News

POST SECTION

EDITORIAL

03-Jun-2020
ဇွန်လ ၂ ရက်နေ့ မနက်က ကမာရွတ်မြို့နယ် သင်္ဘောကျင်းမှတ်တိုင်အနီးတွင် YBS အမှတ် ၄၀ ဘတ်စ်ကားက အငှားယာဉ်တစ်စီးကို ဝင်တိုက်မိသောကြောင့် ယင်းအငှားယာဉ်ပေါ်လိုက်ပါလာသော ခရီးသည် နှစ်ဦးနှင့် ယာဉ်မောင်းတို့ သေဆုံးသွားသည့် သတင်းကြားရသည်မှာ အတော့်ကိုစိတ်မကောင်းစရာပင်။ စည်းမဲ့ကမ်းမဲ့ အရှိန်ပြင်းစွာမောင်းနှင်လာပြီး တစ်ဖက်ယာဉ်ကြောထဲသို့ ထိန်းမနိုင်သိမ်းမရပုံစံဖြင့် ဝင်တိုက်သွားခြင်းဖြစ်သည်။
02-Jun-2020
Lockdown အတော်များများကို ဖြည်းဖြည်းချင်းရုပ်သိမ်းလာပြီးသည့် နောက် တနင်္လာနေ့ ဇွန်လ ၁ ရက်နေ့က ရန်ကုန်အပါအဝင် အခြားမြို့များတွင် သွားလာလှုပ်ရှားမှုများ၊ ရောင်းဝယ်ဖောက်ကားမှုများ ယခင်ကနီးပါး ပုံမှန်သက်ဝင်လာသည်ကိုတွေ့ရပါသည်။ လက်ဖက်ရည်ဆိုင်နှင့် စားသောက်ဆိုင်များ အပါအဝင် ဈေးဆိုင်အတော်များများ ပုံမှန်ပြန်ဖွင့်လာကြသည်။ ကျန်းမာရေးဌာနက သတ်မှတ်ထားသည့် လမ်းညွှန်ချက်များအတိုင်း ပြန်လည်လုပ်ကိုင်လည်ပတ်နေကြသည်က များပါသည်။
01-Jun-2020
ဂျော့ဖလွိုက်ဟု အမည်ရသည့် အာဖရိကန်အမေရိကန် လူမည်းတစ်ဦး အမေရိကန်ပြည်ထောင်စု၊ မင်နီယာပိုလစ်မြို့တွင် လူဖြူရဲတပ်ဖွဲ့ဝင်တစ်ဦးကြောင့် အသက်သေဆုံးသွားသည့်ဖြစ်ရပ်မှာ အမေရိကန်ပြည်ထောင်စုသာမက အခြားကမ္ဘာ့နိုင်ငံများအတွကပါ အလွန်တုန်လှုပ်စရာကောင်းသော သတင်းကြီးတစ်ပုဒ် ဖြစ်နေပါသည်။
31-May-2020
သည်ကနေ့ မြန်မာနိုင်ငံအတွက် လိုအပ်နေတဲ့အရာတွေ၊ ကွက်လပ်ဖြည့်စရာတွေ အမြောက်အမြားရှိတဲ့အနက် လွတ်လွတ်လပ်လပ်လည်းရှိ ယဉ်ယဉ်ကျေးကျေးလည်းရှိတဲ့ လူ့အဖွဲ့အစည်းတစ်ရပ်တည်ဆောက်ရေးဟာလည်း ဒီမိုကရေစီနိုင်ငံ တည်ဆောက်ရေးရဲ့ တစ်စိတ်တစ်ပိုင်းမကတဲ့နေရာကနေပါဝင်နေမယ်လို့ ထင်ပါတယ်။
29-May-2020
