News

POST TYPE

EDITORIAL

စက်သုံးဆီဆိုင်နှင့် အရောင်းစင်တာ လုပ်ငန်းများ ပြည်ပ ရင်းနှီးမြှုပ်နှံသူများ ခွင့်ပြုမည့် အစီအစဉ်ကို ကြိုဆို (Daily, Vol-4/No-294)
19-Mar-2017 tagged as

မြန်မာနိုင်ငံတွင် စက်သုံးဆီ အရောင်းဆိုင်များနှင့် ဈေးဝယ်စင်တာများကို ပြည်ပ ရင်းနှီးမြှုပ်နှံသူများကို လုပ်ကိုင်ခွင့် ပေးမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ပြောဆိုလိုက်ခြင်းကို အထူးပင် ကြိုဆိုအပ်ပေသည်။

အာဏာရှင် အစိုးရနှင့် အလွန်းသင့်သူ ခရိုနီ လုပ်ငန်းရှင်များသာ လုပ်ငန်းကြီးများစွာကို လက်ဝါးကြီး အုပ်လုပ်ပိုင်ခွင့် ရယူထားခဲ့သောကြောင့် ဈေးနှုန်း၊ ကုန်ပစ္စည်း အရည်အသွေးနှင့် ဝန်ဆောင်မှုအပိုင်းတွင် ရောင်းသူ အလိုကျ စိတ်ကြိုက် ခြယ်လှယ်နေသော ဈေးကွက်ဖြစ်နေခဲ့သည်မှာ နှစ်ပေါင်းများစွာ ကြာမြင့်ခဲ့ပြီဖြစ်သည်။

ရန်ကုန်မြို့တော်တွင် အခြေစိုက်ထားပြီး ဝန်ဆောင်မှု ကောင်းသည်ဟု နာမည်ကျော်ကြားနေသော ဆူပါမားကက်ကြီး တစ်ခုပင်လျှင် စင်ကာပူကဲ့သို့ နိုင်ငံမျိုးမှ မတန်တဆ ဈေးလျှော့ရောင်းမည့် သို့မဟုတ် ဖျက်ဆီးပစ်တော့မည့် သက်တမ်းကုန်ခါနီး စားသောက်ကုန်များကို မူလဈေးနှုန်းနီးပါးဖြင့် တင်ရောင်းနေဆဲ ဖြစ်နေပေသည်။

ထို့အပြင် လူတစ်စုလက်အတွင်းသာ ရှိနေသာ စက်သုံးဆီ အမြောက်အမြား တင်သွင်း၊ သိုလှောင်၊ ရောင်းချခွင့် ပေးထားသောကြောင့် အရည်အသွေးနိမ့်ဆီများ၊ အရောအနှောဆီများ၊ အခြင်အတွယ် မပြည့်မီသောဆီများကို နိုင်ငံတကာ ဝင်ငွေထက် နိမ့်ပါးသော မြန်မာပြည်သူများက ယနေ့အချိန်အထိ နိုင်ငံတကာ ပေါက်ဈေးထက် အမြဲလိုလို ပိုပေးဝယ်ယူနေရပေသည်။

မူလကပင် နိုင်ငံတကာ ရေနံကုမ္ပဏီကြီးများကို လုပ်ပိုင်ခွင့် ပေးလိုက်ပါက နိုင်ငံတော် အတွက်လည်း အခွန်ငွေ မှန်ကန်စွာ တစ်လုံးတစ်ခဲတည်း ရရှိနိုင်သည့်အပြင် သုံးစွဲသူ ပြည်သူလူထုလည်း ဈေးနှုန်းမှန်၊ အရည်အသွေးမှန် ဝယ်ယူ ရရှိနိုင်ပါလျက်နှင့် လက်တစ်ဆုပ်စာ လူတစ်စုကိုသာ အခွင့်အရေးပေးကာ ဆီဆိုင် ဖွင့်လှစ်ခွင့်အတွက် ထောက်ခံ၊ အာမခံ၊ ခွင့်ပြုမိန့်ပေးရသော ဌာနဆိုင်ရာ အသီးသီးကို အကျင့်ပျက်ခြစားမှု ခိုင်မာစေရန် အားပေးအားမြှောက်ပြုသကဲ့သို့ ဖြစ်ခဲ့သည်။

