News

POST TYPE

EDITORIAL

မီဒီယာကို အသုံးချတတ်ပါစေ (Daily, Vol-5/No-4)
05-Apr-2017 tagged as

 
ယနေ့ မြန်မာသတင်းမီဒီယာများတွင် ဖော်ပြ၊ ထုတ်လွှင့်၊ ရေးသားနေကြသည်များကို လူအများစုသည် အကြောင်းအရာအလိုက်၊ နယ်ပယ်အလိုက်၊ အတတ်ပညာအလိုက် ခွဲခြားသိမြင်နိုင်ခြင်း မရှိဘဲ စိတ်ခံစားချက်ဖြင့် အကဲဖြတ်နေကြပြီး အနည်းငယ်သော လူတို့ကသာ သဘာဝကျကျ ရှုမြင်သုံးသပ်နိုင်ကြသည်။

ထိုသို့ အများစုက ခွဲခြားသိမြင်နိုင်မှု မရှိခြင်းမှာ အာဏာရှင်စနစ် သက်တမ်း ကြာခဲ့သည့်အတွက် ဝါဒဖြန့်မီဒီယာများဖြင့်သာ ယဉ်ပါးလာခဲ့ခြင်း၊ အာဏာရှင်စနစ်ကြောင့် ဖိနှိပ်ခံခဲ့ရသူအပေါ် ကရုဏာစိတ်၊ ချစ်ခင်စိတ်ဖြင့် အရာရာ ခွင့်လွှတ်နားလည်ပေးကာ ဖိနှိပ်ခဲ့သူများအပေါ် နာကြည်း၊ မုန်းတီးစိတ် ဖြင့် အရာရာ သဘောမတူ ဆန့်ကျင်ခြင်း၊ အုပ်စုစွဲ၊ ဘက်အမြင်တို့ဖြင့် ဘောင်ခတ်ကြည့်ခြင်း ကဲ့သို့ အကြောင်းအရင်းများကြောင့် ဖြစ်သည်။

ဆိုလိုသည်မှာ မြန်မာနိုင်ငံတွင် ကျင့်သုံးခဲ့သော ခေတ်၊ စနစ်တို့က မြန်မာပြည်သူ အများစုကို ဘောင်ခတ်ထားသည့် အဝန်းအဝိုင်း သို့မဟုတ် ပုံစံခွက်၊ ဥခွံအတွင်းသို့ အတင်းအကျပ် ရိုက်ထည့်ထားသည့် အသွင်မျိုး ဖြစ်နေခဲ့ခြင်းကြောင့် နှစ်ကြာလာသည်နှင့်အမျှ ထိုဘောင်များ၊ ပုံစံခွက်များ၊ ဥခွံများကို ကျော်၍၊ ဖောက်ထွက်၍ မြင်နိုင်၊ ကြည့်နိုင်သူ နည်းလာခြင်းကို ဆိုလိုသည်။

ထို့ကြောင့် မိမိတို့ ဟဒယနှင့် ထိသော၊ မိမိတို့အကြိုက်နှင့် ကိုက်ညီသော အကြောင်းအရာများ ဖော်ပြ၊ ထုတ်လွှင့်ပါက သဘောကျ၊ လက်ခံ၊ အားပေး၊ ချီးကျူးတတ်ကြပြီး မိမိတို့အမြင်၊ သဘောထားနှင့် ကွဲလွဲသော အကြောင်းအရာများ သို့မဟုတ် မိမိတို့ ပါဝင်နေသောအုပ်စုနှင့် မတူခြားနားသော အကြောင်းအရာများ ဆိုလျှင်မူ သဘောမတူ၊ ဆန့်ကျင်၊ ကန့်ကွက်၊ ရှုတ်ချတတ်ကြခြင်းဖြစ်သည်။

ပုံမှန်အားဖြင့် ယင်းအချက်သည် လူ့သဘာဝဟု ဆိုနိုင်သော်လည်း ထိုအခြေအနေထက် ကျော်လွန်ကာ အလွန်အကျွံ အားပေး၊ ထောက်ခံ၊ ချီးပခြင်း၊ လွန်လွန်ကျူးကျူး ဆန့်ကျင်၊ ကန့်ကွက်၊ ရှုတ်ချခြင်းများ ရှိလာလျှင်မူ အပြုခံများရော၊ ပြုသူများရော၊ သက်ဆိုင်ရာ လူ့အဖွဲ့အစည်းအတွက်ပါ အန္တရာယ် ရှိလာတတ်သည်။

