News

POST TYPE

EDITORIAL

အိမ်အကူ အသက် အလဟဿ မဖြစ်စေလို (Weekly, Vol-13/No-20)
မြန်မာအိမ်အကူ အမျိုးသမီးငယ် စင်ကာပူတွင် ကိုယ့်ကိုယ်ကိုယ် အဆုံးစီရင်သွားခြင်းသည် ရေခဲတောင်ကြီး၏ ထိပ်စွန်းသာဖြစ်ပြီး ယင်းဖြစ်ရပ်က မြန်မာတစ်နိုင်ငံလုံး၏ အခြေအနေကို လှစ်ဟပြသည်။ ယင်းအခြေအနေကို ထိထိရောက်ရောက် ကိုင်တွယ်ဖြေရှင်းနိုင်မှသာ အိမ်အကူများ အပါအဝင် မြန်မာရွှေ့ပြောင်းလုပ်သားများစွာ၏ ဘဝကို ကယ်တင်နိုင်မည်။

မွေးရပ်နိုင်ငံမှသည် ရပ်ဝေးမြေခြား နိုင်ငံများသို့ ရွှေ့ပြောင်းအလုပ်လုပ်ကိုင်ကြခြင်းသည် ‘ခြေထောက်ဖြင့် မဲပေးခြင်း’  Voting with Feet ဖြစ်သည်။ နေရင်းဒေသတွင် နေရေးထိုင်ရေး အလုပ်အကိုင်ရရှိရေး ခက်ခဲသဖြင့် ဆွေဝေးမျိုးဝေး တစိမ်းဒေသတွင် စွန့်စွန့်စားစား သွားရောက်နေထိုင် လုပ်ကိုင်ခြင်းသည် ‘လက်ဖြင့်မဲပေးခြင်း’ ကဲ့သို့ နိုင်ငံရေး မဟုတ်သည့်တိုင်   မိမိဆန္ဒကို မိမိဘဝနှင့်ရင်းပြီး လက်တွေ့ထုတ်ဖော်ပြသခြင်းဖြစ်ရာ လက်ဖြင့် မဲပေးခြင်းထက်ပင် နိုင်ငံ့အခြေအနေမှန်ကို ဖော်ပြသည်။ ‘ခြေထောက်ဖြင့် မဲပေးသူ’ များသည့် နိုင်ငံများတွင်  နိုင်ငံရေး၊ စီးပွားရေး အခြေအနေများ မကောင်းလှပေ။ 

မြန်မာရွှေ့ပြောင်းလုပ်သားများ ရင်ဆိုင်နေရသော ပြဿနာများကို ရေရှည်တွင် အကောင်းဆုံး ဖြေရှင်းနည်းမှာ အခြားသို့ သွားရောက်စရာ မလိုစေရန် နိုင်ငံတွင်းတွင် အလုပ်အကိုင် အခွင့်အလမ်းများ ပေါများလာအောင် ဖန်တီးခြင်းသာ ဖြစ်သည်။ သို့သော် ပြည်ပရောက် မြန်မာလုပ်သားများ အချိန်တိုအတွင်း ပြန်လာမည် မဟုတ်ခြင်း၊ ပြည်တွင်းအလုပ်အကိုင် အခွင့်အလမ်းများ ချက်ချင်းပေါများလာမည် မဟုတ်ခြင်း၊ ပြည်ပရောက် မြန်မာလုပ်သားများ ပြန်လွှဲပို့ပေးသော ငွေများကြောင့် ပြည်တွင်းတွင် ကျန်ရစ်ခဲ့သော မိသားစုများ၏ စားဝတ်နေရေး အဆင်ပြေခြင်း၊ ပြည်ပတွင် သွားရောက်လုပ်ကိုင်ခြင်းကြောင့် ငွေကြေးအပြင် အတွေ့အကြုံများ၊ နည်းပညာများ ရရှိခြင်းတို့ကြောင့် ရေတိုနှင့်ရေလတ် ကာလတွင် ရွှေ့ပြောင်းလုပ်သားများဆိုင်ရာ ထိရောက်သော မူဝါဒများ ချမှတ်ဖော်ဆောင်ခြင်းက ပိုလက်တွေ့ကျသည်။ 

