News

POST TYPE

EDITORIAL

လက်ရုံးထက် နှလုံးရည်သာသုံးရမည့် ဒီရှမ်းနှင့် ဒီလွယ်အိတ် ဆက်ဆံရေး ( Daily, Vol-5/No-56)
15-Jun-2017 tagged as

မြန်မာနိုင်ငံကို ရာစုနှစ်ဝက်ကြာမျှ အုပ်ချုပ်ခဲ့သော တပ်မတော် (စစ်တပ်)နှင့် ပတ်သက်သည့် ဧရာမဆိုရိုးစကား တစ်ခုကို ယခုခေါင်းကြီးပိုင်း ဖတ်နေသူများသာမက မြန်မာနိုင်ငံသား အတော်များများ ရင်းနှီးကျွမ်းဝင်ထားပြီး ဖြစ်ပါလိမ့်မည်။ “ရေဘူးပေါက်တာ မလိုချင်ဘူး၊ ရေပါတာပဲလိုချင်တယ်”ဟူ၍ဖြစ်သည်။ အလားတူပင် ၁၉၈၈ ခုနှစ် ကာလကိုမီခဲ့သော မြန်မာနိုင်ငံသားများ မည်သို့မျှ မမေ့နိုင်ခဲ့သော သမိုင်းဝင်စကား တစ်ခွန်းကိုလည်း စာဖတ်သူများ မှတ်မိကြလိမ့်ဦးမည်ဟု ထင်ပါသည်။ “စစ်တပ်ဆိုတာ မိုးပေါ် ထောင်မပစ်ဘူး၊ တည့်တည့်ပဲပစ်တယ်”ဟူ၍ဖြစ်ပြီး မြန်မာ့ဆိုရှယ်လစ် လမ်းစဉ်ပါတီအစိုးရ၏ နောက်ဆုံးနေဝင်ချိန်တွင် ဗိုလ်ချုပ်ကြီး နေဝင်း(ကွယ်လွန်) ဒေါသတကြီး ပြောဆိုသွားခဲ့သည့် မှတ်ချက်စကားကြီး တစ်ခွန်းလည်းဖြစ်ပေသည်။ ပထမဆိုရိုးကို ဆန်းစစ်ကြည့်ပါက တစ်စုံတစ်ခု လုပ်ဆောင်ရတော့မည်ဆိုပါက မည်သည့် ဖြေရှင်းချက် သို့မဟုတ် အကြောင်းပြချက် တစ်စုံတစ်ရာကိုမျှ လက်သင့်မခံဘဲ လုပ်ဆောင်ရမည့်ကိစ္စကို မဖြစ်မနေ လုပ်ပေးရမည့်သဘောမျိုး ဖြစ်ပေသည်။ သမိုင်းတွင်ကြီးမားသည့် အစက်တစ်ခုလိုဖြစ်ခဲ့သော ဒုတိယစကားမှာမူ တပ်မတော်သည် ပြည်တွင်းရန်သူ သို့မဟုတ် ပြည်ပရန်သူဟု သတ်မှတ်ပြီဆိုပါက မည်သို့မျှ သက်ညှာမှုပေးမည် မဟုတ်ဘဲ အမြစ်ပြတ် ချေမှုန်းမည်ဟူသော သဘောပင်ဖြစ်ပေသည်။ မှန်ပါသည်။ လက်နက်ကိုင်ဆောင်ခွင့်ပြုထားသော ယောက်ျားသား မြောက်မြားစွာကို အုပ်ချုပ်ရာတွင်လည်းကောင်း၊ ရန်သူ၏ပစ်ကွင်းထဲ၌ အောင်နိုင်ရေးအတွက် အသက်လုကာ ပြေးလွှားနေချိန်တွင်လည်းကောင်း ထိုကဲ့သို့ ရေဘူးပေါက်တာထက် ရေပါတာလိုချင်သည်ဟူသော ခိုင်မာပြတ်သားသည့် အမိန့်မျိုးမှာ မဖြစ်မနေ လိုအပ်နေမည်သာ ဖြစ်ပေသည်။ တစ်နည်းဆိုရလျှင် အဆိုပါ ဆိုရိုးတို့သည် တပ်မတော်၏ မာကျောခက်ထန်မှု ပြည့်ဝသော ပါဝါအမာ(Hard Power) ကို ဖော်ကျူးသည့် ဆိုရိုးစကားများပင် ဖြစ်ပါသည်။ နောက်ထပ်တစ်ဖန် မြန်မာမှုဆန်စွာ ပြောရမည်ဆိုပါက လက်ရုံးရည်ကို ထုတ်ဖော်ပြသသည့် ဆိုရိုးဟု ဆိုနိုင်ပါသည်။