များသောအားဖြင့် ပွင့်လင်း လူ့အဖွဲ့အစည်းတို့တွင် Media Literacy ခေါ် မီဒီယာအပေါ် သိမြင်နားလည်နိုင်မှု ရှိစေရန် အသက်အရွယ်အလိုက် သိသင့် သိထိုက်သော မီဒီယာ၏ အခြေခံသဘော၊ သဘာဝများ၊ မီဒီယာ အမျိုးအစားများကို သင်ကြား၊ ထိတွေ့ပေးလေ့ ရှိခြင်းကြောင့် ဝါဒဖြန့်မီဒီယာ၊ လှုံ့ဆော်မီဒီယာ၊ ပရော်ဖက်ရှင်နယ် မီဒီယာများကို အခြေခံအားဖြင့် နားလည်ထားကြသည်။

မြန်မာနိုင်ငံတွင်မူ ယေဘုယျအားဖြင့် အသက် ခြောက်ဆယ်အထက် မျိုးဆက်သည် လက်ဝဲဝါဒကို ယုံကြည် သက်ဝင်ခြင်း၊ အသက်ခြောက်ဆယ်အောက် မျိုးဆက်များသည် ဝါဒဖြန့် မီဒီယာများဖြင့်သာ အထိအတွေ့များ လာခဲ့ခြင်းတို့ကြာင့် သတင်းအတတ်ပညာ၊ သတင်းကျင့်ဝတ်တို့နှင့်အညီ စတုတ္ထမဏ္ဍိုင် တာဝန်ကို ထမ်းဆောင်သည့် ပရော်ဖက်ရှင်နယ် မီဒီယာ အမျိုးအစားနှင့် ယဉ်ပါးခဲ့ခြင်း မရှိပေ။

ထို့ကြောင့် အာဏာ နိုင်ငံရေး နယ်ပယ်တွင် တွေ့ရသည်မှာ အတိုက်အခံ အဖြစ်ရှိနေခဲ့စဉ်က မီဒီယာများကို ရှုမြင်၊ ဆက်ဆံ၊ အသုံးချပုံနှင့် အစိုးရ ဖြစ်သွားသည့်အခါ မီဒီယာများအပေါ် သဘောထား ဆန့်ကျင်ဘက်နီးနီး ပြောင်းသွားခြင်းဖြစ်သည်။ အချို့မှာမူ အတိုက်အခံဘဝမှ အစိုးရ ဖြစ်သွားချိန်တွင် ပြည်သူလူထုအပေါ် ရှုမြင်ပုံသည်ပင်လျှင် ပြောင်းသွားတတ်သည်။

ထို့ကြောင့် ယနေ့ ဒီမိုကရေစီအရေး လှုပ်ရှားတိုက်ပွဲဝင်ခဲ့သူများကို သို့မဟုတ် အစိုးရအပေါ် အတိုက်အခံပြုသူများကို ဖမ်းဆီး၊ အရေးယူရန် ပြဋ္ဌာန်းထားခဲ့ခြင်းဟု ယူဆဖွယ်ရာ ဆက်သွယ်ရေး ဥပဒေပါ ၆၆(ဃ) ကဲ့သို့ ပုဒ်မဆိုးမျိုးကို ယခင်အတိုင်း ဆက်လက် ကျင့်သုံးနေပြီး ပြင်ဆင်၊ ပြောင်းလဲ၊ ဖြုတ်ပယ်ရန် သောသောညံ တောင်းဆိုနေကြခြင်းကို လျစ်လျူရှုထားခြင်း ဖြစ်သည်။

သတင်းမီဒီယာများက နယ်ပယ် အသီးသီးကို တင်ကြိုလေ့လာ သုံးသပ်ကာ အာဏာရပါတီ အကျိုး၊ ပြည်သူလူထုနှင့် နိုင်ငံတော် အကျိုးအလို့ငှာ ကြိုတင် သတိပေး၊ ဝေဖန်၊ ထောက်ပြ၊ အကြံပြုခဲ့သည်များကို အလေးမထားဘဲ တစ်နည်းအားဖြင့် မီဒီယာကို အသုံးမချတတ်ဘဲ မယဉ်မကျေး မှတ်ချက်များ၊ ငါတကောကော တုံ့ပြန်မှုများ၊ ကျိုးကြောင်းဆင်ခြင်ဉာဏ် နည်းသော အကြောင်းပြချက်များဖြင့်သာ ရှေ့လာမည့် သက်တမ်း လေးနှစ်ကို ဆက်လက် စခန်း သွားနေပါက ပြည်သူလူထု အများစုက ဒီမိုကရေစီစနစ်နှင့် ဒီမိုကရေစီအစိုးရအပေါ် သံသယဝင် စိတ်ပျက်လာနိုင်သော အန္တရာယ်ကြီးစွာ ရှိလာနိုင်ကြောင်း သတိပေး ထောက်ပြလိုရင်း ဖြစ်သည်။

အယ်ဒီတာ (၄-၄-၂၀၁၇)

  • TAGS