News

POST SECTION

EDITORIAL

24-Mar-2020
မန္တလေးနှင့် မြစ်ကြီးနားအကြား ပြေးဆွဲနေသည့် မီးရထားခရီးစဉ်တွင် ကိုရီးယားနိုင်ငံမှဝယ်ယူသော အဆင့်မြင့်တွဲဆိုင်းများဖြင့် စတင်ပြေးဆွဲသည့် သတင်းများ၊ ဓာတ်ပုံများနှင့်ဗီဒီယိုဖိုင်များကို ရထားစိတ်ဝင်စားသူများသာမက အခြားခရီးသွားပြည်သူများပါ စိတ်ဝင်တစား Share ကြသည်ကို ယခုရက်ပိုင်းတွင်း ဆိုရှယ်မီဒီယာပေါ်တွင်ရှယ်ကြသည်ကို သတိပြုမိပေသည်။
23-Mar-2020
ဗိုင်းရပ်စ်ကူးစက်ဖြစ်ပွားမှုများ မဖြစ်ပေါ်အောင် ကာကွယ်ရာတွင် အရေးကြီးသည့် ကျန်းမာရေးဆောင်ရွက်ချက်တစ်ရပ်ဖြစ်သော လက်ဆေးသည့်အမှုကိစ္စနှင့် ပတ်သက်၍ စနစ်တကျဆေးကြောတတ်ရန် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်တိုင် သရုပ်ပြထားသည့် မှတ်တမ်းအား နိုင်ငံပိုင်ရုပ်သံမီဒီယာက ထုတ်လွှင့်လျက်ရှိသည်ကို သတိပြုမိပါသည်။
22-Mar-2020
တရုတ်နိုင်ငံ၊ ဝူဟန်မြို့မှာ ကိုရိုနာဗိုင်းရပ်စ် စတင်ဖြစ်ပွားခါစအချိန်မှာ အဲဒီဗိုင်းရပ်စ်ဟာ ဆိုးရွားပြင်းထန်တဲ့အတွက် လျှော့မတွက်သင့်တဲ့အကြောင်း သတိပေးခဲ့တဲ့ ဆရာဝန်တစ်ဦးအကြောင်းကို မသိတဲ့သူမရှိသလောက် ဖြစ်မယ်ထင်ပါတယ်။
20-Mar-2020
သိပ္ပံပညာရပ်ပိုင်းဆိုင်ရာ တီထွင်ဆန်းသစ်မှုများတွင် ရှေ့လူတို့ဖောက်ခဲ့သည့်လမ်းစဉ်ကို နောက်လူတို့က ပို၍ကောင်းသည်ထက်ကောင်းအောင် ပြင်ဆင်ဖန်တီးနိုင်စွမ်းရှိရန်လည်း အရေးကြီးကြောင်း ကိုရိုနာဗိုင်းရပ်စ်ကာကွယ်ဆေးဖော်စပ်မှုကိုအကြောင်းပြု၍ ယမန်နေ့က ခေါင်းကြီးပိုင်းတွင်ဖော်ပြခဲ့ပါသည်။ သို့သော် တစ်ဆက်တည်းပြောရန် အရေးကြီးအကြောင်းအရာတစ်ရပ်ကျန်ရစ်ခဲ့၍ ယနေ့အနည်းငယ်ဖြည့်စွက်လိုပါသည်။
19-Mar-2020
ကိုရိုနာဗိုင်းရပ်စ် ကူးစက်ဖြစ်ပွား၍ ဒုက္ခရောက်နေကြသော နိုင်ငံများနှင့်လူ့အဖွဲ့အစည်းများအကြောင်းကြားရသည်မှာ စိတ်မကောင်းစရာဖြစ်ရပါသည်။ အထူးကြပ်မတ်ကုသဆောင်များ၌ အသက်ရှူစက်အကူအညီဖြင့် နောက်ဆုံးထွက်သက်ဆီရောက်သွားသူများအကြောင်းကို ဆရာဝန်များကပြန်ပြောပြသည့် သတင်းမျိုးဆိုလျှင်ပို၍ ဝမ်းနည်းစရာကောင်းပေသည်။ လူသားချင်းစာနာထောက်ထားသည့် စိတ်များလည်းဖြစ်ပေါ်စေသည်။
18-Mar-2020
