News

POST TYPE

EDITORIAL

လက်တွေ့ကျသော နိုင်ငံရေး (Daily, Vol-5/No-26)
12-May-2017 tagged as

မြန်မာပြည်သူလူထု နှစ်ပေါင်းများစွာ တောင့်တနေသော ဒီမိုကရေစီ နိုင်ငံတော် တည်ဆောက်ရေး တစ်နည်းအားဖြင့် နိုင်ငံတည်ဆောက်ရေး လုပ်ငန်းများ အကောင်အထည်ဖော်ရာတွင် ပြည်တွင်း ငြိမ်းချမ်းရေးမှာ အခရာ အကျဆုံးနှင့် အရေးအကြီးဆုံး ဖြစ်သည်။

နှစ်ပေါင်း ခြောက်ဆယ်ကျော်ကြာ အစိုးရ အဆက်ဆက်ကို လက်နက်ကိုင် ဆန့်ကျင်ခဲ့သော တိုင်းရင်းသား လက်နက်ကိုင် အဖွဲ့အစည်း ၁၆ ဖွဲ့ခန့် ရှိနေသည့် ကမ္ဘာပေါ်တွင် ပြည်တွင်းစစ် အရှည်ကြာဆုံး၊ အရှုပ်ထွေးဆုံး နိုင်ငံတစ်ခု ဖြစ်နေခြင်းက ဖွံ့ဖြိုးရေးလမ်းကြောင်းပေါ် ရောက်ရှိရန် ခက်ခဲစွာ ရုန်းကန်ရဖွယ်        ရှိသည်။

မြန်မာနိုင်ငံတွင် အစိုးရ အဆက်ဆက် ယခင်လူများ လုပ်ကိုင်ဆောင်ရွက်သမျှကို ကောင်းသည်ဖြစ်စေ၊ ဆိုးသည်ဖြစ်စေ နောက်လူများက အရေးတယူ မလုပ်ခြင်း၊ ဖျက်သိမ်းပစ်ခြင်း၊ လျစ်လျူရှုခြင်းတို့ကြောင့် နောက်မြီးမသိမ်းသော လုပ်ငန်း၊ စီမံကိန်း၊ စီမံချက်၊ ပြဿနာ များစွာ ရှိနေခြင်းသည် အာဏာရှင်စနစ်၏ ဆိုးမွေလော၊ ရန် ငါ စည်းခြားတတ်သည့် လက်ဝဲသူငယ်နာ မစင်ခြင်းလော ပြောရခက်လှသည်။

မြန်မာနိုင်ငံသည် လွှတ်တော် နိုင်ငံရေးဖြင့်သာ မြန်မာ့နိုင်ငံရေး ပြဿနာများကို ဖြေရှင်းနိုင်မည်ဟု နိုင်ငံရေး အင်အားစု အသီးသီးက သဘောပေါက်လာသောကြောင့် ယနေ့ လွှတ်တော်အရပ်ရပ်တွင် အမျိုးသားဒီမိုကရေစီအဖွဲ့ချုပ် (NLD) ပါတီက နေရာအများစု အနိုင်ရရှိကာ အစိုးရအဖွဲ့ကို ဦးဆောင်နေပြီဖြစ်သည်။

လွှတ်တော်နိုင်ငံရေး တစ်နည်းအားဖြင့် မျက်မှောက် မြန်မာ့နိုင်ငံရေးသည် ယခင် စစ်အာဏာရှင် စနစ်အောက်တွင် ဒီမိုကရေစီအရေး၊ လူ့အခွင့်အရေး လှုပ်ရှား၊ တောင်းဆို၊ တိုက်ပွဲဝင်သည့် ပုံစံမျိုးဖြင့် ချဉ်းကပ်၊ သုံးသပ်၍ မရတော့ဘဲ အတိုက်အခံ ပါတီများ၊ တိုင်းရင်းသားပါတီများ အပါအဝင် တပ်မတော် ကဲ့သို့ နိုင်ငံရေး အင်အားစုများနှင့် နိုင်ငံရေးအရ စည်းရုံးပူးပေါင်း ဆောင်ရွက်ရသည့် လက်တွေ့ နိုင်ငံရေးမျိုးဖြစ်သည်။