နိုင်ငံတော်အတွင်းရှိ အများပြည်သူနှင့်ဆိုင်သော ဝန်ဆောင်မှုများ၊ စီးပွားရေးလုပ်ငန်းများကို စီမံခန့်ခွဲရာတွင် ပြည်သူကို ဗဟိုပြု၍ နှစ်ဖက် မျှတစွာ ရေးဆွဲပြဋ္ဌာန်းထားသော စည်းမျဉ်း၊ စည်းကမ်းများ၊ ဥပဒေ၊ လုပ်ထုံး၊ လုပ်နည်းများ ရှိနေပါက ယနေ့ ရက်လွန်ခါနီး စားသောက်ကုန်များ ရောင်းချခြင်း၊ လောင်စာဆီ အရည်အသွေးနိမ့်၊ အရောအနှော၊ အခြင်အတွယ်မမှန်၊ ဈေးမြှင့် ရောင်းချနေခြင်းကဲ့သို့ ပြဿနာများ ပေါ်လာစရာ အကြောင်းမရှိပေ။

အုပ်ချုပ်ရေး ယန္တရားအတွင်းမှ သက်ဆိုင်ရာ ဌာနအသီးသီးကို လုပ်ငန်းတစ်ခု စတင်ရန်၊ လည်ပတ်ရန်အတွက် ပုံမှန် မဟုတ်သည့် အခကြေးငွေများ၊ လာဘ်ပေးမှုများ ရှိနေပါက အကျိုးအမြတ် မျှော်ကိုးသည့် အခြေခံသဘာဝရှိသူ လုပ်ငန်းရှင်များက ၎င်းတို့ ကုန်ကျထားသည့် စရိတ်စကများကို ၎င်းတို့ ရောင်းချသော ကုန်ပစ္စည်းမှတစ်ဆင့် ကာမိ၊ ထေမိစေရန် ပြန်ရှာကြမည်ဖြစ်သည်။

အာဏာရှင်စနစ်တွင် အကျင့်ပျက်ခြစားမှု၊ လာဘ်ပေး၊ လာဘ်ယူမှုနှင့် ဈေးကွက် လက်ဝါးကြီးအုပ်မှုတို့မှာ အပြန်အလှန် ချိတ်ဆက် တွဲဖက်နေသော ပကတိ အရှိတရားများ ဖြစ်သည့်အတွက် ယင်းချိတ်ဆက်မှုကို ချေဖျက်ရန်မှာ ဥပဒေ၊ စည်းကမ်းများနှင့် ယင်းဥပဒေ စည်းကမ်းများအတိုင်း ကျောသား၊ ရင်သား မခွဲခြားဘဲ ကိုင်တွယ်၊ ကြီးကြပ်၊ ထိန်းမတ်ပေးရမည့် အုပ်ချုပ်ရေး ယန္တရား ဖြစ်သည်။

ထို့အပြင် သက်ဆိုင်ရာ နယ်ပယ်၊ လုပ်ငန်းအလိုက် ရှိနေသော အသင်းအဖွဲ့များအနေနှင့် မိမိကိုယ်ကိုနှင့် မိမိ အဝန်းအဝိုင်းကို ကာကွယ်ရန်၊ မှန်ကြောင်း သက်သေပြရန် ကြိုးစားနေခြင်းထက် ရောင်းသူ၊ ဝယ်သူ မည်သူမျှ မနစ်နာစေရ နှစ်ဖက် အချိုးညီ၊ ဟန်ချက်ညီ ဝေပုံကျ မျှတသော ဈေးနှုန်းဖြစ်စေရန် ထိန်းညှိ၊ ကြီးကြပ်ပေးရမည့် တာဝန် ပိုရှိပေသည်။ 

ထို့ကြောင့် ဝန်ကြီး ဦးကျော်ဝင်း၏ ပြောဆိုချက်သည် လွတ်လပ်စွာ ပြိုင်ဆိုင်ခွင့်ကို အားပေး၊ မြေတောင်မြှောက်၊ ဖန်တီးပေးသော ရေခံမြေခံများအနက် တစ်ခုဖြစ်ပြီး အကောင်အထည် ဖော်သည့်အခါတွင် ပြည်တွင်းလုပ်ငန်းရှင်များနှင့် ပြည်ပ ရင်းနှီးမြှုပ်နှံသူများအကြား မျှတသော ပြိုင်ဆိုင်မှုဖြစ်စေရန် လက်တွေ့ စီမံခန့်ခွဲနိုင်ပါက လက်ခုပ်တီး အားပေးရမည့် မူဝါဒရေးရာ အပြောင်းအလဲဟု ညွှန်းဆိုရမည်ဖြစ်သည်။

အယ်ဒီတာ (၁၉-၃-၂၀၁၇)

  • TAGS