ယနေ့ ကမ္ဘာ့နိုင်ငံအသီးသီးတွင် ကိုရိုနာဗိုင်းရပ်စ်နှင့်ပတ်သက်၍ မိမိနိုင်ငံသားများ ဒုက္ခမတွေ့ရအောင်၊ တွေ့ကြုံနေရသည့် ဒုက္ခများ လျော့သည်ထက် လျော့ပါးသွားအောင်၊ ဗိုင်းရပ်စ်ကာကွယ်ဆေး အမြန်ဆုံးပေါ်ပေါက်အောင် စသည်ဖြင့် နယ်ပယ်အသီးသီးမှ ပုဂ္ဂိုလ်များ မိမိကျွမ်းကျင်ရာ အတတ်ပညာကိုယ်စီဖြင့် ဝိုင်းဝန်းကြံဆနေခြင်းသည် တကယ်တမ်းပြောရလျှင် မိမိနိုင်ငံ၊ မိမိတိုင်းပြည်ကို မိမိကာကွယ်စောင့်ရှောက်နေကြခြင်းသာပင်ဖြစ်သည်။
17-Mar-2020
COVID-19 ဗိုင်းရပ်စ်ကြောင့် ကမ္ဘာ့လေကြောင်းခရီးစဉ်ထက်ဝက်ကျော်မက ရပ်နားထားရပြီး တစ်ချိန်ကအင်မတန်စည်ကားလှသည့် မက်ထရိုပိုလစ် အဆင့်ရှိ မြို့ကြီးများတွင် လူသွားလူလာခြောက်ကပ်နေရသည်ပုံများ၊ နှာခေါင်းစည်း မတပ်ထားသူ မပါသလောက်နည်းပါးလှသည့် သတင်းဓာတ်ပုံများကို မည်သည့်နိုင်ငံတကာသတင်းဌာနကိုကြည့်လျှင်ဖြစ်စေ နေ့စဉ်တွေ့မြင်စမြဲဖြစ်သည်မှာ ယခုဆိုလျှင် နှစ်လနီးပါးရှိသွားပြီဖြစ်ပါသည်။
16-Mar-2020
ကိုဗစ်ဟု အတိုကောက်ခေါ်၍ရသည့် COVID-19 ကိုရိုနာဗိုင်းရပ်စ်ကူးစက်ပျံ့နှင့်ပတ်သက်၍ မြန်မာတို့၏ အိမ်နီးချင်း ထိုင်းနိုင်ငံတွင် လူထုဆန္ဒသဘောထားတစ်ရပ်ကောက်ယူမှုပြုလုပ်ခဲ့ရာ ထိုင်းပြည်သူ ၆၀ ရာခိုင်နှုန်းကျော်က စိုးရိမ်ပူပန်မိကြောင်း ဖြေကြားပြီး ၁၃ ရာခိုင်နှုန်းလောက်ကသာ လုံးဝစိုးရိမ်ခြင်းမရှိဟု ဖြေကြားကြသည်ဟု သိရပါသည်။
15-Mar-2020
“စကားစကား ပြောပါများ၊ စကားထဲက ဇာတိပြ” ဆိုတဲ့ဆိုရိုးကို မြန်မာလူမျိုးတိုင်းသိထားကြပါတယ်။ သည်ဘက်ခေတ်၊ အထူးသဖြင့် ဆိုရှယ်မီဒီယာခေတ်မှာတော့ 'ပို့စ်တွေရေးတင်တာများ၊ ပို့စ်တွေထဲကဇာတိပြ' လို့ပြောရမယ်ထင်ပါတယ်။ ပို့စ်တွေရေး၊ ကွန်းမန့်တွေပေးတာလည်း ဆိုရှယ်မီဒီယာပေါ်မှာ တစ်နည်းတစ်ဖုံ စကားပြောကြာတာပဲမဟုတ်ပါလား။
13-Mar-2020
ယမန်နေ့က နိုင်ငံတော်အတိုင်ပင်ခံပုဂ္ဂိုလ် စစ်ကိုင်းတိုင်းဒေသကြီးသို့ သွားရောက်ပြီး ဒေသခံပြည်သူများနှင့်တွေ့ဆုံခဲ့သော မြို့အချို့ ၌ ၎င်း၏နိုင်ငံရေး လှုပ်ရှားမှုသမိုင်းကြောင်းတွင် အမြဲတစေမှတ်တမ်းဝင်နေမည်ဖြစ်သည့် မြို့တစ်မြို့လည်းပါဝင်သည်ကိုတွေ့ရပါသည်။
12-Mar-2020
စာမေးပွဲဖြေဆိုနေသည့် ကျောင်းသား၊ ကျောင်းသူများကို လိုက်ပါ စောင့်ရှောက်ကြသော ကျောင်းသားမိဘများ၊ တက္ကသိုလ်ဝင်တန်းစာမေးပွဲ အဆင်ပြေချောမွေ့စွာ ကျင်းပနိုင်ရေးအတွက် တာဝန်ဖြင့် ဝိုင်းဝန်းပံ့ပိုးကူညီပေးရန်စောင့်ကြပ်နေသည့် ရဲတပ်ဖွဲ့များ၊ ယာဉ်ထိန်းရဲများနှင့် မြို့နယ်အလိုက် အရန်မီးသတ်တပ်ဖွဲ့ဝင်များ အပါအဝင် သက်ဆိုင်ရာ ဆရာ၊ ဆရာမများကို နံနက် ၉ နာရီမတိုင်ခင်ကတည်းက မွန်းတည့် ၁၂ နာရီကျော်သည်အထိ အခြေခံပညာအထက်တန်းကျောင်းအသီးသီးတွင် တွေ့မြင်ရပါသည်။