ဆိုလိုသည်မှာ ဥပဒေပြု လွှတ်တော်မည်သည် မတူခြားနားသော နိုင်ငံရေးပါတီများအကြား ပြည်ထောင်စု နိုင်ငံတော်တစ်ခုလုံး ကိုယ်စားပြု တူညီသော ပန်းတိုင်တစ်ခုအတွက် မတူခြားနားသော အသေးအဖွဲ ကိစ္စရပ်များကို ခေတ္တဘေးဖယ်ထားကာ တတ်နိုင်သမျှ အသိပေးညှိနှိုင်းခြင်း၊ လိမ္မာ ပါးနပ်စွာ စည်းရုံး ဆွဲဆောင်ခြင်း၊ အချို့ကိစ္စများတွင် သဘောမတူလင့်ကစား မကန့်ကွက်စေရန် မေတ္တာရပ်ခံနိုင်ခြင်း၊ တစ်ခါတစ်ရံ မိမိပါတီ၊ အဖွဲ့အစည်း အကျိုးထက် အမျိုးသား ပြန်လည် သင့်မြတ်ရေးကို ဦးစားပေးခြင်းကဲ့သို့ လူကြီးလူကောင်းဆန်ဆန် ထက်မြက်သော နိုင်ငံရေးမျိုးကို လက်တွေ့သင်ယူ၊ လေ့လာ လုပ်ကိုင်ကြရမည့် ကျောင်းတော်ကြီး ဖြစ်သည်။

အထူးသဖြင့် ပြည်ပနိုင်ငံကြီး အချို့၏ ဩဇာသက်ရောက်မှု ရှိမည်ဟု ယူဆဖွယ်ရာ ရှိသည့် လက်နက်ကိုင်အဖွဲ့အချို့ အချင်းချင်းအကြားနှင့် တပ်မတော်တို့အကြား တိုက်ပွဲများ ဆက်တိုက် ဖြစ်ပွားနေခြင်းမှာ ဆောင်ရွက်နေဆဲ ငြိမ်းချမ်းရေး တည်ဆောက်မှု လုပ်ငန်းများအပေါ် ထိခိုက်လာနိုင်သည့်အတွက် ယင်းကိစ္စအပေါ် အထက်ဆိုခဲ့ပါ လက်တွေ့ကျသော နိုင်ငံရေးမျိုးဖြင့် ချဉ်းကပ် ဖြေရှင်းကြစေလိုပေသည်။

ဒီမိုကရေစီလူ့ဘောင်ကို ဦးတည်သော အာဏာသုံးရပ် အပါအဝင် နိုင်ငံရေးပါတီများနှင့် တပ်မတော်တို့မည်သည် မည်သည့်အရေးကိစ္စကိုမဆို မိမိတို့ကိုယ်ကို၊ မိမိတို့ပါတီ၊ အဖွဲ့အစည်းကို ဗဟိုပြု စဉ်းစားခြင်းကို လျှော့ချကာ တိုင်းရင်းသား ပြည်သူတစ်ရပ်လုံးကို ဗဟိုပြုသော စဉ်းစားပုံမျိုးသို့ အလေးကဲ ပြောင်းလဲလိုက်ခြင်းဖြင့် ပြဿနာ အများစု ပြေလည်နိုင်ကြောင်း သိစေအပ်ပေသည်။

အယ်ဒီတာ (၁၁-၅-၂၀၁၇)

(လက်ရှိ ဖြစ်ပေါ်နေသော အခြေအနေနှင့် ကိုက်ညီနေသောကြောင့် (၅-၅-၂၀၁၆) နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့အာဘော်ကို အနည်းငယ် ပြင်ဆင်၍ ပြန်လည် ဖော်ပြခြင်း ဖြစ်ပါသည်။)

  • TAGS