မြန်မာနိုင်ငံသည် ယခင် ဦးသိန်းစိန်အစိုးရ လက်ထက်မှစကာ ပြည်ပတွင် နေထိုင်အလုပ်လုပ်ကိုင်သူ မိမိနိုင်ငံသားများနှင့် ထိတွေ့ဆက်ဆံမှုများ တိုးတက်လာသော်လည်း ထိုရွှေ့ပြောင်းလုပ်သားများ၏ ဘဝသာယာရေး ဖော်ဆောင်ရေး ထိထိရောက်ရောက် ဆောင်ရွက်နိုင်ခြင်း မရှိသေး။ ထို့ကြောင့် ဒေသတွင်း အဓိက ရွှေ့ပြောင်းလုပ်သားနိုင်ငံများ ဖြစ်သည့်  ဖိလစ်ပိုင်၊ အင်ဒိုနီးရှားတို့တွင်ကဲ့သို့ ထိရောက်သည့် ရွှေ့ပြောင်းလုပ်သား မူဝါဒ ဖော်ဆောင်ရမည်။ လက်ခံနိုင်ငံများရှိ  မြန်မာလုပ်သားများ၏ လိုအပ်ချက်များကို သိရှိပြီး ယင်းတို့အတွက် အကျိုးရှိစေမည့် ဥပဒေများ၊ ညွှန်ကြားချက်များ၊ အကြံပေးချက်များ ထုတ်ပြန်ခြင်း၊ မြန်မာနိုင်ငံသားများ အကျိုးအတွက် လက်ခံနိုင်ငံများရှိ  အစိုးရများ၊ အစိုးရ မဟုတ်သော အဖွဲ့အစည်းများနှင့် အနီးကပ် ပူးပေါင်းဆောင်ရွက်ခြင်း၊ ရွှေ့ပြောင်းလုပ်သားများ၏ ဝင်ငွေကို မြန်မာပြည်တွင်းတွင် ပြန်လည်ရင်းနှီးမြှုပ်နှံနိုင်အောင် ဆောင်ရွက်ခြင်း၊ ရွှေ့ပြောင်းလုပ်သားများဆိုင်ရာ ရေရှည်မျှော်မှန်းချက်များ ချမှတ်ဖော်ဆောင်ခြင်း စသည်တို့သည် ထိုမူဝါဒတွင် ပါဝင်မည်။ ဥပမာ - အိမ်အကူများသည် အလုပ်အကိုင် ရှာဖွေပေးသည့် ပွဲစားအေဂျင်စီများကို အခကြေးငွေ ကြိုတင်မပေးနိုင်လျှင် ယင်းတို့ လုပ်ခလစာထဲမှ ဖြတ်ယူခံကြရသည်။ ထိုအခကြေးငွေ  မကျေသေးသရွေ့ ထိုအိမ်အကူများသည် အပြင်လောကနှင့် အဆက်အသွယ် ဖြတ်ထားခံကြရတတ်သည့် အတွက် စိတ်ပိုင်း ကိုယ်ပိုင်း အန္တရာယ်များနှင့် ကြုံရလျှင် ပြင်ပမှ အကူအညီတောင်းရန် ခက်ခဲသည်။ ဘဏ်များ သို့မဟုတ် အသေးစားချေးငွေ လုပ်ငန်းများထံမှ ချေးငွေရရှိလျှင် ထိုအခက်အခဲများစွာ ပြေလည်သွားနိုင်သည်။