11-Mar-2020
ပြီးခဲ့သည့်ရက်ပိုင်းက ဝန်ကြီးချုပ်တစ်ဦး၏ စကားတခွန်းက မြန်မာ့နိုင်ငံရေး စိတ်ဝင်စားသူမျယးအကြားဘအတော့်ကိုပွတ်လောရိုက်သွားစေခဲ့သည်။
10-Mar-2020
ယခုရက်ပိုင်း ပြည်တွင်းသတင်းမီဒီယာများနှင့် မြန်မာပြည်သူအများစု နေ့စဉ်နှင့်အမျှ ရင်တမမစောင့်ကြည့်နေသည့်အရာမှာ ကျန်းမာရေးနှင့်အားကစားဝန်ကြီးဌာန၏ COVID-19 အသက်ရှူလမ်းကြောင်းပိုင်းဆိုင်ရာ ဗိုင်းရပ်စ်ကူးစက်မှုနှင့်ပတ်သက်သည့် သတင်းကြေညာချက်ဖြစ်လိမ့်မည်ထင်သည်။
09-Mar-2020
မြန်မာ့နိုင်ငံရေးအပါအဝင် တိုင်းပြည်၏အရေးကိစ္စအတော်များများသည် ခေါင်းဆောင်များ (ရှေ့ကဦးဆောင်သူများ)၏ ဆုံးဖြတ်ချက်တို့ ၊ စိတ်ဆန္ဒတို့အပေါ်တွင် အဓိကမူတည်နေရာ ခေါင်းဆောင်တို့၏ အခန်းကဏ္ဍမည်မျှအရေးကြီးကြောင်းကို ထွေထွေထူးထူး ပြောနေစရာမလိုပေ။ သို့သော် ယနေ့လို ဒီမိုကရေစီတည်ဆောက်လျက်ရှိ (ပြည်သူတစ်ရပ်လုံးအတွက် နိုင်ငံသစ်တစ်ခုတည်ဆောက်ရန် ကြိုးပမ်းလျက်ရှိ)ချိန်တွင် ခေါင်းဆောင်များမည်မျှပင် 'စွမ်း' နိုင်စေကာမူ ပြည်သူများ၏ ပူးပေါင်းပါဝင်မှုမပါဝင်ဘဲ ရှေ့ဆက်ရန် မဖြစ်နိုင်သည်ကိုလည်း ၁၀ နှစ်နီးပါးကြာ အသွင်ကူးပြောင်းရေးကာလမှရသော အတွေ့အကြုံများကြောင့် အားလုံး နားလည်သဘောပေါက်လာမည်ဟု ထင်ပါသည်။
08-Mar-2020
သည်ကနေ့ လူ့အဖွဲ့အစည်းအသီးသီးမှာ ပုံစံအမျိုးမျိုးဖြစ်နေကြတဲ့ ပြဿနာတွေနဲ့ မပြေမလည်ဖြစ်မှုတွေကို ကြည့်မယ်ဆိုရင် ပြဿနာကို ပြေလည်အောင် စဉ်းစားတာတို့၊ တစ်ဖက်ရဲ့အခက်အခဲကို ထည့်သွင်းစဉ်းစားတာတို့ အင်မတန်အားနည်းပြီး ကိုယ့်ရဲ့ရပိုင်ခွင့်၊ လုပ်ပိုင်ခွင့်စတာတွေကိုပဲရှေ့တန်းတင်စဉ်းစား တတ်ကြတာကို သတိပြုမိပါလိမ့်မယ်။ လူနှစ်ယောက်ရန်ဖြစ်တာက အစ၊ ဆရာဝန်နဲ့ လူနာ မပြေမလည်ဖြစ်တာအလယ် အလုပ်ရှင်နဲ့ ဝန်ထမ်းအကြား သဘောထားကွဲလွဲတာအဆုံး ဖြစ်လေ့ရှိတဲ့ ပြဿနာတွေမှာ ကိုယ်သာလျှင် အမြဲမှန်တယ်ဆိုတဲ့ ခံယူချက်သဘောထားက အမြဲရှေ့ရောက်နေပြီး ကိုယ်နဲ့အဆင်မပြေဖြစ်ရတဲ့ လူပုဂ္ဂိုလ်၊ အဖွဲ့အစည်း စတဲ့သူတွေဘက်က ဖြည့်စွက်တွေးပေးတတ်တဲ့ အလေ့အထလေးတွေ နည်းပါးလာတာ အသေအချာပါပဲ။