'အလုပ်ကောင်းလျှင် ကံကောင်းမည်' ဟု ဆိုသောစာသားကို ကံနှင့်ကံ၏အကျိုးကို ယုံကြည်သော မြန်မာအတော်များများ ကြားဖူး၊ မြင်ဖူးကြပါမည်။ တစ်ခေတ်တစ်ခါက လူရိုသေ၊ ရှင်ရိုသေရှိခဲ့သော စီးပွားရေးလုပ်ငန်းရှင်ကြီးတစ်ဦးက သူ၏မိတ်ဆွေများနှင့် ဝန်ထမ်းများအတွက် သတိပေးသည့်အနေနှင့် ရေးသားခဲ့ခြင်းဖြစ်သည်ဟုလည်း မှတ်သားဖူးပါသည်။ အချို့သောဆိုင်များနှင့် လုပ်ငန်းခွင်များတွင် ယင်းသတိပေးစာသားကို ပရင့်ထုတ်ကာ နံရံစသည်တို့၌ ကပ်ထား, ချိတ်ဆွဲထားကြသည်ကိုပင် တွေ့မြင်ဖူးကြပါလိမ့်မည်။
28-May-2020
အမှိုက်ကစ၍ ပြသာဒ်မီးမလောင်စေနှင့်ဆိုသည်မှာ ဘယ်လိုခေတ်ကာလ ရောက်ရောက်အမြဲပင်အသုံးဝင်သည့် သတိပေးစကားဖြစ်မည်ဟုထင်ပါသည်။ အမှိုက်ဟု တင်စားထိုက်သည့် အသေးအဖွဲအရေးကိစ္စ၊ အသေးအမွှားပြဿနာမှသည် ကြီးမားသည့် ဆိုးကျိုးများဖြစ်သည်အထိ ဖန်တီးနိုင်သည်ကို ရှင်းရှင်းလင်းလင်းသတိပေးခြင်းပင်။
27-May-2020
နိုင်ငံတစ်နိုင်ငံကို ဦးဆောင်နေသည့် အစိုးရယန္တရားမှ ခေါင်းဆောင်များနှင့် လူကြီးများ၏ အပြုအမူ၊ အပြောအဆိုနှင့် လုပ်ကိုင်ဆောင်ရွက်မှုများသည် ယင်းနိုင်ငံနှင့် လူ့အဖွဲ့အစည်းအပေါ် သက်ရောက်မှု (ရိုက်ခတ်မှု) ကြီးမားသည်ကို အထွေအထူးပြောနေ၊ ရှင်းပြနေစရာမလိုဟုထင်ပါသည်။
26-May-2020
တကယ်တော့ ပြီးခဲ့သည့် မေလဆန်းပိုင်းကတည်းက နာဂစ်နှစ်ပတ်လည် နှင့်ဆက်စပ်ပြီး သဘာဝဘေးအန္တရာယ်အကြောင်း ပြောချင်ခဲ့ပေမယ့်လည်း COVID-19 ကပ်ရောဂါကာလ စီးပွားရေးပြန်လည်ထူမတ်နိုင်ရေးအတွက် ရေးသားတင်ပြစရာများက ဆက်တိုက်ရှိနေခဲ့၍ မရေးဖြစ်ခဲ့ပေ။
25-May-2020
မပြီးဆုံးသေးသော ကိုဗစ်ကပ်ရောဂါကာလတွင် ကမ္ဘာကျော် Apple နည်းပညာ ကုမ္ပဏီကြီးက သူ၏ Apple Product တွေကို ဈေးအတော်လျှော့ချကာ ရောင်းနေသည်ကိုတွေ့ရပါသည်။ ၁၀ လက်မကျော်အရွယ် iPad ဆိုလျှင် ဒေါ်လာ ၂၅၀ လောက်ကစသည်။ iPhone တွေလည်း ဈေးချပစ်သည်။ ထိုမျှမကသေး၊ နောင် အသစ်ထွက်မည့် iPhone များကိုလည်း ဈေးချဦးမည်ဟု ဆိုထားပါသည်။
24-May-2020