ပြည်ပသို့ သွားရောက်နေထိုင် အလုပ်လုပ်ကိုင်သူ မြန်မာများ သန်းနှင့်ချီ ရှိသည့်အနက် အများစုမှာ ထိုင်း၊ မလေးရှားနှင့် စင်ကာပူတို့သို့ သွားရောက်ကြသည်။ ထိုင်း၊ မလေးရှားတို့သို့ သွားရောက်လုပ်ကိုင်ရသည့် မြန်မာအများစု ကျင်လည်ရသည့် လုပ်ငန်းခွင်မှာ ကာယအားကိုးရသည့်၊ ကျွမ်းကျင်မှု မလိုသည့် လုပ်ငန်းခွင်ဖြစ်သည်။ အန္တရာယ်လည်း ပိုများသည်။ မြန်မာနှစ်သိန်းခန့် နေထိုင်သည်ဟု ဆိုသော စင်ကာပူသည် ထိုင်း၊ မလေးရှားတို့နှင့်စာလျှင် မြန်မာပညာတတ်များ သွားရောက်သည့်နိုင်ငံ သို့မဟုတ် မြန်မာများ ပညာသင်ရန် သွားရောက်သည့်နိုင်ငံ ဖြစ်သော်လည်း သုံးသောင်းထက် မနည်းသည့် မြန်မာများမှာ အိမ်အကူများ ဖြစ်သည်။ စင်ကာပူရောက် မြန်မာလုပ်သား သုံးပုံတစ်ပုံသည် အိမ်အကူများ ဖြစ်သည်ဟုပင် အချို့စာရင်းဇယားများက ဆိုသည်။ 
တစ်ရပ်တစ်ကျေးတွင် နေကြသူချင်း အတူတူ အမျိုးသမီးများသည် သဘာဝအရ ဒုက္ခဘေး  အန္တရာယ်နှင့် ပိုပြီးရင်ဆိုင်ကြရသည်။ အမျိုးသမီးချင်းတူလျှင်ပင် အလုပ်ရှင်၏ အိမ်သည် အိမ်အကူများအတွက် အလုပ်ခွင်ဖြစ်ရာ သာမန်စက်ရုံအလုပ်ရုံ စသည့် အလုပ်ပတ်ဝန်းကျင်များနှင့် မတူဘဲ  ပတ်ဝန်းကျင်နှင့် အဆက်ပြတ်သည်။ ထို့ကြောင့် ရုပ်ပိုင်းစိတ်ပိုင်း အခက်အခဲကြုံရလျှင် အကူအညီရရန် ခဲယဉ်းသည်။ 

ကိုယ့်ကိုယ်ကိုယ် အဆုံးစီရင်ခဲ့သော မြန်မာအမျိုးသမီးငယ်သည် မည်သည့်အခက်အခဲမျိုးနှင့် ရင်ဆိုင်ခဲ့ရမှန်း မည်သူမျှ မသိနိုင်ပါ။ သို့သော် အချိန်မီသာ အကူအညီပေးနိုင်ခဲ့လျှင် ယခုကဲ့သို့ အဖြစ်ဆိုးချင်မှဆိုးမည်။ ထိုင်း၊ မလေးရှားတို့ အသာထား၊ စင်ကာပူတွင်ပင် ၂၀၁၆ နှစ်လယ်ပိုင်းက မြန်မာအိမ်အကူတစ်ဦး အသတ်ခံခဲ့ရကာ အိမ်ရှင်သားအမိကို ဖမ်းဆီးတရားစွဲဆိုခဲ့ရသည့် အတွက် အိမ်အကူကဲ့သို့ လုပ်ငန်းခွင်မျိုးတွင် လုပ်ကိုင်နေရသော မြန်မာလုပ်သားတို့၏ အခက်အခဲနှင့် အန္တရာယ်မှာ ကြီးမားကြောင်း မြင်သာခဲ့သည်။ 

နိုင်ငံအတွက် ဝင်ငွေများစွာ ရှာနေပြီး မြန်မာ့အခက်အခဲကို တစ်ဖက်တစ်လမ်း ကူညီဖြေရှင်းနေသော မြန်မာရွှေ့ပြောင်း လုပ်သားများကိုယ်တိုင်မှာ အသက်ဆုံးရှုံးနိုင်သည်အထိ အခက်အခဲများစွာ ရင်ဆိုင်နေရသည်ဖြစ်ရာ သူတို့အတွက် ထိရောက်သော မူဝါဒများ ရေးဆွဲအကောင်အထည်ဖော်ခြင်းဖြင့် ‘လက်သည်းဆိတ်၍ လက်ထိပ်နာတတ်’ ရန် လိုကြောင်း ကိုယ့်ကိုယ်ကိုယ် အဆုံးစီရင်ခဲ့သော မြန်မာအိမ်အကူလေးက သက်သေပြခဲ့ပြီ။  ထိုအမျိုးသမီးငယ်၏ အသက် အလဟဿ မဖြစ်စေလို။ 

အယ်ဒီတာ (၁၄.၆.၂၀၁၇)