုင်းရပ်စ်ကြောင့် အမျိုးသားလူနာတစ်ဦး သေဆုံးသွားသည့် သတင်းတို့ကအာရှနှင့် အာဆီယံဒေသတွင်းနိုင်ငံများသာမက ဝူဟန်ဗိုင်းရပ်စ်ထိန်းချုပ်ရန် ကြိုးပမ်းနေသော အခြားကမ္ဘာ့နိုင်ငံများကိုပါ စိတ်သောက ပိုစေခဲ့ပေသည်။
04-Feb-2020
ဝူဟန်ကိုရိုနာဗိုင်းရပ်စ်ကြောင့် ယခုအခါ ကမ္ဘာ့နိုင်ငံအတော်များများမှာ ရောဂါကူးစက်မည့်အရေးအတွက် ထိတ်လန့်တုန်လှုပ်နေကြရပြီဖြစ်ပါသည်။ယင်းဗိုင်းရပ်စ် စတင်ဖြစ်ပွားခဲ့သည့် ဗဟိုချက်(ဝူဟန်မြို့)ရှိသော အိမ်နီးချင်း တရုတ်ပြည်သူ့သမ္မတနိုင်ငံဆိုလျှင် ရောဂါပျံ့နှံ့မှုထိန်းချုပ်ရေး ၊ ဝူဟန်နမိုးနီးယား တိုက်ဖျက်ရေးအတွက် မီးကုန်ယမ်းကုန်ကြိုးစားလျက်ရှိသည်ကို နေ့စဉ်နေ့တိုင်း သတင်းများမှတစ်ဆင့် တွေ့မြင်ကြားသိနေရပါသည်။
03-Feb-2020
လူတစ်ဦးတစ်ယောက်အတွက်သာမက နိုင်ငံတစ်နိုင်ငံကြီးပွားတိုးတက်သည့် အဆင့်သို့ရောက်ရန် တွန်းတင်ပေးနိုင်သည့်အရာများတွင် 'ဆန္ဒ၊ ဝီရိယ၊ စိတ္တ၊ ပညာ' တို့သည်မပါမဖြစ်သည့် အခြေခံတရားများပင်ဖြစ်ပါသည်။လူတစ်ယောက်အတွက်ဆိုလျှင် မိမိရည်မှန်းထားသည့် ဦးတည်ချက်၊ နိုင်ငံအတွက်ဆိုလျှင် နိုင်ငံတော် ရှေ့ဆက်သွားမည့်အစီအစဉ် အစရှိသည်တို့ကို အကောင်အထည်ဖော်ရေးအတွက် လွန်စွာအရေးကြီးလှသည့် အရာများလည်းဖြစ်ပေသည်။
02-Feb-2020
အပြောင်းအလဲလုပ်တဲ့ကိစ္စတွေနဲ့ပတ်သက်လာရင် ပုလင်းသစ်ထဲက နှစ်ချို့ဝိုင် ဆိုတဲ့စကားကို အနောက်နိုင်ငံသားတွေသုံးနှုန်းလေ့ရှိတာကို စာဖတ်သူများလည်း ကြားဖူးကြပါလိမ့်မယ်။ အပြောင်းအလဲဟာ အခေါ်အဝေါ်သဘောမျှသာဖြစ်သွားခဲ့ပြီး ယခင်စနစ်ဟောင်းနဲ့ ကျင့်သားရနေသူတွေပဲ စနစ်သစ်ထဲမှာ ဆက်လက်ပါရှိနေတဲ့သဘောကို ဝိုင်ပုလင်းသစ်ထဲက နှစ်ချို့ဝိုင်ဆိုတာနဲ့ ရည်ညွှန်းပြောဆိုတာပဲ ဖြစ်ပါတယ်။