သို့သော်လည်း တပ်မတော်က နှစ်ပေါင်း ၅၀ ကျော်မျှ အုပ်ချုပ်ခဲ့သည့် အချိန်ကာလတွင်  စစ်ဘက်ခေါင်းဆောင်များ၊ စစ်ဘက်မှ အငြိမ်းစားယူကာ အစိုးရ ဝန်ကြီးဌာနပိုင်းသို့ ပြောင်းရွှေ့ တာဝန်ထမ်းဆောင်ခဲ့သူများနှင့် ထိတွေ့ဆက်ဆံ အလုပ်လုပ်ခဲ့ဖူးသူ အရပ်ဘက် ဝန်ထမ်းများနှင့် မြန်မာနိုင်ငံသားတိုင်း ရေဘူးတွင် အပေါက်ပါခြင်း၊ မပါခြင်းထက် ရေပါနိုင်မည့်အရေးကိုသာ ဦးစားပေး လုပ်ကိုင်ခဲ့ကြရသည်က များခဲ့ပါသည်။ သို့အတွက်ကြောင့် မူဝါဒများ ချမှတ်အကောင်အထည် ဖော်ရာတွင်လည်းကောင်း၊ အများပြည်သူနှင့် တိုက်ရိုက် သက်ဆိုင်သည့် လုပ်ငန်းများ လုပ်ဆောင်ရာတွင်လည်းကောင်း အဂတိတရား မြောက်မြားစွာနှင့် အုပ်ချုပ်မှုဆိုင်ရာ အားနည်းချက်များစွာ ဖြစ်ပေါ်စေခဲ့သည်မှာ သက်ဆိုင်သူ အားလုံး သိထားပြီးဖြစ်ပါလိမ့်မည်။ “စစ်သားဟူသည် ခပ်ပြတ်ပြတ်ပြောပြီး ခပ်ပြတ်ပြတ် လုပ်တတ်သည်”ဆိုသောအချက်မှာ တပ်ရင်းများအတွင်းနှင့် ရှေ့တန်းနေရာများအတွက် လွန်စွာ သင့်လျော်သော်လည်း တပ်ရင်း၊ တပ်ခွဲ စီမံအုပ်ချုပ်မှုပြင်ပနှင့် နောက်တန်းနေရာတို့အတွက်မူ လျော်ကန်မှုအလျှင်း မရှိသည်မှာ စစ်ဘက်-အရပ်ဘက် ဆက်ဆံရေးကောင်း တစ်ရပ် လိုလားသူတိုင်း နားလည် သဘောပေါက်ကြမည်ဖြစ်ပေသည်။ အဆိုပါ ဆက်ဆံရေးကောင်းအတွက် အရေးကြီးဆုံး အရာများကိုပြောပါဆိုလျှင် တစ်ဖက်နှင့်တစ်ဖက် အပြန်အလှန် ယုံကြည်မှု၊ အပြန်အလှန် လေးစားမှုနှင့် စာနာနားလည်မှုတို့သာ ဖြစ်ရပါလိမ့်မည်။ 

တစ်ဖက်တွင် မြန်မာနိုင်ငံသား တိုင်းရင်းသားညီအစ်ကို မောင်နှမများရှိပြီး တစ်ဖက်တွင် တပ်မတော်သားများသာ ရှိသည့် အဆိုပါ ဆက်ဆံရေးသည် မြန်မာနိုင်ငံ ဖွံ့ဖြိုးတိုးတက်ရေး၊ အမျိုးသား ပြန်လည် သင့်မြတ်ရေး၊ ထာဝရ ငြိမ်းချမ်းရေး အစရှိသည်တို့အတွက် အမှန်တကယ် အရေးကြီးသော ဆက်ဆံရေး တစ်ရပ်ဖြစ်ပေရာ တပ်မတော်သားများဘက်က Soft Power ဆန်သော နှလုံးရည်ကို ထုတ်ဖော်ပြသရမည့်အချိန်တွင် လက်ရုံးရည်ကို ထုတ်မပြမိရန်လိုအပ်သလို အရပ်သား မိဘပြည်သူ တိုင်းရင်းသားညီအစ်ကို မောင်နှမများဘက်ကလည်း အတိတ်က ခါးသီးလှသည့် အနာဟောင်းများကို နောင်လာမည့် မျိုးဆက်များ အကျိုးရည်သန်ကာ အတိတ်၌သာ ထားပစ်ခဲ့ရန်လိုအပ်ကြောင်း မေတ္တာရပ်ခံလိုပါသည်။ တိုင်းရင်းသား ညီအစ်ကို မောင်နှမများအနက် ရှမ်းတိုင်းရင်းသားတို့၏ ဆိုရိုးစကားများထဲတွင် “ဒီရှမ်းနဲ့ ဒီလွယ်အိတ် သေခါမှခွဲ”ဟူသည့် ဆိုရိုးတစ်ခုရှိထားရာ မြန်မာ့အရေးအတွက် လွန်စွာ အရေးကြီးသည့် အဆိုပါ နှစ်ဖက်ဆက်ဆံရေးတွင် မည်သည့်ဘက်ကိုမျှ ခွဲထုတ်ချန်ထား၍ မဖြစ်နိုင်ဟူသော အချက်ကိုလည်း သက်ဆိုင်သူ အားလုံး နားလည်သဘော ပေါက်မည်ဟု မျှော်လင့်မိပါသည်။ 

အယ်ဒီတာ (၁၅-၆-၂၀၁၇)

  • TAGS