တစ်ဦးတစ်ယောက် မကောင်းခြင်းကြောင့် လူအများစုပါ နာမည်ပျက်ကြရတဲ့ အဖြစ်နဲ့ပတ်သက်ပြီး မြန်မာစကားပုံတွေထဲမှာ 'ငါးခုံးမတစ်ကောင်ကြောင့် ...'ဆိုတဲ့စကားပုံဟာ နီးနီးစပ်စပ်ရှိလှတဲ့ သာဓကတစ်ခုဖြစ်တယ်လို့ဆိုရပါမယ်။
22-May-2020
ယမန်နေ့က လူမှုကွန်ရက်ပေါ်တွင် လူအများစိတ်ဝင်စားသည့် ဓာတ်ပုံတစ်ပုံတက်လာသည်။ တိုင်းရင်းသားလက်နက်ကိုင်တပ်ဖွဲ့တစ်ခုမှ စစ်ဘက်ခေါင်းဆောင်တစ်ဦးနှင့် မြန်မာတပ်မတော်မှ စစ်ဘက်အရာရှိကြီးတစ်ဦးတို့ ကိုဗစ်ကမ္ဘာ့ကပ်ရောဂါ ကာကွယ်ရေးနှင့် ကုသရေးအထောက်အပံ့ပစ္စည်းများ ပေးအပ်လှူဒါန်းသည့် အခမ်းအနားတစ်ခု၌ ယှဉ်တွဲတွေ့မြင်ရသည့်ဓာတ်ပုံဖြစ်ပါသည်။ လူပြောသူပြောများသွားစေသည့် ဓာတ်ပုံဟု ဆိုလျှင်လည်းရပါမည်။
21-May-2020
မြန်မာနိုင်ငံတွင် အသွင်ကူးပြောင်းမှုများအစပြုခဲ့သည့် ၂၀၁၁ ခုနှစ် မတိုင်မီကာလအထိ နှစ်များစွာ နယ်ပယ်အသီးသီးတွင် ပညာရှင်ဆန်သောပုဂ္ဂိုလ်များ ခါးဆက်ပြတ်ခဲ့သော်လည်း ယနေ့အချိန်ကာလတွင်မူ နိုင်ငံရေး၊ စီးပွားရေး၊ ပညာရေး၊ ကျန်းမာရေး စသည့်တိုင်းပြည်၏ အရေးပါသောအခန်းကဏ္ဍများကို ဦးဆောင်နိုင်၊ ထောက်ပြဝေဖန်နိုင်သည့်သူများ ပြန်လည်မြင်တွေ့လာရသည်မှာ ပြုပြင်းပြောင်းလဲမှုများ၏ ရလဒ်ဟုဆိုရပါမည်။
20-May-2020
မြန်မာစကားပုံများတွင် “မြင်းကမလှုပ် ခုံကလှုပ်”၊ “ငါးပိသည်က အိပ်၊ ဆားသည်ကယပ်ခတ်ပေး” ဆိုသည်များကို စာဖတ်သူအတော်များများ ကြားဖူးကြ ပါမည်။ ယင်းတို့နှင့် ဆိုလိုရင်းတူသည့် စကားပုံနှင့် ဆိုရိုးများလည်းရှိလိမ့်မည်ဟု ထင်ပါသည်။
19-May-2020
ယနေ့ခေတ်၊ အထူးသဖြင့် ကိုရိုနာဗိုင်းရပ်စ်ဆိုသည့် ကပ်ရောဂါဘေးကြီးနှင့် ရင်ဆိုင်ရသည့်ခေတ်တွင် နည်းပညာရှေ့ဆုံးတန်းသို့ရောက်နေသောအချက်ကို အရှင်းလင်းဆုံးပုံစံဖြင့် မြင်တွေ့ရပေသည်။
18-May-2020
ယမန်နေ့က ကိုဗစ်အကျပ်အတည်းကာလနှင့်ပတ်သက်၍ ထူးထူးခြားခြားသတင်းတစ်ရပ်ထွက်ပေါ်လာပေသည်။ လက်လုပ်လက်စားများနှင့် အခြေခံလူတန်းစား များကို အစိုးရက ငွေကြေးထောက်ပံ့ရန် စီစဉ်နေသည့်သတင်း ဖြစ်ပါသည်။